Քաղաքական լրահոս

[Mephistopheles]

Քաղաքապետ Կարեն Կարապետյանը հրաժարական է տվել և արդեն մեկնել Մոսկվա
«Առաջին լրատվական»-ի Երևանի քաղաքապետարանին մոտ կանգնած աղբյուրները հայտնում են, որ Երևանի քաղաքապետ Կարեն Կարապետյանը հրաժարական է տվել և արդեն մեկնել է Մոսկվա՝ ռուսական խոշորագուն «ԳազՊրոմ» ընկերությունում պատասխանատու աշխատանքի անցնելու համար:

1in.am

[Vaio]

Վլադիմիր Գասպարյանը (Վովա) դարձավ ոստիկանապետ:

[davidus]

ՀԱԿ-ը չի հրաժարվել արտահերթ ընտրությունների հասնելու ծրագրերից

Հայ ազգային կոնգրեսի համակարգող Լեւոն Զուրաբյանի խոսքով` «մեծ երեւակայություն» է պետք եզրակացնելու, որ Կոնգրեսը հրաժարվել է արտահերթ ընտրությունների միջոցով լեգիտիմ իշխանություն ձեւավորելու ծրագրերից:
«Ազատություն» ռադիոկայանի հետ զրույցում հիշեցնելով, որ ՀԱԿ-ը խնդիր է հռչակել հրաժարական պարտադրել Սերժ Սարգսյանին` Զուրաբյանն ընդգծեց, որ իրենք նպատակ չունեն գործընթացը հետաձգել մինչեւ Ազգային ժողովի հերթական ընտրությունները:

Հրաժարականին հասնելու ուղիները, նրա խոսքով, արդեն նախանշված են. քաղաքական ճնշման ճանապարհը` համաժողովրդական ճնշման ալիքը հզորացնելով, եւ Սահմանադրությամբ նախատեսված իմփիչմենթի ընթացակարգը, որին հնարավոր է հասնել Ազգային ժողովի անհատ պատգամավորների հետ աշխատանքի արդյունքում:

«Քանի որ մենք խնդիրը չենք ուզում հետաձգել մինչեւ Ազգային ժողովի հերթական ընտրությունները, մենք խնդիրը այսօրվանից դնում ենք», - ասաց նա` հավելելով, որ պատգամավորները կարող են սկսել Սահմանադրության 57-րդ հոդվածով նախատեսված իմփիչմենթի գործընթացը: Ըստ այդմ` Ազգային ժողովը կարող է նախագահին պաշտոնանկ անելու մասին որոշում կայացնել պատգամավորների ընդհանուր թվի ձայների առնվազն երկու երրորդով` եթե կա Սահմանադրական դատարանի համապատասխան եզրակացությունը:

Հարցին, թե իրատեսական համարո՞ւմ է, որ խորհրդարանում մեծամասնություն կազմող կոալիցիան կարող է սկսել նման գործընթաց, Զուրաբյանը արձագանքեց. - «Խոսքը գնում է ընդվզման ալիքի մասին: Այո, երբ Հայաստանում ստեղծվի համապատասխան քաղաքական մթնոլորտ, կոալիցիան վազելով է գալու քննարկելու այդ հարցը մեզ հետ: Մի մոռացեք, որ 88-ի շարժման ժամանակ էլ, թեեւ կոմունիստները ունեին բացարձակ մեծամասնություն պառլամենտում, բայց համապատասխան քաղաքական իրավիճակում Գերագույն խորհուրդը քվեարկեց հօգուտ այն որոշումների, որոնք պարտադրվում էին խորհրդարանից դուրս գտնվող Հայոց համազգային շարժման կողմից»:

Իսկ եթե ՀԱԿ-ին հիմա չհաջողվի ստանալ պատգամավորների աջակցությունն ու հասնել Սերժ Սարգսյանի հրաժարականին, ապա, ինչպես Լեւոն Տեր-Պետրոսյանն է նշել վերջին հանրահավաքում, Կոնգրեսը պետք է ձգտի Ազգային ժողովում ապահովել այնպիսի ծանրակշիռ ներկայություն, որ առանձին կամ այլ ուժերի հետ կազմած դաշինքով ի վիճակի լինի բարձրացնել Սերժ Սարգսյանի իմփիչմենթի հարցը:

Եվ քանի որ նման ծանրակշիռ ներկայությունը հնարավոր է միայն օրինական ընտրությունների միջոցով, Տեր-Պետրոսյանը անհրաժեշտ է համարում այսօրվանից եւեթ լրջորեն զբաղվել առաջիկա ընտրությունների օրինականության ապահովման հարցերով:

Այս կապակցությամբ Զուրաբյանը ասաց. - «Մենք բոլոր քաղաքական ուժերին ներկայացրել ենք ծրագիր: Եթե իրենք պատրաստ են միանալ այդ ծրագրին` շատ լավ: Իսկ եթե պատրաստ չեն, դա էլ իր արդյունքը ունի, որովհետեւ այն քաղաքական ուժերը, որոնք չեն ցանկանում արդար ընտրությունների շուրջ համագործակցություն, իրականում իրենց դիմակն են պատռում եւ ցույց են տալիս, որ սպասարկում են ռեժիմի շահերը»:

Իշխող ՀՀԿ-ն, մինչդեռ, համոզված է, որ ՀԱԿ-ը գնում է հերթական խորհրդարանական ընտրությունների:

Կուսակցության փոխնախագահ Գալուստ Սահակյանը «Ազատություն» ռադիոկայանի հետ զրույցում Կոնգրեսի հանրահավաքները «նախընտրական» բնորոշեց, իսկ Տեր-Պետրոսյանի հայտարարությունները` «քարոզչություն»:

Աղբյուր

Հ.Գ. Ժողովուրդ, էս մարդու հասցեին հնչեցրած բոլոր դրական խոսքերս հետ եմ վերցնում ու ներողություն խնդրում դրա համար։ Ինքը կոնկրետ անմեղսունակ ա։

Հ.Հ.Գ. Էս գլուխգործոցների գլուխգործոց հարցազրույց ա, անպայման կարդացեք։

[Bruno]

Հովիկ Աբրահամյանը հրաժարեցվեց ԱԺ նախագահի պաշտոնի

[Bruno]

Դավիթ Հարությունյանն ԱԺ նախագա՞հ

Իշխանական մեր աղբյուրների փոխանցմամբ, ԱԺ նախագահի հավանական թեկնածու է համարվում ԱԺ պետաիրավական հանձնաժողովի նախագահ, ԵԽԽՎ-ում Հայաստանի պատվիրակության ղեկավար Դավիթ Հարությունյանը: Մեր աղբյուրները նշում են, որ նա իր կրթական ու մասնագիտական ցենզով, միջազգային հեղինակությամբ ամենահարմար թեկնածուն է:

http://lragir.am/armsrc/country55574.html

[davidus]

Սուրիկ Խաչատրյանը Սերժ Սարգսյանին առաջարկել է ԲՀԿ-ի հետ գնալ միասնական ցուցակով. մամուլ

«Հրապարակ»-ի տեղեկություններով` երկուշաբթի կայացած ՀՀԿ խորհրդի նիստում Սյունիքի մարզպետ Սուրիկ Խաչատրյանը Սերժ Սարգսյանին առաջարկել է ԲՀԿ-ի հետ գնալ միասնական ցուցակով:

«Սակայն շեֆն իր ենթակային «նստեցրել է տեղը»` ասելով, որ այդ հարցը դեռ չի քննարկվում, և առաջարկներ չեն ընդունվում»:

Աղբյուր

Եթե սա պարզապես բամբասանք չի, ապա մարդամեկի օրերը հաշված են։

[Տրիբուն]

Աղբյուր

Եթե սա պարզապես բամբասանք չի, ապա մարդամեկի օրերը հաշված են։

Ալիկ Սարգսյանը հրաժարվել է ոստիկանական գործողություններ իրականացնել Գագիկ Ծառուկյանի դեմ

Նախագահս օլիգարխների դեմ պայքար ա սկսում, սուս ....

[davidus]

Ալիկ Սարգսյանը հրաժարվել է ոստիկանական գործողություններ իրականացնել Գագիկ Ծառուկյանի դեմ

Նախագահս օլիգարխների դեմ պայքար ա սկսում, սուս ....

Նեա, 15 կետերն ա կատարում։

Լուրջ խնդիր ռեժիմի ներսում

[Chuk]

Նախագահ Սերժ Սարգսյանի այսօրվա հրամանագրով իր դիմումի համաձայն զբաղեցրած պաշտոնից ազատվել է ՀՀ նախագահի աշխատակազմի ղեկավարի առաջին տեղակալ Միքայել Մինասյանը: Այս մասին տեղեկացնում է ՀՀ նախագահի մամլո գրասենյակը:

Աղբյուր՝ tert.am

Վայ քո արա
Սպասենք փեսա Միշիկի բացառիկ հարցազրույցին ԱրմՆյուզի եթերում

[Chuk]

Քիչ առաջ Սերժ Սարգսյանի հրամանագրով սեփական դիմումի համաձայն պաշտոնից ազատվեց ՀՀ նախագահի աշխատակազմի ղեկավարի առաջին տեղակալ Միքայել Մինասյանը: Պաշտոնից ազատվելուց հետո Միքայել Մինասյանը պատասխանել է NEWS.am-ի հարցերին:

Պարոն Մինասյան, ինչպե՞ս կմեկնաբանեք Ձեր անակնկալ հրաժարականը:

Անշուշտ անակնկալ ոչինչ չկա դրանում: Ես գնում եմ օգնելու Հովիկ Աբրահամյանին գալիք ընտրությունները պատշաճ նախապատրաստելու հարցում և կարծում եմ, որ դա է այսօր առաջնահերթություն:

Իսկ ինչո՞ւ է այդքան մեծ ուշադրություն դարձվում այսօր նախընտրական շտաբի ձեւավորմանը` պատճառ դառնալով բարձրաստիճան պաշտոնյաների հրաժարականների:

Հանրապետության նախագահը տրամադրված է լավագույն ընտրությունների անցկացման: Մենք պատրաստվում ենք ոչ միայն ապահովել նախագահի կուսակցության հաղթանակը գալիք ընտրություններում, այլև նպաստել այնպիսի ընտրությունների անցկացմանը, որից Հայաստանը դուրս կգա ուժեղացած և վստահորեն դեպի ապագա նայող: Իսկ դրա համար այսօր արդեն ստեղծված են բոլոր անհրաժեշտ պայմանները: Կարծում եմ, որ այս ընտրությունները որակական հեղափոխություն են լինելու մեր երկրի ու բոլորիս համար:

Կարելի՞ է արդյոք ենթադրել, որ սրանով կավարտվի պաշտոնաթողությունների այն շղթան, որին մենք ականատես ենք լինում վերջին օրերի ընթացքում:

Նման հարցերի պատասխանը գիտի միայն մեկ մարդ` հանրապետության նախագահը:

Աղբյուր՝ tert.am

[Chuk]

«Քաղաքացիական ֆորումի» շրջանակներում Ազատության հրապարակում քննարկվում է ՀԱԿ-ի «100 քայլ» ծրագիրը: Բանախոսը Հրանտ Բագրատյանն է:
Ինքս դեռ չեմ նայել: Հիշեցնեմ, որ թեման միայն լրահոսի համար է: Քննարկումները կարող եք անցկացնել «Քաղաքական քննարկումներ՝ թեմայից դուրս» թեմայում կամ այլ՝ համապատասխան թեմայում:

[Chuk]

Ըստ իս մեր հասարակությունում ամենատարբեր թեմաներով հանրային քննարկումները, ֆորումները անհրաժեշտություն են և ես ուրախ եմ, որ աստիճանաբար նման ֆորմատներ են ձևավորվում: Այդ քննարկումներին մասնակցում են ամենատարբեր ուժերն ու գործիչները: Այդ ֆորումներից մեկն էլ «Փոքր խորհուրդի» քննարկումներն են.

Երբեմն քաղաքականությամբ զբաղվող մարդիկ իրենց թույլ են տալիս ունենալ նախասիրություններ, օրինակ, գերադասել խորհրդարանական կառավարման մոդելը, կամ տնտեսական այս կամ այն մոդել: Այսպես է «Փոքր Խորհուրդ» հասարակական-գաղափարական խմբի նիստին սկսել իր` «Ինչպիսին պետք է լինի կատարյալ ժողովրդավարական խոհրհրդարանական համակարգը» զեկույցը ԱԻՄ կուսակցության նախագահ Պարույր Հայրիկյանը:

«Ժամանակին ես էլ էի ինձ թույլ տալիս ունենալ նախասիրություններ, աակայն մարդկությունը եկել է մի հայտարարի, որ քաղաքական գործչի միակ նպատակն է՝ լավագույնս իրականցնել մարդու իրավունքները, և ոչ թե սեփական նախասիրությունները: Ներկայիս աշխարհում ստանդարտ համարվող, խորհրդարանական ընտրությունների մոդելի թերությունն այն է, որ արդյունքում ձևավորվում է ոչ թե բոլոր քաղաքացիների քվեները ներկայացնող խորհրդարան, այլ՝ միայն հաղթած քաղաքացիների: Այն քաղաքացիների ձայները, որոնց ընտրյալը չի անցել խորհրդարան, փաստորեն, կորում են: Քաղաքացիները կորցնում են իրավահավասարությունը, առաջանում է խտրականություն և հասարակության պառակտում: Դրանից բացի՝ տարբեր պատգամավորներ տարբեր քանակությամբ ձայներ են ստանում, տարբերությունը կարող է հասնել հինգ անգամի, սակայն ամեն մեկը խորհրդարանում ունի նույն մեկ ձայնը: Մինչդեռ, պատգամավորների իրավահավասարությունը ամրագրված չէ սահմանադրորեն, ամրագրված է միայն քաղաքացիների իրավահավասարությունը», – պատմել է Հայրիկյան:
Վերջինս մշակել է մի բանաձև, որը թույլ է տալիս խորհրդարանում որոշումներ կայացնելիս չկորցնել ոչ մի քաղաքացու ձայնը: Ըստ այդ բանաձևի, ամեն մի պատգամավոր քվեարկում է իր ունեցած քվեների քանակով, ինչպես դա վաղուց հաջողությամբ արվում է տնտեսական համակարգում՝ բաժնետիրական ընկերություններում, որտեղ ամեն մեկը քվեարկում է իր բաժնետոմսերի քանակով: Քաղաքացին, քվեարկելով, դրանով իսկ պայմանագիր է կնքում իր պատգամավորի հետ իր շահերը ներկայացնելու մասին, և պետք է տեսնի, թե ինչպես է օգտագործվում իր ձայնը: Ընտրությունները, ըստ առաջարկվող համակարգի, կատարվում են հաճախ, երկու տարին մեկ, պատգամավորները ընկալվում են ոչ թե իբրև իշխանավոր, այլ իբրև միջնորդ, և կարող են ցանկացած պահին հետ կանչվել համապատասխան արարողակարգով: Ընտրությունների ժամանակ պարտված թեքնածուները կարող են փոխանցել իրենց ձայները հաղթածներին, կամ՝ չփոխանցել, բայց դա կդիտվի իբրև անպատասխանատու վարք, քաղաքացիների ձայների խորհրդարան չհասցնել, և նման թեկնածուն կորցնում է հետագայում քաղաքացիների վստահությունը: Համամասնական ցուցակներով ընտրությունների ժամանակ՝ ով որ կուսակցության ցուցակից չի անցել, ձայները փոխանցում է անցած կուսակիցներին: Այս ծրագիրը Պարույր Հայրիկյանը բնորոշել է իբրև իշխանական համակարգում քաղաքացիների կատարյալ ներկայացուցչություն ապահովող ծրագիր և կարծիք հայտնել, որ այսօրվա Հայաստանի հիմնական խնդիրն է՝ անել այնպես, որ քաղաքացին իրեն կարողանա երկրի տեր զգալ:

Նիստի ընթացքում Հայրիկյանը նաև հերքել է ԱԻՄ լուծարելու և ՀՀԿ-ին միանալու լուրը իբրև սուտ, և հայտնել, որ նա ու ԱԻՄ-ը պայքարում են ոչ թե իշխանության, այլ այս մոդելի ներդրման համար, և պատրաստ են նախընտրական դաշինք կազմել այն քաղաքական ուժերի հետ, որոնք կընդունեն այս մոդելը:

Պատասխանելով նիստի մասնակիցների այն հարցին, թե ինչպես ներդնել այդ զարգացած մոդելը, երբ երկրում չի գործում անգամ տարրական ընտրությունների համակարգը, Հայրիկյանը կարծիք է հայտնել, որ եթե քաղաքական ուժերը կարողանան այս համակարգի շուրջ միավորվել և միավորել քաղաքացիներին` կնքելով նրանց հետ կոնկրետ նախընտրական պայմանագիր, ապա դա մեծագույնս կնպաստի նաև տարրական ժողովրդավարության հաստատմանը Հայաստանում:

Նիստից հետո ՀԱԿ համակարգող Լևոն Զուրաբյանը կարծիք է հայտնել, որ նման համակարգի ներդրումը կխանգարի խոշոր քաղաքական կուսակցությունների կայացմանը, որոնք, իր տեսանկյունից, միակն են, որ ընդունակ են անցկացնել վճռական արմատական փոփոխություններ, և կխթանի մանր կուսակցություններին ու կեղծ թեկնածուներին, որոնց միակ նպատակը կլինի ձայների վերավաճառքը, և դա կհանգեցնի թույլ, անկայուն ու անվճռական իշխանական կոալիցիաների միջոցով իրականացվող կառավարմանը:
«Փոքր խորհուրդը» որոշել է հետագայում շարունակել տվյալ հարցի քննարկումը:

Աղբյուր՝ epress.am

[Chuk]

Վայ քո արա
Էս արդեն բոլոր սահմաններն անցնում ա.

«Հրապարակ» օրաթերթը կրկին հայտնվել է դատական գործընթացներում: Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի որոշմամբ թերթի դրամական միջոցների վրա այս պահին արգելանք է դրված:

Այս որոշումը թերթը որակել է իբրեւ խոսքի ազատությունը ճնշելու փորձ:

«Հրապարակ»-ի խմբագրակազմը ընթերցողներին տեղեկացրել է, որ օրաթերթը չի կարողանալու տնօրինել իր դրամական միջոցները, չի կարողանալու վճարել տպագրական ծախսերը, աշխատավարձ եւ այլն, ինչն էլ նշանակում է, որ պարբերականի տպագրությունը կարճ ժամանակ անց կարող է կանգ առնել:

«Հրապարակ»-ի դրամական հաշիվների վրա կալանք է դրվել թերթի ընթերցողների մեկնաբանությունների պատճառով:

Փաստաբան Արթուր Գրիգորյանը գտնում է, որ օրաթերթի էլեկտրոնային տարբերակում դեռեւս օգոստոսին տպագրված հոդվածի ներքո ընթերցողների թողած մեկնաբանությունները վիրավորել են իր պատիվն ու արժանապատվությունը:

Հոդվածը փաստաբանի ծառայություններից դժգոհ մնացած քաղաքացիների բողոքի մասին է: Հոդվածի վերաբերյալ մեկնաբանություն թողած 6 քաղաքացիներից մի քանիսը իրենց մեկնաբանություններում եւս բողոքել են փաստաբանի գործողություններից: Նրանցից մեկը գրել է. - «Արթուր Գրգորյանի պատճառով կորցրեցինք բողոքարկելու իրավունքը` զուտ իր բողոքը ուշացնելու պատճառով»: Մեկ այլ ընթերցող էլ հիշել է իր գործը` գրելով. - «Մեր գործով նույն սցենարով սկզբից պայմանագիր կնքեց 150 հազար դրամի, հետո վերջում` 600 հազար դրամի հասցրեց ու ընդամենը փորձեց հարցը դատավորի հետ միջնորդությամբ լուծել»:

Ընթերցողների մեկնաբանությունների համար փաստաբանը թերթից 18 միլիոն դրամ (շուրջ 47 հազար դոլար) է պահանջում: Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Խանդանյանը բավարարել է փաստաբանի պահանջը եւ 18 միլիոն դրամի չափով արգելանք դրել «Հրապարակ»-ի դրամական միջոցների վրա:

Թերթի գլխավոր խմբագիր Արմինե Օհանյանն աննախադեպ է համարում այս գործը նրանով, որ իրենց մեղադրում են ընթերցողների կարծիքները տպագրելու համար:

«Դատարանի որոշումը` ծրարով, փոստով ստացել եմ։ Անմիջապես միջնորդություն եմ տարել դատարան` կալանքը վերացնելու մասին։ Ընդ որում, այդ քոմենթներում ինքը [Արթուր Գրիգորյանը] 6 բառ է առանձնացրել իրեն վիրավորական, եւ ամեն բառը գնահատել է 3 միլիոն դրամ եւ հաշվել է` 18 միլիոն դրամի գումար է ուզում մեզնից` իր պատվի, արժանապատվության դիմաց», - «Ազատություն» ռադիոկայանին փոխանցեց Օհանյանը։

Քանի որ պարբերականի հաշիվների վրա արգելանք է դրված, թերթը կտպագրվի այնքան ժամանակ, մինչեւ սպառվի տպարանին փոխանցված գումարը:

«Հրապարակ»-ի խմբագիրը գտնում է, որ փաստաբանն այս կերպ հին հաշիվներ է մաքրում: Օհանյանը վերհիշում է Դատական դեպարտամենտի հետ ունեցած դատական գործը. - «Ուղղակի մի այսպիսի զուգահեռ անցկացնեմ։ Հիշո՞ւմ եք, որ մենք Դատական դեպարտամենտի ղեկավարի հետ վեճ ունեինք դատական, որը հաշտությամբ ավարտեցինք` Միսակ Մարտիրոսյան։ Միսակ Մարտիրոսյանի ներկայացուցիչը դատարանում եւ իր հայցը կազմողը այս նույն Արթուր Գրիգորյանն էր»։

Սա «Հրապարակ»-ի դեմ արդեն վեցերորդ դատական գործն է: Ավելի վաղ թերթին դատի է տվել նաեւ Հայաստանի երկրորդ նախագահ Ռոբերտ Քոչարյանը:

Նախորդ եռամսյակում` հուլիսից սեպտեմբեր ընկած ժամանակահատվածում, 11 նոր դատական հայցեր են ներկայացվել լրատվամիջոցների դեմ:

Հայաստանի մարդու իրավունքների պաշտպան Կարեն Անդրեասյանը Սահմանադրական դատարան է դիմել Քաղաքացիական օրենսգրքի` զրպարտությանը եւ վիրավորանքին վերաբերող հոդվածների սահմանադրականության հարցով: Սահմանադրական դատարանը օմբուդսմենի դիմումը դեռ չի քննել:

Աղբյուր՝ Ազատություն

[h_jak]

Հոդված ֆոտո և վիդեո

Վերջին ամիսներին էլեկտրոնային լրատվամիջոցները բազմիցս անդրադարձել են Գառնու ձորում տարբեր քաղաքացիների հանդիպած մի խնդրի:

Ինչպես News.armenaitv.com-ին հայտնում է ֆոտոլրագրող Գագիկ Շամշյանը, ձոր այցելողները ստիպված են լինում 1000 դրամ վճարել ինչ որ մեկին, որի պնդմամբ, տարածքն իրենն է:

Հիշեցնենք, որ այդտեղ է նաև հայտնի «Քարերի սիմֆոնիան»:

Տարածքի սեփականատեր ներկայացած Շմավոն Համբարձումյանը պատմել է, որ եթե այցելուները գնում են քարերի սիմֆոնիան տեսնելու, գումար չի գանձում, սակայն 40 րոպեն լրանալուն պես 1000 դրամ է պահանջում, քանի որ դրանից ավելի ձորում մնալը իր համոզմամբ նշանակում է, որ մարդիկ ոչ թե քարերի սիմֆոնիան տեսնելու, այլ հանգստանալու են եկել, իսկ իր տարածքում հանգստանալն այդքան արժե:

Այսօր աղմուկը, սակայն, առաջացել է ոչ թե գումար գանձելու օրինականության, այլ տարածքի սեփականության խնդրի առումով:

«Երևան-Ջուր» ընկերության ներկայացուցիչներն այսօր տարածք են այցելել սեփականության մասին վկայող փաստաթղթերով և տարածքում աշխատանքներ կատարելու վճռականությամբ, սակայն հանդիպել են խոչընդոտի ու ստիպված ոստիկանություն են ահազանգել:

Տարածքի պատկանելության մասին խոսել են տարածքի սեփականատեր ներկայացած Համբարձումյանը, «Երևան Ջուր» ընկերության իրավաբանն ու գյուղապետը:

Ֆոտոլրագրող Գագիկ Շամշյանը հայտնում է, որ Շմավոն Համբարձումյանը համոզում էր իրեն, որ տարածքում սանիտարահիգենիկ պայմանները բարվոք վիճակում են, մինչդեռ կադրերն այլ բան էին հուշում:

Գյուղացիները ֆոտոլրագրողի հետ զրույցում պատմում էին, որ վերջապես ոստիկանությունը խոսքից գործի անցավ ու հիմա քաղաքացիներն առանց խոչընդոտների և անհիմն վճարումների կարող են այցելել «Քարերի սիմֆոնիա»:

[Bruno]

Ոստիկանապետը «դուխ է տվել» ՃՈ աշխատակիցներին

Արդեն որերորդ օրն է կայքերն ու թերթերը ողողված են նոր ոստիկանապետի «հրաշագործություններով»:
Ազնիվ մտքով համակարգ ոտք դրած նոր ոստիականապետը` չնայած սկզբում իր կողմից արված ժեստին, թե ոչ մեկին չի կպնելու, բոլորի հետ աշխատելու է մեծ սիրով` իրականում միֆ էր:

Ռազմական ոստիկանության «ռազմատենչ» կերպարը համակարգը սկսել է խուզել մասնավորապես Ալիկ Սերգեյիչի կադրերից: Հատկապես վերջինիս հետ նստած, մի կտոր հաց կերածները որպես փրկություն` երանություն են տալիս, որ հայտնվեն գոնե մարզային կառույցներում, հակառակ դեպքում ճանապարհը մեկն է` ուղիղ տուն:

Որպես վառ օրինակ` կարող ենք նշել ոստիկանության Կազմակերպված հանցավորության դեմ պայքարի գլխավոր վարչության պետի տեղակալ Սուրիկ Ավետիսյանին, 5-րդ վարչության պետի տեղակալ Խաչիկ Գրիգորյանին, ՃՈ 1-ին հաշվառման քննական բաժնի պետ, ոստիկանության գնդապետ Արթուր Մարգարյանին զբաղեցրած պաշտոններից ազատելը, որոնք անցել են կադրային ռեզերվ:

Իսկ Սերգեյիչի մեկ այլ մերձավոր` 6-րդ վարչության պետի տեղակալ Կարեն Բաբակեխյանի` ոստիկանության Շիրակի մարզային վարչության պետի պաշտոնին նշանակումը, ինչ-որ տեղ գուցե չզարմացրեց շատերին: Ասում են` նա միշտ եղել և մնում է համակարգի серый кардинал-ը, ուստի վերջինիս հեռացնելը թանկ կնստեր համակարգի վրա:

Ի դեպ, իր նշանակման լուրը լսելուց հետո նախագահական նստավայրից ֆրանսերեն ֆլիրտ անելով դուրս եկած Վլադիմիր Գասպարյանը, ինչպես և ցանկացած խելոք մարդ, ասում են` կենտրոնացել է հենց ճանապարհային ոստիկանության աշխատելաոճի վրա:

Մեր աղբյուրների փոխանցմամբ` երկու օր առաջ Վլադիմիր Գասպարյանը հանդիպել է ճՈ աշխատակազմի ղեկավար մասին ու հորդորել` ասելով. «Տղերք ջան, դուխներդ տեղը պահեք, սարի պես մեջքներիդ կանգնած եմ, ուղղակի պտի աշխատեք օրենքի շրջանակներում, թե չէ` պարզ ասեմ, կկոտրեմ սաղիդ»:

Կոտրել չէ, փչացնել ա պետք դրանց:
Ու էս նշանակում ա «դուխ տալ»: