Ուլուանա-ի խոսքերից
Նախ ասեմ, որ ի սկզբանե երկու կողմերին էլ ինչ-որ տեղ հասկանում էի. Տրիբունն ուղղակի իր ոճի մեջ արտահայտվել ա, լավ չի արտահայտվել, բայց դե Տրիբունն ա, էլի, բոլորս գիտենք, հիմնականում չենք վիրավորվում, թեթև ենք տանում, անցնում ենք առաջ, Ծլնգն էլ, դե, էլի գիտենք, որ շատ խոցվող ա, ու շատ դժվար ա հակառակ կարծիք արտահայտել ու դրանով իրեն չխոցել, բայց մյուս կողմից էլ, տվյալ դեպքում իսկապես տհաճ ա, երբ մասնագիտական գիտելիքներդ ու կարողություններիդ նկատմամբ կասկած են արտահայտում` առանց քեզ ճանաչելու էդ ոլորտում: Ինչ խոսք, ցանկացած մարդ էլ իրեն վատ կզգար, եթե իրեն տենց բան ասեին, բայց դրանով հանդերձ` չեմ կարծում, թե նման գրառումը ջնջման ենթակա ա: Եթե սա ջնջման ենթակա համարենք, լիքը ուրիշ բաներ պիտի ջնջենք, ու չեմ կարծում, թե դրանից Ակումբը կշահի: Ինչքան գիտեմ, ջնջման ենթակա են ուղիղ վիրավորանքները, որովհետև մնացած դեպքերում շատ դժվար ա տարբերակել վիրավորականության աստիճանը և ըստ այդմ` ջնջել կամ թողնել: Օրինակ, եթե գրեր. «իմ կարծիքով, դու գիտություն անում ես մալյառության պես», սա կարծիք ա, չէ՞: Իսկ ինչո՞վ ա տարբերվում «Եթե դու գիտությունն էլ ես սենց անում, ավելի լավ ա մալյառությամբ զբաղվես»: Էլի կարծիք ա արտահայտում, նույնիսկ ավելի մեղմ ա` ենթադրություն ա տվյալ դեպքում, իսկ ենթադրություն անելու իրավունք ցանկացած մարդ ունի, ինչքան էլ որ Ծլնգը խիստ ուրույն մոտեցում ունենա ենթադրությունների վերաբերյալ: Համենայնդեպս, չեմ հանդիպել ուրիշ մարդու, ով ենթադրությունների նկատմամբ էդքան զգայուն լինի, ու անընդունելի համարի ինչ-որ մեկի` իր նկատմամբ ենթադրություններ անելը: Ուղղակի եթե էդքան խորանում ենք, էստեղ էլ խորանանք ու նկատենք, որ ենթադրություն ա մարդն արել ընդամենը: Նման դեպքերում, իմ կարծիքով, ադմինիստրացիան անելիք չունի, ու եթե ինչ-որ մեկը կարող ա դրան հակադարձել, ապա դա կարող են լինել էն մարդիկ, ովքեր համաձայն չեն ենթադրությունն անողի հետ կամ գիտեն, որ էդպես չի: Նմանատիպ իրավիճակներ էլի են եղել Ակումբում, էդ թվում և իմ նկատմամբ, ճիշտ ա, իմը մասնագիտության հետ չէր կապված, այլ անձնական որակների, երբ կոնկրետ ակումբցու կողմից ինձ վերագրվել էին երկու բացասական հատկանիշներ, որոնք ինձ ամենաքիչն են բնորոշ, ու ինձ նորմալ ճանաչող ցանկացած մարդ կարող ա դա հաստատել: Ես, բնականաբար, խիստ նեղվել էի, քանի որ լրիվ անհիմն, անարդար կերպով ինձ վարկաբեկել էր տվյալ մարդը, բայց ես չէի ակնկալում, որ դա պիտի ջնջվեր ադմինիաստրացիայի կողմից, կամ, առավել ևս, տուգանվեր հեղինակը: Ինչքան էլ որ իրականության հետ եզր չուներ ասվածը, միևնույն ա, մարդն իրավունք ուներ էդ կարծիքն ունենալու և արտահայտելու: Այլ հարց ա, որ կոնկրետ տվյալ դեպքում ես համոզված եմ, որ էդ մարդն ինքն էլ շատ լավ գիտեր, թե իր ասածն ինչ աստիճանի հեռու ա իրականությունից, պարզապես էդ պահին իրան պետք էր տենց ներկայացնել` իր ասելիքն ավելի արժանահավատ դարձնելու համար: Էդ իրավիճակում ես հույս ունեի ու ակնկալում էի, որ պարզապես ինձ ճանաչող մարդիկ, տեսնելով էդ մարդու ասածի աբսուրդությունը, կհակադարձեին իրեն, բայց դե ոչ ոք նման բան չարեց, ի՞նչ արած: Ամեն դեպքում ես շարունակում եմ համարել, որ դա ադմինիստրացիայի միջամտելու հարց չէր:
Տրիբունի գրելաոճի մասին արդեն խոսվեց: Անձամբ ես իր գրածներից չէի նեղանա (սրա մասին էլի եմ ասել), հաշվի առնելով, որ Տրիբունի նմանատիպ արտահայտությունները սովորաբար անչար են ու վիրավորելու միտում չունեն: Բայց Տրիբունի էս թեմայում արած առաջին գրառումից, ճիշտն ասած, տհաճ անակնկալի եկա... Մարդը պարզ գրել էր, որ հենց վիրավորելու նպատակով էլ ասել ա: Ու համաձայն եմ Այվիի հետ, որ էդ գրառումը շատ ավելի վատն էր, քան էն, ինչն էս թեմայում ի սկզբանե դրված էր քննարկման:
Փորձեմ ասելիքս ամփոփել: Կարծում եմ` լավ կլիներ` Տրիբունը փորձեր ավելի զուսպ արտահայտվել ընդհանրապես: Իսկ հատկապես երբ գիտես, որ դիմացինդ հեշտ խոցվող ա, կարելի ա գոնե փորձել ավելի զուսպ արտահայտվել, հակառակ դեպքում ստացվում ա, որ թքած ունես, թե ասածդ ինչ ազդեցություն կունենա: Չեմ ուզում հավատալ, որ Տրիբունն էդ աստիճանի թքած ունի: Բայց դե տվյալ դեպքում եթե նպատակը հենց խոցելն էր, արդեն չգիտեմ էլ` ինչ ասեմ...
Կարծում եմ` Ծլնգն էլ իր հերթին արժե, որ մտածի, թե ինչից ա, որ իր հետ նմանատիպ հարցեր անհամեմատ ավելի շատ են լինում, քան այլ ակումբցիների հետ: Սա ցանկացած դեպքում պիտի որ մտածելու տեղիք տա ու գուցե հիմք դառնա սեփական ընկալումներն ու պահվածքը վերանայելու:
Խույ-մույին չեմ անդրադառնում, քանի որ դրա վերաբերյալ կարծես առանձնապես տարակարծություններ չկային: Ես էլ յուրօրինակ տեսակետ չունեմ էդ հարցում:
Կարող եմ ընդամենը ասել, որ մի տեսակ չէի ցանկանա, որ ամեն "ստից բանից"(չգիտեմ էս դեպքը դրանցից ա թե չէ) էսքան մանրանաք ու խճճեք սաղ։ Կյանքը տեղից հեշտ չի ապրվում. մի քիչ "թուլացրեք կապերը":
Էջանիշներ