Հարգելի Ակումբցիներ
Հունիսի 27-ին` ժամը 18:00-ին «Մեդիա կենտրոն»-ում տեղի կունենա Ադրինե Գրիգորյանի «Բավական» ֆիլմի ցուցադրությունը եւ հաջորդող փորձագիտական բաց քննարկում:
«Բավական»-ն անդրադառնում է Հայաստանում հղիության` սեռով պայմանավորված արհեստական ընդհատումների տարածվածությանն ու պատճառներին:
Հայ հասարակության տողամիջյան շերտերում ապրում է մի իրականություն, որտեղ կնոջ ընտրության իրավունքն ավարտվում է այնտեղ, ուր սկսվում է ընտանիքին արու ժառանգ պարգևելու նրա անքննելի առաքելությունը:
«Բավական» վավերագրական ֆիլմն ուսումնասիրում է այս իրականությունը` չորս կնոջ պատմության արտացոլմամբ, ովքեր ստիպված են եղել դիմել հղիության արհեստական ընդհատման, որովհետև երեխան, որ պիտի ծնվեր, աղջիկ էր:
Քննարկմանը հրավիրված փորձագետները` ազգագրագետ, հոգեբան, հոգևորական, կանանց իրավունքների պաշտպան, կներկայացնեն խնդրի վերլուծության իրենց տեսակետը: Ներկայացուցիչ կլինի նաեւ ՀՀ առողջապահության նախարարությաունից:
Քննարկման բանախոսների մասին հավելյալ կտեղեկացնենք:
Հավելյալ տեղեկությունների համար խնդրում ենք զանգահարել «Մեդիա կենտրոն» (+374 60) 505 898, (+374 99) 755 898: Էլ փոստ` [email protected]:
«Մեդիա Կենտրոն»-ի հասցեն՝ Սարյան 30:
Մեջբերել
Էջանիշներ