Նիկոլ Փաշինյանի դատավարությունը

[Տրիբուն]

հետաքրքիր ա մամայի անունն ի՞նչ ա

Լեզբիկ կամ Լեզբինա ..

[Norton]

Վկանները չեն ճանաչում Փաշինյանին

«Հայկական ժամանակ» օրաթերթի գլխավոր խմբագիր Նիկոլ Փաշինյանի գործով դատարան ներկայացած գրեթե բոլոր վկանները դատարանում հայտարարում են, որ չեն ճանաչում Փաշինյանին, սակայն լսել են, որ նա ասել է «զինվեք ինչով կարող եք»:

Արտաշատի բնակիչ, վկա Լաուրա Մելքոնյանի ասելով` մարտի 1-ին Մյասնիկյանի արձանի մոտ է հասել 13.40-ի սահմաններում եւ տեսել, որ Ազատության հրապարակում Դավիթ Շահնազարյանը եւ փոխոստիկանապետ Սաշիկ Աֆյանը բանակցում են: Փաշինյանի պաշտպաններն այդպես էլ չկարողացան Լաուրա Մելքոնյանից պարզել, թե նա Մյասնիկյանի արձանի մոտ է եղե՞լ, թե՞ Ազատության հրապարակում: «Այ ցավդ տանեմ, նենց հարցեր ես տալիս, ո՞նց հիշեմ»,- զայրացած փաստաբանին ասաց Մելքոնյանը:

Նա դատարանին հայտնեց, որ պարբերաբար մասնակել է Ազատության հրապարակում ընդդիմության հանրահավաքներին, իսկ մարտի 1-ին Մյասնիկյանի արձանի մոտ է եկել` պարզելու, թե Տեր-Պետրոսյանը գալու է, թե՞ ոչ:

«Ես տեսա, որ Փաշինյանը միկրոֆոնը ձեռքին ժողովրդին ասում էր` մնացեք ձեր տեղերում մինչեւ Տեր-Պետրոսյանը գա` հաղթենք: Մնացի մինչեւ իրիկուն` 21.40-ը, հետո գնացի, որովհետեւ Արտաշատի վերջին ավտոբուստ էդ ժամին ա Երեւանից գնում»:
Վկա Լաուրա Մելքոնյանն այն կինն է, որը մարտի 1-ին Մյասնիկյանի արձանի մոտ նաեւ հայտարարել էր, որ ոստիկանները երեխա են սպանել: Ի դեպ, 2008թ. դեկտեմբերին «Ա1+»-ը Մյասնիկյանի արձանի հարակից այգում առիթ է ունեցել տիկին Մելքոնյանին նկարահանել նստարանին վրա հանգստանալիս:

Այսօր դատարանում վկայություն տվեց Կարեն Կոստանյանը, որն յուրաքանչյուր նախադասությունից հետո ծիծաղում էր: Նա մարտի 1-ին բարձրացել է ոստիկանության «Վիլիսի» վրա` տեղի ունեցածն ավելի լավ տեսնելու համար. «Այդ օրը երեխաներիս կրկես պիտի տանեի, տեսա, խառն է, զանգեցի ասեցի, որ չգան: Ես ոսկու շուկայում եմ աշխատում, ինձ մոտ էր, հետաքրքրության համար գնացի նայելու: «Փաշինյանին չեմ ճանաչում, բայց նա հայտարարեց, որ ով-ինչով կարող է թող պաշտպանվի: Մի պահ ես էլ ուզում փայտ վերցնեի, ոչ ոքի չէի ճանաչում, հետո գնացի տուն»:
Այսօր դատարանում ցուցմունք տվեց մարտի 1-ին թալանին մասնակցելու համար 4 տարի պայմանական դատապարտված Լավրենտի Գալստյանը: «Չեմ ճանաչում, անձամբ իմ հարազատը չի, բայց նենց տեսել եմ»,- Փաշինյանին տեսնելով` ասաց վկան: Գալստյանը Մալաթիայի շուկայում բանվոր է եղել եւ պարբերաբար մասնակցել է Ազատության հրապարակի շուրջօրյա ցույցերին: Մարտի 1-ին Մյասնիկյանի արձանի մոտ է գնացել «Մալաթիա» շուկայի աշխատակից Գաբրիել Գաբրիելյանի ցուցումով` մոտ 100-150 աշխատակիցներով: «Իրիկունը, որ մլիցեքը եկան, ժողովուրդը քարեր, փետեր էր շպրտում: Ես էլ էի շպրտում: Մարդ չկար, որ մեզ ասեր` ինչ անենք: Մեզ պետք էլ չէր բան ասել, ժողովուրը գիտեր ինչ անել»:

Իր ասելով` երեկոյան, մի կնոջ է տեսել ձեռքին արկղ. «Էդ կինը ասեց խանութ են ջարդել, գնացեք, դուք էլ բան ման բերեք, կերեք: Ես անձամբ չէի ջարդի էդ խանութը, բայց որ ջարդած էր` գնացի բերեցի, որ ժողովուրդը ուտի: Հետո թղթեր ներկայացրեցի, որ հայրս ծանր հիվանդ է, իսկ կինս` հղի, ինձ ազատեցին»:

Փաշինյանի դատավարությունը կշարունակվի նոյեմբերի 19-ի, ժամը 12.00-ին:
Հիշեցնենք, որ Փաշինյանին մեղադրանք է առաջադրվել Քր. օր 225 հոդվածով` մարտի 1-ի դեպքերի եւ Քր. օր 316 հոդվածներով` 2008թ. հոկտեմբերի դեպքերի առիթով:

www.a1plus.am

[Elmo]

Լեզբիկ կամ Լեզբինա ..

Արալեզ:

[Rammer]

ՔԱՂԱՔԱԿԱ՞Ն, ԹԵ՞ ԻՐԱՎԱԿԱՆ

Հնդկական ազգային կոնգրեսի (ՀԱԿ) գործիչներ Մահաթմա Գանդին եւ Ջավահառլալ Ներուն իրավաբանական կրթություն եւ փաստաբանի որակավորում էին ստացել Մեծ Բրիտանիայում: Յուրաքանչյուրն ավելի քան 10 անգամ կանգնել է դատարանի առջեւ, ազատազրկվել, աքսորվել, բայց ոչ մի անգամ չի փորձել դատարանում ապացուցել, թե ինքն անպարտ է, իր արարքը, ելույթը օրենքի խախտում չէ, այսինչ վկան կամ մեղադրողը ստում են: Օրինակ` Գանդին իրեն ներկայացված մեղադրանքին ի պատասխան ասել է. ՙԵս կխնայեմ դատարանի ժամանակը: Ամենայն անկեղծությամբ հավատում եմ, որ չարիքի հետ չհամագործակցելը մեր պարտքն է, իսկ բրիտանական կառավարությունը Հնդկաստանում չարիք է՚: Նա ընձեռված ժամանակում ապացուցում էր, որ Բրիտանիան պետք է հեռանա Հնդկաստանից: Իսկ Ջավահառլալ Ներուի դատական ելույթների մեծ մասը վերաբերել է Հնդկաստանի ՙԼրիվ անկախանալու՚ (ՙպուրնա սվարաջ՚) նպատակին. պատժախցում նա կարդում էր ոչ թե իր քրգործը, այլ կնոջ ուղարկած պատմական, քաղաքական, կրոնական գրքերն ու գրում ՙՀնդկաստանի հայտնագործումը՚ քաղաքական-վերլուծական-ծրագրային աշխատությունը, որը հետո Հնդկաստանի փարոսը դարձավ: Ինչո՞ւ քեմբրիջյան այս բարձրակարգ փաստաբանները, հայտնվելով ամբաստանյալի կարգավիճակում, քրեադատավարական օրենսգրքերից մեջբերումներով հագեցած թույլատրված միջնորդություններ չէին անում, իրավական պաշտպանություն չէին կազմակերպում: Ուսումնասիրողների մեծ մասը հակված է այն կարծիքին, որ Գանդին ու Ներուն քաղաքական հասուն գործիչների պես հստակ են տարանջատել քաղաքական եւ իրավական գործընթացները, հասկացել են, որ դատվում են ժողովրդի երջանկության համար պայքարելու, ավելի պարզ` քաղաքական գործունեության համար, իսկ պատժաչափը որոշված է կայսրության` վերեւից իջնող ուղղահայաց պահանջով: ՀԱԿ-ի ղեկավարներն իմացել են այն պարզ կանոնը, որ քաղաքական գործիչը (կապ չունի` նա բանասիրական, իրավաբանական... կրթություն ունի կամ ոչ մի) ամբաստանյալի աթոռը պետք է վերածի քաղաքական ամբիոնի, եւ քաղկալանավորը պատանդ ու գերի է, բայց ոչ մրցակից: Քաղաքական դատավարությունը նրանց համար ՙՔրեական իրավունք՚ առարկայի քոլեջային ավարտական քննություն չէր, եւ, բնականաբար, դատավճռի հետ նույն ծրարով իրավաբանության բակալավրի կամ դոկտորի դիպլոմ չէին ակնկալում:

Հայաստանի Անկախության պայքարի տասնյակ նվիրյալներ 1960-80-ականներին երկարաժամկետ ազատազրկվել ու աքսորվել են Չարիքի կայսրության խորքերը: Նրանք եւս չեն դիմել իրավաբանական պաշտպանության: ՙՂարաբաղ՚ կոմիտեի տղաները եւս ամիսներ շարունակ նստել են բանտում. եթե լավ փաստաբան ունենային, ապա պակա՞ս կնստեին: Եթե փաստաբանությունն այդքան կարեւոր է քաղաքական դատավարությունների ժամանակ, ապա օր ու գիշեր վազվզող փաստաբաններն ինչու՞ մարտի 1-ի սպանդի կազմակերպիչներից գեթ մեկին չկարողացան գոնե հրավիրել դատարան. բավարար փաստեր չկայի՞ն:

Կրթությամբ բժիշկ, սերբ նախագահ Կարաջիչը հանձնվեց Հաագայի դատարան, եւ այսօր հրաժարվում է դատապաշտպանի ծառայությունից: Ինչո՞ւ, սերբ փաստաբան չկա՞: Իսկ եթե վաղը Հաագան վարույթ ընդունի ՙԺողովուրդն ընդդեմ Ռ. Քոչարյանի՚ գործը, ո՞վ է փորձելու ապացուցել նրա անպարտությունը Բորդյուժայից բացի: Սերբ իրավաբանի համար քննարկման առարկա չէ Կարաջիչի անպարտությունը, իսկ հայ պատմաբանի համար` ցեղասպանությունը: Պատահակա՞ն է, որ Քոչարյանը չի խոսում, չի տալիս այն անունները, որոնց հրամանով ու կատարմամբ իրականացվել է ժողովրդի եւ ինքնիշխանության դեմ հանցագործությունը: Միգուցե կարծում է, որ դա պետք է անեն փաստաբաննե՞րը: Քամական որոշ ժողովուրդներ մինչեւ այսօր էլ հավատում են, որ հարուստը նա չէ, ով շատ անասուն ունի, այլ նա, ով տարվա կտրվածքով իր գոմեշների մեծ մասը կզոհաբերի Բարձրյալին:

ԹԱԹՈՒԼ ՄԿՐՏՉՅԱՆ
Պահպանողական կուսակցության քարտուղար