Ակումբցիների գրառումներում հաճախ հանդիպող լեզվական սխալներ

[Ուլուանա]

Ժողովուրդ, չինացիների լեզուն չինարեն է կոչվում։ Չինացիների մասին անեկդոտների թեմայում մի քանի անգամ նկատեցի «չիներեն» սխալ ձևը։

[CactuSoul]

Ժողովուրդ ջան, եկեք «հասարակած» ու «հասարակաց» բառերն իրարից տարբերենք, է՞լի: Նյարդերիս արդեն ազդում է ամեն անգամ «հասարակած տուն» արտահայտությունը կարդալը: Տունը կարող է գտնվել հասարակածում կամ լինել հասարակաց, իսկ «հասարակած տուն» բառակապակցությունը պարզապես անհեթեթ է:

[Hda]

Տունը կարող է գտնվել հասարակածում կամ լինել հասարակաց....

ստացվում է հասարակածում հասարակաց տուն չկա ....

[Ուլուանա]

Մի սխալ կա, որ մի քանի հոգու գրառումներում նկատել եմ, Ակումբից դուրս էլ բավական տարածված է։ Խոսքը «միաժամանակ» և «միառժամանակ» բառերի մասին է, որոնք շատերն են շփոթում՝ հիմնականում երկրորդն առաջինի փոխարեն գործածելով։ Պարզաբանեմ.

միաժամանակ – միևնույն ժամանակ
Նրանք երաժշտություն էին լսում ու միաժամանակ զրուցում։
Արմենն ու հայրը տուն հասան միաժամանակ։

միառժամանակ – որոշ ժամանակ
Միառժամանակ հետո ամեն ինչ պարզ դարձավ։
Աղջիկն ու տղան որոշեցին միառժամանակ հեռու մնալ միմյանցից։

[CactuSoul]

Հետաքրքիր է՝ մարդիկ (մասնավորապես ակումբցիներից ոմանք) «ավելնորդ» բառում իսկապե՞ս ոչ մի ավելորդ տառ չեն նկատում:

---------- Ավելացվել է՝ 20:36 ---------- Սկզբնական գրառումը՝ 20:34 ----------

ստացվում է հասարակածում հասարակաց տուն չկա ....

Չբացառող «կամ» էր:

[Շինարար]

Տաղտկալի բառը տախտակ բառի հետ ոչ մի կապ չունի:

[Rammstein]

Վերջերս էնքան եմ հանդիպում «աննդհատ» բառին: Ճիշտը «անընդհատ»-ն է:

[Նաիրուհի]

Ու մինչև հիմա որոշ մարդիկ գրում են ընդհամենը

[Rammstein]

Ու մինչև հիմա որոշ մարդիկ գրում են ընդհամենը

Էս նոր կանոն ա երեւի, որ «ընդ»-ից հետո միշտ «հ» ա գրվում: Որոշ մարդիկ էլ (քիչ առաջ հանդիպեցի) գրում են «ընդհունված»:

[Rammstein]

Նոր կինոյի բաժինն էի նայում, բազմաթիվ տեղերում հանդիպեցի «Ռեժիսյոր» բառին: Չնայած հայկական բառ չի, բայց հայերենում ունի սահմանված գրելաձեւ` «Ռեժիսոր»` առանց «յ»-ի:

[Հարդ]

Կառավարությունն ստիպված էր հետաձգել կոռուպցիայի դեմ պայքարի միջոցառումը, քանի որ այդ նպատակով հատկացված 50 միլիոն դոլարն ինչ-որ տեղ անհետացել էր ։

Ցավոք, այս սխալն անում են գրեթե բոլորը:
Եթե երկրորդ բառը սկսվեր ձայնավորով, այս դեպքում

Կառավարությունն

ձևը ճիշտ կհամարվեր:
Սակայն քանի որ երկրորդ բառը սկսվում է բաղաձայնով, ապա մենք գրվածը ստիպված ենք կարդալ.

Կառավարությունն ըստիպված էր

Մինչդեռ կարելի է հանգիս ասել

Կառավարությունը ստիպված էր

[Ամպ]

Ուլուանա-ի խոսքերից
Կառավարությունն ստիպված էր հետաձգել կոռուպցիայի դեմ պայքարի միջոցառումը, քանի որ այդ նպատակով հատկացված 50 միլիոն դոլարն ինչ-որ տեղ անհետացել էր ։
Ցավոք, այս սխալն անում են գրեթե բոլորը:
Եթե երկրորդ բառը սկսվեր ձայնավորով, այս դեպքում
Կառավարությունն
ձևը ճիշտ կհամարվեր:
Սակայն քանի որ երկրորդ բառը սկսվում է բաղաձայնով, ապա մենք գրվածը ստիպված ենք կարդալ. Կառավարությունն ըստիպված էր
Մինչդեռ կարելի է հանգիս ասել
Կառավարությունը ստիպված էր

Հա՛րդ, մեջբերածդ գրառման մեջ ես սխալ չեմ տեսնում:
Սկ, սպ, սթ, սփ, ստ, զբ, զգ, շտ բաղաձայններից առաջ լսվող ը ձայնավորը մեզ շատ հանգիստ հնարավորություն է տալիս այդ բաղաձայններից առաջ գրվող գոյականի ը որոշիչ հոդը փոխարինել ն-ով: Իմ կարծիքով Ուլուանայի գրած տարբերակը ճիշտ է:
Իսկ եթե նախադասության կառուցվածքն այնպիսին լիներ, որ կառավարություն գոյականից հետո կետադրական նշանի կարիք լիներ, ապա այս պարագայում անխուսափելիորեն ն-ի փոխարեն պիտի ը գրվեր: Օրինակ՝ Կառավարությունը, ստիպված լինելով հետաձգել կոռուպցիայի դեմ պայքարի միջոցառումը, ...

[Հարդ]

Դե նայիր, նախ սա.

Կառավարունն ըստիպված էր...

Հիմա սա.

Կառավարությունը ստիպված էր...

Խնդրում եմ, 2 օրինակները բարձրաձայն կարդա ու քեզ համար որոշիր, թե որն էր ավելի բարեհնչյուն ու բերանի շարժումներին հարմար:

[Ամպ]

Դե նայիր, նախ սա.


Հիմա սա.


Խնդրում եմ, 2 օրինակները բարձրաձայն կարդա ու քեզ համար որոշիր, թե որն էր ավելի բարեհնչյուն ու բերանի շարժումներին հարմար:

Երկու օրինակները բարձրաձայն կարդալու անհրաժեշտություն չկա: Այստեղ մենք խոսում ենք լեզվական սխալների մասին: Ճիշտ է և՛ քո տարբերակը, և՛ Ուլուանայի, սակայն Ուլուանայի գրած տարբերակով ավելի հաճախ է հանդիպում և իմ կարծիքով ավելի հնչեղ է:

[Հարդ]

Դե հիմա տարբեր մարդիկ, տարբեր կարծիքներ: Ուղղակի այն է տարօրինակ, երբ ասում ես, որ Ուլուանայի գրածն ավելի հնչեղ է: