Թեմայից դուրս, բայց հետաքրքիր կամ կարևոր գրառումներ

[ivy]

Չեմ կարողանում գտնել։ Թեման կոչվում էր "10 փաստ մեր մասին, որ ոչ ոք չգիտի": Գտա միայն "30 փաստ մեր մասին"-ը, գուցե այդ նույն թեմայի մեջ ծնված ենթաթեմա էր։

Էս գրառման մասի՞ն է խոսքը։

Հուզիչ գրառում էր, իմ վրա էլ էր տպավորվել, ինչ հավես ա, որ նորից եք հանդիպել... պատահաբար

[One_Way_Ticket]

Էս գրառման մասի՞ն է խոսքը։

Հուզիչ գրառում էր, իմ վրա էլ էր տպավորվել, ինչ հավես ա, որ նորից եք հանդիպել... պատահաբար

Հա, դա է

[Տրիբուն]

Հա, դա է

Թիքեթ, պսակվի !!!

[ivy]

Թիքեթ, պսակվի !!!

Սիրուն հարաբերությունների մեջ են, պիտի անպայման ամեն ինչ փչացնե՞ն

[Գաղթական]

Ասում ա՝ մենք կնոջս հետ ապրել ենք 25 հրաշալի ու երջանիկ տարիներ:
Իսկ հետո՝ հանդիպեցինք իրար..

[Յոհաննես]

Լավ երգ էր, մերսի
Դու պատմության շարունակությունը դեռ չգիտես Մի պահ ուզում էի ակումբում գրել, բայց տենց էլ չգրեցի։
Էդ աղջկան ես հանդիպեցի։ Լրիվ ուրիշ երկրում, պատահական փողոցով քայլելիս։ Բնականաբար, էլի կասկածներ առաջացան, որ կազմակերպել էր։ Բայց ինչքան փորձեցի ծայրերն իրար կպցնել, չկպան։ Բոմժությանս տարիներին էր, ու իմ մարշրուտի մասին բացարձակապես ոչ ոք չգիտեր։ Ստացվում է, որ պատահական էր։ Ավելի շուտ կհավատամ, որ Բիլլ Գեյթսը բոլորիս ուզում է չիպավորել, քան որ ինքը ինձ հետևել էր վերջին պահից, երբ իմ գտնվելատեղը ինչ-որ մեկին հայտնի էր (էդ ինչ-որ մեկն էլ պիտի փաստորեն իրեն ասած լիներ ուղղակի կամ անուղղակի կերպով, կարճ ասած՝ դասական դավադրության տեսություն)։ Նույնիսկ կինոներում տենց պատահական հանդիպումից սցենարիստները կխուսափեին, քանի որ շատ անհավանական է։ Իսկ իրական կյանքում փաստորեն պատահում է։ Չնայած որ մտածես, երկու ակտիվորեն ճանապարհորդող մարդ երևի շատ ավելի մեծ հավանականություն ունեն հանդիպելու, քան միջին ստատիստիկ մարդիկ, ովքեր տարբեր երկրներում լռված են ու տարին մեկ-երկու անգամ արձակուրդ են գնում։

Լավ, ես չեմ ու դուք, էս պատմությունը ո՞նց կարա մարդուն չհիացնի եթե անկեղծ ես մի տեսակ վախենում եմ նորություն իմանամ, քանի որ այ էս տեսքով ինքը կատարյալա ու ներող, որ քո կյանքի կարևոր դրվագները գրքի նման եմ ընկալում ու մեկնաբանում

[Տրիբուն]

Թիքեթ, պսակվի !!!

Հա բա ոնց, էն գեշ բիձեքի պես

Ամեն դեպքում, իրոք շատ հավես պատմություն ա։

[Freeman]

Ասում ա՝ մենք կնոջս հետ ապրել ենք 25 հրաշալի ու երջանիկ տարիներ:
Իսկ հետո՝ հանդիպեցինք իրար..

Էն օրը Young Sheldon ի մեջ էլ տենց բանի հանդիպեցի, ասում ա՝ Ես 18 տարի ամուսնացած եմ եղել ու պետք ա ասեմ, որ էս իմ կյանքի լավագույն երկու տարիներն են ։Դ

[Գաղթական]

[Շինարար]

1. Մի քանի սիրած գիրք ունեմ մանկությունից (գյուղում ապրած տարիներին կարդացած), որ միշտ հետս են, եթե երկար ժամանակով տեղ եմ գնում (Խաժակ Գյուլնազարյան-«Ինչ-որ տեղ վերջանում էր հորիզոնը», Վիկտոր Գարդոն-«Զմրուխտավառ ասպետը», Մարկես-«100 տարվա մենություն», Մարտին Անդերսեն-Նեքսյո- «Դիթե-մարդ արարած»։ Էս մեկը չկարողացա հետս Հոլանդիա բերել, ոնց որ կիսատ լինեմ)։

2. Ահավոր սիրում եմ պլաններ գծել ու ոչինչ չանել դրանք իրագործելու համար։ Երազելու հաճույքն եմ սիրում։

3. Նախանձում եմ միայն գիտնականներին ու լավ ձայն ունեցողներին։

4. Տենց էլ չպատկերացրի, թե մարդիկ ոնց են ջազ սիրում ու լսում։

5. Մեռած երգիչների հանդեպ թուլություն ունեմ։ Ինձնից անկախ է ստացվում. մի բան լսում եմ, դուրս գալիս է, որոշ ժամանակ հետո իմանում եմ, որ էդ մարդը վաղուց մեռած է։

6. Գժվում եմ սպորտային մրցումներ նայելու համար։ Ամենասիրածս մարզաձևերն են բիաթլոնը, դահուկացատկը, ծանրամարտն ու թեթև աթլետիկան (հատկապես բարձրացատկն ու հեռացատկը)։

7. Փոքր ժամանակ Գուբինի երկրպագուն էի մեկ-մեկ լսում եմ ու կարոտում էն թվերը։

8. Երկու հատ սիրած հնդկական կինո ունեմ, երկուսն էլ հներից։ Դրանցից մեկի երգերը հեռախոսումս կան նույնիսկ, ու երկուսի ժամանակ էլ միշտ լացում եմ

9. Մամաս տարով օձ է, ես էլ, դրա համար որոշել եմ, որ 36 տարեկանում հաստատ երեխա եմ ունենալու (24-ում չհասցրի)։

10. Աջ ձեռքիս բութ մատին մատանի ունեմ արդեն 12-13 տարի։ Էս ընթացքում օր չի եղել, որ չդնեմ։

11. Էս ամառ վերջապես տատու ունեցա։

12. Մինչև հիմա միայն երկու մարդու հետ եմ ինձ լիարժեք հանգիստ զգացել ու կարողացել ցանկացած հարցի մասին խոսելիս մինչև վերջ անկեղծանալ։ Երկուսն էլ թուրք են, մեկը Թուրքիայից, մյուսը՝ Կիպրոսից։ Բայց վստահ չեմ, որ նորից հանդիպելու դեպքում էլի տենց կլինի։

13. Կուզեի երկու կյանք ապրելու հնարավորություն ունենալ, որոնցից մեկում 3-4 երեխա կունենայի, մյուսում՝ ընդհանրապես չէ։

14. Առանց մեծ ու փռչոտ կատվի ինձ համար տունը տուն չի։ Դե լավ, գոնե շուն լինի։

15. Ձուկը, ծովամթերքը, պահածոյացված եգիպտացորենը ամենատհաճ բաներն են։ Իրականում ահավոր ուզում եմ, որ ձուկ ուտելը դուրս գա, հատկապես երբ գրքում կամ կինոյում տենց տեսարան եմ հանդիպում, բայց ոնց փորձում եմ՝ զզվում եմ

16. Ինքնամեղադրանքի ու ինքնարդարացման պատերազմների մեջ եմ Հայաստանից հեռանալուս պատճառով։ Ու էդ մեղքի զգացումը չի թողնում անգամ կարոտել։

17. Միշտ քունս տանում է, ու ես միշտ ափսոսում եմ քնել, ու տենց քնատ-քնատ էլ անիմաստ ժամանակ եմ սպանում։

18. Ուզում եմ մինչև կյանքիս վերջը սովորել, համ էլ վախենում եմ, որ կեսից հավեսս կկորի, ու ես կդառնամ իմ չսիրած տան կնիկներից։

19. Սիրում եմ ապուշ մրցույթների քասթինգներ նայել։ Կարող է ժամերով նայեմ, հետո մի համար դուրս գա, մի հարյուր անգամ էլ դա նայեմ։

20. Տանել չեմ կարողանում, երբ մոտս հիվանդ մարդ է լինում, որովհետև նվնվոց չեմ սիրում, օգնել էլ չեմ կարող, ու էդ «հոգ տանելն» էլ ոչ մի կերպ մոտս չի ստացվում։ Համ կատաղում եմ, համ անօգնական եմ դառնում, համ էլ հիվանդի ներվերին եմ ազդում

21. Գժվում եմ գեյ տղերքի համար։ Երկար տարիներ երազում էի տեսնել, թե իրենք ոնց են համբուրվում։ Անցյալ տարի երազանքս իրականացավ Համ էլ իրենց հետ հանգիստ եմ։

22. Եթե ապրեմ նենց երկրում, որտեղ ձմեռ չի լինում, երևի ինքնասպան կլինեմ։

23. Օծանելիք էս իմ մղձավանջն է։ Դրանց հոտերից գլուխս պտտվում է, սիրտս խառնում։ Մինչև հիմա ինձ հանդիպել է ընդամենը 5 օծանելիք, որոնց հոտից չեմ վատանում։ 3-ը մամաս է օգտագործել, մեկը՝ ես (4 տարի առաջ եմ գնել, կեսից շատը դեռ կա ), մյուսն էլ՝ սերս։

24. Էթնիկ ամեն ինչ սիրում եմ՝ երաժշտությունը, պարերը, ուտելիքները, լեգենդները, հեքիաթները... Կարող է մի բան սրտիս չհասնի, բայց ուղեղով դուրս գալիս են: Բայց հենց մի տեղ որևէ տիպի խտրականության հետ կապված բան եմ տեսնում, վատանում եմ։

25. Մեկ-մեկ ուզում եմ անսեռ լինել։ Խելքս գնում է, որ փողոցում մարդ եմ տեսնում ու չեմ հասկանում՝ ինչ սեռի է։ Ինչ ինձ հիշում եմ՝ էս ցանկությունը ունեցել եմ։

26. Կենցաղային եմ դարձել ու վախենում եմ դրանից։

27. Աստիգմատիզմ ունեմ։ Թշնամուս չեմ ցանկանա։ Այ որ մի 3000 եվրո ավելորդ փող ունենայի, հենց վաղը կվազեի վիրահատության։

28. Ահավոր վախենում եմ ձանձրալի լինելուց ու դրանից ավելի ձանձրալի եմ դառնում։

29. Ամռանը Իսպանիայում մեկին հանդիպեցի, որը գաղափարական պատճառներով ամաչում էր, որ տղա է, ու խնդրում էր իրեն he-ով չդիմել։ Ինքն իմ կյանքի ամենամեծ ու հաճելի անակնկալներից էր։ Կուզեի իրեն նորից հանդիպել։

30. Մի հատ էլ իմ կողմից նույնից։
Երկու օր առաջ էս երգը տեսա ընկերներիցս մեկի մոտ, խոսքերի թարգմանությունը նայեցի։ Էս հլը որ վերջին բանն է, ինչի պատճառով լացել եմ։ (Ի դեպ, իրեն էլ որ առաջին անգամ լսեցի, սիրտս միանգամից կպավ, զգացի, որ ստեղ մի բան էն չի։ Վիկիում նայեցի, պարզվեց՝ ինքն էլ է արդեն մեռած)։

Հաջորդ երեք դատապարտյալները՝ Քույր Քերի, Ռուբի, Բուուուուուուուում։

Ոնց ա հնարավոր իրան դիմելիս երրորդ դեմք օգտագործել : Երևի նկատի ուներ իր մասին խոսելիս he չօգտագործել:

[Նաիրուհի]

Ոնց ա հնարավոր իրան դիմելիս երրորդ դեմք օգտագործել : Երևի նկատի ուներ իր մասին խոսելիս he չօգտագործել:

Չէ, իրեն դիմելիս էլ։ Պարզ է, որ իրեն he չէին ասում։ Չեմ հիշում՝ ինչ ծանր բան տեղափոխեց, մեկն ասաց՝ Oh, you're a strong guy (թե՞ boy, լավ չեմ հիշում), էդտեղ առաջին անգամ ասաց, որ իրեն հաճելի չի էդ սեռի հետ ասոցացվելը։

[Freeman]

1. Մի քանի սիրած գիրք ունեմ մանկությունից (գյուղում ապրած տարիներին կարդացած), որ միշտ հետս են, եթե երկար ժամանակով տեղ եմ գնում (Խաժակ Գյուլնազարյան-«Ինչ-որ տեղ վերջանում էր հորիզոնը», Վիկտոր Գարդոն-«Զմրուխտավառ ասպետը»,

Զգացի, որ անունը ծանոթ էր, գուգլեցի, հիշեցի որտեղից։
Փոքր ժամանակ եմ կարդացել, երբ մեր գյուղի գրադարանում գրեթե գիրք չկար։ Էս մեկի կեսն էլ չկար, չգիտեմ ոնց ա ավարտվում, երևի գտնեմ նորմալ օրինակ, նորից կարդամ, հուսով եմ կհասցնեմ, որտև էն ժամանակ դուրս եկել էր ու ուզում էի իմանայի վերջում ինչ ա լինում։ Ու հուսով եմ, որ էլի դուրս կգա ։Դ

[Վիշապ]

Մի հատ բան ասեմ, բանանի կլեպներ վրես չշպրտեք՝ «ճակատագրական» կանայք, որ հանելուկային ինտրիգներ ու կրքեր են գրգռում, շատ հաճախ դրանից ավել բան տալու ունակ չեն, դրա համար էլ կայուն հարաբերությունների հակվածություն չունեն էլ:

[Շինարար]

Չէ, իրեն դիմելիս էլ։ Պարզ է, որ իրեն he չէին ասում։ Չեմ հիշում՝ ինչ ծանր բան տեղափոխեց, մեկն ասաց՝ Oh, you're a strong guy (թե՞ boy, լավ չեմ հիշում), էդտեղ առաջին անգամ ասաց, որ իրեն հաճելի չի էդ սեռի հետ ասոցացվելը։

Օքեյ, չեմ ուզում խորանամ, հասկանում եմ՝ երբ մարդիկ կան, որ իրենց ֆիզիոլոգիական սեռի հետ չեն համընկնում, ուսանողներ եմ ունեցել, կամավորական աշխատանքիս հետ կապված եմ առչնվել և այլն: Բայց զուտ ուղղակի չուզել, որովհետև վատն են, պատասխանատվությունից փախչե՞լ չի: Մյուս կողմից էլ ինչքան արտոնյալ կարգավիճակում ա ինքը, որ էդ ճոխությունը կարող ա թույլ տալ՝ չեմ ուզւոմ և վերջ, երբ կան մարդիկ, որ ուզել-չուզելով չի, բայց ստիպված են կռիվ տալ հասարակության հետ, մշտական պայքարի մեջ լինել, որ իրան ընդունեն նենց, ոնց կան, ոչ թե ոնց երևում են: Մի տեսակ էթոիկապես չեմ կարողանում հասկանալ, բայց ինչևէ աշխարհը բազմազան ա:

[LisBeth]

Մի հատ բան ասեմ, բանանի կլեպներ վրես չշպրտեք՝ «ճակատագրական» կանայք, որ հանելուկային ինտրիգներ ու կրքեր են գրգռում, շատ հաճախ դրանից ավել բան տալու ունակ չեն, դրա համար էլ կայուն հարաբերությունների հակվածություն չունեն էլ:

Բանանի կլեպները ոտի տակ են գցում, որ գյաբռլամիշ լինես ձևը տենց ա․․․

Իսկ բուն թեմայի հետ կապված, էդ օրիգինալ գրառման սկզբից էլ երևում ա էդ պատմության վերջը ինչ ա լինելու։ Ու հարցը ստեղ ճակատագրական կինը չի, այլ իրա մասին ունեցած պատկերացումները։
Իսկ գեղեցիկ պատմություններին հավատացողներին ասեմ, ինչպես իմ սիրելի Դիրք Ջենթլին էր ասում ամսագիր վաճառողին, երբ վերջինս հույս հայտնեց ամսագրերի համար ի վերջո վճարելու կապակցությամբ, այն է թե․
- Հույսերով լի կյանքը դժվար ա, իրա պտուղները թախիծն ու հիասթափությունն են։ Թուլացեք և սովորեք պահով ապրել։