Քաղաքական լրահոս

[Vaio]

Սարկոզին Կադաֆիին է վաճառել 5 միլիոնանոց «Մերսեդես»


գ500.jpg

Ֆրանսիան 2008թ. գնդապետ Մուամար Կադաֆիին է վաճառել «Մերսեդես G 500» (Բրաբուս) մակնիշի ավտոմեքենա։

Ինչպես տեղեկացնում է ֆրանսիական Mediapart կայքը, վաճառքը տեղի է ունեցել Սարկոզիի հավանությամբ, որն այն ժամանակ զբաղեցնում էր Ֆրանսիայի ներքին գործերի նախարարի պաշտոնը։

Ֆրանսիական կողմը Կադաֆիին «Մերսեդեսը» վաճառել է 5,5 միլիոն դոլարով։ Զրահապատ ավտոմեքենան կրում է stealth համակարգ, որի շնորհիվ ռադարները չեն կարող հայտնաբերել մեքենայի գտնվելու վայրը։

Mediapart կայքը նշում է նաև, որ չի բացառվում՝ Կադաֆին Լիբիայից փախել է հենց այդ «Մերսեդեսով»։

http://www.tert.am/am/news/2011/09/21/sarkozy-gaddafi/

[Ձայնալար]

Ինչպես էր 91-ին Լևոն Տեր-Պետրոսյանը պատկերացնում անկախությունը. Բացահայտել է WikiLeaks-ը

1991 թվականի մայիսին Լևոն Տեր-Պետրոսյանը ԽՍՀՄ-ում ԱՄՆ դեսպանատան աշխատակիցների հետ զրույցում հայտարարել է, որ Հայաստանը պատրաստվում է անկախություն հռչակել` օգտագործելով այն մեխանիզմները, որոնք նախատեսված են ԽՍՀՄ օրենսդրությամբ: Այս մասին ասված է 1991 թվականին Խորհրդային Միությունում ԱՄՆ դիվանագիտական առաքելության ղեկավարի տեղակալ Ջեյմս Քոլինզի գաղտնի փաստաթղթի մեջ, որը վերջինս ուղարկել է ԱՄՆ Պետդեպ: Փաստաթուղթը գաղտնազերծել է WikiLeaks կայքը:

Հայկական ԽՍՀ Գերագույն Խորհրդի նախագահ Լևոն Տեր-Պետրոսյանը պատմել է դեսպանատան աշխատակիցներին, որ վեց ամիս առաջ Մոլդովայի նախագահ Միրչա Սնեգուրը վեց երկրների համագործակցության նախագիծ է ներկայացրել, որում միավորման պայմանագրի կնքման ոչ մի մտադրություն չկա: Այն ներառում է երեք Բալթյան երկրները, Վրաստանը, Մոլդովան և Հայաստանը:

«Այդ ժամանակ այս հանրապետությունները խորապես համոզված էին, որ կենտրոնն իրենց Խորհրդային Միության մեջ պահելու համար պատժամիջոցներ կկիրառի: Հայաստանի գերագույն խորհրդի արտաքին գործերի հանձնաժողովի անդամ Հովհաննես Իգիթյանը նոր էր վերադարձել Մոլդովայից և պատրաստվում էր հաջորդ օրը Բալթյան երկրներ մեկնել այս հարցերը քննարկելու համար: Ինը երկրների կողմից հնարավոր տնտեսական ճնշումների կիրառման դեմ հակադարձ միջոցառումների մշակման աշխատանքային խմբում Իգիթյանը Հայաստանն է ներկայացնում:

Իգիթյանը նշել է, որ այս քննարկումներն ավելի պարբերական բնույթ են ստացել ապրիլի 23-ին ինը գումարած մեկ հռչակագրի ստորագրումից հետո: Նա հավելել է, որ վեց հանրապետությունների առաջնորդները դեռևս չեն հանդիպել, որովհետև իրենց սեփական գործերով են զբաղված:

Տեր-Պետրոսյանը պնդում էր, որ վեց երկրների նկատմամբ ցանկացած տիպի տնտեսական պատժամիջոցների կիրառման դեպքում չափազանց դժվար կլինի հաղթահարել դրությունը խորհրդային տնտեսական համակարգի պատճառով: Նա վստահեցրել է, որ վեց հանրապետությունների տնտեսական սերտ համագործակցության դեպքում կենտրոնի կամ ինը պետությունների համար դժվար կլինի միջոցառումներ կիրառել առանց համապատասխան հակահարված ստանալու: Այսպիսով, նա եզրակացրեց, որ նման տնտեսական ճնշումը բացասաբար կանդրադառնա կենտրոնի վրա», – գրում է ամերիկացի դիվանագետը:

Քոլինզը փաստաթղթի «Օրինական ճանապարհ դեպի անկախություն» վերնագրված հատվածում նշում է, որ Տեր-Պետրոսյանը դեսպանատան աշխատակիցներին ներկայացրել է, թե ինչպես է տեսնում Հայաստանի անկախության ճանապարհը:

«Նախ Հայաստանը մտադիր է օգտվել ինքնորոշման մասին Խորհրդային միության օրենքից: Այս գործընթացը կսկսվի սեպտեմբերի 21–ին կայանալիք անկախության մասին հանրաքվեով: Հանրաքվեից անմիջապես հետո պաշտոնատար անձինք պատրաստվում են ընտրություններ անցկացնել: Ընտրություններից հետո, Հանրապետության գերագույն խորհուրդը նոր սահմանադրություն կստեղծի: Եվ վերջապես երկիրը կավարտի Խորհրդային Միությունից անկախանալու վերջնական քայլերը: Տեր-Պետրոսյանն ու Հայաստանի Գերագույն խորհրդի արտաքին հարաբերությունների հանձնաժողովի նախագահ Վարդանյանը չկարողացան հստակ ժամկետներ նշել և ընդգծեցին, որ գործընթացը կարող է երկար ժամանակ խլել: Պետրոսյանը նշել է, որ օրինական ճանապարահով անկախության հասնելու Հայաստանի ընտրությունը վրդովվեցրել է կենտրոնին, այդ իսկ պատճառով վերջինս փորձում է սրել հայ-ադրբեջանական խնդիրը», – գրում է Քոլինզը:

Դիվանագետի խոսքով` ԱՄՆ դեսպանատան աշխատակիցները Երևանում նաև հանդիպել են Հայաստանի կոմունիստական կուսակցության և կառավարության մի քանի պաշտոնյաների:

Հայաստանի կոմունիստական կուսակցության ղեկավար Ստեփան Պողոսյանը մայիսի 13-ին հրաժարական է տվել, քանի որ, նրա խոսքով, չի ցանկացել Հայաստանի դեմ գործելու նպատակով կենտրոնի հետ համագործակցել:

Տեղի կառավարության անդամներից մեկը` Սերժիկ Դովլաթբեկյանը պատմել է դեսպանատան աշխատակիցներին, որ Պողոսյանը հրաժարական է տվել, քանի որ իրեն խնդրել են «Ազգի փրկության» կոմիտե ստեղծել, որը կաշխատի Հայաստանի անկախացմանն ուղղված շարժման դեմ: Մեկ այլ պաշտոնյա` Կամո Քոչարյանը, նշել է, որ Պողոսյանը հրաժարական է տվել, քանի որ «չի ցանկացել դավաճանել իր ժողովրդին»: Այլ պաշտոնյաները պատմել են, որ Պողոսյանի համար վերջին կաթիլն այն էր, երբ նա հանդիպում խնդրեց Գորբաչյովից Գետաշենի և Մարտունաշենի տեղահանության հարցը քննարկելու համար և մերժում ստացավ:

«Հայաստանի կոմունիստական կուսակցության նախկին ակտիվիստ և ԽՍՀՄ ԽՄԿԿ վերահսկողական հանձնաժողովի անդամ Ջեմա Անանյանը մարմնավորում է տեղի կոմունիստների հիասթափությունը ԽՄԿԿ-ից և Կենտրոնական կոմիտեից: Երբ մայիսի 15-ին դեսպանատան աշխատակիցները հանդիպել են Անանյանին Իջևան քաղաքում, նա իր հիասթափությունն ու զզվանքն է արտահայտել Կենտրոնական կոմիտեի նկատմամբ: Նա մեղադրել է Կենտկոմին «հայերի դեմ պետական տեռորի արշավ» կազմակերպելու մեջ: «Ես կոմունիստական կուսակցությանը նվիրված և հավատարիմ անդամ եմ եղել մոտ 40 տարի և ահա թե ինչպես են նրանք վարվում մեզ հետ», – ասել է Անանյանը: Նա դեսպանատան աշխատակիցներին է ներկայացրել ԽՄԿԿ-ին ներկայացրած հրաժարականի իր դիմումը: Նա նաև իր զարմանքն է արտահայտել որ Նոբելյան խաղաղության մրցանակը ցանկանում են շնորհել մի մարդու, ով տեռորի նման արշավ է իրականացնում (նկատի ունի Գորբաչյովին – Epress.am)», – գրել է Քոլինզը:

Փաստաթղթի վերջնամասում ամերիկացի դիվանագետը կրկին անդրադարձել է Տեր-Պետրոսյանի հետ զրույցին:

Վերջինս պատմել է ամերիկացիներին, որ հայ պաշտոնյաները բանակցություններ են վարում Խորհրդային բանակի հետ հայ զորակոչիկների կարգավիճակի մասին և այն հարցի շուրջ, թե նրանք որտեղ պետք է ծառայեն:

Ըստ նախնական պայմանավորվածության, Հայաստանն այդ առումով իր առանձին համաձայնագրերը կստորագրի այլ երկրների հետ:

Տեր-Պետրոսյանը նշել է, որ իրենք նման համաձայնագրի ստորագրման ավարտական փուլում են, օրինակ, Լիտվայի հետ: Հայաստանի առաջնորդը նշել է, որ Խորհրդային միության պաշտպանության նախարար Դմիտրի Յազովը համաձայնություն է տվել այս համաձայնագրին:

«Տեր-Պետրոսյանի խոսքով` Հայաստանը հատկապես կարևորում էր այս հարցի լուծումը` հաշվի առնելով ռուսական զորքերի հետ ունեցած իրենց պատմական փորձը: Նա ասաց, որ 1918 և 1942 թվականներին ռուսական բանակը Հայաստանին միայնակ է թողել թշնամու դեմ և երկիրը չի պաշտպանել թշնամու ուժերից: «Մեր սեփական բանակն ունենալու դեպքում, նման բան չէր պատահի»,- ասել է նա», – գրել է Քոլիզնը:

http://www.epress.am/2011/09/21/%D4%...%BF%D5%AF.html

[Vaio]

Ալիկ Սարգսյանի անվան փողոց

Արտաշատի Կանաչուտ գյուղի փողոցներից մեկը անվանակոչված է ՀՀ ոստիկանապետ, Կանաչուտում ծնված Ալիկ Սարգսյանի անունով։

«Բայց գոնե այնքան գրագետ լինեին, որ տառասխալներ թույլ չտային: Փողոցի անվան ցուցանակի վրա լատինատառ տարբերակում վրիպակ կա. ոստիկանապետի ազգանվան «ս» տառի փոխարեն «ռ» է գրված՝ «Alik Sargryan Str.»,- գրում է «Հրապարակ»-ը:

[Mephistopheles]

Ի՞նչ գիտի ԱՄՆ-ը ՀԱԿ վաղվա հանրահավաքի մասին
15:02 | Սեպտեմբեր 29, 2011 | ՔԱՂԱՔԱԿԱՆՈՒԹՅՈՒՆ

Սեպտեմբերի 30-ի հանրահավաքի նախօրեին ՀՀ-ում Ամերիկայի Միացյալ Նահանգների դեսպանությունը որոշել է բոլոր դեպքերում զգուշացնել Հայաստանում իր քաղաքացիներին, թերեւս հիմք ընդունելով ՀԱԿ հայտարարությունները, թե իրենք վճռական քայլերի նե դիմելու։

Դեսպանությունը իր քաղաքացիներին հիշեցրել է, որ Հայ ազգային կոնգրեսը պատրաստվում է սեպտեմբերի 30-ին Երեւանի կենտրոնում հանրահավաք եւ երթ անցկացնել։

Դեսպանությունը ԱՄՆ քաղաքացիներին կոչ է անում հնարավորինս զգույշ լինել եւ այդ ժամերին զերծ մնալ քաղաքի այդ հատվածում գտնվելուց, քանի որ հնարավոր են տրանսպորտային խցանումներ։
«Հիշեցնում ենք, որ նույնիսկ խաղաղ հանրահավաքը կարող է հանկարծակի վերածվել բախման, եւ հնարավոր է բռնություն կիրառվի առանց զգուշացման»,- ասված է ԱՄՆ դեսպանության հայտարարության մեջ։
Կոչ է արվում նաեւ հնարավորինս հեռու լինել հանրահավաքների վայրից եւ հետեւել մամուլի հրապարակումներին՝ զարգացումներին տեղեկացված լինելու համար։

Նման հայտարարություններ ԱՄՆ դեսպանություններն անում են մշտապես, երբ որեւէ երկրում հանրահավաք է անցկացվում։

Ա1+

[Chuk]

«Ուղիղ ռեպորտաժ»
Երկար չեմ գրելու: Այսպիսով Սկսե՛լ ա:
Սկսել ա քաղաքական նոր պրոցեսը: Առայժմ մեկշաբաթյա ժամկետով նստացույց, որը կուղեկցվի այսպես կոչված երկխոսության շարունակությամբ, իրականում բանակցությամբ, որի ժամանակ մեր ճնշմամբ պետք է պարտադրվեն արտահերթ ընտրությունները:

Ժողովուրդը ոգևորված է ու վճռական: Վճիռն անշուշտ դեռ երկար կշարունակենք «գուշակել», որ նախօրոք էր կատարվել, սակայն դե ֆակտո այդ վճիռը կատարեց ժողովուրդը: Թեև այլ բան ժողովուրդը չէր էլ կարող որոշել:

Մենք եկել ենք փոքր-ինչ տաքանալու: Մեր դուրս գալու պահին տեղադրվում էին վրաններ, ժողովուրդը Քոչարի էր պարում, ժպտում ու կատակկում էին, ոստիկանները շրջապատել էին Ազատության հրապարակը, ստոգւում էին ներս մտնողների պայուսակները:

Առայժմ այսքանը:

Հաղթելու՛ ենք:

[Ձայնալար]

Երթ Պռոշյան Ավանից դեպի Ազատության հրապարակ

Մոտ մեկ և կես ժամ առաջ Պռոշյան ավանի մայրուղուց (Աշտարակ չհասած) մեկնարկել է Հայ Ազգային Կոնգրեսի համակիրների երթը:

Թվով մոտ հարյուր մարդ դրոշակներով, ցուցապաստառներով քայլելով գալիս են դեպի Ազատության հրապարակ, քանի որ մարզերից մայրաքաղաք եկող հասարակական տրանսպորտն արդեն հինգ օր է` չի աշխատում:

Այս պահին երթի մասնակիցները մտել են Երևան և բարձրախոսով իրազեկելով իրենց ակցիայի մասին շարժվում են դեպի Ազատության հրապարակ:



http://www.epress.am/2011/10/05/%D5%...AB-%D4%B1.html

[Mephistopheles]

Ծառուկյանը գումար բաժանեց

[Moonwalker]

ՀՀ մշակույթի փոխնախարար Արթուր Պողոսյանն այսօր այցելել է Ազատության հրապարակ և «ՀՀՇ» վարչության նախագահ Արամ Մանուկյանին փոխանցել Վանուշ Խանամիրյանի մահվան կապակցությամբ ստեղծված հանձնաժողովի խնդրանքը` հոկտեմբերի 8-ին` ժամը 11:00-14:00-ը հանել ՀԱԿ շուրջօրյա հանրահավաքի համար տեղադրված վրանները` ժողովրդական արտիստ Վանուշ Խանամիրյանի քաղաքացիական հոգեհանգստի անցկացումը պատշաճ ապահովելու համար:Ինչպես Tert.am-ին տեղեկացրեց Արթուր Պողոսյանը, հանձնաժողովը որոշել էր քաղաքացիական հոգեհանգիստը կազմակերպել Ալ.Սպենդիարյանի անվան օպերային և բալետի ազգային ակադեմիական թատրոնի նախասրահից` հաշվի առնելով մշակութային գործիչների խնդրանքը և այն հանգամանքը, որ մարդկային մեծ հոսք է սպասվում: Արամ Մանուկյանը մշակույթի փոխնախարարին ասել է, որ ՀԱԿ-ը հարցն արդեն քննարկել է և որոշել, որ վրանները չեն հանելու:
«Նրանք նշեցին, որ լավագույն դեպքում հնարավոր է աջ և ձախ տեղաշարժել վրանները ու միջանցք բացել կամ արգելափակոցներով ուղղություն բացել դեպի «Մեղեդի» սրճարան: Ես հարցը պետք է զեկուցեմ հանձնաժողովի նախագահ, մշակույթի նախարար Հասմիկ Պողոսյանին: Հնարավոր է` հրավիրվի հանձնաժողովի նիստ` քննարկելու, թե ինչպես կլուծվի հարցը»,-ասաց փոխնախարարը:
Արթուր Պողոսյանը բարոյական տեսակետից անհասկանալի որակեց ՀԱԿ-ի պատասխանը, քանի որ «Վանուշ Խանամիրյանը ողջ հանրության կողմից սիրված անձնավորություն է, ժողովրդական արտիստ, և անհրաժեշտ է նրա հոգեհանգիստը պատշաճ կազմակերպել»:
«Ես ներքին համոզմունք ունեի, որ այս ինչ-որ իմաստով ֆորս-մաժորային իրավիճակում նրանք կընդառաջեն», - նշեց փոխնախարարը` տարակուսելի համարելով ՀԱԿ-ի արձագանքը:

Թերթ

[Mephistopheles]

Փորձը ցույց ա տալիս, որ մի վատից հետո ավելի վատն ա գալիս. Ռուբեն Հախվերդյան
05:07 • 08.10.11



Երգահան Ռուբեն Հախվերդյանն, «Ուրվագիծ» հաղորդմանը հյուրընկալվելով, խոսեց արվեստի ու քաղաքականության, կանանց ու կարգախոսների մասին։

Ըստ նրա՝ կարգախոսներն ու կոչումները խորհրդային կարգերի մնացորդներն են, որ անբնական «իդիոտիզմ» են, իսկ եթե ընկալվում են՝ որպես փոխաբերական իմաստակիր, ուրեմն «փոխաբերական իդիոտիզմ են»։ «Պլակատային հայրենասիրությունը ոչ մեկի պետք չի. էդ նույնն ա, որ ասեն՝ Ամերիկայի միացյալ նահանգների ժողովրդական արտիստ Ռեյ Չարլզ»,- ասաց նա։

Անդրադառնալով պատասխանատվության մասին հարցին՝ երգահանն ասաց. «Սկզբում մորիցս էի վախում, հետո՝ կնոջիցս, աղջիկներիցս, հիմա էլ՝ թոռնուհուցս. ասում եմ՝ արի պաչիկ անեմ, ասում ա՝ ինչքան փող կտաս։ Այ սա նոր մտածողությունն ա»,- ասաց նա։ Հայաստանի միակ լուսավոր կետը, որ դեռ կա, երգահանի հայացքով, հայոց «գեղեցիկ տիկնայք» են։

Ռուբեն Հախվերդյանը շարունակում է ստեղծագործել՝ իր երգերով տալով իրեն ուղղված հարցերի պատասխանները, իսկ «ամենակարևոր բանը լեզվամտածողությունն ու լեզուն պահպանելն ա»։ Հիմա նա աշխատում է երկու ձայնասկավառակի վրա՝ մեկը պատերազմի ու նրա հետևանքների մասին է, մյուսը՝ վերջին շրջանի լավագույն երգերի ընտրանին։

Արտաքին քաղաքականության մեջ Հայաստանը համարելով Ռուսաստանի հարավային նահանգը՝ Ռուբեն Հախվերդյանը կարծիք հայտնեց, որ ներքին որոշումներում, «ամեն դեպքում, ցավոք սրտի, անկախ ենք»։ Սակայն այստեղ էլ, ըստ նրա, իրականացվում է ապաշնորհ քաղաքականություն։ «Էրկու տարի՝ գոնե, չթողեցին գյուղացին շունչ քաշի, բերք ստանա։ Դանակը դրին կոկորդին, խեղդեցին։ Հիմի հեկտարներով լիքը իշխանավոր հողերն առել, իշու պես չգիտեն՝ ինչ անեն դրանց հետ,- ասաց նա։- Ես մի քիչ կոմունիստ եմ, էլի, էդ առումով։ Գոնե եթե վատ էինք ապրում՝ մի քիչ հավասար վատ ապրեինք, էլի։ Թե չէ մեր բնակչության 80%-ը ոնց որ բանտում ապրի, էն 20%-ն էլ՝ էդ բանտի վերակացուները լինեն»։

Ինքն այդ ամենը տեսնելով՝ պայքարի դուրս չի գալիս, քանի որ «փորձը ցույց ա տալիս, որ մի վատից հետո ավելի վատն ա գալիս»։ Եվ երգահանը հաղորդումը եզրափակեց բացականչությամբ. «Փառք մեր կառավարությանը»։


Tert.am

[Vaio]

ՀԱԿ-ը դադարեցնում է նստացույցը

Աղբյուր՝ շատ կա...

[Vaio]

Յուլիա Տիմոշենկոն դատապարտվեց 7 տարվա ազատազրկման!!

[հովարս]

Հարկավոր է, որ Հայաստանը փոխի իր մտածելակերպը. Ազնավուր
http://1in.am/arm/armenia_interview_37227.html
... ... Այս ու՞ր ենք գնում: Եվ այդ ընթացքում Հայաստանը տառապում է. ամեն օր, օր օրի Հայաստանը դատարկվում է: Շատ չի անցնի, երբ Հայաստանը կդառնա մի դատարկ խեցի…Ո՞ւ մ է դա ձեռնատու: Ընդամենը երեք մեծահարուստ ավազակի՞, երեք մաֆիոզի: Իսկ հարյուր հազարավոր խեղճ մարդիկ ցրված աշխարհով մեկ… Այս ամենն ինձ մտահոգում է և անհանգստացնում: Եվ այսքանից հետո ոմանք դեռ մնում են կենտրոնացած «ցեղասպանություն» բառի վրա՞, որը Թուրքիան վիճարկում է: Ես ցանկանում եմ հարցս ուղղել թուրքերին. եթե դա ցեղասպանություն չէ, ապա ինչպե՞ս կանվանեք մի ողջ ժողովրդի ոչնչացում:... ...

[Chuk]

Քաղաքացիական ֆորումի շրջանակում՝ հոկտեմբերի 22-ին, ժամը 15.00-ին Ազատության հրապարակում տեղի կունենա «Քաղաքացիական ֆորումի ռազմավարությունը» թեմայով երկրորդ քննարկումը։

Քաղաքացիական ֆորումի նախաձեռնող խումբը հայտնում են, որ բանախոսներն են «Ազատ դեմոկրատներ» կուսակցության անդամ, ՀՀ նախկին արտաքին գործերի նախարար Ալեքսանդր Արզումանյանը և ՀԱԿ կենտրոնական գրասենյակի անդամ, ,Հայկական Ժամանակե օրաթերթի գլխավոր խմբագիր Նիկոլ Փաշինյանը։

Աղբյուր՝ tert.am

[Chuk]

Տեսաձայնագրություններ քաղաքացիական ֆորումի քննարկումներից, որին մասնակցել էին Աշոտ Մանուչարյանը, Ժիրայր Սեֆիլյանն ու Նիկոլ Փաշինյանը.

[Chuk]

Քաղաքացիական ֆորումի շրջանակում՝ հոկտեմբերի 22-ին, ժամը 15.00-ին Ազատության հրապարակում տեղի կունենա «Քաղաքացիական ֆորումի ռազմավարությունը» թեմայով երկրորդ քննարկումը։

Քաղաքացիական ֆորումի նախաձեռնող խումբը հայտնում են, որ բանախոսներն են «Ազատ դեմոկրատներ» կուսակցության անդամ, ՀՀ նախկին արտաքին գործերի նախարար Ալեքսանդր Արզումանյանը և ՀԱԿ կենտրոնական գրասենյակի անդամ, ,Հայկական Ժամանակե օրաթերթի գլխավոր խմբագիր Նիկոլ Փաշինյանը։

Աղբյուր՝ tert.am

Ֆորումի տեսաձայնագրությունը կատարված iLur.am-ի կողմից.