Քաղաքական լրահոս

[Տրիբուն]

ԻՆՉՈՒ ՍԱՐԳՍՅԱՆԸ ՉԻ ՄԵԿՆԵԼ ԼԻՍԱԲՈՆ

Նոյեմբերի 20-ին նախատեսված էր Հայաստանի Հանրապետության Նախագահի մասնակցությունը ՆԱՏՕ-ի գագաթնաժողովի շրջանակներում անցկացվող` «Աֆղանստանում ՄԱԿ-ի մանդատով ՆԱՏՕ-ի ղեկավարած Միջազգային անվտան­գության աջակցման ուժերին մասնակցող երկրների ղեկավարների հանդիպմանը»:

Հայաստանը կարեւորում է ՆԱՏՕ-ի հետ իր համագործակցությունը, որն ընթանում է Եվրաատլանտյան գործընկերության խորհրդի շրջանակներում և անհատական գործընկերության գործողությունների ծրագրի հիման վրա: Այդ համագործակցության ծավալների ու ձևերի հետևողական աճ է արձանագրվում: Հայաստանն այսօր ակտիվ ներգրավվածություն ունի «Գործընկերություն հանուն խաղաղության» ծրագրի շրջանակներում անցկացվող բազմաթիվ վարժանքների, ուսումնական ծրագրերի, զորավարժությունների: Որպես գործընկեր երկիր` Հայաստանը վերջին տարիներին նաև նման զորավարժու­թյուններ հյուրընկալել է իր տարածքում: Մենք բարձր ենք գնահատում Հյուսիսատլանտյան դաշինքի ներդրումը ՀՀ զինված ուժերի բարեփոխման գործընթացին: Հայաստանի Հանրապե­տության մասնակցությունը ՆԱՏՕ-ի խաղաղապահ գործողություններին Կոսովոյում եւ Աֆղանստանում արդյունավետ փոխգործակցության լավագույն դրսևորումներից է:

Այդ համագործակցությունը, համաձայն մեր երկրի ազգային անվտանգության ռազմավարության, Հայաստանի անվտանգության մակարդակի բարձրացման բաղադրիչ­ներից է: Այդ առումով հատկապես կարևորվում են Հայաստանի համար կենսական խնդիրների շուրջ ընդունվող փաստաթղթերի բովանդակությունն ու դրանցում տեղ գտնող ձևակերպումները, որոնք պետք է ուղղված լինեն տարածաշրջանում անվտանգության ամրապնդմանը:

Հայկական կողմը բազմիցս ընդգծել է հակամարտու­թյուն­ների լուծման ընդհան­րական ձևակերպումների անընդունելիությունը: ՆԱՏՕ-ի Լիսաբոնյան համաժո­ղովի հռչակագրի նախագծում հարավկովկասյան կոն­ֆլիկտ­ների լուծման նախկին ընդհան­րացված ձեւակերպման պահպանումը, որում հղում է կատարվում ԵԱՀԿ կողմից հռչակված սկզբունքներից միայն մեկին, վատ ազդակ կարող է դառնալ և լրացուցիչ բարդություններ ստեղծել ԼՂ հակամար­տության խաղաղ կարգավորման բանակցային գործընթացում, հատկապես` վերջին շրջանում Ադրբեջանի ռազմական ծախսերի աննախադեպ աճի և նրա ղեկավարության հայատյաց հռետորաբանության ֆոնի վրա:

Հաշվի առնելով այս մտահոգությունը` Հայաստանի Հանրապետության Նախագա­հը որոշում է կայացրել չմեկնել Լիսաբոն: Նշված հանդիպմանը կմասնակցեն Հայաս­տանի Հանրապետության արտաքին գործերի և պաշտպանության նախարարները:

Արմեն Արզումանյան
ՀՀ Նախագահի մամուլի քարտուղար

ՆԱՏՕ-ն հայտարարությունը կընդունի առանց մեր քյալամի: Իսկ մեր քյալամը ուրախ-ուրախ կարա մենակ հայտարարի, որ Հայաստանում առանց ռուսական մասնակցության ոչ մի հատ մեծ բիզնես չկա:

[Norton]

Սահակաշվիլին Ախլքալաքում 15.11.2010

[Mephistopheles]

Միջադեպ առաջին գծում/լրացված
15:17 | Այսօր | ՊԱՇՏՈՆԱԿԱՆ
Նոյեմբերի 19-ին ժամը 24.00-ի սահմաններում ՊԲ հարավային ուղղությամբ տեղակայված զորամասերից մեկի պահպանության տակ գտնվող առաջնային բնագծում տեղի է ունեցել մահվան ելքով արտակարգ միջադեպ:

Կան զոհեր և վիրավորներ: Հարուցվել է քրեական գործ, կատարվում է նախաքննություն:

Ըստ նախաքննության արդյունքում ճշտված տեղեկությունների նոյեմբերի 19-ին տեղի ունեցած միջադեպի հետևանքով հրազենային կրակահերթերից զոհվել են ժամկետային զինծառայողներ` Լևոն Սոսի Եսայանը (ծնվ. 1991թ.), Ներսես Վալերիկի Գալոյանը (ծնվ. 1990թ.), Նարեկ Վարդանի Սահակյանը (ծնվ. 1990թ.), Նվեր Մարտիկի Սարգսյանը (ծնվ. 1991թ.):

Նույն միջադեպի արդյունքում հրազենային տարբեր աստիճանի վիրավորումներ են ստացել ժամկետային զինծառայողներ` Սարգիս Հակոբի Մելքումյանը (ծնվ. 1991թ.), Խաչիկ Սարգսի Ալեքսանյանը (ծնվ. 1992թ.), Մասիս Մավրիկի Գրիգորյանը (ծնվ. 1991թ.) և Մանվել Արմենի Հազրոյանը (ծնվ. 1991թ.):

Միջադեպի հետ կապված մյուս մանրամասները ճշտվում են:

ԼՂՀ ՊԲ լրատվության ու քարողզչության բաժինը տեղեկացնում է, որ առաջ են քաշվել մի քանի վարկածներ, կատարվել են առաջին անհետաձգելի քննչական աշխատանքներ: Ըստ նախաքննության արդյունքում ձեռքբերված տվյալների` հակառակորդի կողմից հանցավոր գործողությունների կատարման վարկածը գրեթե բացառվում է:

Դեպքի կապակցությամբ հարուցվել է քրեական գործ " երկու և ավելի անձանց սպանություն" կետով: Նախաքննությունը շարունակվում է:

a1plus.am

Կողքից նայողը կարա մտածի մի 50 միլլիոնանոց բանակ ունենք որ սենց դեպքերը մեր հեչ խ..... ին էլ չի…

քանի՞ հոգի մարդ պտի մեռնի որ ՊՆ իրա ամբողջ անձնակազմով հրաժարական տա… Սերոժն էլ գոնե մի հատ վիգօվօռ տա դրանց

[Ներսես_AM]

«Հրապարակ». Նոր սկանդա՞լ ՀՀՇ-ում
10:40 • 20.11.10

Երեկ Լիբանանում սկսվել է Եվրոպայի լիբերալ-դեմոկրատական ռեֆորմիստական կուսակցությունների (ELDR) հավաքը, որին հրավիրված է եղել նաեւ ՀՀՇ երիտասարդական թևը։ Այս հավաքին մեկնող պատվիրակության ձևավորումը ՀՀՇ-ում նոր սկանդալի պատճառ է դարձել։ Լիբանան են մեկնել ՀՀՇ վարչության նախագահ Արամ Մանուկյանի որդին և դուստրը, վարչության անդամներ Լևիկ Խաչատրյանի որդին և հարսը, Քոչար Դավթյանի որդին։ Չնայած երիտթևի ղեկավար Կարեն Կարապետյանը մեզ հետ զրույցում ոչ հաստատեց, ոչ հերքեց, սակայն, մեզ հասած լուրերով, հենց սա է եղել ՀՀՇ-ից նրա դուրս գալու իրական պատճառը։ Ավելին՝ նրա հետ ՀՀՇ շարքերը լքել են նաև մոտ 35 երիտասարդներ, որոնց այս օրերին համոզում են հետ վերցնել իրենց դիմումները։

աղբյուրը՝ http://tert.am/am/news/2010/11/20/hraparak2/

Էս ճի՞շտ ա, եթե ճիշտ ա ներող, բայց բացել ա

[Արևածագ]

Կրոնական ֆաշիզմի ծիլերը

ԱՄՆ Պետդեպարտամենտը երեկ զեկույց է հրապարակել աշխարհում 2010 թվականին Կրոնի ազատության վիճակի մասին, որտեղ անդրադարձ կա նաև Հայաստանին:
Զեկույցում նշվում է, որ Հայաստանում առանձնակի դեր ունի Հայ Առաքելական եկեղեցին, և համեմատություններ են անցկացվում եկեղեցու և կրոնական այլ կազմակերպությունների իրավունքների միջև, որոնք զգալի պակաս են` ի տարբերություն եկեղեցու: Զեկույցի հեղինակները նաև նշում են, որ կրոնական կազմակերպություններն ու նրանց անդամները Հայաստանում ենթարկվում են սոցիալական խտրականության և Հայ Առաքելական եկեղեցու սպասավորների հակաքարոզչությանը:
ԱՄՆ Պետդեպարտամենտի զեկույցը հատկապես հատկանշական է այն ֆոնին, որն այժմ առկա է Հայաստանում, երբ կարծես թե պետական մակարդակով հալածանքներ են սկսվել պատանիների և աղջիկների հանդեպ` նրանց վերագրելով այս կամ այն կրոնական կազմակերպությանը կամ այս կամ այն դավանանքին պատկանելություն: Մասնավորապես սրա ցցուն օրինակ է այն, որ մի քանի պատանի աղջիկների ոստիկանները, առանց որևէ հիմնավորման, նախօրեին բերման են ենթարկել ոստիկանություն` հայտարարելով, թե նրանք Էմո-ի հետևորդներ են, և այդ պատրվակով մի քանի ժամ պահել են ոստիկանության բաժանմունքում` նրանց հանդեպ ցուցաբերելով արհամարհական վերաբերմունք:
Խնդիրն այն է, որ կրոնական պատկանելությունը կամ Հայ Առաքելական եկեղեցուն չպատկանելությունը Հայաստանում վերածվել է զենքի, որ իշխանությունը փորձում է կիրառել հասարակության, հատկապես դրա ամենաակտիվ մասի` երիտասարդության, մասնավորապես հենց տեսակով ակտիվ երիտասարդության հանդեպ, որը առավել զգայուն է ազատության և ազատ ապրելակերպի հարցում: Այլ կերպ ասած` կրոնը Հայաստանում իշխանության ձեռքին վերածվել է մի գործիքի, որով փորձ է արվում բռնանալ հասարակության վրա: Սա չափազանց վտանգավոր երևույթ է, որն, ըստ էության, շատ ավելի ծանր հետևանքներ կարող է ունենալ հասարակության և պետության համար, քան, օրինակ, ընտրակեղծիքներն են:
Փաստորեն, Հայաստանում կրոնական ֆաշիզմի կամ կրոնական նացիզմի ծիլեր են հայտնվում, և էթնո-կրոնական կարգախոսների ներքո իրականում փորձ է արվում լուծել իշխանության պահպանման խնդիրներ և կաղապարների մեջ պահել հանրային իրավագիտակցությունը:

Աղբյուրը՝http://www.1in.am/arm/index_.html

[Mark Pauler]

Ժողովուրդ ով ա տեղյակ Նաիրի Հունանյանից???
Ես էս վերջերս ում հարցնում եմ ոչ ոք չգիտի տեղեկություն ոչ իրանից, ոչ էլ իրա խմբի անդամներից:
Մի ժամանակ էնքան լուրեր էին պտտվում դրանց շուրջ:

[Ամպ]

Ժողովուրդ ով ա տեղյակ Նաիրի Հունանյանից???
Ես էս վերջերս ում հարցնում եմ ոչ ոք չգիտի տեղեկություն ոչ իրանից, ոչ էլ իրա խմբի անդամներից:
Մի ժամանակ էնքան լուրեր էին պտտվում դրանց շուրջ:

Նրանց վերաբերյալ կարդացածս վերջին հոդվածը սա է եղել: Չգիտեմ՝ որքանով է արժանահավատ:

[Ձայնալար]

Քաղբանտարկյալ Մուշեղ Սաղաթելյանն` ազատության մեջ



Այսօր Շենգավիթի ընդհանուր իրավասության դատարանի նախագահ Արթուր Օհանյանը հաստատել է Պայմանական վաղաժամկետ ազատման հանձնաժողովի որոշումը, որով նախատեսված էր վաղաժամկետ ազատ արձակել քաղբանտարկյալ Մուշեղ Սաղաթելյանին: Րոպեներ անց Սաղաթելյանը կհայտնվի ազատության մեջ: Վերջինս դատապարտվել էր 5 տարվա ազատազրկման` Քրօր-ի 316 եւ 235 հոդվածներով:

http://www.hraparak.am/2010/11/24/qa...azatutyan-mej/

[Norton]

Երկրապահները լրագրողներից վախկո՞տ են

Եթե ազատազրկված լրագրողին, որը բողոքում է իր դեմ կատարած բռնություններից, տանում են պատժախուց եւ արգելում են թուղթ ու գրիչ ունենալ, ապա միանշանակ է, որ նրան ազատազրկելու եւ, առավել եւս, պատժախուց տանելու գլխավոր նպատակներից մեկը նրան հենց թուղթ ու գրչից զրկելն է: Դա հասկանալու համար խորը վերլուծաբան պետք չէ լինել՝ պարզ, մի քայլանոց տրամաբանական եզրակացություն է: Իշխանությունները կարծես թե նպատակ են դրել ողջ աշխարհին ապացուցել, որ Նիկոլ Փաշինյանը քաղբանտարկյալ է, եւ դա, պետք է ասել, նրանց մեծապես հաջողվում է:
Բայց այսօր ուզում եմ հիշեցնել մեկ այլ քաղբանտարկյալի մասին, որի վիճակը նույնպես ծանր է: Սասուն Միքայելյանի, ինչպես նաեւ բոլոր մնացած քաղբանտարկյալների ճակատագիրը պետք է հուզի Հայաստանի բոլոր քաղաքացիներին: Ինչպես նաեւ պետք է «հուզեն» մեր դատավորները, որոնք որոշում են ընդունում քաղաքական կամ կոռուպցիոն եւ ոչ թե իրավական գործոնների ճնշմամբ: Բացի ամեն ինչից, դատարանների անկախությունը պետք է նաեւ մեզնից հետո եկող սերունդներին, որպեսզի նրանք կողմնորոշվեն, թե որ վարքն է խրախուսելի, իսկ որը՝ դատապարտելի: Եթե կաշառակեր սպաներին ազատում են գրավի դիմաց միայն այն պատճառով, որ վերջիններս բանակի որոշ ղեկավարների «բիլյարդի խաղընկերներն» են, իսկ հազար տեղից վիրավորված պատերազմի հերոսին, հաշվի չառնելով նրա առողջական վիճակը, պահում են բանտում, ապա նման «ընտրողական մարդասիրության» հետեւանքով երիտասարդը կարող է գալ այն եզրակացության, որ ավելի լավ է «բիլյարդ խաղալ», քան հայրենիքը պաշտպանել:
Ես Սասուն Միքայելյանին անձամբ չեմ ճանաչում եւ երբեք չեմ տեսել: Միայն կարդացել եմ նրա մասին հրապարակումները եւ լսել եմ իմ բարեկամ՝ գրող Լեւոն Խեչոյանի պատմածները: Աղբյուրներն ինձ համար վստահելի են: Միանգամայն սպասելի կլիներ, որ ինչպես տարբեր քաղաքական հայացքներ ունեցող լրագրողներն իրենց համերաշխությունն են հայտնում Նիկոլ Փաշինյանին, այնպես էլ ազատամարտիկները, անկախ իրենց բոլոր տարաձայնություններից, հայտարարություններ անեին ի պաշտպանություն Սասուն Միքայելյանի: Բայց արցախյան պատերազմի վետերանների բազմաթիվ կազմակերպություններ այս հարցում չափազանց պասիվ են: Խոսքը, մասնավորապես, ԵԿՄ-ի մասին է: Կամ երկրապահների վերնախավը լուրջ բիզնեսներ ունի եւ վախենում է ձայն հանել, կամ խաղաղ ժամանակ, պատերազմից հետո, այնպիսի «ղալաթներ» է արել, որ «ավել-պակաս խոսելուց» ջրի երես դուրս կգան:
Հետո էլ կուրծք են ծեծում, թե՝ մենք դուխով տղերք ենք:

ԱՐԱՄ ԱԲՐԱՀԱՄՅԱՆ
aravot.am

[Ձայնալար]

Wikileaks-ի կողմից գաղտնի փաստաթղթերի հրապարակումն անվանել են համաշխարհային դիվանագիտության «սեպտեմբերի 11»

«Առաջին Լրատվականը» այս գիշեր արդեն տեղեկացրել էր, որ ըստ Wikileaks կայքում հրապարակված փաստաթղթերի` ԱՄՆ կառավարությունը Հայաստանին մեղադրել է իր տարածքից Իրանին զենք վաճառելու մեջ, որից հետո այդ զենքով Իրաքի տարածքում սպանվել են ամերիկյան զինվորներ:
Համաշխարհային լրատվամիջոցները այս արտահոսքն անվանել են համաշխարհային դիվանագիտության «սեպտեմբերի 11»:
Wikileaks կայքն իր էջում տեղադրել էր փաստաթղթերը, սակայն շուտով ենթարկվել էր հակերական հարձակման, որից հետո արգելափակվել էր: Բայց մինչ այդ Wikileaks-ի ղեկավարներն այդ բոլոր գաղտնի փաստաթղթերն ուղարկել են աշխարհի հայտնի լրատվամիջոցներին` El Pais, Le Monde, Der Spiegel, The Guardian и The New York Times, որոնք էլ սկսել են յուրաքանչյուր փաստաթղթի վերլուծությունը ներկայացնել: Ըստ այդմ հայտնի է դառնում, որ ԱՄՆ պետքարտուղար Հիլարի Քլինթոնը հատուկ ծառայություններին հրահանգել է հետևել ՄԱԿ-ում օտարերկրյա դեսպաններին: Փաստաթղթերում նշված է, որ լրտեսվել է նաև ՄԱԿ-ի պետքարտուղար Պան Գի Մունը:
Բացահայտումներ կան նաև համաշխարհային առաջնորդների նկատմամբ ԱՄՆ կուլիսային վերաբերմունքի մասին: Այսպես, Ահմադինեժադն այդ փաստաթղթերում համեմատվում է Ադոլֆ Հիտլերի հետ, Անգելա Մերկելին անվանում են ոչ ստանդարտ մոտեցումներից վախեցող, Նիկոլա Սարկոզիին` «մերկ թագավոր», իսկ Աֆղանստանի նախագահ Համիդ Քարզային` պարանոյիկ: Ռուսաստանի Դաշնության նախագահին անվանում են սփրթնած և ոչ համարձակ, իսկ Պուտինն այդ փաստաթղթերում հանդես է գալիս որպես «ալֆա-որձ» (անգլերեն տարբերակում՝ alpha-dog` ոհմակի առաջնորդ): Սիլվիո Բեռլուսկոնիին էլ չեն խնայել՝ նրան անվանելով «թույլ կերպար», որը հյուծվել է իր սեքսուալ քաղցից:
Փաստաթղթերից հայտնի է դառնում նաև, որ արաբական որոշ երկրներ, մասնավորապես Սաուդյան Արաբիան, կոչ են արել ԱՄՆ-ին, որ ռմբակոծեն Իրանը և նրա միջուկային օբյեկտները: Եվրոպական և այլ երկրների մայրաքաղաքները դեռ չեն մեկնաբանել ԱՄՆ դիվանագիտության վերաբերմունքն իրենց երկրների ղեկավարներին:

http://1in.am/arm/world_event_3050.html

Մէ հադ էլ անգլերեն հղում
http://www.guardian.co.uk/world/us-e...cuments/184879

[Վիշապ]

http://1in.am/arm/world_event_3050.html

Մէ հադ էլ անգլերեն հղում
http://www.guardian.co.uk/world/us-e...cuments/184879

Էս էլ հերթական համաշխարհային յուղ վառոցին է։ Սուպեր գործակալներով ու դետեկտիվներով հագեցած կազմակերպությունը իր կայքում միջազգային մասշտաբի սկանդալոտ գաղտնի փաստաթղթեր է հրապարակում, ոչ մեկ չի կարողանում դեմն առնի, վսյո, բոլոր դիվանագետների դեմքն այլևս պատռված ու մերկացված է ի տես ողջ աշխարհի բարի ժողովուրդների
Հիմա փաստորեն մի պետություն մյուսի հետ կարող է գաղտնի փաստաթուղթ ստորագրել, ու եթե գաղտնիությունը մի կողմին ձեռք չտա, գիտի ոնց անել։
Միջազգային մուտիլովչիկություն։
Հ.Գ. Տեսնես ո՞նց են պարզել, որ հենց «Հայաստանից Իրան մտած» զենքով են սպանվել ամերիկյան զինվորները։ Երևի զոհվածներից հանված փամփուշտների վրա Հայաստանի տամոժնու պեչատն է եղել։

[Tig]

Ոնց եմ ես հոգնել էս ամեն ինչից…


Ասա ում տղեն ես, ասեմ ինչ պաշտոն կունենաս դու

ՀՀՇ-ում հայրերը «ընդդիմությունը» ժառանգում են որդիներին: ԶԼՄ-ներում վերջին օրերին անդրադառնում են ՀՀՇ երիտասարդական թևում կատարվող խմորումներին:

«Ազատություն» ռադիոկայանը վերջերս նյութ էր հրապարակել այն մասին, որ 26 երիտասարդներ ՀՀՇ կուսակցությունից դուրս գալու մասին դիմում են ներկայացրել, իրողությունն ընդունել է նաև ՀՀՇ նախագահ Արամ Մանուկյանը: Մամուլը նշում է, որ ՀՀՇ-ն լքած երիտասարդներին դուր չի եկել ՀՀՇ վարչական պաշտոնների «հորից որդի» փոխանցման պրակտիկան:

Վերը նշվածի օգտին է խոսում նաև նոյեմբերի 28-ին տեղի ունեցած ՀՀՇ երիտասարդական միության 12-րդ համաժողովը, որի ժամանակ ՀՀՇ երիտթևի նախագահ է ընտրվել Բաբկեն Ուռուտյանը` 2008 թ. Ընտրությունների ժամանակ Մարալիկ քաղաքում Լևոն Տեր-Պետրոսյանի վստահված անձ Հարություն Ուռուտյանի որդին:

Մամուլում նաև տեղեկություններ էին հայտնվել, թե ՀՀՇ-ի երիտասարդական թեւում տարաձայնությունները եւ կուսակցությունից հեռանալու ցանկությունը հատկապես սրվել է, երբ որոշվել էր, որ Բեյրութում կայանալիք լիբերալ-դեմոկրատական կուսակցությունների երիտասարդական համաժողովին մասնակցելու կգործուղվեն ղեկավար անդամների երեխաները:

Խմորումները «ջրի երես չհանելու» միտումի մասին է վկայում նաև ՀՀՇ ԵՄ համաժողովի ընտրության օրը` կիրակի, երբ ԶԼՄ-ների զգալի մասը չի աշխատում, գուցե սա լավ հնարավորություն էր բազմաթիվ հարցեր հասարակության ուշադրությունից հեռու պահելու համար: Եթե դա այդպես է, ուրեմն ՀՀՇ Երիտասարդական միությունը իր հաշվարկներում չի սայթակել: ՀՀՇ ԵՄ 12-րդ համագումարը լուսաբանած էլ. ԶԼՄ-ներին կարելի է մատների վրա հաշվել:

Թե ինչպես կավարտվի ՀՀՇ «սերնդափոխությունը», մեր հաջորդ նյութերում: Պարզվում է իշխանությունը ժառանգաբար փոխանցվում է ոչ միայն որոշ իշխանական ոլորտներում, այլ նաև ընդդիմությունում:

[gevorg ghazaryann]

Այս դեկտեմբերին կլրանա աշխարհի ամենամեծ պատմական հայկական գերեզմանոցի ոչնցացման 5-րդ տարեդարձը:

Մի քանի օրից կտպագրվեն արբանյակային պատկերներ, որոնցում պարզ երևում է որ Ջուղա գերեզմանատունը փոշիացվել է Ադրբեջանում: Ձեզանից կխնդրվի մասնակցել ստորագրահավաքի, որտեղ UNESCO-ից պահանջվում է` Ադրբեջանից հաշվետվություն պահանջել Ջուղայի մշակութասպանդի համար:

Ասեք “այո” ստորագրահավաքի մասնակցմանը և հրավիրեք Ձեր ընկերներին:
HayNews.am

[Rammer]

Կնքահայր Պուտինը

WikiLeaks-ի կողմից հրապարակված փաստաթղթերից հայտնի է դարձել, որ ամերիկյան դիվանագետները Պուտինին համարում են կոռումպացված, բռնապետական ավազակապետական Ռուսաստանի ղեկավար: Նրանց տվյալներով, չինովնիկները, օլիգարխները և կազմակերպված հանցավորությունը սերտ կապեր ունեն մեկը մյուսի հետ և միասին ձևավորել են «վիրտուալ մաֆիոզ պետություն» այդ երկրի տարածքում: NEWSru-ի փոխանցմամբ, որը հղում է անում The Guardian-ին, ԱՄՆ ներկայացուցիչները Պուտինի կասկածում են քրեական աշխարհի հետ կապեր ունենալու մեջ:
Զենքի անօրինական վաճառք, փողերի լվացում, առանձին մարդկանց անձնական հարստացում, հանցագործների պաշտպանությունը պետական կառույցների կողմից, շորթումներ, փողերով լի ճամպրուկներ. այսպես են ամերիկյան դիվանագետները նկարագրում ռուսական իրականությունը: The Guardian-ի փոխանցմամբ, սա այդ իրականության դեռ մի մասն է, եթե հաշվի առնենք, որ Ռուսաստանում կաշառքի տարեկան ծավալը ակզմում է 300 մլրդ դոլար, իսկ պետական կառույցները երբեմն քիչ են տարբերվում կազմակերպված հանցավոր խմբերից: Պուտինի վերաբերյալ ամերիկյան դիվանագետներն այդ փաստաթղթերում հայտնել են, որ նա ունի եկամուտներ, որոնք հետևողականորեն թաքցվում են:
Արևմտյան քննիչները, որոնք զբաղվել են «ռուսական մաֆիայով» Իսպանիայում, պարզել են, որ դրա հետ կապ ունեն ռուսաստանյան դատախազներ, պաշտպանության նախարարության աշխատակիցներ, ինչպես նաև որոշ քաղաքական գործիչներ: Այդ գործում ներգրավված իսպանացի դատավոր Խոսե Գրինդա Գոնսալեսը, ըստ փաստաթղթերի որոշ մանրամասներ է հաղորդել Ալեքսանդր Լիտվինենկոյի մասին:
Համաձայն ամերիկյան տվյալների՝ Լիտվինենկոն անձամբ է Գոնսալեսին ասել, որ ռուսական հատուկ ծառայությունները վերահսկում են հանցավոր խմբավորումներին ՌԴ-ում: Գոնսալեսի խոսքերով, Լիտվինենկոյի այս պատմածներն, իր տպավորությամբ, համապատասխանում էին իրականությանը: Այս մասին փոխանցում է BBC-ն: Ամերիկյան «հեռագրերից» նաև տեղեկանում ենք, որ ամերիկյան իշխանությունները վստահ են եղել, որ Պուտինը տեղյակ է եղել Ալեքսանդր Լիտվինենկոյի սպանության օպերացիայի մասին: Սակայն ամերիկյան մադրիդյան «հեռագրերը» չեն ասում, թե ինչքան է Պուտինը կապված կազմակերպված հանցավորության հետ և կարող է արդյոք նա վերահսկել դա:
Ամերիկայի դեսպան Ջոն Բայերլին փաստաթղթերից մեկում նշել է, որ ինչպես Լուժկովը, այնպես էլ մյուս նահանգապետերը Կրեմլի առանցքային դեմքերին կաշառք են տալիս, իրենք էլ իրենց հերթին են կաշառք վերցնում իրենց նահանգներում:
Այդօրինակ են գործում նաև ՖՍԲ-ն և ՄԳՆ-ն: Բայերլիի խոսքերով, «մոսկովյան ոստիկանությունն անմիջական կապ ունի հանցավոր շրջանակների հետ, ինչը թույլ է տալիս այն անվանել անգործունակ և այն բանում, որ վերածվել է ավազակապետության»: «Լուժկովը կանգնած է եղել շատ կոռուպցիոն համակարգերի գլխին մայրաքաղաքի կառավարությունում»: իսպանացի դատավոը նաև խոսել է մաֆիայի և որոշ քաղաքական ուժերի կապի մասին: Մասնավորապես նշվում է Ռուսաստանի լիբերալ-դեմոկրատական կուսակցության մասին: Չեչնիա նույնպես նշվում է որպես քրեական տարրերի և իշխանության միաձուլման շրջան: Ընդ որում, այս ցանցը տարածված է նաև արտասահմանում, մասնավորապես` Բուլղարիայում և Թայիլանդում:

1in.am

[Rammer]

Երկու շիշ օղուց հետո ռուս պաշտոնյաներն ընդունակ են ծախել հայրենիքը և հայերին. WikiLeaks-ի նոր բացահայտումները

WikiLeaks-ն այսօր հրապարակել է նոր հետաքրքրաշարժ գաղտնի փաստաթղթեր, որոնք վերաբերում են աշխարհի մի շարք մայրաքաղաքների ամերիկյան դեսպանատների հեռագրերին:
Ըստ Բաքվի դեսպանատան փաստաթղթերի՝ 2009 թ. մարտին տեղի է ունեցել հանդիպում ԱՄՆ դեսպան Անն Դերսի և Ադրբեջանի պաշտպանության նախարար Սաֆար Աբիևի միջև, որի ընթացքում վերջինս մի շարք բացահայտումներ է արել: Մասնավորապես, նախարարը նշել է, որ Ադրբեջանը չի առարկում Գաբալայի ռադիոլոկացիոն կայանի համատեղ շահագործմանը ԱՄՆ-ի և ՌԴ-ի կողմից` ավելացնելով, որ իրենք դեռ չեն որոշել` արդյոք երկարաձգելու են համապատասխան պայմանագիրը Ռուսաստանի հետ 2012 թվից հետո, երբ ավարտվի դրա գործողության ժամկետը:
Պատմելով 2009 թ. հունվարին Մոսկվա կատարած այցի մասին՝ Աբիևը նշել է, որ իր ռուս պաշտոնակից Անատոլի Սերդյուկովը հերքել է մեղադրանքները` կապված 2008 թ. ընթացքում Հայաստանին փոխանցված մեծ թվով զենք-զինամթերքի հետ: Այնուամենայնիվ, երեկոյի ընթացքում սպառված օղու երկրորդ շշից հետո ռուսները «բացվել են» և ընդունել զենքի փոխանցման փաստը:
Աբիևը չի զլացել նաև դեսպանի համար մեջբերել Սերդյուկովի հետևյալ խոսքերը. «Դուք ենթարկվո՞ւմ եք ձեր նախագահի կարգադրությաններին: Ես ենթարկվում եմ երկու նախագահի կարգադրությունների»:

1in.am