Քաղաքական լրահոս

[Տրիբուն]

Արա ոնց եմ սիրում մեր հայրենասեր երիտասարդությանը, ինչ սրտաբաց են ընդունում իրենց նախագահին: Ինչ հետաքրքիր հարցել են տալիս, ու ինչ բովանդակալից պատասխաններ են ստանում:

[ministr]

Դավութօղլուն բռունցքով հարվածել է սեղանին և բղավել Քլինթոնի վրա

Թուրքիայի արտգործնախարար Ահմեթ Դավութօղլուն հունիսի 14-ին Վաշինգտոն կատարած այցելության ժամանակ բղավել է ԱՄՆ պետքարտուղար Հիլարի Քլինթոնի վրա:

Թուրքական Radikal օրաթերթը, վկայակոչելով բրիտանական Financial Times պարբերականը, գրում է, որ «Ազատության տորմիղի» և իսրայելական բանակի զինվորների միջև տեղի ունեցած միջադեպից հետո Դավութօղլուն մեկնել էր Վաշինգտոն` ԱՄՆ պետքարտուղար Հիլարի Քլինթոնի հետ «Մավի Մարմարա» նավի ուղևորներին Թուրքիային հանձնելու առնչությամբ բանակցություններ վարելու նպատակով:

Քլինթոնի հետ հանդիպման ընթացքում Դավութօղլուն բարկանալով մի քանի անգամ բռունցքով հարվածել է սեղանին և բղավել Միացյալ Նահագների արտաքին քաղաքական գերատեսչության ղեկավարի վրա:

Դավութօղլուն, հրաժարվելով Financial Times-ին մեկնաբանել տեղի ունեցածը, պարզապես հայտարարել է. «Որևէ երկիր օրենքից վեր չպետք է լինի»:

Քրֆած էլ կլնի...

[Ձայնալար]

Մոդերատորական: Վերջին օրերին արված մի շարք լրատվություն չպարունակող գրառումներ տեղափոխվել են այստեղ

[Գաղթական]

Ժնեւյան հանդիպումների շարքից

11:25 Հուլիս 21, 2010


ՀՀ Ազգային ժողովի նախագահ Հովիկ Աբրահամյանը Ժնեում հանդիպել է Շվեյցարիայի Նահանգների խորհրդի նախագահ տկն. Էրիկա Ֆորստեր-Վաննինիի հետ:

Հայ-շվեյցարական երկկողմ հարաբերությունների առավել սերտացման համար Հովիկ Աբրահամյանը կարեւորեց միջխորհրդարանական համագործակցության զարգացումը եւ գոհունակություն արտահայտեց վերջին երկու տարիներին միջխորհրդարանական կապերի խորացման կապակցությամբ, ինչը պայմանավորված է նաեւ երկու խորհրդարաններում գործող բարեկամության պատգամավորական խմբերի ծավալած ակտիվ եւ արդյունավետ գործունեությամբ: Նա շնորհակալություն հայտնեց 2003 թ. դեկտեմբերի 16-ին Հայոց ցեղասպանության ճանաչման վերաբերյալ Շվեյցարիայի Ազգային խորհրդի կողմից բանաձեւի ընդունման համար:

Էրիկա Ֆորստեր-Վաննինին շեշտեց, որ Շվեյցարիան մեծապես կարեւորում է Հայաստանի հետ համագործակցության խորացումը: Նա նշեց, որ այսուհետ եւս Շվեյցարիայի եւ Հայաստանի խորհրդարանների միջեւ արդյունավետ եւ անկեղծ համագործակցությունը կշարունակի խորանալ եւ ընդլայնվել: Շվեյցարիայի Նահանգների խորհրդի նախագահի խնդրանքով ԱԺ նախագահը մանրամասն ներկայացրեց հայ-թուրքական հարաբերությունների ներկա վիճակը եւ արցախյան հիմնախնդրի կարգավորման գործընթացը: Նա նշեց, որ ի տարբերություն Հայաստանի Թուրքիան նախապայմաններ է առաջադրում, ինչը եւ խոչընդոտում է հարաբերությունների կարգավորմանը:

Հիշեցնենք, որ Հովիկ Աբրահամյանը Ժնեւոմ մասնակցում է Խորհրդարանների նախագահների համաշխարհային երրորդ համաժողովին:

Հետաքրքիրա չէ՞..
մարդիկ 2003թ-ին ընդունել են, սա նորա շնորհակալություն հայտնում..

էդ բանաձևը ընդունելուց ես Շվեյցարիայում էի..
նման արդյունքի հասնելու նպատակով բազմամյա քրտնաջան աշխատանք կատարած ու բոլոր դեպուտատների ու քաղաքագետների մոտ անթիվ հանդիպումներ խնդրած ու երկխոսություններ վարած 6 ՇվեյցարաՀայ գործիչներից 2-ի հետ ջերմ հարաբերությունների մեջ էի..
հիշում եմ՝ ոնց էին նեղվում, որ ՀՀ դեսպանատունն իրենց խնդրանքներն անպատասխան էր թողնում ու չէր ցանկանում օգնել բացարձակ ոչնչով.. փաստեր, ինֆորմացիա, Ցեղասպանության թանգարանից նյութեր..
բանաձևն ընդունելուց հետո էլ կրկին անգամ դիմել էին դեսպանատուն, թե այ մարդ լավ գոնե մի չոր շնորհակալություն հայտնեք էլի, որ երևա, որ Շվեյցարիայի համար մեծ զոհողությունների հաշվին կատարած այդ որոշման հանդեպ անտարբեր չի մնացել պաշտոնական Երևանը..
դիմել էին, ու նորից մերժում ստացել..

[Chuk]

Ձեզ ենք ներկայացնում երկու հայտարարություն առանց մեկնաբանության.
ՀԱՅՏԱՐԱՐՈւԹՅՈւՆ- 1

ՀՀՇ վարչության նորընտիր ղեկավարությունը մանրակրկիտ քննարկել է ՀՀՇ 16-րդ համագումարից հետո հնչեցված բոլոր կարծիքներն ու դժգոհությունները: Մասնավորապես առանձին հանդիպումներ ու քննարկումներ են եղել ՀՀՇ Շենգավիթի տարածքային կազմակերպության անդամների եւ Կարապետ Ռուբինյանի հետ: Ցավով եմ նշում, որ համագումարի նախապատրաստական լարված իրավիճակում կազկոմիտեի թույլ տված կազմակերպչական որոշ բացթողումներ բերել են նրան, որ ակամա վիրավորել ենք մեր կուսակցական ընկերներին, ինչի համար ափսոսում ենք:

Արամ Մանուկյան
ՀՀՇ վարչության նախագահ


ՀԱՅՏԱՐԱՐՈւԹՅՈւՆ-2

ՀՀՇ վարչության նորընտիր ղեկավարության հետ տեղի ունեցած քննարկումներով բավարարված եմ եւ, ամենակարեւորը, հավաստիացումներ եւ փաստարկներ եմ ստացել, որ կատարվածը ոչ թե այլախոհությունը խեղդելու, որեւէ մեկին պատժելու միտում է ունեցել, այլ կազմակերպչական բացթողումների հետեւանք է:

Ցավում եմ, որ այդ բացթողումները առիթ տվեցին ինձ, ինչպես պարզվում է հիմա, հանիրավի մեղադրանքներ հնչեցնել Լեւոն Տեր-Պետրոսյանի հասցեին, ինչի համար հայցում եմ նրա ներողամտությունը: Արամ Մանուկյանի հայտարարությունը ուզում եմ ընկալել որպես ՀՀՇ-ում նոր, ազատական-ժողովրդվարական բարեփոխումների սկիզբ ու բոլոր նախկին կուսակիցներիս անկեղծորեն հաջողություն եմ մաղթում այդ գործում:

Կարապետ Ռուբինյան

Աղբյուր՝ Ա1+

Ես էլ չեմ մեկնաբանում, հարցի մասին ինչ մտածում էի, նախորդ օրերին քննարկումների ժամանակ ասել եմ: Ընդամենը փաստեմ, որ համոզվեցի տեսակետիս ճշմարտացի լինելու մեջ:

[Տրիբուն]

Աղբյուր՝ Ա1+

Ես էլ չեմ մեկնաբանում, հարցի մասին ինչ մտածում էի, նախորդ օրերին քննարկումների ժամանակ ասել եմ: Ընդամենը փաստեմ, որ համոզվեցի տեսակետիս ճշմարտացի լինելու մեջ:

Մնացին կոռեկտության սահմաններում: Ընդհամենը: Ապրե՛ն:

Էս հայտարարություններից ճիշտ ու սխալի եզրահանգում կարծում եմ չի կարելի անել: Եղավ, տեսանք, անցավ-գնաց: Որ առաջին անգամն էլ, ոչ էլ վերջին անգամն ա լինելու: Էլի մնում եմ իմ կարծիքին, մեզ ու ղարաբաղին դրանից ոչ տաք ոչ սառը:

[Տրիբուն]

Ու, Չուկ ջան, էլի քո ճշմարտացի լինելը տվյալ դեպքում, էնքան էլ տեղին ձևակերպում չի: Անկախ նման վերջաբանից, կարծիքները տեղի ունեցածի վերաբերյալ տարբեր են, հետևանքներն էլ ՀԱԿ-ի համար էտքան միանշանակ չեն լինելու:

ՀՀՇ-Կարապետ Ռուբինյան” պատմությունը հետաքրքիր ստացվեց, ու շատ բնորոշ Հայաստանի ներկուսակցական մյուս բոլոր համանման պատմություններին:

Ապրի Բադալյանը, երևի Ակումբում իմ գրածները կարդում ա, հետո հոդվածներ ա գրում:

Ասածս ինչ ա, ճանճից փիղ սարքել պետք չի: ՀՀՇ-ն իրա համար, խոսքի ՀՌԱԿ-ի կարգի կուսակցություն ա, հիիմա մեջները խլրտոց ա ընել: Լրիվ նորմալ պրոցես ա: Կարող ա դաժե փող ֆռացնողներ կա վրեքը:

Գնամ հեղինակայնի իրավունք պահանջեմ, կարող ա մի քիչ էլ փող կպնի

Հա, Բադալյանին հոդվածն ամբոջությամբ: Հետաքրքիր ա, կարդացեք:

[Chuk]

Տրիբուն ձյաս, քեզնից այլ պատասխանն ակնկալելը ընդամենը ինքնախաբեություն կլիներ:
Ուզում եմ փաստել, որ դու քո առաջ ազնիվ ես, ես այդպես եմ գնահատում, միայն թե չափազանց միակողմանի, ես այդպես եմ համարում

[Rammer]

Մոսկվան Բաքվին կվաճառի C 300 զենիթահրթիռային համակարգի 2 դիվիզիոն
12:34 • 29.07.10

Ռուսաստանը Ադրբեջանին կվաճառի հակաօդային պաշտպանության C-300 ПМУ-2 «Фаворит» զենիթահրթիռային համակարգի 2 դիվիզիոն։ Այս մասին հայտնում է Ведомости–ն։

Ըստ պարբերականի՝ Ադրբեջանի ՊՆ–ի և «Рособоронэкспорт»–ի միջև համապատասխան պայմանագիրը կնքվել է դեռևս անցյալ տարի, սակայն այդ մասին մինչև այժմ հայտնի չէր։ Պայմանագրի արժեքը, ըստ «Ведомости»–ի, կազմում է ոչ պակաս, քան 300 մլն դոլար։

Պարբերականի փոխանցմամբ` «Рособоронэкспорт»-ի ներկայացուցիչը հրաժարվել է որևէ մեկնաբանություն անել թեմայի առնչությամբ, իսկ Ադրբեջանի նախագահի մամուլի քարտուղար Ազեր Կասիմովը հայտարարել է, թե ինքը որևէ տեղեկություն չունի այդ մասին:

Tert.am

[Tig]

«Հայոց աշխարհ». Ադրբեջանցի նախարարի դստեր և հայ տղայի սիրավեպը
11:06 • 29.07.10

Հայտնի է դարձել, որ Ադրբեջանում նախարարության կարգավիճակ ունեցող մի կոմիտեի նախագահի Լոնդոնում սովորող դուստրը ազգությամբ հայ տղայի հետ սիրավեպ է սկսել:

Այդ մասին «Ենի Մուսավաթին» տեղեկացրած աղբյուրը հայտնել է, որ իրադարձությունը շոկ է առաջացրել իշխանության նույնիսկ ամենաբարձր վերնախավում: Սիրավեպից տեղյակ Լոնդոնում սովորող ադրբեջանցիները Ադրբեջանի արտակարգ իրավիճակների նախարար Քեմալադդին Հեյդարովի որդու՝ Թալեհ Հեյդարովի գլխավորությամբ, որը նաև Եվրոպայի ադրբեջանական համայնքի նախագահն է, բողոքի ալիք են բարձրացրել Ադրբեջանում և իշխանությունից պահանջել, որ աղջկա նախարար հայրը համապատասխան միջոցներ ձեռնարկի՝ այդ խայտառակությանը վերջ դնելու համար։

Թալեհ Հեյդարովի՝ անձամբ և՛ աղջկա, և՛ տղայի նկատմամբ կիրառած ճնշումները օգուտ չեն տվել: Սիրահարները շարունակում են ապրել միասին:

Tert.am

[աշոտ24]

Մոսկվան Բաքվին կվաճառի C 300 զենիթահրթիռային համակարգի 2 դիվիզիոն

Ստացվում է` որ դա սուտ էր

Ռուսաստանը C-300 չի մատակարարում Ադրբեջանին
20:05 • 29.07.10

Рособоронэкспорт-ը հերքել է Ադրբեջանին հակաօդային պաշտպանության C-300 ПМУ-2 «Фаворит» զենիթահրթիռային համակարգի 2 դիվիզիոնի վաճառքի մասին տեղեկությունները։ Այս մասին հայտնում է «Ռիա նովոստին»։

«Ռուսաստանի և Ադրբեջանի միջև այդ երկրին C-300 զենիթահրթիռային համակարգի մատակարարման մասին պայմանագիր գոյություն չունի»,- ասել է Рособоронэкспорт-ի պաշտոնական ներկայացուցիչ Վյաչեսլավ Դավիդենկոն։

Հիշեցնենք, որ ռուսական զենիթահրթիռային համակարգի վաճառքի մասին տեղեկություն էր տարածել Ведомости-ն՝ նշելով որ Ադրբեջանի ՊՆ–ի և Рособоронэкспорт–ի միջև համապատասխան պայմանագիրը կնքվել է դեռևս անցյալ տարի, սակայն այդ մասին մինչև այժմ հայտնի չէր։

Tert.am

-----------------------------------

Ինչի հետ է կապված Ադրբեջանին զինելու վերաբերյալ «Ռոսօբորոնէքսպորտի» հակասական հայտարարությունները

Հուլիս 29, 2010 | 20:00
Ռուսաստանի կողմից Ադրբեջանին երկու զենիթա-հրթիռային C-300 համալիր վաճառելու շուրջ աղմուկը նոր թափ է հավաքում:

Նախապես այդ տեղեկատվությունը տարածել է ռուսական «Վեդոմոստի»-ն, հղում անելով իր աղբյուրներին: Դրան անմիջապես հետեւեց Ադրբեջանի արձագանքը: Մասնավորապես, Ադրբեջանի ՊՆ մամուլի ծառայության պետի տեղակալ Թեյմուր Աբդուլաեւը հայտարարել է, որ «Ադրբեջանը պլանաչափորեն ամրացնում է ողջ բանակը եւ այսեւհտ եւս շարունակելու է գործունեությունն այդ ուղղությամբ»:

NEWS.am-ը դիմել է «Ռոսօբորոնէքսպորտ»-ին պարզաբանումներ ստանալու համար: Այդ ընկերության գլխավոր տնօրենի մամուլի քարտուղար Վյաչեսլավ Դավիդենկոն NEWS.am-ի թղթակից հետ զրույցում հրաժարվել է հաստատել կամ հերքել հնարավոր համաձայնագրի վերաբերյալ տեղեկությունը: Սակայն Դավիդենկոյի հետ զրույցում նա նշել է, որ «այդ համաձայնագրի վերահերյալ մեզ թույլ չի տրվում մեկնաբանություններ անել, քանի որ դա կապված է բուն համաձայնագրով եւ նրա որոշակի դրույթներով»: «Ռուսաստանը կնքում է միջպետական պայմանագիր իր գործընկեր երկրներից մեկի հետ եւ դա ուերէ այլ կողմի չի վերաբերում»,- ընդգծել է Դավիդենկոն:

NEWS.am-ի հրապարակումից մի քանի ժամ անց ռուսական լրատվամիջոցներում հայտնվում է տեղեկություն, որոնց համաձայն, Դավիդենկոն հերքել է «Ռոսօբորոնէքսպորտի» եւ Ադրբեջանի ՊՆ-ի միջեւ C-300 համալիրներ մատակարարելու վերաբերյալ համաձայնագրի գոյությունը:

NEWS.am-ը կրկին կապվել է դավիդենկոյի հետ, խնդրելով մեկնաբանել իրար հակասող հայտարարությունները: Նա հայտարարել է, որ իր պաշտոնական մեկնաբանությունը հետեւյալն է. «Ռոսօբորոնէքսպորտ»-ում նման գործարքի վերաբերյալ տեղեկատվություն չունեն: Մեզ ոչինչ հայտնի չէ նման համաձայնագրի մասին»: Դավիդենկոն դժվարացավ պատասխանել հարցին, թե այդ դեպքում, ով կարող է նման տեղեկատվության աղբյուր լինել եւ ինչ նպատակով է դա արվել:

Մեզ մնում է միայն գուշակել, թե ինչի հետ է կապված դիրքորոշումների նման հակասական փոփոխությունը: Հնարավոր է, որ դա կապված է նրա հետ, որ որոշ փորձագետներ արդեն իրենց կարծիքն են արտահայտել այդ գործարքի վերաբերյալ, դա անվանելով «տարածաշրջանում միլիտարիզացիա սադրող» գործարք: Հնարավոր է նաեւ, որ «Ռոսօբորոնէքսպորտ»-ին դուր չի եկել լրատվամիջոցների զանգվածային հետաքրքրությունը ասպարեզ եկած տեղեկատվությանը:

News.am

[Rammer]

Ռուսաստանն ընդլայնում է Հայաստանում իր ռազմաբազայի լիազորությունները. այն կապահովի ՀՀ անվտանգությունը


Ռուսաստանն ու Հայաստանը արձանագրություն են ստորագրելու, որով փոփոխություններ են մտցվելու Հայաստանի տարածքում ռուսական ռազմաբազայի մասին պայմանագրում։ Ինչպես հայտնում է Interfax-ը, ՌԴ նախագահին տվյալ արձանագրության ստորագրման առաջարկության մասին կառավարության որոշումը տեղադրված է նախարարների կաբինետի նորմատիվ ակտերի տվյալների բանկում։

Համաձայն արձանագրության նախագծի՝ պայմանագրում փոփոխություններ են մտցվելու, համաձայն որոնց՝ «Հայաստանի տարածքում ռուսական ռազմական բազան բացի ՌԴ շահերի պաշտպանության գործառույթը կատարելուց Հայաստանի զինված ուժերի հետ ապահովում է այդ հանրապետության անվտանգությունը»։ Նշված նպատակներին հասնելու համար Ռուսաստանը «աջակցություն է իրականացնում Հայաստանին ժամանակակից և համատեղելի սպառազինությամբ, ռազմական (հատուկ) տեխնիկայով ապահովելու հարցում»,- նշվում է արձանագրության նախագծում։

Ըստ փաստաթղթի՝ «ռուսական ռազմաբազայի զորային կազմավորումների ներգրավումն իրականացվում է կողմերի փոխադարձ պայմանավորվածության, 1992թ. մայիսի 15-ի Հավաքական անվտանգության պայամանգրի, 1997թ. օգոստոսի 29-ի ՌԴ և Հայաստանի միջև բարեկամության, համագործակցության և փոխօգնության մասին պայմանագրի և կողմերի օրենսդրության հիման վրա»։

Բացի այդ, արձանագրության նախագծում առաջարկվում է պայմանագրի 26 հոդվածը հետևյալ խմբագրման ենթարկել. «պայմանագիրը գործում է 49 տարի ժամկետով և ինքնաբերաբար երկարացվում է հաջորդող 5-ամյա ժամանակահատվածների համար, եթե կողմերից որևէ մեկը ոչ պակաս, քան պայմանագրի հերթական ժամկետը լրանալուց 6 ամիս առաջ գրավոր չի տեղեկացնում մյուս կողմին դրա գործողությունը դադարեցնելու մտադրության մասին»։

[Rammer]

Hurriyet. Ռուսաստանն ու Հայաստանը կապող գազամուղը 99%-ով գնելու է Բաքուն
10:21 • 09.08.10


Ռուսաստանը Հայաստանին կապող Հյուսիս-Հարավ գազամուղը 99%-ով գնելու է Ադրբեջանի պետական նավթային ընկերությունը (SOCAR): Այս մասին գրում է թուրքական Hurriyet օրաթերթը` վկայակոչելով Թբիլիսիի աղբյուրները:

«Վրաստանը տնտեսական ճգնաժամի պատճառով որոշեց սեփականաշնորհմանը ոչ ենթակա օբյեկտների ցանկից հանել ռազմավարական նշանակություն ունեցող Հյուսիս-Հարավ գազամուղը: Երևանի ամենամեծ մտահոգությունն այն է, որ այդ գազամուղը չհայտնվի ադրբեջանցիների ձեռքում: Իսկ Վրաստանում էլ որոշ ուժեր հայտարարում են, որ եթե գազամուղը գնի «Գազպրոմը», ապա Վրաստանը կհայտնվի Ռուսաստանի վերահսկողության տակ»,- գրում է Hurriyet-ը` նշելով, որ Մոզդոկ-Թբիլիսի-Երևան խողովակաշարին հավակնում են ադրբեջանական, ռուսական և ղազախական ընկերությունները:

«Թբիլիսիում փորձագետներն ասում են, որ գազամուղի նոր սեփականատերը 99%-ով լինելու է Ադրբեջանի պետական նավթային ընկերությունը: Ադրբեջանի նախագահ Իլհամ Ալիևը անցած ամիս թեմայի առնչությամբ բանակցել է Վրաստանի նախագահ Միխեիլ Աաակաշվիլիի հետ: Գազամուղի ձեռքբերումն առևտրային տեսանկյունից ամենևին էլ շահեկան չէ, սակայն Ալիևը վճռական է խողովակաշարն իր վերահսկողության տակ վերցնելու հարցում»,- նշում է թուրքական պարբերականը ընդգծելով, որ այդ կերպ Հայաստանի էներգետիկ փականը կանցնի Բաքվի ձեռքը:

Tert.am

[ministr]

Վրաստանի գլխին քար գցելու ժամանակնա...

[Chuk]

ՀԱՅԱՍՏԱՆԸ ՊԱՐՏԱՎՈՐ Է ԳՆԵԼ

Ինչպես հայտնի է, Վրաստանի իշխանությունը պատրաստվում է սեփականաշնորհել Հյուսիս-հարավ գազատարի վրացական հատվածը, որով ռուսական գազ է մատակարարվում Հայաստանին: Գազատարի այս հատվածի հավանական գնորդ է համարվում ադրբեջանական ՍՈԿԱՐ ընկերությունը: Մեր խնդրանքով մեկնաբանելով այս իրավիճակը, Դավիթ Շահնազարյանն ասել է, թե գազատարի այդ հատվածը ձեռնտու չէ տնտեսապես, եւ ադրբեջանական կողմի ցանկությունը` գնելու այն, հետապնդում է բացառապես քաղաքական նպատակ: Ալիեւը խիստ շահագրգռված է այդ գործարքի իրականացմամբ, քանի որ դրանով Ադրբեջանը ստանում է լծակ` խորացնելու Հայաստանի էներգետիկ շրջափակումը: Միաժամանակ, դրանով իրավիճակը տարածաշրջանում կտրուկ փոխվում է հօգուտ Ադրբեջանի, այնպիսի իրավիճակում, երբ չի բացառվում Ադրբեջանի կողմից Ղարաբաղի դեմ նոր պատերազմի սանձազերծումը:

Դավիթ Շահնազարյանի կարծիքով, Հայաստանի անվտանգությանը սպառնացող այս չափազանց վտանգավոր զարգացումները կանխելու համար անհրաժեշտ է ձեռնարկել բոլոր միջոցները, որպեսզի Հայաստանը գնի գազատարի այդ հատվածը: Հայաստանի իշխանությունն ուղղակի պարտավոր է անհապաղ բանակցության մեջ մտնել Վրաստանի հետ` գնելու համար գազամուղի այդ հատվածը, ասել է Դավիթ Շահնազարյանը:

աղբյուր՝ Լրագիր