Երեւան: Մեդիամաքս: Եվրամիության Պատվիրակությունը եւ ՀՀ-ում Գերմանիայի դեսպանատունը հոկտեմեբերի 17-ին եւ 18-ին ժամը 19:30 «Կոնգրես» հյուրանոցում կկազմակերպեն “Parada” ֆիլմի հասարակական ցուցադրությունը:
«Ֆիլմի ցուցադրությունը Հայաստանում մարդու իրավունքների մասին իրազեկվածության բարձրացմանն ուղղված ԵՄ միջոցառումների մաս է կազմում եւ ուղղված է LGBT (լեսբուհիներ, միասեռականներ, բիսեքսուալներ եւ տրանսգենդերներ) համայնքի ներկայացուցիչների հանդեպ խտրական վերաբերմունքի դեմ: Ցուցադրությունները, որոնք ի սկզբանե ծրագրված էին հոկտեմբերի երկրորդ շաբաթվա ընթացքում, հետաձգվել էին հասարակական ճնշման պատճառով:
Հայաստանում ԵՄ Պատվիրակության ղեկավար Տրայան Խրիստեան եւ ՀՀ-ում Գերմանիայի դեսպան Ռայներ Մորելը նշել են, որ “Parada”-ն հանդուրժողականության մասին ֆիլմ է, որը չի վիրավորում որեւէ մեկի զգացումները եւ կարծիքներ չի պարտադրում: Հոկտեմբերի 9-ին տեղի ունեցած մամուլի ասուլիսի ժամանակ դեսպանները նշել են, որ նրանք, ովքեր ցանկանում են դիտել ֆիլմը, պետք է դա անելու հնարավորություն ունենան, իսկ նրանք, ովքեր դրան դեմ են՝ իրավունք ունեն հայտնել իրենց կարծիքը», - ասվում է ԵՄ Պատվիրակության հաղորդագրության մեջ:
“Parada” ֆիլմը սերբական դրամա է LGBT իրավունքների մասին:
http://www.mediamax.am/am/news/society/6053/
Մեջբերել
Էջանիշներ