Նիկոլ Փաշինյանի դատավարությունը

[Gayl]

Մարտի 1-ի դեպքերի վերաբերյալ ԱԱԾ-ի 5 սկավառակները չեն կարող ապացույց դիտվել «Հայկական ժամանակ» օրաթերթի գլխավոր խմբագիր Նիկոլ Փաշինյանի քրեական գործով: Քր. դատ. Օր.-ի համաձայն` անթույլատրելի են այն բոլոր ապացույցները, որոնք ձեռք են բերվել անհայտ աղբյուրից: ԱԱԾ-ն Հատուկ քննչական ծառայությանը 5 սկավառակ ներկայացնելով` չի նշել, թե որտեղից եւ ինչ միջոցներով է այն ձեռք բերել:

Նիկոլ Փաշինյանի փաստաբաններն այսօր դատարանին միջնորդեցին անթույլատրելի ճանաչել այդ ապացույցները: Փաշինյանի փաստաբանների միջնորդությունը այնքան զայրացրեց մեղադրող Կորյուն Փիլոյանին, որ նա բղավելով ասաց, թե փաստաբանների տրամաբանությամբ, դեպքի վայրի իրերը նույնպես չի կարելի ապացույց օգտագործել, քանի որ անհայտ է, թե դրանք, ովքեր այդտեղ թողել:
«Ես չեմ հասկանում Փիլոյանին: Օրենսդրության հետ չի կարելի վիճել, քանի որ այն շատ հստակ է ասում, որ պետք է ստուգվի ձեռք բերման աղբյուրը»,-ասաց պաշտպան Լուսինե Սահակյանը:

Սկավառակները, որոնք մեղադրող կողմը հիմք է ընդունել Փաշինյանին մեղադրանք առաջադրելու համար, ներկայացվել են առանց փաթեթավորման:

«Դա հնարավորություն է ՀՔԾ-ին այն մոնտաժելու համար: Այն հատվածները, որոնք ձեռնտու չի եղել քննիչին, մոնտաժել է կամ ասել, թե լավ չի լսվում եւ այդ տեսքով էլ ուղարկել են դատարան»,- այսօր «Ա1+»-ին ասաց Լուսինե Սահակյանը:

Փաշինյանի փաստաբանները այսօր դատարանին ներկայացրեցին ԱԱԾ-ի ներկայացրած 5 սկավառակներում Նիկոլ Փաշինյանի մոնտաժված խոսքը: Օրինակ, մոնտաժել են, երբ Մյասնիկյանի արձանի մոտ Փաշինյանը տեսնելով, որ երիտասարդները կիսակառույցից ձողեր են պոկում ասում է. «Տղերք, վտանգավոր բան եք անում, կգցեք ժողովրդի վրա: Հասկանում եմ, երիտասարդ եք, գրգռված եք, բայց գրգռված գլխով հաղթանակ չենք տանի: Հանգիստ եղեք, հավասարակշռված սադրանքների մի տրվեք», եւ այլն:

«Նույնիսկ մեղադրող կողմի ներկայացրած ապացույցները վկայում են այն մասին, որ Նիկոլ Փաշինյանը չի կատարել իրեն մեղսագրվող արարքը: Ավելին, մեղադրող կողմի ներկայացրած ապացույցները լրացուցիչ անգամ ապացուցեցին, որ Փաշինյանը անազատության մեջ է քաղաքական հետապնդման արդյունքում»,- ասաց Լուսինե Սահակյանը:
Այսօրվա նիստի ավարտին Փաշինյանի փաստաբանները դատավոր Մնացական Մարտիրոսյանին գրավոր տեղեկացրեցին, որ դեկտեմբերի 14-ից 18-ը նրանք պետք է մասնակցեցն «Փաստաբանները փաստաբանների համար» միջազգային ծրագրին: Դատավորը հաշվի առանելով այդ փաստը` Նիկոլ Փաշինյանի հաջորդ դատական նիստը նշանակեց դեկտեմբերի 21-ին` ժամը 11.00-ին:http://a1plus.am/am/politics/2009/12/11/nikol-pashinyan

[Chuk]

Էս թեման փոքր-ինչ բարձիթողի վիճակում է հայտնվել
Վերջին նորությունը.

Քիչ առաջ մեղադրող Կորյուն Փիլոյանը պահանջեց 8 տարվա ազատազրկման դատապարտել «Հայկական ժամանակ» օրաթերթի գլխավոր խմբագիր Նիկոլ Փաշինյանին:

Ներկայացնելով իր մեղադրական ճառը` մեղադրողը պահանջեց Նիկոլ Փաշինյանին 6 տարվա ազատազրկման դատապարտել 225 հոդվածի 1-ին մասով (զանգվածային անկարգությունների կազմակերպում) եւ 2,5 տարի՝ 316 հոդվածի 1-ին մասով (բռնություն իշխանության ներկայացուցչի նկատմամբ): (Դատախազը գումարել էր եւ միջինացրել պատժաչափը-խմբ)

Դատական հաջորդ նիստը կկայանա դեկտեմբերի 26-ին:

Աղբյուր՝ Ա1+

[Տրիբուն]

Էս թեման փոքր-ինչ բարձիթողի վիճակում է հայտնվել
Վերջին նորությունը.


Աղբյուր՝ Ա1+

Չորս տարի են տալու Նիկլոին, երկուսը պայմանական, երկուսը լրիվ: Կես տարին նտսել ա, մեկ ու կես էլ կնստի:

[Բիձա]

Չորս տարի են տալու Նիկլոին, երկուսը պայմանական, երկուսը լրիվ: Կես տարին նտսել ա, մեկ ու կես էլ կնստի:

Մեկ ու կեսի հաշվով մի քիչ կասկածում եմ:
Բա որ երկրաշարժ, ջրհեղեղ, ցունամի եղավ, կամ Արարատը նորից ժայթքեց՞ :
Բա որ բանտից փախավ՞:
Էլ չեմ ասում, բա որ հանկարծ իշխանափոխություն եղավ՞:
Էնպես որ Տրիբուն ջան, 4 տարվա հաշվով լրիվ եմ համամիտ, բայց տարիուկեսվա հաշվով- հըը:

[Chuk]

Չորս տարի են տալու Նիկլոին, երկուսը պայմանական, երկուսը լրիվ: Կես տարին նտսել ա, մեկ ու կես էլ կնստի:

Քուանշ
Նախ եթե ճիշտ եմ հիշում, 4 տարի տալու դեպքում համաներվելու ա, հետո սրանց քինախնդրությունը հաշվի առնելով անհավանական եմ համարում: Կարծում եմ, որ 6-7: Բայց չեմ կարծում, որ էս թեման կշահի մեր բուքմեյքերական կայֆերից

[Բիձա]

Քուանշ
Նախ եթե ճիշտ եմ հիշում, 4 տարի տալու դեպքում համաներվելու ա, հետո սրանց քինախնդրությունը հաշվի առնելով անհավանական եմ համարում: Կարծում եմ, որ 6-7: Բայց չեմ կարծում, որ էս թեման կշահի մեր բուքմեյքերական կայֆերից

Չուկ ջան, քեզ էլ եմ համամիտ:

[Rammer]

Չորս տարի են տալու Նիկլոին, երկուսը պայմանական, երկուսը լրիվ: Կես տարին նտսել ա, մեկ ու կես էլ կնստի:

Ինչի? Տենց տեղեկություն ունես?

[Տրիբուն]

Ինչի? Տենց տեղեկություն ունես?

Պատմական ոչ վաղ անցյալում, Ջհանգիրյանի համար մեղադրող կողմը 6 տարի էր պահանջում, 3 տվեցին:

Իսկ Նիկոլի դատավճիռը ինչի պիտի համաներման տակ ընկնի ? Համաներումը չի պրծել ?? Հո ալամ աշխրահը սրանից հետո ին դատ լինի չի ընկնելու համաներման տակ ?

Նիկոլին կպահեն բերդում մինչև մյուս ԱԺ ընտրությունների վերջը: Համոզեցիք:

[Chuk]

Պատմական ոչ վաղ անցյալում, Ջհանգիրյանի համար մեղադրող կողմը 6 տարի էր պահանջում, 3 տվեցին:

Իսկ Նիկոլի դատավճիռը ինչի պիտի համաներման տակ ընկնի ? Համաներումը չի պրծել ?? Հո ալամ աշխրահը սրանից հետո ին դատ լինի չի ընկնելու համաներման տակ ?

Նիկոլին կպահեն բերդում մինչև մյուս ԱԺ ընտրությունների վերջը: Համոզեցիք:

Ոչ, համաներման ժամկետը չի պրծել, քանի որ իրեն մեղսագրվում է մինչև 2009 հունիսի 1-ն արված հանցանք, ու եթե իրան մինչև 5 տարի տան, հենց դատարանի դահլիճից ազատ կարձակեն:

Եթե Ջհանգիրյանի համար 6 են պահանջել ու 3 տվել, դա դեռ չի նշանակում, որ ում համար ինչ պահանջեն, դրա կեսն են տալու:

[REAL_ist]

Տրիբուն ջան, համաներման մասնին որոշման մեջ նշվում էր, որ համաներումը կկիրառվի մինչև հունիսի 31 ներկայացած անձանց նկատմամբ, Նիկոլը եթե չեմ սխալվում ներակայացավ մինչև նշված ժամկետը: Նշանակումա, եթե Նիկոլը դատապարտվի մինչև 5 տարի, բնականաբար կընկնի համաներման տակ: Բայց քանի որ դատավճռով Նիկոլը մեղավոր կճանաչվի, անկախ համաներման փաստից, դրա ուժով արդեն չի կարա պատգամավոր լինի: Ես էլ իշխանությունների պարզ սցենարնա, որը դեռ առաջին օրը պարզ էր իմ համար:

[Chuk]

Ես էլ իշխանությունների պարզ սցենարնա, որը դեռ առաջին օրը պարզ էր իմ համար:

Կարծեմ այս թեման դատավարության, այլ ոչ թե ԱԺ ընտրությունների մասին են

[REAL_ist]

Այսինքն Չուկ ջան, գրառումս թեմայից դուրսա? Ներկա պահին դատավարությունը ուղղակիորեն կապվածա ընտրությունների հետ, իսկ իմ գրառումը դատավարության արդյունքի վերաբերյալ էր:

[Chuk]

Այսինքն Չուկ ջան, գրառումս թեմայից դուրսա? Ներկա պահին դատավարությունը ուղղակիորեն կապվածա ընտրությունների հետ, իսկ իմ գրառումը դատավարության արդյունքի վերաբերյալ էր:

Այսինքն ուզում եմ ասել, որ պետք չի շեղվել: Հարևան թեմայում այդ հարցը քննարկվում է: Այստեղ քննարկվում է զուտ դատավարության ընթացքը, այլ ոչ թե հնարավոր հետևանքները: Եթե խոսենք դրա մասին, ապա կասեմ, որ իհարկե ամենայն հավանականությամբ այդ սցենարն է գործելու, ընտրվելու է, որոշ ժամանակ հետո (կարճ ժամանակ) զրկվի մանդատից: Ու միաժամանակ նաև կարող եմ հիմնավորել որ դա իշխանություններին այնքան էլ ձեռնտու չէ, որովհետև էականը նա չի, Նիկոլը պատգամավոր կլինի, թե ոչ, որովհետև պատգամավոր լինելով իրենց առանձնապես խանգարել, ցավոք, չի կարող: Ավելի կարևոր է նրա ընտրվել-չընտրվելու հարցը, որովհետև էս պահին Նիկոլի՝ ժողովրդի քվեն ստանալը իշխանության համար պարտություն է: Բայց ահա եթե էս ամեն ինչը սկսենք քննարկել ապա լրիվ կշեղվենք բուն թեմայից ու կքննարկենք հարցեր, որոնք խիստ համապատասխան են հարևան թեմային:

[Տրիբուն]

Եթե Ջհանգիրյանի համար 6 են պահանջել ու 3 տվել, դա դեռ չի նշանակում, որ ում համար ինչ պահանջեն, դրա կեսն են տալու:

Համարյա սաղին նույն բանն են արել: Լավ, բան չմնաց, հեսա կտեսնենք էլի:

[Chuk]

Փաշինյանի դատավճիռը` 2010թ. հունվարի 19-ին
17:37 | Այսօր | ՔԱՂԱՔԱԿԱՆՈՒԹՅՈՒՆ

Մինչ «Հայկական ժամանակ» օրաթերթի գլխավոր խմբագիր Նիկոլ Փաշինյանի դատավարությունը սկսելն այսօր նիստերի դահլիճը մարդաշատ էր, իսկ մթնոլորտը լարված էր:

Մեղադրող կողմի 8 տարի ազատազրկում պահանջելուց հետո այսօր Փաշինյանի փաստաբանները հանդես եկան մոտ 3 ժամանոց պաշտպանական ճառով եւ դատարանից պահանջեցին արդարացման վճիռ կայացնել:

Պաշտպան Լուսինե Սահակյանը նախքան Փաշինյանին առաջադրված Քր. օր 225 եւ 316 հոդվածներով առաջադրած մեղադրանքներին անդրադառնալը նա հիմնավորեց, որ 2008թ փետրվարի 19-ի նախագահի ընտրությունները կեղծվելուց հետո Լեւոն Տեր-
Պետրոսյանը մինչեւ մարտի 1-ը խաղաղ հանրահավաքներ է իրականացրել, որի ընթացում որեւէ անկարգություն չի արձանագրվել:

«Այդ մասին են վկայում նաեւ միջազգային կառույցների ներկայացուցիչների հայտարարությունները»,- նշեց փաստաբանը:

Ինչ վերաբերում է Նիկոլ Փաշինյանին մարտի 1-ին զանգվածային անկարգություններ կազմակերպելու մեջ մեղադրելուն, ապա տիկին Սահակյանը նշեց, որ մինչ այդ պետք է ապացուցվի, որ մարտի 1-ին ընդհանարապես զանգվածային անկարգություններ են տեղի ունեցել:

Նա հրապարակեց մարտի 1-ին Մյասնիկյանի արձանի մոտ հավաքված ժողովրդին ուղղված Փաշինյանի բոլոր կոչերը, որոնք նախաքննության մարմինը մոնտաժել է: Փաշինյանի խոսքում բռնության որեւէ կոչ չկար: Փաստաբանը նկատեց, որ «7-ի գործով» ընդդիմության ակտիվիստներին դատապարտեցին առանձին-առանձին զանգվածային անկարգություններ կազմակերպելու մեջ, իսկ Փաշինյանը իբր բոլորին է կազմակերպել: Եւ մեղադրողների վկանների, եւ իր հարցման արդյունքներում ձեռք բերած ցուցմունքներով Լուսինե Սահակյանը հիմնավորեց, որ Նիկոլ Փաշինյանն իրեն առաջադրված մեղադրանքներով որեւէ հանցանք չի կատարել: Դատավոր Մնացական Մարտիրոսյանից արդարացման վճիռ ակնկալելով` Լուսինե Սահակյանը նշեց, որ դատավորն այս վճռով դատավորը պարտավորություն ունի նաեւ մարտի 1-ի 10 զոհերի առաջ, որոնց սպանությունները մինչ օրս բացահայտված չեն:

Փաշինյանը արդարացում է ակնկալում

Այսօր պաշտպանական խոսքով հանդես եկավ նաեւ Նիկոլ Փաշինյանը. «Դատավարությունն արդեն ավարտվում է, սակայն ինձ այդպես էլ չպարզաբանեցին իմ մեղադրանքը»: Փաշինյանը հնարավորինս սեղմ ներկայացրեց 2007թ. հոկտեմբերի 23-ի երթին տեղի ունեցածը, որի համար իրեն մեղադրում են Քր. օր .316 հոդվածով` իշխանության ներկայացուցիչ նկատմամբ բռնություն կիրառելու համար եւ ասաց. «Նույնիսկ մեծագույն ցանկության դեպքում ես հնարավորություն չունեի հարվածել ոստիկանին, որովհետեւ կարմիր բերետավորներն իմ ձեռքերը ոլորել էին:

Խոսելով մարտի 1-ի մասին` Փաշինյանը հայտարարեց, որ թե Ազատության հրապարակում շուրջ 10 օր տեւած հանրահավաք ընթացքում ոստիկանությունն ընդդիմությանը որեւէ օրինական պահանջ չի ներկայացրել. «Չի ներկայացրել, որովհետեւ գիտեր, որ կկատարեինք օրինական պահանջը: Նրանց նպատակը մարդկանց ծեծելն ու ջարդելն էր, դա էլ արեցին»:

Փաշինյանն հայտարարեց, որ իր պաշտպանների, ինչպես նաեւ մեղադրող կողմի ներկայացրած տեսանյութերն ու ապացույցները բավարար են իրեն արդարացնելու համար: «Ես արդարացման վճիռ եմ ակնկալում. մյուս կողմից այդքան միամիտ չեմ, որ կարծեմ, թե ՀՀ-ում արդարացման վճիռ կկայացնեն: Ես արդարացում եմ ակնկալում ՀՀ քաղաքացիներից: Ես ակնկալում եմ, որ հունվարի 10-ին թիվ 10 ընտրատարածքում իրենց ընտրությամբ ՀՀ քաղաքացիները կկայացնեն իմ արդարացման վճիռը»:

Ներկանների հուզված դեմքերը տեսնելով, Փաշինյանը դիմեց նրանց` նշելով, որ այսօրվա մեր վիճակի համար պատասխանատու ենք միայն մենք` ժամանակին մեր չարածի, մեր վախենալու համար, իսկ այսօրվա մեր չարածը ընկնելու մեր երեխանների վրա:

Փաշինյանն այսօր օգտվեց վերջին խոսքի իր իրավունքից, որը շատ հակիրճ էր. «Մեր պայքարն անկասելի է, մեր հաղթանակն անխուսափելի է: Պայքար, պայքար մինչեւ վերջ»: Դահլիճում ներկանները միացան Փաշինյանի վերջին խոսքին եւ ծափողջյուններով շարունակեցին. «Պայքար, պայքար, մինչեւ վերջ»:

Դահլիճին հանդարտեցնելուց հետո դատավոր Մնացական Մարտիրոսյանը հայտարարեց, որ Փաշինյանի դատավճիռը կհրապարակվի 2010թ. հունվարի 19-ին, ժամը 12.00-ին:

Ի դեպ, դատավոր Մնացական Մարտիրոսյանն այսօր նիստերի դահլիճից դուրս հրավիրեց Շուշիի առանձնակի գումարտակի հրամանատար Ժիրայր Սեֆիլյանին` իր ներս մտնելու պահին ոտքի չկանգնելու համար: Սեֆիլյանն ընդունեց, որ չի հարգում դատարանին եւ առանց հակաճառելու դուրս եկավ: Հիշեցնենք, որ առանց բավարար ապացույցների Սեֆիլյանին 2 տարի ազատազրկման է դատապարտել նույն ինքը` Մնացական Մարտիրոսյանը:

Աղբյուր՝ Ա1+