Ուսանողական այգին ավերու՜մ են. ստորագրահավաք

[Ֆրեյա]

Մեր թերությունը նա է, որ սենց պայքարում պայքարում ենք, բայց հենց կառուցում են սրճարանա ես իմ ինչա, առաջին օրվանից սաղ նույն ստորագրողներով հելնում գնում են նդեղ դասամիջոցին մի հատ կոֆե խմելու Ու մոռանում լիքը լիքը բաների մասին, դե հիմա, հարմարա, էժանա, մոտիկա..

Վայ, Արտիստ ջան, լրիվ սրտիցս խոսեցիր.... ես էլ էի ժամանակին կարծում, որ պետք է համախմբվել ու նպատակաուղղված այնպես անել, որ սրճարանը հաճախորդ չունենա... ու էդ ժամանակ շատ մարդիկ ասացին՝ ոնց ես պատկերացնում, սկսենք այդ կաֆեներից չօգտվել, սոված կմնանք....


Ինչ ասեմ... կարելի է սրճարանը բացվելուց հետո փորձել բացասական կարծիք ստեղծել դրա վերաբերյալ՝ տարածելով դրա անօրինակա կառուցված լինելը, բայց համոզված եմ, որ մարդկանց 90 տոկոսը ուշադրություն չի դարձնի դրան…
Նույնիսկ եթե սրճարանը փակեն, տեղն արդեն ապականած է...

[Sophie]

Խոսքն օղակաձև այգու մասին է՞:

[Ֆրեյա]

Խոսքն օղակաձև այգու մասին է՞:

Չէ, խոսքը գնում է Ազգային Գրադարանի հարևանությամբ գտնվող այգու մասին, որը նաև հարակից է Պոլիտեխնիկին եւ ԳյուղԻնստիտուտին։

Մի քանի օր առաջ կողքով անցնելուց տեսա, որ ցանկապատված տարածքի ներսում խորը ֆունդամենտ են փորել, դժվար թե դա նախկին կաֆեի փոսը լիներ։

Ցանկացած դեպքում՝ ուշ է, շուտ է, սկսել են, ինչ են արել, ինչքան հնարավոր է պետք է խոչընդոտենք, որ մինչև վերջ հասցվի...

[VisTolog]

Ուսանողական այգում կառուցվող շինության իրական սեփականատերը դերասան Արմեն Մարությա՞նն է

«Մենք ենք այս քաղաքի տերը» նախաձեռնությունը տարածել է հայտարարություն, որում ասվում է.

«Ուսանողական այգու ապօրինի կառուցապատման հարցի մանրամասների բացահայտման արդյունքում մեզ հաջողվեց մի քանի հավաստի աղբյուրներից պարզել, որ Տերյան փողոցի հատվածում կառուցվող խորը հիմքերով բետոնե շինության իրական սեփականատերն է հանդիսանում դերասան Արմեն Մարությանը (Գ.Սունդուկյանի անվան թատրոն, «Շանթ» և «Արմենիա» հեռուստաընկերությունների մի քանի սերիալներ): Եթե այս տեղեկատվությունը համապատասխանում է իրականությանը, ապա դա բոլորովին այլ լույս է սփռում Ուսանողական այգու ոչնչացման իրական պատկերի վրա: Հարց է ծագում, թե ինչո՞ւ և ինչպե՞ս ոչ միայն քաղաքապետարանը, այլ նաև ամբողջ մշակութային հանրությունը մինչ օրս կազմակերպված լռություն էին պահպանում այդ մասին:

Այս իրողությունը ևս մեկ անգամ ի հայտ է բերում այն մեծ հիմնախնդիրը, որը կանգնած է հայ մտավորականության առջև հասարակության ցավոտ հարցերին օբյեկտիվ գնահատական տալու և դրանք հանրային քննարկման հանելու ընդունակության տեսանկյունից: Այժմ, երբ Երևանի հանրային զբոսայգու մի կողմում կանաչի ոչնչացմանը մասնակից է արվեստի աշխարհի ներկայացուցիչ, իսկ մյուս կողմում (Աբովյան փ.) որպես արհամարհանքի դրսևորում բետոնապատվում է աշխարհահռչակ ակադեմիկոսի արձանի շուրջը` այժմ ևեթ այդ մասին պետք է կարծիք հայտնի Հայաստանի Հանրապետության յուրաքանչյուր քաղաքացի: Իսկ ղեկավար և պաշտոնատար անձանց, ինչպես նաև հատկապես մշակութային համայնքի ներկայացուցիչների տեսակետները պետք է հանրությանը հայտնի դառնան:

Ուսանողական այգու պաշտպանությանն ուղղված լայնածավալ ստորագրահավաքի ընթացքում հավաքված և հաշվարկված ստորագրությունների թիվն անցնում է 19000-ը: Շնորհակալություն ենք հայտնում այն հարյուրավոր կամավորներին և կազմակերպություններին, որոնք սեփական նախաձեռնությամբ մեծ ներդրում ունեցան այդ գործում: Այս ստորագրահավաքի և շարունակվող մյուս ակցիաների հիմնական դերակատարները ՀՀ քաղաքացիներն են, նրանք ովքեր ցանկանում են մասնակցել իրենց քաղաքում որոշումների կայացմանը: Նշենք նաև, որ Ուսանողական այգու աջակիցների թվում են Արթուր Մեսչյանը, Լևոն Արոնյանը, Ջիմ Թորոսյանը, Լևոն Վարդանյանը, Դավիթ Երևանցին և Երևանի մյուս իրական տերերը»:

Բայց Երեկ նա հեռուստատեսությամբ է հայտարարել, որ իրենը չէ:

[Freddie]

Ուսանողական այգու պահպանությանը նվիրված լուսանկարչական շարժական ցուցահանդեսի առաջին ցուցադրությունը կկայանա

Շառլ Ազնավուրի անվան հրապարակում
մայիսի 24-ին
ժամը 18.00-19.30

Ցուցադրվելու են լուսանկարներ պատկերող Ուսանողական այգին և ոչ միայն։ Լուսանկարները կցուցադրենք մենք, այլ կերպ ասած՝ կախված կլինեն մեր վրա։ Կարող են մասնակցել բոլոր ցանկացողները։

Ցուցահանդեսը կազմակերպում է «Մենք ենք այս քաղաքի տերը» հասարակական նախաձեռնող խումբը։

[Freddie]

Ի ՊԱՇՏՊԱՆՈՒԹՅՈՒՆ ՈՒՍԱՆՈՂԱԿԱՆ ԱՅԳՈՒ

Լուսանկարչական բացօդյա ցուցահանդես

ԾԱՌԵՐԸ ՆՈՒՅՆՊԵՍ ՇՆՉՈՒՄ ԵՆ

Ցուցահանդեսը տեղի է ունենալու.

• Մայիսի 24-ին Շառլ Ազնավուրի անվան հրապարակում ժամը 18.00-19.30
• Մայիսի 26-ին Ուսանողական այգում ժամը 18.00-19.30
• Մայիսի 28-ին Թամանյանի արձանի մոտ 17.00-18.30
• Մայիսի 29-ին Ուսանողական այգում 16.00-17.30
• Մայիսի 30-ին Հյուսիսային պողոտայում ժամը 12.00-14.00

Ցուցահանդեսը կազմակերպում է «Մե՛նք ենք այս քաղաքի տերը» քաղաքացիական նախաձեռնությունը:

[Ֆոտոն]

Ստորագրահավաքը դեռ շարունակվում է՞:

[StrangeLittleGirl]

Ստորագրահավաքը դեռ շարունակվում է՞:

Չէ, արդեն պայքարի հաջորդ փուլ ենք մտել:

[StrangeLittleGirl]

Հունիսի 1-ին, երեխաների պաշտպանության օրվան նվիրված միջոցառումների,
ինչպես նաև Երևանի Ուսանողական այգու պաշտպանությանը նվիրված ակցիայի
շրջանակներում Ուսանողական այգում կազմակերպվում է ազատ շփում` երեխաների և
կենդանիների հետ: Ակցիային կարող են մասնակցել բոլոր նրանք, ովքեր ունեն
շներ, որոնք կարող են խաղալ երեխաների հետ` չվնասելով վերջիններիս:

Բոլոր նրանց, ովքեր ունեն նման շնիկներ, ինչպես նաև բոլոր փոքրիկներին, ովքեր
ուրախ կլինեն անմիջական շփման մեջ մտնել ընկերասեր և բարի շնիկների հետ,
Հունիսի 1-ին հրավիրում ենք Ուսանողական այգի:

Սկիզբը՝ ժամը 17:00-ին, ուսանողական այգում

Երեխատեր հասարակություն ջան, շատ ուրախ կլինենք, եթե ձեր երեխաներին բերեք: Շատ հետաքրքիր ժամանց է սպասվում: Եթե հաստատ գալու եք, խնդրում եմ ինձ նամակ գրեք, որ երեխաների մոտավոր թվի պատկերացում ունենանք:

[dvgray]

Չէ, արդեն պայքարի հաջորդ փուլ ենք մտել:

կարելի է իմանալ, թե ով է դրա տերը ու ով է թույլատրություն տվող չինովնիկները, ու դրանց տները մի գիշերվա մեջ վառել:

[Sagittarius]

շնորհակալություն պայքարի բոլոր նախաձեջնողներին և մասնակիցներին,
պնդրում եմ միայն եղածը պահպանելով չբավարարվեք, պետք է արդեն սկսել «ռեվերս» գործընթաց, եղած սրճարաները արմատախիլ անել և վերականգնել այգիները.

[StrangeLittleGirl]

շնորհակալություն պայքարի բոլոր նախաձեջնողներին և մասնակիցներին,
պնդրում եմ միայն եղածը պահպանելով չբավարարվեք, պետք է արդեն սկսել «ռեվերս» գործընթաց, եղած սրճարաները արմատախիլ անել և վերականգնել այգիները.

Էդ էլ ենք նախատեսել:

Դիվ, էդ ամեն ինչը գիտենք, բայց առայժմ քաղաքակիրթ միջոցներով ենք պայքարում

[Freddie]

Ժող, վաղը այգու պահպանությանը նվիրված ցուցահանդեսի վերջին օրն է։ Հավաքվելու ենք

ժամը 12.00-14.00 Հյուսիսային պողոտայում։

Աբովյանի կողմից։ Անպայման եկեք։ Ցանկացածի մասնակցությունն էլ կարևոր է։ Այգին մեր պաշտպանության կարիքն է զգում։

[Ձայնալար]

կարելի է իմանալ, թե ով է դրա տերը ու ով է թույլատրություն տվող չինովնիկները, ու դրանց տները մի գիշերվա մեջ վառել:

Վառելը քեզնից, բենզինը ինձնից:

[dvgray]

Վառելը քեզնից, բենզինը ինձնից:

չհասկացա
ես ճառ ասեմ՞ թե տուն վառեմ