Քաղաքական լրահոս

[Mephistopheles]

Այ հենց սենց…

Նոբելյան մրցանակ Սարգսյանին և Գյուլի՞ն
17:31 • 05.09.09




«Հայաստանի Եվրոպական ընկերներ» հետազոտական խմբի նախագահ Մայքլ Քեմբեկը Bloomberg գործակալության հետ հեռախոսազրույցի ընթացքում անդրադարձել է հայ-թուրքական հարաբերություններին։

Մասնավորապես, ինչպես հայտնել է Քամբեկը, «եթե Հայաստանի և Թուրքիայի առաջնորդներին հաջողվի բարելավել հարաբերությունները, ապա նրանք պետք է պարգևատրվեն Նոբելյան խաղաղության մրցանակով»։

«Միակ խնդիրը, որ ինձ անհանգստացնում է, այն է, որ հայ-թուրքական հարաբերությունների զարգացման հարցը կարող է լճանալ երկու երկրների խորհրդարաններում։ Ես կարծում եմ, որ Երևանում երկկողմանի հարաբերությունների առաջխաղացումը կարժանանա մեծամասնության աջակցությանը, սակայն ես որոշ մտահոգություններ ունեմ Թուրքիայի հարցում»,- ընդգծել է Քամբեկը։

Tert.am

[Chuk]

Չուկ, աչքիս դու թերագնահատում ես Պայքարի ուժը:

Էս Սուքիսայանի վրա ազդեց ԵԽԽՎ որոշումը, էն խեղճ Նիկլոի վրա չի ազդում: Տենաս ով ա ավելի վտանգավոր իշխանությունների համար, լիքը փողով Սուքիասյանը, թե բարձր գոռացող Նիկոլը, որը ընդհատակում, բանտում, թե ազատության մեջ, ինչ-որ պիտի գրեր ու ասեր, գրում ու ասում է:

Ապեր, ես հիասթափված չեմ: Ես զզված եմ խաբված լինելուց:

Սպասիր, ձյաձ:
Ոնց չեմ սիրում, որ խոսքերս սխալ են մեկնաբանում:

Ուրեմն ես չեմ ասել, որ Սուքիասյանին ԵԽԽՎ որոշման պատճառով են ազատել, էդ Սուքիասյանն ա ասել, ես ընդամենը գտնում եմ, որ դա լրացուցիչ օգնում է: Իսկ հիմնական պատճառը համարում եմ ԱԺ-ի հետ կապված քաշքշուկը:

Ինչ վերաբերվում ա մյուս քաղբանտարկյալներին, ապա ես չէի կարող շարժման ուժը թերագնահատել, ես պարզապես հստակ ասել եմ, առանց ԵԽԽՎ-ի չէր լինի, ու էդպես եմ համարում, որ ԵԽԽՎ-ն զգալի դեր ուներ: Նույն կերպ առանց շարժման չէր լինի, առավել ևս որ ԵԽԽՎ-ի ուզած որոշումը պայմանավորված էր շարժման ակտիվությամբ: Այսինքն առանց շարժման ԵԽԽՎ-ի որոշումները չէին լինի, առանց էդ որոշումների ու շարժման ակտիվության քաղբանտարկյալների ազատ արձակումը չէր լինի:

[Jarre]

Ես սկզունքորեն գրառումներ չեմ կատարել այս բաժնում։ Սա առաջինն է և պատճառը այն է, որ ցանկանում եմ տեղադրել հետաքրքիր տեղեկություն։ Ի դեպ, հոդվածը թարգմանել է հայրս։ Նա նույնպես քաղաքականապես չեզոք է, պարզապես միշտ ընթերցում է ֆրանսիական մամուլը։

Եթե սխալ տեղ եմ տեղադրել, ապա ներողություն։ Նայելով ամսաթվին, այնքան էլ թեժ լուր չէ։

ՀԵՌՈՒՍՏԱՏԵՍԱՅԻՆ ՎԻՃԱԲԱՆՈՒԹՅՈՒՆ ԹՈՒՐՔԱԿԱՆ ԵԹԵՐՈՒՄ

ԺԱՆ ԷՍՔԻՅԱՆ, Փարիզի «Նուվել դ՚ Արմենի» ամսագրի N 154-ից թարգմանեց ԳԱԳԻԿ ԽԱՉԱՏՐՅԱՆԸ

Մայիսի 10-ին «Հաբերթուրք» հեռուստաալիքով Մուրատ Բարդակչին ներկայացրեց «Պատմության վարագույրները» հաղորդաշարը, որտեղ խոսվելու էր նաեւ հայ-թուրքական հարաբերությունների մասին: Պելին Բատունՙ թուրք հռչակավոր դերասանուհին, անկեղծորեն եւ շիտակությամբ հայտարարեց, որ 1915-ի դեպքերը ոչ այլ ինչ են, եթե ոչ ուղղակի ցեղասպանություն: Երիտասարդ կինը, ատելով կեղծավորությունը եւ երեսպաշտությունը, զարմացրեց իր շրջապատին` անընդհատ կրկնելով այդ հայտարարությունը: Նա դիմում էր բոլորին եւ հատկապես իր հորը` Պենիլ Ինալին, որը Թուրքիայի նախկին դեսպանն էր Իտալիայում: Մի մարդՙ այժմ թոշակառու, որը աշխատելով 40 տարի արտաքին գործերի նախարարությունում, միշտ խարազանում էր Ֆրանսիայինՙ Հայաստանի իրավունքների եւ պահանջների պաշտպանության հարցում:

Երիտասարդ կնոջ անսպասելիորեն արտասանած բառերը բողոքի ալիք բարձրացրին հաղորդաշարի կազմակերպիչների, ներկաների եւ հեռուստադիտողների շարքերում, որոնք տարբեր մեղադրանքներ ներկայացրին նրան, միաժամանակ այն, որ նրա վզի զարդեղենը հիշեցնում էր նռան հատիկներ, միրգ, որը խորհրդանշում է Հայաստանը: Երիտասարդ արտիստուհին վրդովված հայտարարեց, որ այդ վզնոցը նա գնել է Հայաստանում, նուռը իր նախընտրած միրգն է: «Դուք աղմուկ եք բարձրացնում մի նռան համար, երբ եղբայրության եւ բարեկամության գործողություններ են ծավալվում երկու ազգերի միջեւ: Ամոթ բոլորիդ»: Մուրատ Բարդակչին` հաղորդաշարի կազմակերպիչը եւ Թալեաթ փաշայի «Սեւ գիրքը» գրքի հրատարակիչը, նրան նեղ դրության մեջ դնելու համար հիշատակեց ԱՍԱԼԱ-ի (Հայկական ազատագրական գաղտնի բանակ) կատարած գործողությունները:

«Այդ ժամանակաշրջանում իմ հայրը դիվանագետ էր, ես շատ փոքր էի եւ վախենում էի, որ կկորցնեմ նրան: Նրա լավագույն ընկերը սպանվել էր, ես դպրոց էի հաճախում զրահապատ մեքենայով, բայց ամեն դեպքում դա չի նշանակում, որ ես պետք է ատելությամբ լցվեմ հայերի նկատմամբ», եզրափակեց նա:

[Բիձա]

tert.am

http://www.youtube.com/watch?v=8J3eBWuhRVU

Ազդեցիկ կադրեր էին, մանավանդ դեմքեր:

[murmushka]

Հանկարծամահ է եղել Գրիշա Սարկիսյանը
12:30 | Այսօր | ՔԱՂԱՔԱԿԱՆՈՒԹՅՈՒՆ

Սրտամկանի կաթվածից այս գիշեր մահացել է գեներալ-մայոր Գրիշա Սարկիսյանը: Ռոբերտ Քոչարյանի իշխանավարության տարիներին եղել է Պետական պահպանության ծառայության պետը, Քոչարյանի թիկնազորի ղեկավարը, եւ նրա ամենավստահելի մարդկանցից մեկը:

Գրիշա Սարկիսյանը մահացել է իր բնակարանում: Գիշերվա ընթացքում շտապօգնության մի քանի բրիգադ է ժամանել Սարկիսյանի բնակարան, սակայն չի հաջողվել փրկել նրա կլյանքը:

Գրիշա Սարկիսյանը 53 տարեկան էր:

[Rammer]

ՐԱՖՖԻ ՀՈՎՀԱՆՆԻՍՅԱՆԸ ՎԱՅՐ Է ԴՐԵԼ ՄԱՆԴԱՏԸ

Լավատեղյակ աղբյուրների տեղեկացմամբ, այսօր իր մանդատը վայր է դրալ Րաֆֆի Հովհաննիսյանը: Պատճառն, ըստ նույն աղբյուրների, հայ-թուրքական հարաբերություններում տեղի ունեցող զարգացումներն են:

Լրագիր

[Վիշապ]

Խաչատուր Սուքիասյանը վայր դրեց մանդատը

Այսօր ՀՀ ԱԺ պատգամավոր Խաչատուր Սուքիասյանը հայտարարություն է տարածել, որում խոսում է իր պատգամավորական մանդատը վայր դնելու մասին։ Հայտարարության մեջ ասված է.

«ՀՀ Ազգային ժողովի պատգամավորների անսկզբունքային դիրքորոշման և անհասկանալի քվեարկության հետևանքով իմ և իմ ԱԺ պատգամավոր գործընկերների հետ կատարվածը հիմք է տալիս ինձ գալու այն եզրահանգմանը, որ ես այս խորհրդարանում այլևս անելիք չունեմ և ինձ չեմ պատկերացնում ՀՀ ԱԺ պատգամավորի կարգավիճակում, հետևաբար վայր եմ դնում իմ պատգանավորական մանդատը։ Վստահ եմ, որ իմ ընտրողները կողջունեն իմ այս քայլը»։

Tert.am

Նման է, որ սպասում են Սերժը մի ակնհայտ խոցելի վրիպում էլ թույլ տա, ու խրեն չորս կողմից, Սուքիասյանի մասին չեմ ասում՝ ընդհանուր մթնոլորտի։ Դաշնակները տատանվում են…

[Տրիբուն]

Նման է, որ սպասում են Սերժը մի ակնհայտ խոցելի վրիպում էլ թույլ տա, ու խրեն չորս կողմից, Սուքիասյանի մասին չեմ ասում՝ ընդհանուր մթնոլորտի։ Դաշնակները տատանվում են…

Չէէէ ապեր, քանի որ եթե մի երեսուն հոգի էլ վայր դնեն մանդատները, ուղիղ հարյուր հոգի թքած ունի, թե քանի սխալ կանի Սերժը, մենքկ թե ինքը մնա դեպուտատ ու լափին մոտիկ…

Օրինակը դաշնակների կոլիցիայից դուրս գալուց հետո առաջացած աժիոտաժը - մի ամիս սաղ ասեցին, որ հեսա կոալիցիան կքանդվի, ոբցյ ոչնչ էլ տեղի չունեցավ: Էլ չասեմ, ՕԵԿ, ԲՀԿ, Դաշնակներին Երևանի ընտրությունների ժամանակ կոպիտ քցելը: Էլի բան տեղի չունեցավ:

Այնպես որ, ես ոչ մի սպասելիք չունեմ, որ փաշի դիրքերը որևէ բան կարող է թուլացնել ... բացի պերեդոզան:

[Վիշապ]

Չէէէ ապեր, քանի որ եթե մի երեսուն հոգի էլ վայր դնեն մանդատները, ուղիղ հարյուր հոգի թքած ունի, թե քանի սխալ կանի Սերժը, մենքկ թե ինքը մնա դեպուտատ ու լափին մոտիկ…

Օրինակը դաշնակների կոլիցիայից դուրս գալուց հետո առաջացած աժիոտաժը - մի ամիս սաղ ասեցին, որ հեսա կոալիցիան կքանդվի, ոբցյ ոչնչ էլ տեղի չունեցավ: Էլ չասեմ, ՕԵԿ, ԲՀԿ, Դաշնակներին Երևանի ընտրությունների ժամանակ կոպիտ քցելը: Էլի բան տեղի չունեցավ:

Այնպես որ, ես ոչ մի սպասելիք չունեմ, որ փաշի դիրքերը որևէ բան կարող է թուլացնել ... բացի պերեդոզան:

Իմիջայլոց, պերեդոզայի հավանականությունը էդքան էլ չնչին չի, մսից և արյունից բաղկացած մահկանացու նախագահը կարող է և ընկճԸվել ներքին անհամաձայնության պոռթկումներից։ Ի վերջո մարդը պատմական իրադարձությունների կիզակետում է հայտվել իր իսկ ձեռքով, նյարդեր են պետք դիմանալու համար, այնպես որ ես սկզբունքորեն 10000 դրամ դնում եմ պերեդոզայիկ վերջաբանի վրա

[Արիացի]

Այ հենց սենց…

Նույն նորությունը news.am-ում (ուշադրություն դարձրեք վերջին պարբերությանը )

Հայ-թուրքական հարաբերությունների կարգավորումից եւ պայմանագրի ստորագրումից հետո Հայաստանի եւ Թուրքիայի նախագահներ Սերժ Սարգսյանին եւ Աբդուլա Գյուլին պետք է ներկայացնել Նոբելյան մրցանակի: Այդ մասին Bloomberg գործակալությանը տված հարցազրույցում հայտարարել է «Հայաստանի եվրոպական ընկերներ» հետազոտական խմբի նախագահ Մայքլ Քեմբեկը:

Քեմբեկը միաժամանակ նշել է, որ իրեն անհանգստացնում է, որ հայ-թուրքական հարաբերությունների զարգացման հարցը կարող է լճանալ երկու երկրների խորհրդարաններում։ «Կարծում եմ, որ Երեւանում երկկողմանի հարաբերությունների առաջխաղացումը կարժանանա մեծամասնության աջակցությանը, սակայն ես որոշ մտահոգություններ ունեմ Թուրքիայի հարցում»,- նշել է Քեմբեկը։

Հակամարտությունների լուծման համար 1994թ. Նոբելյան մրցանակի էր արժանացել նաեւ Իսրայելի վարչապետ Իցհակ Ռաբինը՝ իսրայելա-պաղեստինյան հակամարտության կարգավորման գործում ներդրած ավանդի համար, սակայն մեկ տարի անց նա գնդակահարվեց հրեայի ձեռքով:

[Kuk]

Ճիշտ ա՞ որ ակադեմիկոս վարդանիկը ուզում ա գնա գրիշի հետևից

[murmushka]

հմմ, չգիտեմ չգիտեմ
ասում են աշուն է գալու, թեժ է լինելու

«Ժառանգությունն' իր շարքերում հայտնաբերել է 'գործակալներ'
10:44 | Այսօր | ՔԱՂԱՔԱԿԱՆՈՒԹՅՈՒՆ

«Ժառանգություն' կուսակցության վարչության նիստը երեկ ավարտվել է կեսգիշերին եւ կուսակցության շարքերի նոսրացմամբ: «Ժառանգությունիցե հեռացվել են ԿԸՀ-ում «Ժառանգությանե ներկայացուցիչ Զոյա Թադեւոսյանը, Վարդան Խաչատրյանը եւ Մովսես Արիստակեսյանը:

Տիկին Թադեւոսյանին հեռացումը պատճառաբանվել է, թե նա ՀԱԿ-ի գործակալ է։ Տիկին Թաեւոսյանը երեկ հայտնել, որ շարունակելու է ԿԸՀ-ում մնալ «Ժառանգության» ներկայացուցիչը:

Զոյա Թադեւոսյանին կուսակցությունից վտարելու օգտին քվեարկել են ԱԺ պատգամավորներ Արմեն Մարտիրոսյանը, Ստեփան Սաֆարյանը, Լարիսա Ալավերդյանը, Անահիտ Բախշյանը եւ «Ժառանգության» մամուլի խոսնակ Հովսեփ Խուրշուդյանը։ Այսօր կեսօրին կուսակցության ակտիվը պատրաստվում է այցելել «Ժառանգության» գրասենյակ եւ պարզաբանումներ պահանջել Թադեւոսյանի հեռացման վերաբերյալ։

Վարդան Խաչատրյանը «Ա1+ին» հայտնեց, որ իր հեռացման պատճառների մասին դեռ տեղյակ չէ: Պարոն Խաչատրյանը պարզաբանումներ կտա, երբ կծանոթանա վարչության որոշմանը:

Երեկվա նիստում «Ժառանգության» վարչության նախագահի պաշտոնից հրաժարական է տվել Անահիտ Բախշյանը եւ նրա փոխարեն կուսակցության վարչության նախագահ է ընտրվել Արմեն Մարտիրոսյանը:

Հետաքրքիրն այն է, որ «Ժառանգության» վճռորոշ գիշերային նիստին կուսակցության հիմնադիր նախագահ Րաֆֆի Հովհաննիսյանը չի մասնակցել: Պարոն Հովհաննիսյանի օգնականը քիչ առաջ «Ա1+ին» հայտնեց, որ պարոն Հովհաննիսյանը Երեւանում է:

[Chuk]

Այսօր առավոտից «Ժառանգություն» կուսակցության գրասենյակի առջև տեղի է ունենում բողոքի ակցիա՝ ընդդեմ կուսակցությունը կառավարող ներկայիս վարչության։ Կուսակցության գիշերվա նիստից հետո այսօր կրքերն ավելի են շիկացել ու կուսակցությունից հեռացված երեք անդամների՝ Վարդան Խաչատրյանի, Մովսես Արիստակեսյանի և Զոյա Թադևոսյանի հետ մեկտեղ, այժմ գրասենյակի առջև բողոքում են նաև կուսակցության շարքային անդամները։

Այս մասին Тert.am–ին տեղեկացրել է կուսակցությունից հեռացված Զոյա Թադևոսյանն ու մեկնաբանել, որ կուսակցության շարքային անդամները պահանջում են կուսակցության վարչության հրաժարականն այն պատճառով, որ այն լեգիտիմ չէ, իսկ երեկվա նրա կատարած հեռացումները կեղծ են՝ արված կուսակցության կանոնադրության խախտմամբ։

Ըստ նրա՝ կուսակցության աղմուկի հետևում կանգնած են կուսակցության մամուլի խոսնակ Հովսեփ Խուրշուդյանը, կուսակցության խորհրդարանական խմբակցության ղեկավար Արմեն Մարտիրոսյանը և Ստեփան Սաֆարյանը։ Զոյա Թադևոսյանի խոսքով՝ Արմեն Մարտիրոսյանը ցանկանում է գրավել կուսակցական իշխանությունը՝ ցույց տալու համար, որ այն ծառայում է կլանային համակարգի։ Ինչ վերաբերում է կուսակցության վարչության նախագահ Անահիտ Բախշյանին, ապա, ըստ Թադևոսյանի, նա պահպանում է բարոյական կերպարը և, հնարավոր է, հրաժական տա։ Չնայած, արդեն կան տեղեկություններ, որ Բախշյանը հրաժարական է տվել դեռ երեկ։

Մենք կապվեցինք նաև Անահիտ Բախշյանի հետ, որը խոստացավ մեկնաբանություններ տալ 2 ժամից։ Ինչ վերաբերում է բողոքի ակցիայի մասնակիցներին, ապա նրանք պատրաստելու են փաստաթուղթ, որն էլ դնելու են շրջանառության մեջ։

Ի դեպ, կուսակցության առաջնորդ Րաֆֆի Հովհաննիսյանը նիստին չի մասնակցել։

Աղբյուր՝ tert.am

[Վիշապ]

Կամ ինչ–որ սարքոցի է գնում, կամ էլ մենք աշխարհից բեխաբար ենք։
Ադրբեջանական «Ազերի պրես գործակալությունը»[/URL] («Агентство Азери-Пресс (АПА)») գրել է՝

Հայաստանի Զինված ուժերը այսօր ժամը 9.23 հարձակման են անցել Աղդամի շրջանի ուղղությամբ: Հայ եւ ադրբեջանցի զինվորների միջեւ սկսվել է ակտիվ փոխհրաձգություն: Գրոհը ետ է մղվել, 5 հայ զինվոր սպանվել է, երեքը վիրավորվել

Նույն կայքը գրում է, որ պաշտոնական Թուրքիան հայտնել է իր անհանգստությունը՝ թե բա մենք փորձում ենք խաղաղություն ու կայունություն, իսկ ստեղ ստենց բան է լինում.

Баку – АПА. Министерство иностранных дел Турции выразило отношение к факту нарушения армянами режима прекращения огня в агдамском направлении линии соприкосновения и гибели в связи с этим пятерых армянских солдат.

Как передает АПА со ссылкой на «Анадолу», представитель МИД Бурак Озюгергин отметил, что если эта информация подтвердится, это вызовет серьезную обеспокоенность турецкой стороны: «В то время, как мы пытаемся добиться мира, стабильности и процветания на Кавказе, подобные события беспокоят нас». Озюгергин сказал, что они пытаются выяснить дополнительные детали, связанные с распространившейся информацией.

Մեր պաշտոնականը հերքում է՝

ՍՏԵՓԱՆԱԿԵՐՏ, 10 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Լեռնային Ղարաբաղի Հանրապետության Պաշտպանության նախարարությունը հերքել է ադրբեջանական լրատվամիջոցների տարածած լուրը, թե այսօր առավոտյան հայկական զինված ուժերը Աղդամի ուղղությամբ անցել են գրոհի, որի հետեւանքով զոհվել է 5 եւ վիրավորվել 3 հայ զինվոր:

Մի խոսքով ազերներից ու թուրքերից ներկայումս լավ բան թերևս դժվար է սպասելը…

[Elmo]

Մոդերատորական: Թեման փակվում է մոդերավորման:

Ավելացված:
Քանի որ ծավալված զրույցը դուրս էր թեմայի պահանջներից, այն ջնջվել է: Ջնջվել է, ոչ թե տեղափոխվել, որպեսզի հարգարժան հնաբնակ մասնակիցները սովորեն համապատասխան թեմաներում համապատասխան գրառումներ անել: Անլուրջ և օֆտոպային գրառումները ստացել են տուգանային միավորներ:

Թեման վերաբացվում է: