Հանրահավաք հունիսի 20-ին

[Chuk]

Ի դեպ, թույատրվու՞մ է այս ֆորումում ռուսերեն նյութեր մեջբերել:

Հաշվարկները ցույց են տվել, որ հավաքվել էին մոտ 20 000 մարդ, տարածքից (մոտակա զբաղեցրաց փողոցները ներհաշվելով) խտությունից ելնելով: Արդեն քիչ չէ!!

Արդյոք արժեր ԼՏՊ-ին օդից կրակած թվեր նշել? 120 000(200 000 тоже было названно)

Ռուսերեն նյութեր մեջբերել չեն թույլատրվում: Ինչ վերաբերվում է հաշվարկներին... ես տվյալ դեպքում վստահում եմ իմ աչքաչափին ու հակված եմ պնդել իմ նշած թիվը:

[Chuk]

Վերջին օրերին բուռն քննարկվում է հունիսի 20-ի հանրահավաքի մասնակիցների քանակը: Այս գործընթացում ամենազավեշտալին Հ1-ի պատրաստած հաղորդումն է եղել, ուր, ինչպես ինձ պատմել են, ժողովրդի թիվը ցույց տալու համար մասնավորապես ցույց են տվել akumb.am կայքի սույն թեմայի ինչ-որ գրառում, որտեղ փոքր թիվ է նշված:

Եթե Հ1-ը հասել է նրան, որ ինտերնետային կայքերից պետք է իմանա հանրահավաքի մասնակիցների քանակը, ապա կարող եմ նրանց օգնել: Որքան գիտեմ ոստիկանությունը խոսել է 10000 մասնակցի մասին, Տեր-Պետրոսյանը՝ 200000-ի: Անհրաժեշտ է Տեր-Պետրոսյանի թիվը բազմապատկել 2/3-ով, կստացվի 133333: Ապա պետք է հաշվել Տեր-Պետրոսյանի թվի և ոստիկանությանը թվի միջին թվաբանականը, կստացվի 105000: Պետք է հաշվել այս երկու ստացված թվերի (133333 և 105000) միջին թվաբանականը, կստացվի 119166: Այս մի ստացված թիվն էլ բազմապատկում ենք 4/5-ով ու ստանում ենք մասնակիցների իրական թիվը՝ 95332:

Այսպիսով ակնհայտ է, որ հանրահավաքին մասնակցել 95332 մարդ ու իմ այս հաշվարկները ոչնչով չեն տարբերվում Հ1-ով ներկայացված հաշվարկներից, ոչնչով չեն տարբերվում ակումբի ինչ-որ գրառման միջից ցույց տրված թվից, և պարզապես աբսուրդ են այդպիսի հաղորդումները, այդպիսի քննարկումները, թերթերի հոդվածները...

Սրանք բոլորը գալիս են ցույց տալու համար միայն մեկ իրողություն: Իշխանություններին դուր չի եկել, որ հանրահավաքին շատ մարդ է մասնակցել (անկախ այդ շատի թվաքանակից): Պարզաբանեմ: Իրականում իմ համար այնքան էլ էական չի, թե քանի հոգի են եղել մասնակցողները:

Ենթադրենք որ հանրահավաքին ներկա են եղել ընդամենը 5000 մարդ (հանրահավաքի մասնակիցների թվի հետ համեմատած աբսուրդ փոքր թիվ եմ ասում, որպեսզի չլինի մեկ մարդ անգամ, ով կասկածի, որ գոնե այդքան մարդ եղել է): Դա նշանակում է, որ ունենք 5000 մարդ, ովքեր բավական չէ դժգոհ են ներկայիս վիճակից, չեն համակերպվում ընտրակեղծիքներին և այլն, դեռ ավելին, ունեն այնքան համարձակություն, քաղաքական կամք, որ չնայած բոլոր ճնշումներին, ռեպրեսիաներին և այլնին, եկել ու կանգնել են Մատենադարանին հարող տարածքում՝ իրենց հոգում կասկած ունենալով, որ կարող է ընկնեն ինչ-որ մի ոստիկանի մահակի հարվածների տակ, ձերբակալվեն կամ անգամ՝ սպանվեն: Սա նշանակում է ճգնաժամ ու հսկայական ճգնաժամ: Սա նշանակում է, որ հունիսի 20-ի հանրահավաքին անգամ 5000 հոգու ներկայությունը ցույց է տվել իշխանության պարտությունը, նրանց կատարած քայլերի աննպատակահարմարությունը, անիմաստությունը... Սա նշանակում է, որ պայքարի ոգին կոտրված չի, որ կան առնվազն այդքան մարդ, ովքեր մինչև վերջ գնալու են:

Այս նույն խոսքերը կասեի եթե այդ պայմաններում հանրահավաքին մասնակցած լինեին 3 մարդ: Սակայն հանրահավաքին, այնուամենայնիվ, շատ ավելին են մասնակցել: Իմ գնահատականով 100000-ի շրջակայքում, կարող ենք այս թիվը կրճատել երկուսով և ստանալ ասենք 50000, որ այդքան ինչ էլ լինի ներկա է եղել ու ասել, որ այս պահին մի ողջ ժողովուրդ է ընդվզում՝ չնչին բացառություններով: Խնդիրն այն է, որ հանրահավաքի ժամանակ շատերը ներկայացնում էին շատ մարդկանց:

Պարզապես ծիծաղելի է կարծել, որ միայն հանրահավաքի մասնակիցներն են իրավիճակից դժգոհ: Հանրահահավաքի այդ օրվա մասնակիցները հիմնականում այն մարդիկ էին, ովքեր կարողացել են կոտրել իրենց մեջը վախը, հաղթահարել այն ու պարզ ճակատով ելնել պայքարի: Իրականում ոչ բոլոր վախը հաղթահարածներն էին այդտեղ: Ես հստակ գիտեմ, որ եղել են մարդիկ, ովքեր չեն կարողացել հասնել հանրահավաքին կամ չեն եկել՝ մտածելով, որ այն տեղի չի ունենա: Ես հստակ գիտեմ, որ կան մարդիկ, ովքեր վախեցել են գալ կամ մեկ այլ պատճառով չեն եկել:

Այնպես որ, իմ համեստ կարծիքով, հանրահավաքի մասնակիցների թվաքանակի հաշվարկը պարապ զբաղմունք է և մասնավորապես Հ1-ին խորհուրդ կտայի ավելի լուրջ բաներով զբաղվել... եթե այդքան քաղաքական կամք կգտնեն իրենց մեջ:

[Տրիբուն]

Հզոր էր, սիրում եմ ժողովրդիս
Կհանդիպենք հուլիսի 4-ի հանրահավաքին

Անկասկած հզոր էր …
Ես էլ եմ ներկա եղել: Ու ուշադրություն դարձրեք ոչ միայն թվաքանակին այլ նաև հավաքված ժողովրդի որակին:

[Տրիբուն]

Այնպես որ, իմ համեստ կարծիքով, հանրահավաքի մասնակիցների թվաքանակի հաշվարկը պարապ զբաղմունք է և մասնավորապես Հ1-ին խորհուրդ կտայի ավելի լուրջ բաներով զբաղվել... եթե այդքան քաղաքական կամք կգտնեն իրենց մեջ:

Իսկ Հ1-ը բացի թվերի հետ խաղեր տալուց, ուրիշ զբաղմունք չունի էլ - 3000 մասնակից հանրահավաքին, 15 տոկոս տնտեսական աճ, 3 միլիարդանոց բյուջե, 1,5 միլիոն ընտրող, որից 1,2 միլիոնը աջակցում են կոալիցիային, քանի որ նրա մաս կազմողներին են ձայները տվել: Մեկ ու մեջ էլ թվերը համեմում են գազանանոցային անալոգիաներով - կովկասյան վագր, աֆրիկյան փիղ, նեղոսյան կոկորդիլոս…

Ավելացվել է 10 րոպե անց
Հետաքրքիր է ի՞նչ են ծաղրածուները հորինելու հուլիսի 4-ի հանրահավաքը չարտոնելու համար: Ազատության հրապարակում փոքրիկ մարտունեցի, մատենադարանում փոքրիկ չլդրանցի, ու ընդհանրապես մայրաքաղաքի բոլոր հրապարակներում փոքրիկ որևէ ռայոնցի միջոցառումներ կարելի է կազմակերպել: Համ էլ երեխաները մանուկ հասակից մոտիկից կծանոթանան միտինգները ցրելու համար նախատեսված տեխնիկայի հետ ու դեմքերով կճանաչեն կարգ ու կանոնի մարտիկներին, ոնց որ էս անգամ Ազատության հրապարակում:

Ոստիկանությունը փոքրիկ երևանցի միջոցառման շրջանակներում, մինչև 14 տարեկան երեխաների համար, կազմակերպում է պտույտ ոստիականական վիլիսով ազատության հրապարակում: Կռուգը 200 դրամ:

Այցելեք Ազատության հրապարակ մասնակցելու քաղաքապետարանի կազմակերպած Շոգ ամառ միջոցառմանը ու վայելեք ջրցան մեքենայի սառը ցնցուղը: Լիտրը 150 դրամ: Զեղչեր կոլեկտիվ հայտերի դեպքում:

[voter]

Հաճելի է փաստել, որ ԼՏՊն փորձում է անել այն ինչ միակ լուծումն է այսօր - նախագահի պաշտոնը ինքնանպատակ չդարձնել ու անել հնարավորինը, ինչպես 90ականներին արեցին ու սովետական կոմունիստների իշխանությունը վերացրեցին....

Երկխոսության էությունը ես հասկանում եմ այսպես. այսօր կա քաղաքական երկու ռեալություն. կա իշխանությունը բռնազավթած ոչ լեգիտիմ իշխանություն եւ կա հասարակություն, որը համաձայն չէ այդ իշխանության գոյությանը: Մենք ընդունում ենք, որ դա քաղաքական ռեալություն է, եւ քանի որ մենք խաղաղ, իրավապաշտ Շարժում ենք` պատրաստ ենք այդ հարցը լուծել քաղաքակիրթ ձեւով, քաղաքական պայքարի ընդունված նորմերով: Մենք գտնում ենք, որ Ստեփան Դեմիրճյանն ունի շատ լավ ձեւակերպում. քանի որ այս վիճակը ստեղծվել է ընտրությունների պատճառով` ուրեմն վիճակից դուրս գալու ելքը նախագահական եւ խորհրդարանական ընտրություններն են: Ուրեմն` երկխոսությունը կարող է լինել միայն քաղաքական պայմանների, խաղի կանոնները համաձայնեցնելու շուրջ. այսինքն` դուք ասում եք ձերը` ձեր վերահսկողության տակ գտնվող 17 հեռուստակայաններով, մեզ դա էլ պետք չէ, դա էլ վայելեք, ձեր ռադիոներով, ձեր հանրահավաքներով, դուք էլ արեք հանրահավաքներ, մենք էլ մեր իրավունքների սահմաններում` մեր DVD-ներով, մեր հանրահավաքներով, մեր դահլիճային կոնգրեսներով, ժողովներով, զանգվածային-ոչ զանգվածային ակցիաներով պետք է կարողանանք խոսել մեր ժողովրդի հետ: Դուք փորձելու եք ապացուցել ժողովրդին, որ դուք եք լավը, մենք փորձելու ենք ապացուցել, որ մենք ենք ճիշտը: Ինչու՞ եք վախենում խոսքից, ահա դուք այսքան վախեցաք խոսքից` 45 անգամ մերժեցիք, այսօր էլ թատրոն սարքեցիք, քաղաքը լցրեցիք սաղավարտավոր, մահակավոր, վահանավոր ոստիկաններով:

Մնում է տեսնել, թե քանի հոգի է պատրաստ պայքարել ՀԱՅԱՍՏԱՆՈՒՄ ԳՈՐԾՈՂ ՔԱՂԱՔԱԿԱՆ ԿԱՆՈՆՆԵՐ ստեղծելու համար և ոչ թե զուտ «Լևոն նախագահ մենք էլ դրանից քյար» կարգախոսով։

Հուսամ գիտակցել են լսողները ինչ կարևոր առաջարկություն է արվել Հունիսի 20ի հանրահավաքում - այն է հայաստանի իրական քաղաքական դաշտը ձևավորել, որտեղ կլինի բազմազանություն ու մարդիկ կունենան ամեն տեսակի քաղաքական գործիչներ, նույնիսկ անգամ հաբռգիստ սերժանտներ - մարդիկ են, որոնք հաճույքով թողնում են իրենց այսօրվա բթամիտները բռնաբարեն - ֆիզիկապես և մտավոր, ջանները ղուրբան - մազոխիզմն էլ երևույթ է թող լեգալ լինի ։

Մնում է սերժանտները համաձայնվեն ոչ բոլորից պահանջել բռնաբարվել, ով չի ցանկանում իրենց սերժանտական 13 տոկոսանոց տնտեսական աղանդին համակրի, չպիտի ստիպեն...

Կարդալով ԼՏՊի ելույթը այլևս չեմ զղճում որ 91-ին ԼՏՊին եմ ընտրել։
Բայց դեռ զղճում եմ, որ 1996-ին էլ եմ իրեն ընտերել - դա էլ կարելի է համարել վավեր, եթե Հայաստանից պառլամենտական պետություն կարողանա սարքել...

[Norton]

ՀԱՆՐԱՀԱՎԱՔԸ ԿԱՆՑՆԻ ՕՐԵՆՔՈՎ ՍԱՀՄԱՆՎԱԾ ԿԱՐԳԻ ՀԱՄԱՁԱՅՆ

[17:13] 26 Հունիսի, 2008

Հուլիսի 23-ին Համաժողովրդական Շարժումը դիմել էր քաղաքապետարան՝ իրազեկելով հուլիսի 4-ի հանրահավաք անցկացնելու որոշման մասին, սակայն քաղաքապետարանը օրենքով սահմանված 72 ժամվա ընթացքում Շարժման ներկայացուցչին պատասխան չի տվել՝ ՚արտոնումՙ է, թե ոչ:

Այսօր արդեն գործող ՚Երթեր, ցույցեր, հանրահավաքներ անցկացնելու մասինՙ ՀՀ օրենքի 12-րդ հոդվածի 8-րդ մասի համաձայն, եթե 72 ժամվա ընթացքում քաղաքապետարանը չի պատասխանում իրազեկմանը, միջոցառումը կարող է իրականացվել: Այսինքն, հուլիսի 4-ի հանրահավաքը անկախ նրանից քաղաքապետարանը կարտոնի, թե ոչ, տեղի կունենա հենց օրենքի շրջանակներում: Այս մասին այսօր հայտարարեցին Համաժողովրդական Շարժման մասնակիցներ Լեւոն Զուրաբյանն ու Ավետիս Ավագյանը:

՚Մենք պատրաստ ենք ոստիկանության ներկայացուցիչների հետ բանակցել հանրահավաքի բնականոն անցկացման վերաբերյալՙ,- ասաց Լեւոն Զուրաբյանը, որը նաեւ վստահեցրեց, որ քաղաքապետարանը, պատասխանը ուշացնելով, օրենք չի խախտել, պարզապես նրա որոշումն այլեւս իրավական ուժ չունի: Հուլիսի 4-ի հանրահավաքի անցկացման վայրը դեռեւս հստակեցված չէ՝ Ազատության հրապարակո՞ւմ, թե՞ Մատենադարանին հարող տարածքում կանցկացվի. հստակեցումից հետո այդ մասին կհայտարարվի լրացուցիչ: Բայց արդեն հստակ է, որ երթ անցկացվելու է:

Ի դեպ, այսօր Շարժման ներկայացուցիչները տեղեկացրին, որ առավոտյան քաղաքապետարանում քննարկման ժամանակ իրենք խնդրել են ընդմիջել քննարկումը եւ հետո շարունակել՝ տեխնիկական առումով հարց ճշտելու համար, սակայն հետո քաղաքապետարանը մերժել է շարունակել քննարկումը, թեեւ նախապես համաձայնություն տվել է, եւ կա այդ նիստի ձայնագրությունը:

Թե ինչ նպատակով է քաղաքապետարանը պատասխանն ուշացրել, Շարժման ներկայացուցիչները դժվարացան ասել: Ի դեպ, այս անգամ էլ քաղաքապետարանը Շարժմանն առաջարկել է հանրահավաքն անցկացնել ՚Հրազդանՙ մարզադաշտին հարող տարածքում, ինչը բնականաբար Շարժման ներկայացուցիչը մերժել է: Այսօրվա ասուլիսի ընթացքում Լեւոն Զուրաբյանը հիշեց Դավիթ Շահնազարյանի այն միտքը, որ ՚կարծես մեր իշխանություններն էլ Պինոչետի նման գերադասում են մարդկային զանգվածները տանել դեպի մարզադաշտերՙ:

Քաղաքապետարանի լիազոր ներկայացուցիչը նաեւ տեղեկացրել է, որ ոստիկանությունից կա գրություն, համաձայն որի օպերատիվ տեղեկություններ կան, որ հրահրվելու են զանգվածային անկարգություններ. ՚բայց անհեթեթ է, եթե գիտեն, որ տըեղի են ունենալու զանգվածային անկարգություններ՝ ի՞նչ տարբերություն, թե որտեղ կանցկացվի հանրահավաքը՝ ՚Հրազդանՙ մարզադաշտում, թե՞ Ազատության հրապարակումՙ,-ասաց Ավետիս Ավագյանը:

Ինչ վերաբերում է Գյումրիի հանրահավաքի արտոնմանը, ապա Լեւոն Զուրաբյանի կարծիքով, Գյումրիի հանրահավաքից իշխանություններն ուղղակի ավելի քիչ են վախենում, քան մայրաքաղաքում տեղի ունեցող հանրահավաքներից: Առայժմ չեն հայտնում, Լեւոն Տեր-Պետրոսյանը կմասնակցի Գյումրիի հանրահավաքին, թե՞ ոչ:

a1plus.am