Ուսանողական այգին ավերու՜մ են. ստորագրահավաք

[Ֆրեյա]

Հայաստանի ազգային գրադարանի և Հայաստանի պետական ագրարային համալսարանի միջև տեղակայված «Ուսանողական այգին» հիմնվել է կլանելու երթևեկության աղմուկը, ապահովելու լռություն գրադարանի ընթերցողների համար, ստեղծելու խաղաղ միջավայր ուսանողների կրթության ու հաղորդակցվելու համար, ծառայելու որպես հանգստյան գոտի այդ տարածքում և այլուր բնակվող երևանցիների համար: Այգու ներկայիս լայնածավալ կառուցապատումը չի համաձայնեցվել տվյալ միջավայրում բնակվող, ուսանող և ստեղծագործող քաղաքացիների հետ` խախտելով ՀՀ օրենսդրության պահանջները:



Շինարարության թույլտվությունը տրվել է` մի քանիսի մասնավոր շահը վեր դասելով հանրային շահից: Ընդհանուր օգտագործման տարածքների նման տնօրինումը Երևանի քաղաքապետարանի կողմից անընդունելի է և հանգեցնում է քաղաքի այգիների արագընթաց ոչնչացման:

Մենք` ներքոստորագրյալ քաղաքացիներս պահանջում ենք դադարեցնել Երևանի «Ուսանողական այգում» իրականացվող շինարարութունը և վերականգնել այգին` վերադարձնելով այն իր իրական տերերին` Երևանի բնակիչներին:

Սկիզբ՝
4 մայիսի, 2010 թ. 18:00
Ավարտ՝
14 մայիսի 2010 թ. 20:00
Անցկացման վայր՝
Երևան, Թամանյանի արձանի մոտ

Ասեմ, որ արդեն իսկ ահագին ծառեր են կտրել ու ֆունդամենտ են դրել մի անճոռնի սրճարանի՝ պոլիտեխնիկի կողմից...

Շտապել է պետք, քանի ուշ չի...

[VisTolog]

Եթե արդեն ծառերը կտրել են, շինարարությունն էլ սկսել, ուրեմն պետքա որ արդեն ուշ լինի, եթե ոչ շատ ուշ:

[Yevuk]

Իսկ ստորագրահավաքը ոչ մի օգուտ չտվե՞ց: Ես ինքս ամենաքիչը մի 5 անգամ ստորագրել եմ:

[Freddie]

Ժող, այսօր ժամը 18.00-ին հավաքվում ենք Կասկադ։ Ստորագրահավաքը շարոունակվելու է մինչև ամսի 14-ը։ Ով ցանկանում է օգնել, կամավոր լինել, անպայման եկեք։ 10.000 ստորագրություն արդեն կա։ ՄԻԱՑԵ՛Ք ԺՈՂ!!!

[Արտիստ]

Մեր թերությունը նա է, որ սենց պայքարում պայքարում ենք, բայց հենց կառուցում են սրճարանա ես իմ ինչա, առաջին օրվանից սաղ նույն ստորագրողներով հելնում գնում են նդեղ դասամիջոցին մի հատ կոֆե խմելու Ու մոռանում լիքը լիքը բաների մասին, դե հիմա, հարմարա, էժանա, մոտիկա..

[Yevuk]

Եվուկ ջան, մի քանի անգամ խի՞ ես ստորագրել Մեկ անգամն էլ հերիք էր
Հ.Գ. Արի որպես կամավոր

Դե մի քանի անգամ համալսարանում, մի քանի անգամ էլ դրսում: Շատ լինի, քիչ չլինի:

Մեր թերությունը նա է, որ սենց պայքարում պայքարում ենք, բայց հենց կառուցում են սրճարանա ես իմ ինչա, առաջին օրվանից սաղ նույն ստորագրողներով հելնում գնում են նդեղ դասամիջոցին մի հատ կոֆե խմելու Ու մոռանում լիքը լիքը բաների մասին, դե հիմա, հարմարա, էժանա, մոտիկա..

Ես ինքս երբեք ոտք չեմ դնի, քանի որ էտ մոտակայքում չեմ սովորում: Ես ստորագրել եմ որպես Երևան քաղաքի բնակիչ: Բայց քեզ հետ էլ եմ համաձայն:

[Ֆրեյա]

Մեր թերությունը նա է, որ սենց պայքարում պայքարում ենք, բայց հենց կառուցում են սրճարանա ես իմ ինչա, առաջին օրվանից սաղ նույն ստորագրողներով հելնում գնում են նդեղ դասամիջոցին մի հատ կոֆե խմելու Ու մոռանում լիքը լիքը բաների մասին, դե հիմա, հարմարա, էժանա, մոտիկա..

Վայ, Արտիստ ջան, լրիվ սրտիցս խոսեցիր.... ես էլ էի ժամանակին կարծում, որ պետք է համախմբվել ու նպատակաուղղված այնպես անել, որ սրճարանը հաճախորդ չունենա... ու էդ ժամանակ շատ մարդիկ ասացին՝ ոնց ես պատկերացնում, սկսենք այդ կաֆեներից չօգտվել, սոված կմնանք....


Ինչ ասեմ... կարելի է սրճարանը բացվելուց հետո փորձել բացասական կարծիք ստեղծել դրա վերաբերյալ՝ տարածելով դրա անօրինակա կառուցված լինելը, բայց համոզված եմ, որ մարդկանց 90 տոկոսը ուշադրություն չի դարձնի դրան…
Նույնիսկ եթե սրճարանը փակեն, տեղն արդեն ապականած է...

[Freddie]

Իսկ ստորագրահավաքը ոչ մի օգուտ չտվե՞ց: Ես ինքս ամենաքիչը մի 5 անգամ ստորագրել եմ:

Եվուկ ջան, մի քանի անգամ խի՞ ես ստորագրել Մեկ անգամն էլ հերիք էր
Հ.Գ. Արի որպես կամավոր

[Ֆոտոն]

Անպայման պետք է պայքարել, միանալ ստորագրահավաքին, հնարավորինս տարածել ինֆորմացիան: Եթե նույնիսկ այս անգամ, կոնկրետ այս մի դեպքում ուշ լինի, հաստատ սա առաջին ու վերջինը չի: Հաջորդ անգամներում ավելի զգույշ կլինեն, որովհետև բնակչությունն էլ կըմբոստանա ավելի ու ավելի շատ: Արդեն շատ ենք լռել, ժամանակն է ամեն իրավախախտության դեմ առանձին բարձրաձայնել ու բողոքել: Միանում եմ: