Մի քիչ ուշացումով գրեմ նաեւ իմ կարծիքը:
Ֆիլմի դիտման ընթացքում պարբերաբար մտքովս անցնում էր այն, որ 2012-ում ես ավելի շատ էի էտ հատուկ էֆֆեկտները զգում, կարծես ավելի հագեցած էր 2012-ը, քան թե այս ֆիլմը:Այդ դեպքում ինչու՞ էին այս մեկի վրա այդքան գումար ծախսում, ինչքան գիտեմ մոտ կես միլիարդի չափ: Պատասխանն ամեն անգամ գալիս էր հարցի հետեւից. նոր եռաչափ տեխնոլոգիաների կիրառում, ինչը, ցավոք սրտի, մեզ բախտ չի վիճակվի տեսնել, այնպես որ մնում էր գնահատել միայն «տափակ» տարբերակը
Իսկ ինչ վերաբերվում է էֆֆեկտների հագեցվածությանը, ապա ասեմ, որ բավական է միայն մտաբերել այն փաստը, որ սկսած Պանդորայի բնակիչներից եւ վերջացրած ծառ ու թփով, սարքած էր, բայց այնպիսի տպավորություն էր ստեղծված, թե նկարահանող խումբը ուղղակի գնացել է Պանդորա ու հետեւում է էլի շատ սովորական Նավի-ների դերասանական խաղին
Մի քանի խոսք նմանությունների մասին. ես ճիշտն ասած չեմ կարդացել Ստռուգացկիների նշված ստեղծագործությանը, բայց սյուժետն ինձ ամբողջությամբ ծանոթ էր. տեսել ե՞ք «Պոկախոնտաս» մուլտը, իսկ «Ատլանտիդա: Կորուսյալ աշխարհ»-ը՞: Այս երկուսի գեղեցիկ միքսն էր սյուժեն: Զինվորների հսկայական մարդակերպ ռոբոտ-համազգեստներն օգտագործվում էին Մատրիցա 3-ի մեջ, նույնիսկ թռչող նավերն էին Մատրիցայոտ
Ինձ ֆիլմը շա՜տ դուր եկավ բոլոր առումներով, ու ոչ մի նմանակում ինձ ամենեւին էլ չի նյարդայնացրել կամ էլ հիասթափեցրել: Հիանալի աշխատանք էր արված, դե պատկերացրեք, եթե կարողանայինք վայելել ֆիլմն իր ողջ շքեղությամբ...
Մեջբերել
Էջանիշներ