Քաղաքական լրահոս

[Adriano]

Թուքիայում իր աշխատանքն է սկսել Ասիայում առկա խնդիրների շուրջ խորհրդատվական վեհաժողովը, որը անչափ հետաքրքիր է հենց մեզ համար, քանի որ արդեն հանդիպել են Պուտինը և Էրդողանը և իմ կարծիքով մեծ չափով կխոսվի հայ-թուրքական, հայ-ադրբեջանական հիմնախնդիրների մասին,: Հատկապես հետաքրքիր է այն փաստը, որ վերջին ժամանակներում խիստ բարեկամական կապեր են հաստատվել Ռուսաստանի և Թուրքիայի վարչակազմերի միջև և հետաքրքիր է այսինչ այսպես կոչված սյուրփրիզ են կազմակերպել թուրքերը հայերի համար: Սա էլ աղբյուրը ուր խոսվում է Պուտինի և Էրդողանի սիլիբիլիիի մասին.

http://news.mail.ru/politics/3934597/

[Rammer]

Ադրբեջանական բանակի մասին...

В Азербайджане изнасиловали целый взвод - новость дня в рубрике Происшествия

[Rammer]

Ղարաբաղում կտեղակայվեն ռուսական, իսկ Նախիջևանում` թուրքական զորքեր. Ադրբեջանցի փորձագետ


Ադրբեջանի ռազմական նոր հայեցակարգի ընդունումը կապված է ղարաբաղյան հիմնախնդրի կարգավորման, մասնավորապես, հակամարտության գոտում միջազգային խաղաղապահ ուժերի տեղակայման հեռանկարի հետ: Այս մասին, ինչպես տեղեկացնում է ադրբեջանական Zerkalo պարբերականը, հայտարարել է Ադրբեջանի «Ռազմական լրագրողներ» հասարակական կազմակերպության ղեկավար, ռազմական փորձագետ Ուզեիր Ջաֆարովը:

Ջաֆարովի խոսքով` Լեռնային Ղարաբաղի հարակից շրջաններում կարող են տեղակայվել ռուսական կամ թուրքական զորքեր:

«Սակայն դատելով Ադրբեջանի պաշտպանության նախարարի` ռուսաստանյան այցերի հաճախակիությունից` կարելի է ասել, որ, ամենայն հավանականությամբ, այդ տարածքներում կտեղակայվեն ռուսական զորքեր»,- ասել է ադրբեջանցի փորձագետը:

Միևնույն ժամանակ, Ուզեիր Ջաֆարովը չի բացառել թուրքական զորքերի տեղակայումը Նախիջևանում:

«Չի բացառվում, որ ընդունված հայեցակարգի համաձայն` թուրքական զորքեր տեղակայվեն Նախիջևանում Կարսի պայմանագրի շրջանակում, որը նախատեսում է Թուրքիայի ռազմական միջամտությունն այդ տարածաշրջանում անվտանգության սպառնալիքի դեպքում»,- նշել է փորձագետը:

Ջաֆարովը հայտարարել է նաև, որ ղարաբաղյան հակամարտության կարգավորման գործընթացում հնարավոր են զարգացումներ արդեն այս տարվա օգոստոսին:

«Այժմ մենք նկատում ենք ակտիվություն այդ գործընթացում: Ադրբեջանի պաշտպանության նախարարն այս տարի արդեն երկրորդ այցն է կատարել Մոսկվա: Իսկ դա ցույց է տալիս, որ մենք հիմա գտնվում ենք ղարաբաղյան հիմնախնդրի կարգավորման գագաթնակետում»,- ասել է փորձագետ Ջաֆարովը:

tert.am

[Chuk]

Ինտերնետում թարմացված ինֆորմացիա չգտա, թերթն էլ հիմա ձեռքիս տակ չէ, բայց այսօր «Հայկական ժամանակից» տեղեկացա, որ մի շարք նախկին քաղբանտարկյալներ հայտարարություն են տարածել վաղը՝ հունիսի 18-ին, երեկոյան ժամը 20-ից 22-ը Ազատության հրապարակում ոչ զանգվածային միջոցառում՝ նստացույց անցկացնելու իրենց որոշման մասին: Ստորագրողներից էին Գագիկ Ջհանգիրյանը, Ալեքսանդր Արզումանյանը, Արշակ Բանուչյանը, Վարդան Մալխասյանը, Վարդան Ջհանգիրյանը, Գուրգեն Եղիազարյանը, Աշոտ Զաքարյանը, Դավիթ Մաթևոսյանը, այլք:

[Norton]

Արարատ Զուրաբյանը հրաժարական է տվել

ՀՀՇ վարչության այսօրվա նիստին լսվել է ՀՀՇ վարչության նախագահ Արարատ Զուրաբյանի` ՀՀՇ նախագահի պաշտոնից հրաժարականի դիմումը: Որոշվել է՝

1. Հարգել Ա. Զուրաբյանի դիմումը և ընդունել նրա հրաժարականը: Ա. Զուրաբյանը մնում է վարչության անդամ:

2. Նկատի ունենալով, որ վարչության նախորդ նիստում ընդունվել է նաև ՀՀՇ վարչության փոխնախագահ Խ. Քոքոբելյանի դիմումը վարչության անդամությունից և փոխնախագահի պաշտոնից դուրս գալու մասին, մինչև առաջիկա համագումարը, համաձայն ՀՀՇ Կանոնադրության 8.7 հոդվածի ը) կետի, վարչության աշխատանքների համակարգման պարտականությունը դնել վարչության գործադիր քարտուղար Վահագն Հայոցյանի վրա:

Այս մասին հայտնում են ՀՀՇ լրատվական ծառայությունից։

Tert.am

[Mephistopheles]

Ինտերնետային հեռարձակում` մի քանի օրից
19:34 | Հունիս 10, 2010 | ՀԱՍԱՐԱԿՈՒԹՅՈՒՆ

«Ա1+»-ի ինտերնետային փորձնական հեռարձակումը շարունակվում է:
Մենք փորձում ենք գտնել այն օպտիմալ տարբերակը, որը հնարավորություն կտա ցանկացած ինտերնետային հեռուստադիտողի, անկախ կապի որակից ու արագությունից, կարողանալ դիտել «Ա1+»-ի հաղորդումները:

Հայցում ենք Ձեր ներողամտությունը` փորձնական եթերի ժամանակ հնարավոր բազմատեսակ տեխնիկական թերությունների համար:

Մենք փորձում ենք դրանք հնարավորինս արագ լուծել, եւ ընդամենը մի քանի օր հետո «Ա1+»-ը կհեռարձակվի ինտերնետային եթերում:

Հիշեցնենք, որ «Ա1+»-ը եթերազրկված է 2002թ ապրիլի 2-ից ` Հեռուստատեսության եւ ռադիոյի ազգային հանձնաժողովի որոշմամբ եւ հակառակ Եվրադատարանի վճռին, տարբեր միջազգային կազմակերպությունների կոչերին մինչ օրս հնարավորություն չի ստանում եթեր վերադառնալու:

Ա1գումարած

[Tig]

Հայերը պատրաստվում են պայթեցնել Բաքու–Թբիլիսի–Ջեյհա՞նը
13:55 • 18.06.10

Թուրքական լրատվամիջոցները, մասնավորապես, Haberburhaniye.com կայքը, տեղեկացրել են Բաքու–Թբիլիսի–Ջեյհան նավթամուղի վրա նախապատրաստվող դիվերսիայի մասին։ Այդ մասին տեղեկանում ենք «Ռեգնում»–ից։

Վկայակոչելով իր հավաստի աղբյուրները՝ թուրքական պարբերականը հայտնել է, որ հունիսի 22–23–ը պայթեցվելու է նավթամուղի վրացական հատվածը։ Ըստ աղբյուրի՝ պայթեցնողներն այնուհետև ձերբակալվելու են Վրաստանի հակահետախուզական մարմինների կողմից։ Հաղորդվում է նաև, որ որպես ահաբեկչությունն իրականացրած անձինք հանրությանն ու մամուլին ներկայացվելու են նախկինում Ախալքալաքի ռուսական բազայում ծառայած երկու էթնիկ հայեր։

Իրենց նախապես գրանցված ցուցմունքներում, ըստ թուրքական աղբյուրի, նրանք կխոստովանեն, որ գործել են ռուսական հատուկ ծառայությունների պատվերով։

Tert.am

հ.գ. ինչ էլ վստահ կանխատեսումներ են անում, ոնցոր իրանք լինեն պատվիրատուն...

[Ձայնալար]

Ինտերնետում թարմացված ինֆորմացիա չգտա, թերթն էլ հիմա ձեռքիս տակ չէ, բայց այսօր «Հայկական ժամանակից» տեղեկացա, որ մի շարք նախկին քաղբանտարկյալներ հայտարարություն են տարածել վաղը՝ հունիսի 18-ին, երեկոյան ժամը 20-ից 22-ը Ազատության հրապարակում ոչ զանգվածային միջոցառում՝ նստացույց անցկացնելու իրենց որոշման մասին: Ստորագրողներից էին Գագիկ Ջհանգիրյանը, Ալեքսանդր Արզումանյանը, Արշակ Բանուչյանը, Վարդան Մալխասյանը, Վարդան Ջհանգիրյանը, Գուրգեն Եղիազարյանը, Աշոտ Զաքարյանը, Դավիթ Մաթևոսյանը, այլք:

Վերջն էր, ուրեմը էս հուշտ եղածները ազատության հրապարակը նախորոք ոչ թե փակել, այլ զակատ էին արել Վերոնշյալ պարոններն էլ անսպասելիորեն Սարյանի արձանի կողմից փողոցը անցան ու եկան Ա. Խաչատրյանի արձանի մոտ նստեցին: Ժողովուրդը հավաքվեց, սկսեց վանկարկել ինչ-որ միշտ ա վանկարկում, մի խոսքով մինի հանրահավաք ստացվեց

[ministr]

ՀՀ ԿՀՐԱԺԱՐՎԻ՞ ՌՈՒՍԱԿԱՆ ԳԱԶԻՑ

Վրաստանը պատրաստվում է սեփականաշնորհել գազամուղային ցանցը: Դրանք մտցվել են սեփականաշնորհման ցուցակի մեջ, եւ խորհրդարանը քննարկելու է համապատասխան օրինագիծը: Ցուցակի մեջ է նաեւ գազատարի այն հատվածը, որով Հայաստանին մատակարարվում է ռուսական գազը: Այս մասին տեղեկացնում են վրացական աղբյուրները:

Ներկայում Վրաստանի գազաբաշխիչ ցանցը 5 տարով հավատարմագրային կառավարման է հանձնված Ադրբեջանի պետական նավթային ընկերությանը: Չի բացառվում, որ ադրբեջանցիները կգնեն գազատարները, ըստ այդմ վերահսկողություն սահմանելով Հայաստանի գազամատակարարման վրա:

Ինչպես հայտնի է, Հայաստանն ունի այլընտրանքային գազատար, որով պետք է իրանից գազ մատակարարվեր Հայաստանին: Նախատեսված էր, որ այն պետք է տրանզիտային նշանակություն ունենար: Սակայն, ի վերջո, Ռուսաստանի ճնշմամբ գազատարը կառուցվեց նվազ թողունակությամբ: Ներկայում այդ գազատարը պարապուրդի է մատնված, հայկական կողմի բացատրությամբ` գազի պահանջարկ չլինելու պատճառով: Սակայն իրական պատճառն այն է, որ Ռուսաստանը չէր կարող թույլ տալ, որ Հայաստանն այլընտրանքային գազատար ունենար եւ թուլացներ էներգետիկ կախվածությունը:

Ներկայում, հաշվի առնելով վերը նշված տեղեկատվությունը, ինչպես նաեւ Ռուսաստան-Ադրբեջան մերձեցումն ու ճնշումը Ղարաբաղի հարցով, Հայաստանը կարող է գործարկել Հայաստան-Իրան գազատարը: Համենայնդեպս, մեր աղբյուրները չեն բացառում, որ իրադարձությունների նման զարգացման պարագայում Հայաստանը կարող է նաեւ հրաժարվել ռուսական գազից:

http://lragir.am/armsrc/print.politics36484
Ժողովուրդ ոնց որ ավելի խորն ենք աթարի մեջ հայտնվում հը? Մնում ենք Իրանի գազի հույսին (ավելի թանկ), հետո գմփացնում են Իրանը, մնում ենք բալոնով գազի հույսին, իսկ էդ գմփացնելու ընթացքում Ադրբեջանը առիթը բաց չի թողնում, Թուրքիան էլ էն կողմից... ու գնում չոքում ենք Մեդվեդև-Պուտին ձյաերի դուռը ասում արի մեզ տեր կանգնի... Ոնց ապագայա?

[Mephistopheles]

http://lragir.am/armsrc/print.politics36484
Ժողովուրդ ոնց որ ավելի խորն ենք աթարի մեջ հայտնվում հը? Մնում ենք Իրանի գազի հույսին (ավելի թանկ), հետո գմփացնում են Իրանը, մնում ենք բալոնով գազի հույսին, իսկ էդ գմփացնելու ընթացքում Ադրբեջանը առիթը բաց չի թողնում, Թուրքիան էլ էն կողմից... ու գնում չոքում ենք Մեդվեդև-Պուտին ձյաերի դուռը ասում արի մեզ տեր կանգնի... Ոնց ապագայա?

շատ էլ լավ ապագա ա սպասվում… գնա "Ղարաբաղյան հակամարտություն" թեման նայի կտեսնես, շատ լավ առաջարկներ կան

[Ariadna]

ԴԱՎԻԹԻՆ ԱԶԱՏ ԵՆ ԱՐՁԱԿԵԼ

Այսօր ազատ է արձակվել Հայ Ազգային կոնգրեսի երիտասարդ ակտիվիստ Դավիթ Քիրամիջյանը, ով մայիսի 30-ին բերման էր ենթարկվել ոստիկանություն այն բանից հետո, երբ ոստիկանները խոչընդոտել էին երիտասարդներին նստացույց անել Ազատության հրապարակում: Դավիթը ենթարկվեց երկամսյա կալանքի: Նրան մեղադրանք են առաջադրել անցորդին ծեծելու եւ իրավապահներին դիմադրելու համար: Նա ստորագրություն է տվել քաղաքից չբացակայելու մասին:

www.lragir.am

[Rammer]

«Հրապարակ». ՀՀ ԱԱԾ պետի տեղակալը ՌԴ գործակա՞լ
10:51 • 08.07.10


http://lubyanskayapravda.com ռուսալեզու կայք-էջում վերջերս մենք գտանք շատ ուշագրավ մի փաստաթուղթ՝ Армянский шпион խորագրի տակ։ Ռուսական ԱԱԾ գործերի կառավարման աշխատակից, ոմն Չեկունով «Հույժ գաղտնի» գրիֆի տակ նամակ է հղել ՌԴ նախագահ Վլադիմիր Պուտինին (թվագրված է 20.09.2004), որով միջնորդություն է ներկայացնում՝ Հայաստանի քաղաքացի Դարբինյան Արմեն Վաղինակովիչին շնորհել Ռուսաստանի Դաշնության քաղաքացիություն, «հաշվի առնելով նրա անձնական ծառայությունը ՌԴ-ին»։

Հաջորդիվ ՀՀ ԱԱԾ բարձրաստիճան պաշտոնյային ՌԴ քաղաքացիություն շնորհելու միջնորդությունը կրկնվում է, բայց արդեն մեկ տարի հետո։ Պուտինին ուղարկված նամակի պատճենն այս անգամ ռուսական ԱԱԾ մեկ այլ պաշտոնյայի՝ Կրիկունով Ա.Վ.–ի անունից 27.06.2005թ. նույն «հույժ գաղտնի» գրիֆով ուղարկվում է Պուտինի տեղակալին։ Թեպետ դժվար է քննել ՌԴ ԱԱԾ գործերը, բայց երկու փաստաթղթերը թույլ են տալիս եզրակացնել, որ կամ Պուտինը ամբողջ մեկ տարի մտմտացել է հայկական շպիոնին քաղաքացիություն տրամադրելու հարցի շուրջ, հետո ընթացք տվել, կամ թողել է անարձագանք, ու ԱԱԾ-ն կրկին դիմել է իր գործակալին քաղաքացիություն շնորհելու խնդրանքով, այս անգամ՝ Պուտինի տեղակալին։

Այս պատմության մեջ կարևորը, սակայն, ՀՀ Ազգային անվտանգության բարձրաստիճան պաշտոնյայի՝ ԱԱԾ պետի տեղակալ Դարբինյանի քաղաքացիության հարցը չէ, այլ այն, որ օտար պետության գործակալները կարող են լինել ոչ միայն երկրի բարձրաստիճան պաշտոնյաները, այլև պետության անվտանգության համար պատասխանատու կառույցի ղեկավարները, որոնց համար նույնիսկ սեփական երկրի քաղաքացիությունն է անկարևոր մի բան, էլ ուր մնաց անվտանգությունը։

Tert.am

Հ.Գ. Մթոմ ԱԱԾ-ի պետը կամ իրա շեֆը ինչ են...

[Norton]

Մենակ պարզ չի խի պետքա ռուսական քաղաքացիություն հայցեր ու արդյոք օրինականա ՌԴ քաղաքացի լինելով այդ պաշտոնիզ զբաղեցումը:

[Տրիբուն]

ՀՈՎԻԿ ԱԲՐԱՀԱՄՅԱՆԸ ԵԼՈՒՅԹ ԿՈՒՆԵՆԱ ԵՎՐՈՊԱԿԱՆ ԽՈՐՀՐԴԱՐԱՆՈՒՄ

Հուլիսի 12-ին երկօրյա աշխատանքային այցով Բրյուսել կմեկնի ՀՀ ԱԺ նախագահ Հովիկ Աբրահամյանի գլխավորած պատվիրակությունը:

Բրյուսելում ՀՀ ԱԺ նախագահը հանդիպումներ կունենա Բելգիայի Սենատի նախագահ Արման դը Դեկերի, Եվրոպական խորհրդարանի փոխնախագահ Լասլո Տոկեսի, Եվրոնեսթ-ի փոխնախագահ Յարեկ Սարյուս-Վոլսկու, Եվրոպայի ժողովրդական կուսակցության գլխավոր քարտուղար Անտոնիո Լոպես-Իստուրիզ Ուայթի, Եվրախորհրդարանում Եվրոնեսթ-ի պատվիրակության նախագահության, Հայաստան-ԵՄ խորհրդարանական համագործակցության հանձնաժողովի պատվիրակության հետ: Հուլիսի 13-ին Հովիկ Աբրահամյանը ելույթ կունենա Եվրոպական խորհրդարանի արտաքին հարաբերությունների կոմիտեում: Այս մասին տեղեկացնում են ՀՀ ԱԺ հասարակայնության եւ տեղեկատվության միջոցների հետ կապերի վարչությունից:

ԼՐԱԳԻՐ

Ուշադրություն դարձրեք վերնագրին ու վերջին նախադասությանը:

[mkofranc]

Հայտնի աստղ Ջենիֆեր Լոպեսը չեղյալ է հայտարարել Կիպրոսի թուրքական հատվածում Cratos Premium հյուրանոցի բացման կապակցությամբ տեղի ունենալիք համերգը։

Ջենիֆերը հանդես է եկել հայտարարությամբ, որում ասվում է. «Ջենիֆեր Լոպեսը երբեք չի աջակցի մարդու իրավունքները կոպտորեն խախտող պետությանը կամ ռեժիմին։ Կիպրոսի շուրջ արված ուսումնասիրություններից հետո այս որոշումն է կայացվել եւ արտացոլում է տարածաշրջանի քաղաքական իրականության նկատմամբ մեր զգայունությունը»։

Նշենք, որ Ջենիֆեր Լոպեսը Մարկ Էնթոնիի եւ երկու երեխաների հետ պետք է ժամաներ Կիպրոսի թուրքական հատված, եւ 3 օր մնար Cratos Premium հյուրանոցում, որտեղ նաեւ նշելու էր իր 41-ամյակը։ news.am