Վերակենդանացնե՛նք Մաշտոցի այգին
Ապրիլի 17-ին Մաշտոցի այգում տեղի ունեցավ «Արևածագ» բնապահպանական փառատոնը։
Փառատոնը կազմակերպել էր «Վերակենդանացնենք Մաշտոցի այգին» նախաձեռնող խումբը: Խմբի անդամները երիտասարդներ են, որոնց համախմբել է այգու վերակենդանացման խնդիրը: Այգին գտնվում է Մաշտոցի պողոտայի և Արամի և Բուզանդի փողոցների հատման կետում՝ Չարենցի տուն-թանգարանի հարևանությամբ։ Շաբաթ օրը այգու տարածքում կազմակերպրվել էր շաբաթօրյակ Երևանի քաղաքպետարանի կողմից, որին մասնակցել էին խմբի անդամները: Այգին մաքրվել էր աղբից, տնկվել էին նոր ծառեր:
Կիրակնօրյա փառատոնի ընթացքում այգում կազմակերպվեցին տարբեր խաղեր ու մրցույթներ (օրիգամի, ջրաներկ, պլաստիրին, գրաֆիտի), հեծանվային դասընթացներ, երաժշտություն։
Մասնակցում էին ինչպես այդ թաղամասի, այնպես էլ քաղաքի այլ համայնքների բնակիչները:
Փառատոնին մասնակից էին տարբեր տարիքի մարդիկ, երիտասարդներ, երեխաներ, ծողներ, պապիկներ ու տատիկներն, ուսանողներ, վերջինները եկել էին իրենց կիթառներով, հնչում էր կենդանի երաժշտություն:
Փառատոնին ներկա էր ԿԱՐԻՆ ազգագրական երգի-պարի համույթը, բոլորը ոգևորությամբ պարում էին, չնայած անձրևին:
Այս ամենը եզրափակեց կիթառի հնչյուններով ուղեկցվող երեկոյան թեյախմությունը։ Տեսնելով այգու աշխուժությունը, հետաքրքրված անցորդները միանում էին մասնակիցներին:
Չնայած անձրևային եղանակին, փառատոնն իսկական արևածագ էր՝ բարձր տարամադրության շնորհիվ:
Մեջբերել
Էջանիշներ