Ով ենք մենք իրականում

[Տրիբուն]

Այն ոչ միայն նույնքան, էլ չասած ավել, այլ նույնիսկ 5 տոկոսի չափ հիմնավորված չէ, ինչպես անատոլիական կամ հայկական տեսությունները: Միգրացիոն ողջ այդ հիմարության հիմքում ընկած է ընդամենը Հերոդոտի այն ֆրազը, թե. "Հայերը զինված էին փռյուգիացիների նման, քանի որ Փռյուգիայից էին": Ի դեպ, նույն այդ Հերոդոտը այնքան վատ էր պատկերացնում Արևելքը, որ լրիվ լուրջ գրում էր ամազոնուհիների մասին: Եվ բացի այդ - ասենք թե բիրմացին "զինված է" ԱԿ-74-ով... ուրեմն նա Ռուսաստանից է

Լիոն ջան, կուրգանների տեսությունը, որը փաստացի հայերի համար միգրացիոն տեսություն է, քանի որ հնդեվրոպական ցեղերի հայրենիքը տանում է Վոլգայի ափերը, հերոդոտի ու ամազոնուհիների հետ ոչ մի կապ չունի: Մարդիկ փորել են, վերլուծել են, արխեոլոգիա, լեզվաբանություն .. դես դեն .. հո մենակ Հերոդոտով կամ Ապոպով չի, ընկեր ??

[Lion]

Ըհը - և իհարկե իրենց տեսությունը ճիշտ է, իսկ "մեր"-ը սխալ: Եթե ամեն ինչ այդքան միանշանակ է, գիտական մի մոնոգրաֆիա գրիր, մեծ փառքի կհասնես...

[Տրիբուն]

Ըհը - և իհարկե իրենց տեսությունը ճիշտ է, իսկ "մեր"-ը սխալ: Եթե ամեն ինչ այդքան միանշանակ է, գիտական մի մոնոգրաֆիա գրիր, մեծ փառքի կհասնես...

Ես ասել եմ ճիշտ ա կամ սխալ, Լիոն ?/ Ես ասում եմ դա տեսություններից մեկն ա, ու շատ հիմնավորված, ու գիտական շրջանակներում ընդունված: Ու հետո էլ տեսությունները չեն լինում, մերը կամ ուրիշինը, ու եթե մի տեսություն մերն ա, դա դեռ ավտոմատ չի նշանակում լավ կամ հիմնավորված տեսություն:

Գիտական մենագրությունների վարպետն էլ դու ես, ինձ լրիվ բավարարում ա ուրիշների գիտական մենագրությունները կարդալն ու եզրակցություններ անելը:

[Lion]

Ես ասել եմ ճիշտ ա կամ սխալ, Լիոն ?/

Եթե քո ասած տեսությունը իհարկե քո տերմինով ասած. " նույնքան կամ ավելի հիմնավորված, շատ հիմնավորված, ու գիտական շրջանակներում ընդունված"... շարունակությունը արդեն գիտես

Ու հետո էլ տեսությունները չեն լինում, մերը կամ ուրիշինը,

"Մեր"-ը չակերտների մեջ էի գրել ոը կիրառել էի պայմանականորեն,..

ու եթե մի տեսություն մերն ա, դա դեռ ավտոմատ չի նշանակում լավ կամ հիմնավորված տեսություն:

Իհարկե

Գիտական մենագրությունների վարպետն էլ դու ես, ինձ լրիվ բավարարում ա ուրիշների գիտական մենագրությունները կարդալն ու եզրակցություններ անելը:

Հիանալի գործ է: Ի դեպ, հետաքրքիր հարց ծագեց - ում գիտական մենագրություններն ես այսքան ժամանակ կարդացել ու եզրակացություններ տվել?

[Շինարար]

Ի միջի այլոց, ար-ից բացւ համաշխարհային մարդկությանը հայացնելու ևս մի տեսություն կա, անվանենք այն սկա տեսություն, համաձայն որի այն բոլոր ժողովուրդները որոնց բառապաշարում կա գոնե մեկ բառ, որում հանդիպում են այս տառերը, դրանք բոլորը հայկական ծագում ունեն: Տրամաբանությունը շատ պարզ է. Հայկը հսկաների տոհմից էր, իսկ Պարույրը՝ Սկայորդի, հիմա այն ազգերը, որոնք ունեն հայկական ծագում՝
սլավոնները՝ քանի որ մեր պատմագրությունը նրանց սկլավք է անվանում:
Սկանդինավյան ժողովուրդները
շոդլանդացիները՝ Սկոտլանդ
բասկերը՝ սրանք շուռ տված հայեր են
Մադագասկար
սկյութները
սաքսոնները
Ամբողջ տեսությունը հիմնված է նմանատիպ ցնդաբանույունների վրա, ի միջի այլոց էլի ժողովուրդներ կային, որոնց հայ լինելը ապացուցվում էր սկա մեթոդով, ուղղակի բոլորը չեմ հիշում, հա մեկ էլ Ալյասկա, սրանք այլ սկա էին, բայց ի վերջո սկա էին:

[Lion]

Բազում անգամներ եմ ասել և կրկին կասեմ - բառային համընկնումները թեև կարևոր են, բայց դրանք ընդամենը մեկն են ապացույցների համակարգում: Ու եթե միայն լեկսիկալոգիական համընկնումները լինեին, գուցե և դու իրավունք կունենաիր կասկածել - բայց այս դեպքում կասկածելն ուղղակի ցույց է տալիս, որ դու ուղղակի չես ուզում հրաժարվել դպրոցական դասագրքերում սովորածիցդ ու գիտակցել, որ դա չէ Հայոց պատմությունը և իրականում, եթե դու մտածում ես, որ հայերը ձևավորվել են Արտաշեսյանների ժամանակ, դու Հայոց պատմություն ուղղակի չգիտես...

[Տրիբուն]

ում գիտական մենագրություններն ես այսքան ժամանակ կարդացել ու եզրակացություններ տվել?

Կարող ա մի հատ էլ քննություն հանձնեմ ?? Եզրակացություններ էլ չեմ տալիս, ուշադիր կարդա - եզրակացություններ անում եմ, կամ որ նույնն է հանգում եմ դրանց: Թե չէ տալը, լրիվ ուրիշ թեմայից ա ընկեր:

[Lion]

Չէ, դրա կարիքն էլ չկա… Դեհ ինչ, այդ էլ իմացանք, որ Տրիբունը հրաժարվում է հայտնել, թե ում "մենագրություններն է կարդացել ու եզրակցություններ արել"...

[Տրիբուն]

Չէ, դրա կարիքն էլ չկա… Դեհ ինչ, այդ էլ իմացանք, որ Տրիբունը հրաժարվում է հայտնել, թե ում "մենագրություններն է կարդացել ու եզրակցություններ արել"...

Ապեր, գլուխ ես արդուկում:

[Lion]

Ըհը, կարծես թե այս թեման էլ վերջացավ... էն էլ հարդուկով /թե՞ արդուկով/

Իսկ եթե ավելի լուրջ - էխ, ժողովուրդ ջան, չեք էլ պատկերացնի, թե ինչքան են խեղել մեր իրական պատմությունը Ու խեղման հիմնական մոտիվացին եղել է խորը արմատներ գցած ազգային կոմպլեքսավորվածությունը:

[Norton]

Վերջապես երեկ ընդամենը 10 րոպեյով ձեռքս ընկավ Պարիս Հերունու հեղինակած գիրքը
Մի քանի պահ հետաքրքրեց ներկայացնեմ: Պարզվում է քարահունջի հայ աստղագետները ունեցել են իրենց երգը, մեջբերում գրքից:

Ինչ խոսք սա շատ հզոր ապացույց է, այն բանի որ այն հայկական է , ավելին հայ աստղագետները աստղերի ուսումնասիրության ընթացքում , շատ էին սիրում երգել արև, արև, եկ, եկ երգը:

Իսկ նրանք ովքեր չեն հավատում կամ թերահավատորեն են վերաբերվում, որ այդ ծակերով ի վերջո հնարավոր է աստղեր դիտել , խորհուրդ եմ տալիս նայել ստորև բերված նկարին՝ Հերունուն գրքից:

ես էիք ուզու՞մ

Հզորագույն ապացույցներից մեկը, որ քաղաքակրթությունը ծագել, ի սկզբանե զարգացել է հենց հայերի մոտ , ապացուցում է այս ժայռապատկերը, որը գտնվել է Հայաստանում:
Ու մի մոռացեք, որբ մենք խորոված էին ըմբոշխնում Մասիս սարի ստորոտին, եվրոպացիները դեռ ապրում էին ծառերի վրա և քարանձավներում:
Իսկ ապացույց Ադամի և Եվայի ժայռապատկերն է:


Այնուհետև ապացուցվում է, որ Տրոյան ունի հայկական ծագում:


Դե իհարկե Բաբելոնը նույնպես հայերն են սարքել:

Միայն ավելացնեմ առանձին անդրադարձ է կատարված եգիպտական բուրգերին, որոնք իհարկե հայերն են կառուցել:

Այնուհետև սահուն կերպով անցում է կատարվում և ապացուցվում է , որ եվրոպայում քաղաքակրթություն տարածել են հայերը:


Եվրոպայից հայերը սահուն կերպով անցել են Ամերիկա և քաղաքակրթել են նաև այնտեղ ժողովրդին, առաջին հերթին՝ մայաներին և ացտեկներին:


Կարծում եմ այսքանը բավարար էր, հասկանալու համար Հայաստանի իրական պատմությունը:

[Շինարար]

Վերջապես երեկ ընդամենը 10 րոպեյով ձեռքս ընկավ Պարիս Հերունու հեղինակած գիրքը
Մի քանի պահ հետաքրքրեց ներկայացնեմ: Պարզվում է քարահունջի հայ աստղագետները ունեցել են իրենց երգը, մեջբերում գրքից:

Ինչ խոսք սա շատ հզոր ապացույց է, այն բանի որ այն հայկական է , ավելին հայ աստղագետները աստղերի ուսումնասիրության ընթացքում , շատ էին սիրում երգել արև, արև, եկ, եկ երգը:

Ինչի Ղազարոս Աղայանը ո՞ր թիվ ա:

[Տրիբուն]

Ինչի Ղազարոս Աղայանը ո՞ր թիվ ա:

Մ.Թ.Ա 8746 մայիս 19: Ինչ դու հայ գիտես, որ դրանից ավելի թարմ ա ?? Մ.թ.ա 6930 -ին Բաբելոնում արդեն բացվել էր Ղազարոս Աղայանի տուն թանգարանը, ինքը արդեն էն ժամանակ պատմություն էր:

[Elmo]

«Հայերը լուսնի վրա» Վերնագրով էջ չկա՞ր:
Էդ տնաշեն Ադամի ադամությունն էլ էնքան մեծ են ըդգծել, կասես աշխարհի վերջն ա:

[Lion]

1.

Բրոնզե դիսկ, որը արտացոլում է հին հայերի պատկերացումները տիեզերքի մասին

Այս դիսկը հայտնաբերվել է 1988 թ-ին և, ըստ մասնագետների, այն հանդիսանում է տիեզերական մարմինների շարժի հիման վրա գործող օրացույց: Հիպոթեզը այն մասին, որ տիեզերագիտական հնագույն գիտելիքների առաջացման կենտրոններից մեկը եղել է Հայկական լեռնաշխարհը, հայտնի է վաղուց: Ընդ որում այս հիպոթեզի հեղինակները հայ գիտնականները չեն: Մասնավորապես, տիեզերագիտության պատմության խոշոր մասնագետներ համարվող Մունդերը, Սվարցը և Ֆլամիրիոնը վստահ էին, որ. "Մարդիկ, որոնք բաժանել են երկինքը համաստեղությունները ապրել են 36° և 42° հյուսիսային լայնության միջև": Իսկ անգլիացի աստղագետ Օլկոտը իր հերթին ուղղակիորեն գրում է. "Մարդիկ, որոնք հայտնագործել են համաստեղությունների հնագույն պատկերները, ապրել են Եփրատի գետի հովտում և Արարատ լեռան շրջակայքում": Տեղին է հիշել նաև Ջ.Ս. Հաուկինսի կարծիքը, որը Վիկտոր Համբարձումյանին գրած իր նամակներից մեկում ասում է. "Ստոունհենջը միակը չէ և պետք է սպասել նման աստղագիտական մշակույթ Հայաստանում":

Հնագիտական պեղումները ավելորդ անգամ հաստատում են այս եզրակացությունները: 1967 թ-ին հնագետ Ա. Մնացականյանի կողմից Լճաշենի հնավայրում հայտնաբերվեց բրոնզե մի դիսկ, որը ըստ էության մեզնից ավելի քան 4.000 տարի առաջ ստեղծված տիեզերքի մի մոդել է (տես նկար 1): Դիսկի ներքևի մասում արտացոլված է Երկիր մոլորակը, որը շրջապատված է երկրային հիմնական էլեմենտներով` ջրով և օդով: Հակառակ կողմում արտացոլված է արևգակի սկավառակը, որն իր մեջ պարունակում է Կյանքի ծառը և սիմվոլիկ կերպով ցույց է տալիս մի կողմից արեգակի` կյանքի սկիզբ լինելու հանգամանքը, իսկ մյուս կողմից էլ վկայում է, որ այս դիսկի հեղինակները եղել են արևապաշտներ, այսինքն ոչ սեմիտներ: Երկիր մոլորակի և արեգակի միջև արտացոլված են լուսինը և մինչև միջնադարի կեսերը հայտնի ու անզեն աչքով տեսանելի 5 մոլորակները` Մերկուրին, Վերենարն, Յուպիտերը և Սատոռնը: Բոլոր երկնային օբյեկտները տեղաբաշխված են ռոմբաձև 3 էլէմենտների շուրջ, որը համապատասխանում է հետագա հունական պատկերացումներին "երկնային կրակի" ու նրա շուրջ պտտվող արեգակի ու մոլորակների մասին:

2.

Չզարմանաք, եթե հանկարծ այստեղ գտնեք Զոդիակի 12 նշանները

Քարի այս կտորը հայտնաբերվել է Մեծամորի աստղադիտարանում կատարված պեղումների ընթացքում: Հետաքրքիր է, որ աստղադիտարանը կառուցված է հատուկ Սիրուս աստղի ուղղությամբ և որի շնորհիվ էլ քրմերը ֆիքսել են տարվա սկիզբը:

3.

Սա ժայռապատկեր է, որը թվագրվում է մ.թ.ա. երկրորդ հազարամյակով

Իրենց տիեզերագիտական գիտելիքների մասին վկայություններ հին հայերը թողել են նաև ժայռերի վրա: Վերջին տարիներին ՀՀ-ի տարածքում հայտնաբերվել են մեծ քանակությամբ ժայռապատկերներ -

http://www.armrockart.nm.ru/photos.htm

ու նրանց մեջ մեծ տեղ են զբաղեցնում տիեզերագիտական բնույթի նկարները: Նկար 2-ում հայտնաբերված ժայռապատկերը գտնվում է Գեղամա լեռներում: Ինչպես արդեն ասվել է` 1963 թ-ին հայ մասնագետների կողմից Արարատյան դաշտում, Մեծամորի մոտ, հայտնաբերվել է մետաղամշակման մի մեծ կենտրոն, որը գործել է մ.թ.ա. երրորդ հազարամյակի երկրորդ կեսից սկսած -

http://forum.hayastan.com/index.php?...c=40533&st=325

Հետագա ուսումնասիրությունները հաստատեցին, որ Մեծամորը եղել է յուրօրինակ հնադարյան արդյունաբերական մի կենտրոն: Իսկ շուտով գտնվեցին նաև այս հնավայրում գործած աստղագիտական կենտրոնի ավերակները, որոնց ուսումնասիրությունը ցույց տվեց, որ այնտեղից դիտարկել են տիեզերքը առնվազն մ.թ.ա. 26-րդ դարից սկսած: Վերջին տարիների հայտնագործությունները հաստատեցին, որ Մեծամորի աստղադիտարանը ինչ-որ մի պատահական երևույթ չէ, այլ մասն է հնագույն Հայաստանում (Արատտայում) գոյություն ունեցած զարգացած աստղագիտական մշակույթի:

4.

Իսկ այս զարմանալի ժայռապատկերը վկայում է, որ հին հայերը կարծես ավելին գիտեին երկրագնդի մասին, քան մենք սովոր ենք կարծել

Այս ժայռապատկերը արտացոլում է Երկիր մոլորակի կլոր լինելու գաղափարը: Միթե արդեն այն ժամանակ մարդիկ պատկերացում ունեին Երկիր մոլորակի կլոր լինելու մասին? Գուցե և դա այդպես չէ, բայց հատկանշական է, որ առայժմ չի առաջարկվել այս նկար մեկնաբանման այլ տարբերակ: Ընդ որում պետք է հաշվի առնել, որ հին հայերը լայն առևտրական կապեր ունեին հեռավոր երկրների հետ, իսկ դա իր հերթին չէր կարող չբերել աշխարհագրության ոլորտում գիտելիքների խորացմանը: Այստեղ ուղղակի պետք է ավելացնել, որ համաձայն պատմական գիտությունների թեկնածու Ե. Ն. Չեռնիխի տեսակետի, մ.թ.ա. 3-2 հազարամյակներում Հայկական լեռնաշխարհից արտահանվող մետաղով էին ապահովում Արևելյան և Կենտրոնական Եվրպան:

5.

Այս ժայռապատկերը արտացոլում է լուսնային օրացույցը

Ժայռապատկերի վրա կարելի է տեսնել լուսնային տեսանելի 27 օրերը, ինչպես նաև 2,5 անտեսանելի օրերը, որոնք արտացոլված են ներքևի 2 գծիկներով: Իսկ 18 ճառագայթները շրջանի ներսում ցույց են տալիս լուսնային ֆազան 18-րդ օրվա վիճակով:

6.

Այս ժայռապատկերում արտացոլված են տարվա 12 ամիսները

Ըստ Հայկյան օրացույցի տարին ուներ 12 ամիս, այնպես որ այստեղ լրացուցիչ մեկնաբանությունների կարիք ըստ էության չկա...