Ով ենք մենք իրականում

[Շինարար]

Հոգնեցի գրելուց, որ խոսքը բոլոր էլեմենտների մասին չի:
Ինչ վերաբերվում է Հերունուն Ձեր խոսքերը փոխանցելուն` չեմ մոռանա; Երբ ժամանակը գա` կփոխանցեմ;
Իսկ թե Մաշտոցի առաջ ինչ խնդիր էր դրված.........Այ էդտեղ սպանեցիք; Ինչ է դուք ներկա եք եղել?

Դե, քանի որ այսօր դժվար գտնենք մաշտոցի հանճարագործության ականատեսի, ստիպված ենք ենթադրություններ անել, Կարծում եմ Հերունին էլ էր նույն սկզբունքով շարժվում: Մեկ էլ մի տեղ այս քննարկումն անվանել էիր անարդյունավետ և ասել, որ դու նախընտրում ես, ասեմ, որ ցանկացած գիտելիքի զարգացման ամենակարևոր պայմանններից մեկը մտածելու հետ նաև քննարկելն է, որովհետև խոսքից խոսք է ծնվում, մտքից միտք: Առանց երկխոսության գիտելիք չկա, այլ կա սեփական կարծիքի պարտադրանք:

[Համիկ]

................ասեմ, որ ցանկացած գիտելիքի զարգացման ամենակարևոր պայմանններից մեկը մտածելու հետ նաև քննարկելն է, որովհետև խոսքից խոսք է ծնվում, մտքից միտք: Առանց երկխոսության գիտելիք չկա, այլ կա սեփական կարծիքի պարտադրանք:

Այ, սրան ոչինչ ասել չեմ կարող, լրիվ համաձայն եմ. խոսքից խոսք է ծնվում, մտքից՝ միտք, կարծիքից՝ կարծիք, ու աշխարհը լցվում է կիսատ-պռատ ասված խոսքերով, մտքերով, կիսատ-պռատ արված գործերով:
Իսկ հիմա ասեմ, որ ինձ համար հաճելի օր անցավ, տարբեր մյուսներից, լցված ձեր ուշադրությամբ ու կարծիքներով: Սակայն անկեղծ ասած, ես այսօր շատ վատ աշխատեցի, որի պատճառով հիմա պիտի մնամ ու ավարտեմ գործերս:
Ցտեսություն ձեզ, մի քանի օր չեմ երևա, գործերով պիտի գնամ մարզեր:

[Հայկօ]

Անձամբ ինձ մոտ հիմա «Կլինիկական մահ ծիծաղի չարաշահումից» դիագնոզ է : Իօդ : Իօպռստ:

Հետաքրքիր ա՝ իսկ նիլսբորիու՞մը ինչպես է հնչել գրաբարում: Ըստ հավաստի աղբյուրների՝ Նիլս Բորը ծնվել է ք.հ. 1885 թվականին:

[Elmo]

Հա, մեկն էլ կար տառերը իրար գումարելով ստանում էր մի թիվ, որը մի քանի անգամ հանում, բազմապատկում, բնական հիմքով լոգարիթմ էր հանում, ու ապացուցում, որ արեգակ բառի տառերի գումարը արեգակի միավոր ժամանակում ջրածնի հելիումի վերածման զանգվածն է ստացվում
Մաշտոցը սուպերհամակարգիչ ա ունեցել աչքիս: Թե ի՞նչ իմաստ ունի տառերը նենց գրել, որ գումարելիները անպայման ինչ-որ մետաղ կամ աստղ բնորոշեն: Էդ տառերը իրենց բուն նպատակին էլ են լավ ծառայում էլի:

[Rammstein]

Օրինակ, ոսկու վալենտականությունը, ինչպես գիտենք, Մենդելեեվի աղյուսակում 79 է /սա հայերը չեն ասում/:
Գումարեք իրար «ոսկի» բառի բոլոր տառերի հերթական համարները ըստ այբուբենի և կստանաք 79: Ո-24, ս-29, կ-15, ի-11: Եվ այսպես մի քանի ազնիվ մետաղներ…

Փաստորեն ջրածնի անունը պիտի լիներ «Ա»: Իսկ Հերունին չի՞ ասում, որ Սնդիկի անունը պիտի լիներ Ռնդիկ, որ գումարը ստացվի 80, այլ ոչ թե 81:
Լավ լրջացանք:
Հասմիկ, իհարկե սա շատ հետաքրքիր է, բայց գոյություն ունեն երեւույթներ, որոնք պատահական են:

Հերունին բավական խելոք մարդ է եղել, միայն թե վերջին շրջանում տարիքը զգացնել էր տալիս, ցավոք, այդ իսկ պատճառով նրա ասած բազմաթիվ բաների չի կարելի լուրջ վերաբերվել:

[Rammstein]

Անձամբ ինձ մոտ հիմա «Կլինիկական մահ ծիծաղի չարաշահումից» դիագնոզ է : Իօդ : Իօպռստ:

Հետաքրքիր ա՝ իսկ նիլսբորիու՞մը ինչպես է հնչել գրաբարում: Ըստ հավաստի աղբյուրների՝ Նիլս Բորը ծնվել է ք.հ. 1885 թվականին:

Վա՜յ… , ափսոս, ոչ Մաշտոցի ժամանակ «օ» տառը չի եղել…

[Տրիբուն]

Յոդը, որ կարծեմ, գրափարում գրվել է «իօդ»՝ ևս:

Համիկ ջան, հենց դրանում է խնդիրը որ այդ թվային համընկնումները, կամ արհեստականորեն հարմարեցված են, կամ լավագույն դեպքում պատահական են: Ես քիմիկոս չեմ, բժիշկ էլ չեմ, բայց նոր բացեցի հանրագիտարանն ու կարդացի, որ Յոդը հայտնաբերվել է 1811 թվին և միայն 1815 թվականից է ներառվել պարբերական աղյուսակում, որպես քիմիական էլեմենտ: Ու հիմա, թե ոնց կարող էր այն գրվել գրաբարում, ես չեմ իմանում, բայց նույն հաջողությաբ, Յ-ի տեղը Ի փոխեցինք ստացանք պետքն եղած թիվը, կարելի էր Ո-ի տեղը Օ գրել, ու ուրիշ բան ստանալ, Դ-ի տեղը Տ կամ Թ գրել, ու ուրիշ թիվ ստանալ: Ու էլի սենց բաներ:

[Տրիբուն]

Հասմիկ, իհարկե սա շատ հետաքրքիր է, բայց գոյություն ունեն երեւույթներ, որոնք պատահական են:

Արաաաա.. փաստորեն մենակ ես չեմ, իմ օրին մի հոգի էլ կա: Ռամ, Հասմիկ չի, Համիկ ա: Ես արդեն մի անգամ անցել եմ դրա մեջով:

[Rammstein]

Արաաաա.. փաստորեն մենակ ես չեմ, իմ օրին մի հոգի էլ կա: Ռամ, Հասմիկ չի, Համիկ ա: Ես արդեն մի անգամ անցել եմ դրա մեջով:

Վայ, ներողություն եմ խնդրում Համիկից:

[Norton]

[Ambrosine]

http://www.youtube.com/watch?v=2qABNkEfWH4

Փաստորեն, Ավստրալիայի կենգուրուներն էլ են հայերից առաջացել

[Lion]

Ինչ-որ չեմ լսել, որ մարդկանցից կենգուրեւներ առաջացած լինեն...

[Norton]

Փաստորեն, Ավստրալիայի կենգուրուներն էլ են հայերից առաջացել

Եվ ոչ միայն, նաև Աֆրիկայի փղերն ու բեգեմոտները:

[Էդգար]

Turojan, լավ էլի..... Խաչը իրենից ինչ է ներկայացնում? Ընդամենը երկու հատվող գծեր... Եթե ամեն մի քար, որի վրա երկու հատվող գծեր կան խաչքար անվանենք, հիմա Խաչքարաստանում կապրեինք: Իսկ էդ հինավուրց խաչքարերի նկարներ կամ փաստեր գոնե ունես?

Ինչ վերաբերվում է հայերի տեղաբնիկ ու ոչ տեղաբնիկ լինելուն, կան բազմաթիվ տեսություններ դրանց մասին: Օրինակ Կուրգանյան տեսության համաձայն (որը ընդունված է գրեթե ամբողջ աշխարհում, բացի Հայաստանից, Վրաստանից ու Պարսկաստանից), հայերի նախնիները Հայաստան են եկել Բալկաններից, իսկ դրանից առաջ ապրել են ներկայիս Ուկրաինայի և Ռուսաստանի հարավ արևմտյան տարածքում, որը ըստ Կուրգանյան տեսության հանդիսանում է նախահնդեվրոպական ցեղերի հայրենիքը:

Իսկ Հայկական տեսության հեղինակներ Իվանովը և Գամկրելիձեն (ով, ի դեպ, այժմ Վրաստանի Գիտությունների ակադեմիայի նախագահն է), պնդում են, որ նախահնդեվրոպական ցեղերի հայրենիքը ոչ թե Հայաստանն է, այլ արևելյան Անատոլիան, հայկական լեռնաշխարհը և արևմտյան Պարսկաստանը, և դա բացատրում են ոչ թե 42000 տարին մեկ տեղի ունեցող ջրհեղեղի գիտականորեն լրիվ անհիմն փաստով, այլ հնդեվրոպական լեզուների մեջ առկա զարգացումներով:

Հնէաբանական բավարար փաստերի բացակայության պատճառով նախահնդեվրոպական ժողովրդի հայրենիքի տեղը որոշելը անհնար է, այն հնարավոր է որոշել միայն լեզվաբանական տեսանկյունից: Ու նույնիսկ լեզվաբանական տեսանկյունից անհնարին է վերջնական ու միանշանակ պատասխան տալ, որովհետև լեզվաբանական փաստերն էլ են շատ սահմանափակ:

Ի դեպ այս հարցում, ես լրիվ չեզոք դիրք եմ գրավում, որովհետև թե Կուրգանյան, թե Հայկական, թե Անատոլիական տեսությունները ունեն իրենց առավելությունները և թերությունները:

Նման բաներ մի գրէք էլի:Ոնց որ չգիտէք, որ նման հակահայ տեսութիւնները հրէաների կողմից հովանաւորուղ գիտնականներն են յառաջ քաշում:Պալքանեան տեսութեան միակ (այն էլ կիսախարխուլ) հիմքը հին յունական լեգենդն է, ըստ որոյ ոսկէ գեղմը գտնելու եկած անձանցից մէկը մնում է այստեղ եւ ետ չի վերադառնում Յունաստան:Իրականում սրանք փչոցներ են:Թէկուզ նոյն Հայկի եւ Բելի առասպելը:Ներկայումս այն աղաւաղուած է, իրականում Հայկը Միջագետքից չի եկել` խոյս տալով Բելից:Սա յորինուել է` յարմարեցնելու բաբելոնեան աշտարակաշինութեան լեգենդին:Իրականում բոլորս էլ գիտենք, որ Հայկը Արարադայ երկիրը ժառանգութիւն է ստացել ԱՐագածի եւ ԱՐԱրատի (նկատէք աստուածային ԱՐ ԱՐմատը)միջեւ բնակուող իւր Թորգոմ պապից (կամ հօրից

[Տրիբուն]

Իրականում բոլորս էլ գիտենք, որ Հայկը Արարադայ երկիրը ժառանգութիւն է ստացել ԱՐագածի եւ ԱՐԱրատի (նկատէք աստուածային ԱՐ ԱՐմատը)միջեւ բնակուող իւր Թորգոմ պապից (կամ հօրից

Էդգար ջան, շտապ ժառանգության փոխանցման մասին փաստաթուղթ ա պետք, հրեաներին ներկայացնելու համար: Ուզում ենք Աստվածաշնչում փոփոխություններ ու լրացումներ մտցնենք: Կարա՞ս ճարես: Մեկ էլ եթե կոնկրետ ասես Թորգոմը Հայկի պապն էր թե հայրը, ու մի հատ էլ փաստաթուղ ճարես, որ ցույց տա թե Թորգոմն ումից ա ժառանգել, գժանոց կլինի: Կից կադաստրի կոմիտեից վերցված սեփականության վկայականն ու էլեկտրոնային քարտեզը չէր խանգարի: