Քաղաքական լրահոս

[Mephistopheles]

«Ժառանգության» միասնական ցուցակը փլուզվեց

Մնացածը ստեղ

[davidus]

«Ժառանգություն»-ը իր համամասնական ցուցակը ներկայացրեց ԿԸՀ

Փաստորեն, վերջը լեզու գտան։

[Տրիբուն]

Հանրապետության հրապարակը փակ է լինելու ժամը 08.00-ից մինչև ժամը 12.00-ը

Մարտի 24-ին Երևան քաղաքի Հանրապետության հրապարակում անցկացվելիք միջոցառման՝ Չինաստանի Ժողովրդական Հանրապետությունից ներկրված 249 ավտոբուսների հանձնման և ընդունման պաշտոնական արարողության կապակցությամբ, ժամը 08.00-ից մինչև ժամը 12.00-ն հրապարակ մտնող ճանապարհները տրանսպորտային միջոցների համար փակ են լինելու: Այս մասին ասված է ՀՀ ոստիկանության պաշտոնական կայքում զետեղված հաղորդագրության մեջ։

Լուսանկարը՝ Գագիկ Շամշյանի։

Յախք, յախք ու մի անգամ էլ յախք: Հինգ տարի կիրգիզների վրա էի խնդում, որ մուրացկանություն էին անում ու հրապարակում չինացիների նվիրած ավտոբուս ու տրակտոր էին ցույց տալիս, ու մեր մուրացկաններն էլ մեզ հասցրեցին նույն օրին: Մեզ էլ ուզում են իրանց պես մուրացկան սարքեն, հրապարակայնորեն:

[Mephistopheles]

Րաֆիի ասուլիսի մասին

ասում ա կարող ա հանի…

[Varzor]

Չհավատաս
Կուտը ցանել են...

[Claudia Mori]

Նախընտրական աննախադեպ բարիություն. Ջեմը, դդումի մուրաբան ու օծանելիքը


Թեեւ Հայաստանում մայիսի 6-ին կայանալիք խորհրդարանական ընտրությունների քարոզարշավը պաշտոնապես չի մեկնարկել, այնուամենայնիվ ընտրապայքարի մեջ մտած կուսակցություններն նախորդ տարվանից ի վեր սկսել են աննախադեպ առատաձեռն բարիությամբ զարմացնել:

Եթե անցյալ տարի, ՀՀԿ-ի եւ ԲՀԿ-ի կողմից մարզերում սկսված տարբեր սոցիալական ակցիաններն էին՝ անվճար բուժօգնության եւ նման միջոցառումների տեսքով, ապա ընտրություններին մոտ առաջարկներն էլ ավելի շոշափելի են դառնում:Ջեմ, ակնոցներ, դդումի եւ մոշի մուրաբա, օծանելիք եւ այլն:

Հիշեցնենք, որ առատաձեռնության այս տեսակների մասին բարձրաձայնեցին ՀԱԿ ներկայացուցիչները մարտի 30-ի հանրահավաքի ժամանակ՝ ներկաներին ցույց տալով «քաղցր փաստերը»:Սակայն, մուրաբաներ բաժանող, իշխանական կուալիցիայի անդամ ՕԵԿ անդամները ի պատասխան հայտարարեցին, որ դա «ընտրակաշառք չեն համարում»:

«Մենք համատարած օգնություն չենք բաժանում, քաղաքացիներին փողով չենք առնում, չենք ցուցակագրում, չենք էլ անելու»,-ի պատասխան հայտարարեց ՕԵԿ խմբակցության ղեկավար Հեղինե Բիշարյանը՝ նշելով, որ մարտի 8-ին մարզերում ՕԵԿ-ական կանանց ջեմ, մուրաբա են բաժանել գրասենյակների ղեկավարներն՝ իրենց նախաձեռնությամբ:

«Միշտ, մշտապես, երբ ինչ ունեցել ենք, այն էլ բաժանել ենք»,-ասաց Հեղինե Բիշարյանը՝բարի ախորժակ մաղթելով մուրաբա ու ջեմ ստացածներին:Սակայն, ընտրություններին դիտորդական առաքելություն իրականացնող կազմակերպություններն արդեն իսկ սկսել են մտահոգություններ հնչեցնել:

Մասնավորապես, տարիներ շարունակ ընտրություններին դիտորդական առաքելություն իրականացնող «Ընտրությունը քոնն է» ՀԿ նախագահ Հարություն Համբարձումյանն այսօր լրագրողների հետ կայացած հանդիպման ժամանակ հայտարարել է, որ կուսակցությունները արդեն իսկ սկսել են խախտել Ընտրական օրենսգիրքը՝ տնետուն ընկնելով եւ ընտրողներին տարբեր առաջարկներ անելով:

Հարություն Համբարձումյանը, որի կազմակերպությունը մայիսի 6-ի ընտրությունների դիտարկմանը ըստ ԿԸՀ տվյալների ներկայանալու է 3334 դիտորդներով, հայտարարել է, որ «Հայաստանի Հանրապետական», «Բարգավաճ Հայաստան» և «Օրինաց երկիր» կուսացությունները ընտրակաշառքներ են բաժանում` բարեգործական ակցիաների քողի ներքո: Նա նշել է, որ սոցիալ-տնտեսական վիճակի պատճառով է, որ մարդը ստիպված է լինում 5 հազար դրամի համար վաճառել իր ձայնը:

«Եթե փոքր քաղաքներում ընտրակաշառքների տոկոսը քիչ է, ապա հեռավոր գյուղերում դա համատարած է՝ բարեգործություն, նվերներ, օգնություն»,- ասել է «Ընտրությունը քոնն է» ՀԿ-ի նախագահը:

ԿԸՀ մամլո խոսնակ Հերմինե Հարությունյանը ի պատասխան համատարած բարեգործական ակցիաների «Մեդիալաբի» հարցմանը պատասխանել է, որ հաշվի առնոլով այն, որ պաշտոնապես նախընտրական քարոզարշավի մեկնարկը ապրիլի 8-ից մայիսի 4-ն ընկած ժամանակահատվածն է, իրենց չեն կարող «կուսակցություններին արգելել այս փուլում որեւէ գործառույթ իրականացնել»:

«Միայն քարոզարշավի ընթացքում ենք մենք իրավասու հետեւել, որ ընտրակաշառքներ չլինեն, մեղավորներին պատասխանատվության ենթարկել»,- «Մեդիալաբին» ասել է Հարությունյանը:

Աղբհուրը՝ medialab.am

[Claudia Mori]

Հեղինե Բիշարյան. «Ի դեմս Արթուր Բաղդասարյանի Օրինաց երկիր կուսակցությունում կանայք շատ են»



Նման միտք է արտահայտել ՕԵԿ խմբակցության ղեկավար Հեղինե Բիշարյանն այսօր՝ ՕԵԿ 7-րդ համագումարի ժամանակ: «Ի դեմս Արթուր Բաղդասարյանի «Օրինաց երկիր» կուսակցությունում կանայք շատ են եւ գնահատում են իրենց կուսակցության ղեկավարին, ճի՞շտ եմ ասում», - այսպես է բառացի ասել Բիշարյանը: Նույն համագումարի ժամանակ Արթուր Բաղդասարյանը հայտարարել է, որ կանայք կուսակցությունում 120 հազար հոգի են կազմում, իսկ տղամարդիկ՝ 170 հազար: Արթուր Բաղդասարյանը հայտարարել է, որ իրենք ջեմ ու մուրաբա չեն բաժանել, այն դեպքում երբ Բիշարյանը այդ լուրը արդեն հաստատել էր ասուլիսներից մեկի ժամանակ:

Աղբյուրը՝ medialab.am

[Տրիբուն]

Բիշարյանի արված հայտարարությունը Արթուր Բաղդասարյանի մասին քաղաքական կուլիսներում հումորի նոր թեմա է դարձել



Արթուրիկի հայացքը բայց լրիվ «ի դեմս» ա

[Mephistopheles]

Նախընտրական հիմնադրամի մեծությամբ «Ժառանգությունը» զիջում է միայն ՀՀԿ-ին

[Ձայնալար]

Էս մեկը ձայնային խոտանին ու վերտուին տվեց անցավ

Րաֆֆի Հովհաննիսյանը պնդում է, որ համակարգչային վրիպում է տեղի ունեցել

«Եղել է համակարգչային վրիպման պատճառով ոչ ամբողջական ցուցակի ներկայացում ԿԸՀ, դրա համար մի քանի տասնյակ տեղերում հանձնաժողովների մեր առաջարկած անդամները տեղ չեն գտել վերջնական հաշվարկում, և այդտեղ, ըստ օրենքի, ցավոք սրտի, մեր վրիպման պատճառով տեղեր կան, որ այդ հանձնաժողովների նախագահները, ըստ օրենքի կվորոշեն, թե ով պետք է մեզ փոխարինի»,- այս բացատրությունը տվեց «Ժառանգություն» կուսակցության առաջնորդ Րաֆֆի Հովհաննիսյանը՝ պատասխանելով Լուրեր.com-ի այն հարցին, թե չի՞ պատրաստվում արդյոք կուսակցությունը Տեղամասային ընտրական հանձնաժողովների իր այն տեղերը, որոնցում չի կարող ներկայացուցիչ ունենալ, տրամադրել այլ ընդդիմադիր քաղաքական ուժի։

«Մենք, դասեր քաղելով նախորդ ընտրություններից, որտեղ մենք իսկապես չկարողացանք ծածկել բոլոր ընտրատեղամասերը, և դա մեր բացթողումներից մեկն էր, մենք կազմակերպչական համալիր աշխատանք ենք տանում, որ բոլոր ընտրատեղամասերում ունենանք մեր լիազորված անձինք»,– հավելեց նա։

Ըստ Հովհաննիսյանի՝ իրենք մի քանի տասնյակ տեղեր չեն ունենալու ՏԸՀ–ներում, բայց «լիազորված՝ վստահված անձինք, կունենան ամենուր»։

Անդրադառնալով լրագրողի այն դիտարկամնը, որ եթե վրիպակն է խնդրի պատճառը, ապա ինչո՞ւ «Ժառանգությունը» չի դիմում համապատասխան մարմնին՝ այդ սխալը շտկելու և իր լիցենզավորված անձանց այդ տեղերում ընդդգրկելու համար։

«Օրենքի սահմաններում, եթե այդ վրիպակը ուղղման ենթակա է, դա կանենք, բայց մենք նաև ձեզ տեղյակ կպահենք, որ եթե չուղղվեց, թե որտեղ «ժառանգությունը», իր սեփական սխալի բերմամբ, չունի հանձնաժողովի սեփական անդամներ», – պատասխանեց նա։

lurer.com

[Ձայնալար]

«Ժառանգություն» կուսակցության առաջնորդ Րաֆֆի Հովհաննիսյանը հերքում է այն լուրերը, թե հանդիպել է Սերժ Սարգսյանի հետ:
«Ժառանգության» ղեկավարն այսօր կրկին բացատրություններ տվեց, թե իր կուսակցությունն ինչու չի մասնակցում միասնական շտաբի աշխատանքներին:

««Ժառանգությունն» ի սկզբանե ներկայացրել է իր տեսակետը, իր առաջարկները և մենք որևէ մեկին նախապայման կամ վերջնագիր չենք դնում, մենք ասում ենք, որ եթե ուզում ենք առաջ գնալ այսպես, և ըստ էության՝ ժողովրդին պատասխանատու մեր սահմանադրական պահանջներին զորակցող մի քաղաքական կառույց, մենք պատրաստ ենք»,-ասաց նա։

Ի դեպ, վաղը, ապրիլի 24-ին «Ժառանգության» անդամները եւ ազատ դեմոկրատները քարոզարշավ չեն իրականացնի:

http://www.a1plus.am/am/politics/2012/04/23/raffi-serzh

Ինչ-որ մեկը բան հասկանո՞ւմ ա ընդգծված նախադասությունից, թե էլի համակարգչային վրիպակ ա։

[Ձայնալար]

Ուպս, միհատ էլ վրիպակ

«Ժառանգության» նախընտրական շտաբի լրատվական ծառայության հաղորդագրությունը.

«Րաֆֆի Հովհաննիսյան. «Շարունակե՞լ հինը,
թե՞ ունենալ նորը» վերնագրով երեկ մեր տարածած հաղորդագրության մեջ
ցավալի վրիպում է սպրդել: Գեղարքունիքի մարզում նախընտրական
հանդիպումների ժամանակ «Ժառանգության» քարոզարշավին համայնքի ղեկավարի կողմից խոչընդոտելու միջադեպը տեղի է ունեցել ոչ թե Լիճքում, ինչպես նշված է հաղորդագրության մեջ, այլ` Ծովակ գյուղում: Թյուրիմացության համար հայցում ենք Լիճքի գյուղապետի, ինչպես նաեւ ընթերցողների ներողամտությունը:
http://www.a1plus.am/am/politics/201...tage-statement

[Mephistopheles]

Ծառուկյանը չբացառեց ՀՀԿ-ի հետ կրկին կոալիցիա կազմելու հնարավորությունը

[keyboard]

ՀՀ երկրորդ նախագահ Ռոբերտ Քոչարյանի բացառիկ հարցազրույցը Մեդիամաքս-ին

ՀՀ երկրորդ նախագահ Ռոբերտ Քոչարյանի բացառիկ հարցազրույցը Մեդիամաքս-ին

- Կարելի՞ է համարել, որ քարոզչության նախավերջին օրը հարցազրույց տալու Ձեր համաձայնությունը խոսում է այն մասին, որ այնուամենայնիվ ցանկացաք ինչ-որ ձեւով մասնակցություն ունենալ նախընտրական արշավին:

- Խորհրդարանական ընտրությունների նախընտրական քարոզարշավին որեւէ մասնակցություն ունենալու ցանկություն չեմ ունեցել եւ չունեմ: Ընդհանրապես, կարծում եմ, որ դա նախագահի գործը չէ (ոչ նախկին, ոչ էլ գործող): Ուղղակի նախընտրական ժամանակաշրջանում ու տարբեր համատեքստերով ինձ հետ կապված այնքան շատ հրապարակումներ եղան, որ ես չեմ կարող խուսափել որոշ պարզաբանումներ տալուց: Կաշխատեմ չվերածել այս հարցազրույցը նախընտրական քարոզչության:

- Այս պահի ամենաարդիական եւ ամենաքննարկվող հարցը. ի՞նչ կապ ունեք «Բարգավաճ Հայաստանի» հետ: Ընդունված է համարել, որ այն Ձեր կուսակցությունն է, հատկապես եթե հաշվի առնենք Վարդան Օսկանյանի` ԲՀԿ-ին անդամագրվելու փաստը:

- Ես սերտ համագործակցություն եմ ունեցել տարբեր կուսակցությունների հետ, բայց երբեք չեմ հաստատել այնպիսի կապեր, որոնք դուրս կլինեին քաղաքական գործընկերության շրջանակներից: Վստահ եմ, որ մեր իրողությունների պարագայում կուսակցական ներգրավվածություն չունենալը թույլ է տալիս նախագահին` լինել լիարժեք արբիտրի եւ քաղաքական մրցակցության երաշխավորի դերում:

ԲՀԿ-ն հենց այն կուսակցություններից մեկն է, որի հետ համագործակցել եմ այդ ձեւաչափով: Եթե այն իմը լիներ, ապա 2007 թվականի խորհրդարանական ընտրությունների նախաշեմին երեւի թե այնտեղ, այլ ոչ թե ՀՀԿ-ում կհայտնվեին նախարարների եւ մարզպետների մեծամասնությունը:

Վարդան Օսկանյանի` ԲՀԿ-ին անդամակցելու վերաբերյալ: Մի փոքր գաղտնիք բացեմ: Ես եմ համոզել նրան` չանդամակցել ԲՀԿ-ին եւ չմասնակցել 2007 թվականի խորհրդարանական ընտրություններին (ինքն այդպիսի ցանկություն ուներ): Ես չէի ուզում արտգործնախարար փոխել այն պահին, երբ իմ նախագահական ժամկետի ավարտին մնացել էր 9 ամիս: Ուրախ եմ, որ Օսկանյանն այն ժամանակ հասկացավ ինձ: Ի դեպ, եթե ԲՀԿ «պատկանելությունը» որոշվում է ցուցակում ինձ հետ երկար տարիներ աշխատած մեկ նախարարի ներկայությամբ, ապա կառաջարկեմ նայել ՀՀԿ ցուցակին:

Իսկ ընդհանուր առմամբ, ուրախ եմ, որ ԲՀԿ-ն հաջողում է եւ ժողովրդականության զգալի աճ է արձանագրում: Կարծում եմ, դա լուրջ ազդեցություն կունենա հաջորդ գումարման Ազգային ժողովում կուսակցության ներկայացվածության չափի վրա:

- Իսկ ինչպիսի՞ն են Ձեր հարաբերությունները գործող իշխանության հետ: Խոսվում է այն մասին, որ Դուք ինչ-ինչ ստվերային եւ ապագայում բացահայտվելիք պայմանավորվածություններ ունեք իշխանության հետ:

- Որեւէ անդրկուլիսյան պայմանավորվածություն իշխանության հետ ես չունեմ եւ չէի էլ կարող ունենալ: Իշխանությունը ուղիղ եւ հրապարակային պատասխանատվություն է կրում իր գործունեության արդյունքների համար, ու երկրի կառավարմանը մասնակցելու նպատակով ձեռք բերված ցանկացած ստվերային պայմանավորվածություն պարզապես վնասակար է, քանի որ խեղաթյուրում է իշխանության եւ պատասխանատվության միջեւ առկա ուղղակի կապը: Եվ անհատների ով լինելն այստեղ որեւէ նշանակություն չունի:

Իմ հարաբերությունները իշխանության հետ միանշանակ չեն: Ես անկեղծորեն ցանկանում եմ, որ այն հաջողություն ունենա, բայց դժգոհ եմ դրա գործունեության արդյունքներից, հատկապես` տնտեսական: Ի դեպ, այդ մասին ես ուղիղ ասել եմ նաեւ նախագահին:

Ինձ ընդդիմություն չեմ համարում եւ հարթ անձնական հարաբերություններ եմ պահպանել իմ կառավարման շրջանում իշխանության մեջ եղած եւ այժմ էլ պաշտոններ ունեցող շատերի հետ: Պաշտոնաթողությունիցս հետո մոտ մեկ-մեկուկես տարվա ընթացքում փորձել եմ օգտակար լինել խորհուրդներով: Հետո հասկացա, որ իմ փորձն ու գիտելիքները պահանջված չեն եւ դադարեցի դա անել: Վարչապետի հետ տնտեսական իրավիճակի վերաբերյալ վերջին անգամ քննարկում եմ ունեցել 2008 թվականին, կարծեմ` նոյեմբեր ամսին:

Արդեն 3 տարի է աշխատում եմ շատ լուրջ ռուսական ընկերությունում, փորձում եմ օգտակար լինել դրան, եւ ինձ համար այդ գործը հետաքրքիր է: Ուշադիր հետեւում եմ հայաստանյան անցուդարձին (ապրում եմ այստեղ, թեեւ հաճախ ճանապարհորդում եմ): Փորձում եմ չներքաշվել ներքաղաքական գործընթացների մեջ:

- Դուք ասում եք, որ դժգոհ եք իշխանության գործունեության տնտեսական արդյունքներից: Բայց անցած մի քանի ամիսների ու հատկապես նախընտրական քարոզչության ընթացքում տնտեսության պատասխանատուները բազմիցս խոսել են այն մասին, որ մարդկանց ապրուստը առանձնապես չի վատացել եւ որ մեր տնտեսությունը այնքան էլ վատ վիճակում չէ: Ավելին, այս համատեքստում բազմիցս ներկայացվել են կառավարության տնտեսական հաջողությունները:

- Յուրաքանչյուր մարդ բոլորից լավ ինքը գիտի` իր ապրուստը հեշտացել է, թե դժվարացել: Այդ փաստը ինքն արձանագրում է ամեն օր` սառնարանի դուռը բացելիս կամ խանութ մտնելիս: Մարդիկ չեն հասկանում, երբ իրենց փորձում են համոզել, թե կյանքը լավացել է: Ի վերջո, դա վերածվում է անտարբերության եւ հասարակական համընդհանուր անվստահության: Իսկ դրանք ամենեւին էլ մեծ գործեր անելու տրամադրություններ չեն:

Երկրի տնտեսական եւ քաղաքական առողջության «ձայնաազդանշանային համակարգը» արտագաղթն է: Դրա սպառնացող չափերը` ֆունդամենտալ խնդիրների գոյության ամենաճշգրիտ ցուցիչն են: Մարդիկ լավից չեն փախչում:

- Ի՞նչ եք կարծում, առկա են արդյո՞ք այսօր այն նախապայմանները, որոնց մասին խոսել եք մեր գործակալությանը տված վերջին հարցազրույցում: Եվ եթե` այո, ապա կարելի է արդյո՞ք ասել, որ Դուք այժմ կամ ապագայում հնարավոր է վերադառնաք մեծ քաղաքականություն:

- Հայաստանում այսօր փոփոխությունների հասարակական մեծ սպասում կա, իսկ դա նշանակում է, որ հասարակության անտարբերության աստիճանը անդառնալի չէ, ու այդ հանգամանքը խիստ դրական է: Որքանով են մարդիկ կապում այդ փոփոխությունները ակտիվ քաղաքականություն իմ վերադարձի հետ` սա է ինձ հետաքրքրող հարցը: Առայժմ լիարժեք պատասխան ես չունեմ:

- Ի՞նչ են նշանակում Ձեր պարբերական հանդիպումները Վլադիմիր Պուտինի հետ:

- Վլադիմիր Պուտինի հետ մենք արդյունավետ համագործակցել ենք 8 տարի` առանձնահատուկ անձնական փոխըմբռնմամբ: Վերլուծեք այդ տարիները եւ կտեսնեք, որ ոչ թե խոսքերով, այլ գործերով երկկողմ հարաբերությունների ամուր հիմքեր են դրվել, հատկապես` տնտեսական դաշտում:

Տարօրինակ չէ՞ր լինի արդյո՞ք, եթե այդ հարաբերությունները շարունակական չլինեին: Հուսով եմ` չեք կարծում, թե նախագահները միայն պաշտոնական հարաբերությունների վրա կենտրոնացած ռոբոտներ են:

- Մեկ–երկու տարի առաջ մեր քաղաքական եւ քաղաքագիտական բառապաշարը հարստացավ շախմատից փոխառված բազմաթիվ տերմիններով եւ համեմատություններով: Եթե դիտարկենք այդ համատեքստում, ապա ի՞նչ խաղ է այժմ ընթանում եւ ինչպիսի դերակատարություն ունեք այդ խաղում Դուք:

- Ընդհանրապես, քաղաքականության հետ շախմատի համեմատությունը չափազանց անհաջող է երկու պատճառով.

1. Երկիրը կառավարելիս չպիտի ամենեւին խնդիր դնես` հաղթել ինչ-որ մեկին: Նման խնդիր կա միայն իշխանությունը պահելու պարագայում: Իսկ «հաղթել» պետք է կարողանաս արտագաղթին, գործազրկությանը եւ կոռուպցիային:

2. Շախմատում խաղի իմաստն է ամեն գնով պաշտպանել թագավորի «գլուխը»: Հանուն այդ նպատակի կարելի է զոհաբերել նույնիսկ «թագավորության» կեսը: Չեմ կարծում, որ այսպիսի շախմատային համեմատությունը երկրի ղեկավարման գործընթացի հետ կարող է ոգեւորել որեւէ մեկին (բացի թագավորից):

Այնպես որ, լավ կլինի հանգիստ թողենք շախմատը: Թող այն պարզապես ինտելեկտուալ խաղ մնա, եւ լավ է, որ այն ժողովրդականություն է վայելում Հայաստանում:

Աղբյուրը՝ http://www.mediamax.am/am/news/politics/4830/

[Chuk]

Վիրավորներ և խուճապ՝ ՀՀԿ համերգ-հանրահավաքի ժամանակ

Այսօր Երևանի Հանրապետության հրապարակում ՀՀԿ քարոզարշավի վերջին ակորդի՝ Հայաստանի Հանրապետական կուսակցության նախընտրական քարոզչության եզրափակիչ համերգ-հանրահավաքի ժամանակ ՀՀԿ կարգախոսով փուչիկները բեմ բարձրացնելուց բռնկվել ու այրվել են: Դրանք բռնած շուրջ 20-30 երեխաները այրվածքներ են ստացել: Նրանց տեղափոխել են հիվանդանոց:

Առաջացած խառնաշփոթի ժամանակ Սերժ Սարգսյանը դեռ ժամանած չի եղել հրապարակ: Իսկ համերգը վարող Նազենի Հովհաննիսյանը փորձել է խաղաղեցնել մարդկանց՝ ասելով, թե «ոչ մի արտառոց բան չկա, շարունակում ենք համերգը»:

Վիրավորվել է «Առաջին լրատվական»-ի օպերատորը: Մեր նկարահանող խումբը նոր է վերադարձել Հանրապետության հրապարակից: Հանրապետության հրապարակում տեղի ունեցած իրադարձության մասին տեսանյութը կներկայացնենք շուտով:

Աղբյուր՝ 1in.am