Քաղաքական լրահոս

[Mephistopheles]

Ա1+ ինտերնետ եթերում… կենդանի

http://www.livestream.com/a1plus

[Բիձա]

ԴՈԿՏ. ԹԱՆԵՐ ԱՔՉԱՄԻ ՑՆՑՈՂ ԲԱՑԱՀԱՅՏՈՒՄԸ

Հ. Ծ.

Անդրադառնալով Քլարք համալսարանի Հայոց ցեղասպանության ուսումնասիրությունների ամբիոնի վարիչ դոկտ. Թաներ Աքչամի զույգ դասախոսություններին (մեկըՙ մայիսի 6-ին Հարավային Կալիֆոռնիայի Էնսինո քաղաքի «Վելի բեթ Շալոմ» հանդիսասրահում, նախքան դոկտ. Մայքլ Հակոբյանի «Գետը կարմիր ներկվեց» վավերագրական ֆիլմի ցուցադրումը, իսկ մյուսըՙ մայիսի 7-ին Ալտադենայում, ՌԱԿ «Հայ իրավանց խորհրդի» կազմակերպած հավաքույթի ժամանակ), «Կալիֆոռնիա կուրիեր» շաբաթաթերթի հրատարակիչ եւ խմբագիր Հարութ Սասունյանը վերջում գրում է.

«Մայիսի 7-ի դասախոսությունից հետո կայացած կարճատեւ հանդիպման ընթացքում դոկտ. Աքչամը առաջին անգամ բացահայտեց մի ցնցող երեւույթ, որը տեղի էր ունեցել 1995-ին Երեւանումՙ Հայոց ցեղասպանության մասին իր կարդացած դասախոսությունից հետո: Վերջին րոպեին նա որոշել էր ելույթ ունենալ նախօրոք պատրաստված տեքստի առավել մեղմ տարբերակով: Հետագայում Ստամբուլ վերադառնալով զարմանքից ցնցվել էր, երբ օդանավակայանում թուրք ոստիկանները դիմավորել են նրան իր նախնական, առավել խիստ տեքստի օրինակն իրենց ձեռքերում: Նա այդ նախնական տարբերակը հանձնել էր Ցեղասպանության կոնֆերանսը կազմակերպող հայ պաշտոնյաներին: Ինչ-որ մեկը Հայաստանից թուրքական իշխանություններին էր հանձնել այդ տեքստը: Դոկտ. Աքչամը կարողացել էր իր կաշին փրկել Թուրքիայի հետախուզական ծառայության աշխատակիցներիցՙ ցույց տալով նրանց իր կարդացած առավել մեղմ դասախոսության տեքստի օրինակը»:

Մեկնաբանություններն, ինչպես ասում են, ավելորդ են: http://www.azg.am/AM/2010051509

Սուտ ա, թե ղորթ չգիտեմ, բայց շաաատ հետաքրքիր ա:

[terev]

Սուտ ա, թե ղորթ չգիտեմ, բայց շաաատ հետաքրքիր ա:

Խի նորությունա՞ Բիձա ջան: Հոկտեմբերի 27-ի կադրերն էլ ամենաշուտը թուրքիան ա ցույց տվել:

[Chuk]

Կառավարությունն իր այսօրվա նիստում որոշեց աշխատանքից ազատել Շիրակի մարզպետ Լիդա Նանյանին։

Կառավարության որոշմամբ, Շիրակի մարզպետ նշանակվեց ՀՀ արդարադատության նախարարության քրեակատարողական վարչության պետ Աշոտ Գիզիրյանը։

Հիշեցնենք, որ Շիրակի արդեն նախկին մարզպետ Լիդա Նանյանը աշխատանքից ազատվելու դիմումով վարչապետին էր դիմել դեռ օրեր առաջ։

ՀՀ նախագահի մամուլի ծառայությունից տեղեկացնում են, որ Սերժ Սարգսյանը մայիսի 19-ին հրամանագիր է ստորագրել Աշոտ Գիզիրյանին Հայաստանի Հանրապետության արդարադատության նախարարության քրեակատարողական վարչության պետի պաշտոնից ազատելու մասին։

Ներկայացնում ենք Աշոտ Գիզիրյանի աշխատանքային գործունեությունը՝ ըստ ՀՀ արդարադատության նախարարության պաշտոնական կայքի տվյալների.

1983-1991թթ. ՀՀ ներքին գործերի նախարարության Արթիկի բաժնում տեղային տեսուչ
1991-1992թթ. ՀՀ ներքին գործերի նախարարության Արթիկի բաժնի պետի տեղակալ
1992-1994թթ. ՀՀ ներքին գործերի նախարարության Արթիկի բաժնի պետ
1994-1995թթ. ՀՀ ներքին գործերի նախարարության Շիրակի մարզային վարչության պետ
1995թ. ՀՀ ներքին գործերի նախարարության քրեական հետախուզության վարչության պետ
1995-1996թթ. ՀՀ ներքին գործերի նախարարության Լոռու մարզային վարչության պետ
1996-2000թթ. ՀՀ ներքին գործերի նախարարության Շիրակի մարզային վարչության պետ
2000-2002թթ. ՀՀ ոստիկանության Երևան քաղաքի վարչության պետ
2002-2008թթ. ՀՀ ոստիկանության կազմակերպված հանցավորության դեմ պայքարի գլխավոր վարչության պետ
2008-2009թթ. ՀՀ հարկային պետական ծառայության օպերատիվ հետախուզական վարչության պետ
2009թ.-ից ՀՀ արդարադատության նախարարության քրեակատարողական վարչության պետ

Աղբյուր՝ tert.am

Ըսիգ էլ էսպես

[Askalaf]

http://drugoi.livejournal.com/324612...age=1#comments

Մոսկվայում հաղթանակի զորահանդեսի նկարներն են: Հայերն էլ են մասնակցել:

Ստեղ էլ իրանց խայտառակեցին...
Ովա տեսել պառադ գնան դաշտային կամուֆլյաժով, ի՞նչա հայկական բանակը պառադնի ֆորմա չունի՞...

[Tig]

Ստեղ էլ իրանց խայտառակեցին...
Ովա տեսել պառադ գնան դաշտային կամուֆլյաժով, ի՞նչա հայկական բանակը պառադնի ֆորմա չունի՞...

Իսկ ինձ դուր եկավ մեր նոր կամուֆլյաժը, մանավանդ պառադին:

[ministr]

Տարբեր ստորաբաժանումներ տարբեր պառադնի ֆորմաներ ունեն ինչի ես խառնվել?
Լավ էլ ֆորմայա:

[Chuk]

Տարբեր ստորաբաժանումներ տարբեր պառադնի ֆորմաներ ունեն ինչի ես խառնվել?
Լավ էլ ֆորմայա:

Սա տոնական համազգեստ չի, այլ դաշտային: Եթե չեմ սխալվում հիմա մեր ողջ բանակն անցնում է այս դաշտային համազգեստին, իսկ Մոսկվայի շքերթը թերևս համազգեստի բացման օրն էր

[Ապե Ջան]

Լեռնային Ղարաբաղում ավարտվել են խորհրդարանական ընտրությունները: Երևանի ժամանակով ժամը ութին փակվել են բոլոր ընտրատեղամասերը, սկսվել է ձայների հաշվարկը: Առաջին նախնական արդյունքները Լեռնային Ղարաբաղի Կենտրոնական ընտրական հանձնողովը կհրապարակի երկուշաբթի մինչև ժամը ութին:

Ընտրելու իրավունք ունեցող բնակչության թիվը 95 հազար է: Նախնական տվյալով, ընտրողների մասնակցությունը կազմել է 70 տոկոս:

Ընտրություններն անցնում էին մեծամասնական և համամասնական համակարգերով: ԼՂ խորհրդարանում 33 տեղ կա, որոնցից 17-ն ընտրվում են կուսակցական ցուցակներով։ Խորհրդարանական մանդատներին հավակնում էր չորս կուսակցություն «Ազատ հայրենիք», Արցախի ժողովրդավարական, Լեռնային Ղարաբաղի կոմունիստական և Հայ հեղափոխական դաշնակցություն կուսակցությունները, մյուս 16 տեղերի համար պայքարում էր 40 թեկնածու

Ընտրությունների ընթացքում սահմանին ոչ մի արտառոց դեպք չի գրանցվել: Միջազգային դիտորդներն ընդգծել են ընտրությունների կազմակերպվածության բարձր մակարդակը:

Հանրապետությունում ընտրություններին հետևում էին ավելի քան հարյուր միջազգային դիտորդներ Հայաստանից, Ռուսաստանից, Ֆրանսիայից, ԱՄՆ-ից, Գերմանիայից, Արգենտինայից, Դանիայից, Չեխիայից, Իրանից, Նիդեռլանդներից, Կանադայից, Սլովակիայից, Աբխազիայից, Հարավային Օսիայից և Մերձդնեստրից:

Աղբյուրը

[Chuk]

Այսօր Գյումրիի Թատերական հրապարակում հավաքվածները Հայ Ազգային Կոնգրեսի ներկայացուցիչներից պահանջում էին կտրուկ քայլեր` իշխանափոխություն: ՀԺԿ առաջնորդ Ստեփան Դեմիրճյանն իր ելույթում հավաքվածներին վստահեցրեց, որ համամիտ է նրանց հետ, սակայն նշեց, որ իշխանափոխությունը պետք է լինի ընտրությունների միջոցով: «Մենք պահանջում ենք նոր համապետական նախագահական եւ խորհրդարանական ընտրությունների անցկացում: Մինչեւ այս հարցը չլուծվի, երկիրը դուրս չի գա ճգնաժամից:Կեղծում են ընտրությունները, մարդկանց բանտ են նետում, հետո ասում են` եկեք երկխոսենք: Ոչ: Այդպես չի լինում»,- իր ելույթում նշեց պարոն Դեմիրճյանը: Իշխանություն-ընդդիմություն լավագույն երկխոսությունը Ստեփան Դեմիրճյանը համարում է արդար եւ ազատ ընտրությունների անցկացումը:

Իր ելույթում ՀԺԿ նախագահն անդրադարձավ ժողովրդի սոցիալ տնտեսական վիճակին` նշելով, որ դրա հիմնական պատճառը ոչ թե միջազգային տնտեսական ճգնաժամն է, այլ իշխանությունների վարած քաղաքականությունը, որը նպաստում է մի խումբ մարդկանց հարստացմանը` թշվառացնելով ժողովրդին: «Երկրում օրինականության, արդարության հաստատումը կնպաստի նաեւ արտաքին մարտահրավերների դիմակայմանը»: Դեմիրճյանը բոլորին կոչ արեց չհուսահատվել` վստահեցնելով, որ իրենց պայքարը ավարտվելու է հաղթանակով:

«Հանրապետություն» կուսակցության նախագահ Արամ Սարգսյանը գյումրեցիներին խոստացավ, որ իշխանափոխությունը սարերի հետեւում չէ. «Այսօր իշխանության են առյուծ սիրողներ, առյուծ սպանողներ, առյուծ պահողներ: Բայց այդ մարդիկ, դժբախտ մարդիկ են: Այսօր Հայաստանում չեք գտնի մի մարդ, ով ասի, թե Ռոբերտ Քոչարյանի ընկերն են: Այդ մարդիկ մեղք են եւ դրանից իրենց չարությունը թափում են մեր ժողովրդի գլխին: Ինչ էլ անի Սերժ Սարգսյանը, փաստն այն է, որ նա իշխանության է եկել 10 զոհերի գնով»:

Այսօր Գյումրիում կազմակերպված Կոնգրեսի հանրահավաքի ներկա էին նաեւ մարտի 1-ի 10 զոհերի հարազատները, որոնց Կոնգրեսի անունից խորին շնորհակալություն հայտնեց Արամ Սարգսյանը:

Ի դեպ, նա իշխանությունների խորհուրդ տվեց ավելի լուրջ վերաբերվել Կոնգրեսի վերջին հանրահավաքում հնչածին. «Ամեն մեկի հայրենիքը սկսվում է նրա տան շեմից եւ այդ շեմից պետք է սկսել հայրենիքի պաշտպանությունը: Քոչարյանի եւ Սերժ Սարգսյանի տան շեմը Ղարաբաղում է: Հանուն Ղարաբաղի մինչեւ սեպտեմբեր ՀՀ-ում անցկացրեք արտահերթ նախագահի ընտրություններ: Դա Կոնգրեսի վերջին խորհուրդ էր իշխանություններին»:

Այսօրվա հանրահավաքին ներկա էր նաեւ Գագիկ Ջհանգիրյանը, որը անդրադարձավ 2008թ. նախագահի ընտրություններից հետո մինչ օրս ՀՀ իրավական դաշտում տիրող իրավիճակին: Նշելով, որ մեր դատախազությունն ու դատարաններն այսօր չեն գործում օրենքի շրջանակներում եւ քաղբանտարկյալներին պատանդ են պահում` իրենց իշխանությունը երկարաձգելու համար` Գագիկ Ջհանգիրյանն ասաց.

«Մեր ընկերներին ներման խնդրագրեր գրելու խորհուրդ տվող պաշտոնյա խելոքները լավ կանեն հայ տղամարդու համար անընդունելի իրենց խրատները պահեն անհայտ սեռի իրենց տեսակի ներկայացուցիչներին»:

Նա ընդգծեց, որ ընդդիմադիրներին առաջադրված բոլոր մեղադրանքները եղել են շինծու եւ առանց որեւէ ապացույցների: Ջհանգիրյանը ներկաներին կոչ արեց զինվել համբերությամբ` վերջնական հաղթանակը միասին արձանագրելու համար: Հավաքվածները Ջհանգիրյանին արձագանքեցին. «Հաղթանակ», «Հաղթանակ»:

Ա1+

[Բիձա]

Լարվածությունն Իրանի և Կորեայի դեմ աճում է:

http://www.debka.com/article/8794/

http://www.debka.com/article/8806/

Երկու ֆրոնտով պատերազմի հավանականություն է ստեղծված և ամեն մեկը մտածելու է, թե մի գուցե ինքը խույս կտա վտանգից:
Հետաքրքիր տոտալիզատորային վիճակ է:
Կարծում եմ, որ ակումբը կարող է տարբեր առաջարկներ ընդունել:
Տարբերակներ
Ա-որտեղ կսկսի պատերազմը՞:
1-Իրան
2- Կորեա
3 -Երկուսում էլ:
4- Ոչ մեկում
5- այլ կետում
Բ- Երբ՞
1- Մայիս-Հունիս
2- Հուլիս -Օգոստոս
3-Աշուն:
Գ- Հայաստանին դա ինչպես կանդրադառնա:
1- Կքաշվենք:
2-Կշահենք
3-Կիշխանափոխվենք:
Ես կարծում եմ Ճիշտ պատասխաններն են
Ա1, Բ2,Գ1:

[Chuk]

Այսօր ժամը 18-ից Հայ ազգային կոնգրեսի երիտասարդական թեւի ներկայացուցիչները եւ մարտի 1-ի գործով նախկին քաղբանտարկյալ նստացույց են սկսել Ազատության հրապարակում, որը վերաբացվել է մի քանի օր առաջ, ստորգետնյա ավտոկանգառի կառուցումից հետո: Նստացույցի սկզբում ոստիկանությունը փորձել է ցրել, տեղի է ունեցել քաշքշուկ, ոստիկանները փորձել են հրապարակից հեռացնել Հայ ազգային կոնգրեսի անդամներ Վլադիմիր Կարապետյանին, Տիգրան Առաքելյանին եւ այլոց: Սակայն տղաները մնացել են հրապարակում, նստացույցը շարունակվում է:

Նստացույցի պահանջներն են` վերաբացել Ա1+ հեռուստաընկերությունը, վերջ տալ բանակում եւ ոստիկանությունում խոշտանգումներին, եւ այլն: Ներկա պահին նստացույցի մասնակիցների թիվն ավելանում է: Այն տեւելու է 2 ժամ:

Լրագիր

[Chuk]

Եվ տեսանյութ.

Մեկնաբանությունները ցավոք ավելորդ են:

[Chuk]

Հաջորդ օրը.

Խոստացածի համաձայն այսօր ևս նախկին քաղբանտարկյալ Վարդգես Գասպարին և Հայ ազգային կոնգրեսի մի խումբ երիտասարդներ փորձել են Ազատությա հրապարակում անցկացնել իրենց բողոքի ակցիան:

Սակայն, ի տարբերություն երեկվա միջադեպի, այսօր երիտասարդներին չհաջողվեց մտնել Ազատության հրապարակ, քանի որ քաղաքացիական եւ ոստիկանական հագուստով բազմաթիվ անձինք փակել էին հրապարակի մուտքը և արգելել երիտասարդներին մտնել այնտեղ:

Սկսվել է քաշքշուկ, որն ուղեկցվել է հարվածներով եւ հայհոյանքներով:

Այդ քաշքշոցի ժամանակ Վարդգես Գասպարիին բերման են ենթարկել ոստիկանական բաժին:
Կոնգրեսի երիտասարդներից Աշխեն Գրիգորյանը մեզ տեղեկացրեց, որ միջադեպից դեռ կես ժամ առաջ կոնսերվատորիայի այգում նկատել է այդ նույն քաղաքացիական հագուստով անձանց, ովքեր իրար հետ խոսել են ու ասել հետևյալը. «գնում ենք լևոնականների վրա»:

Իսկ երեք ժամ ոստիականությունում պահելուց հետո, Վարդգես Գասպարիին բաց թողեցին:

Աղբյուր՝ Ա1+

[Բիձա]

Հաջորդ օրը.

Մեկնաբանություններն ավելորդ չեն: Օրինակ ես հարց կտայի, թե էսքան շակալ մեր ազգը ոնց է ծնել ու հանդուրժում՞