Ռուսերենը՝ որպես օտար լեզու

[Հայկօ]

Փառք Աստծու, հիմա ո՛չ անգլերեն ֆիլմեր ու հաղորդումներ նայելու խնդիր կա (համենայն դեպս՝ Երևանում), ո՛չ էլ՝ նույնիսկ ճապոներեն: Փնտրողը գտնում է, ցանկություն լինի: Իսկ էդ ռուսերեն ալիքներից ոչ մի օգուտ չկա. լիքը (մանավանդ ջահել) մարդ կա, որ նայում է ու կեսն էլ չի հասկանում: Նաև՝ «Фабрика звезд»-ը, ասենք, քննության ժամանակ հոլովներ կամ Դոստոևսկի պատմելիս չի օգնի:

Ավելացվել է 3 րոպե անց

Ուշադրությունդ հրավիրեմ մի հետաքրքիր փաստի վրա. թարգմանչի աշխատանքի հայտարարությունների մեջ կտեսնես ռուսերենի, անգլերենի, ֆրանսերենի, չինարենի, եսիմինչերենի գերազանց իմացություն, բայց երբեք չես տեսնի հայերենի գերազանց իմացություն: Իսկ իմ համեստ կարծիքով որակյալ թարգմանիչն առաջին հերթին պետք է այն լեզուն իմանա, դեպի որը թարգմանում է:

Քեզ լիքը պլյուսներ: Մեռա համալսարանում ուսանողներիս գլուխը մտցնելով, որ եթե հայերեն չիմացաք, ինչքան ուզում եք՝ օտար լեզու իմացեք, չե՛ք կարողանալու թարգմանել: Գնացեք հայերե՛ն կարդացեք, սովորե՛ք ախր: Մեկ է՝ չեն հասկանում: Հայերենը ոմանց համար «ստինքստինքյան» իմացվցած ու ջոգվցված հասկացություն է:

[LevX]

Էս սուտ էր:

Թող չհավաքվի: Բայց պետք է հարգենք փոքրամասնության իրավունքը, չէ՞: Թե՞ ասելու ենք. «Կներես, բայց պիտի ռուսերեն հանձնես. մեր երկրում դա ավելի քիչ օտար է»:

Սուտ չէր, անվանումները կարող ես տեսնել թերթի կրպակներում, ...

Իսկ ռուսերեն հանձնելու հաշվով ... ես ինկատի ունեի այն, որ ռուսերենը պետք է հանել օտար լեզվի քննությունների ցուցակից, ոչ թե պարտադրել այն ...

Նույն քո հարցը տամ այս տեսքով.
Ինչո՞ւ պիտի ոմանք պարապեն, տանջվեն ու գնան քննության, իսկ մնացածը հենց այնպես գան ու մի քանի բառ ասելով ստանան իրենց գնահատականը...

Ռուսերենը որպես օտար քննություն նշանակելով, շատ շատերը պարզապես «ազատվում» են այդ քննությունից ...

[StrangeLittleGirl]

ես ինկատի ունեի այն, որ ռուսերենը պետք է հանել օտար լեզվի քննությունների ցուցակից, ոչ թե պարտադրել այն ...

Բա որպես ի՞նչ թողնել:

Ինչո՞ւ պիտի ոմանք պարապեն, տանջվեն ու գնան քննության, իսկ մնացածը հենց այնպես գան ու մի քանի բառ ասելով ստանան իրենց գնահատականը...

Իսկ ո՞վ է տանջվում: Ինձ համար ռուսերենը շատ ավելի մեծ տանջանք է, քան անգլերենը, ֆրանսերենը, անգամ չինարենը:

[Morpheus_NS]

Ռուսերեն որ չիմանային էսքան խոպանչի Ռուսաստանում ոնց էր ադապտացվելու: Եթե Չինաստան էլ ընենց հեշտ լիներ գնալ, ոնց որ Ռուսաստան, թող չինարերենն էլ պարտադիր քննություն սարքեին: Ամեն ինչ շատ ճիշտ ա, ռուսերենը մեզ օդ ու ջրի նման պետք ա:

[StrangeLittleGirl]

Ամեն ինչ շատ ճիշտ ա, ռուսերենը մեզ օդ ու ջրի նման պետք ա:

Ես ռուսերեն կարգին չգիտեմ ու երբևէ «օդի ու ջրի» նման պետք չի եկել

[LevX]

Փառք Աստծու, հիմա ո՛չ անգլերեն ֆիլմեր ու հաղորդումներ նայելու խնդիր կա (համենայն դեպս՝ Երևանում), ո՛չ էլ՝ նույնիսկ ճապոներեն: Փնտրողը գտնում է, ցանկություն լինի: Իսկ էդ ռուսերեն ալիքներից ոչ մի օգուտ չկա. լիքը (մանավանդ ջահել) մարդ կա, որ նայում է ու կեսն էլ չի հասկանում: Նաև՝ «Фабрика звезд»-ը, ասենք, քննության ժամանակ հոլովներ կամ Դոստոևսկի պատմելիս չի օգնի:

Ավելացվել է 3 րոպե անց


Քեզ լիքը պլյուսներ: Մեռա համալսարանում ուսանողներիս գլուխը մտցնելով, որ եթե հայերեն չիմացաք, ինչքան ուզում եք՝ օտար լեզու իմացեք, չե՛ք կարողանալու թարգմանել: Գնացեք հայերե՛ն կարդացեք, սովորե՛ք ախր: Մեկ է՝ չեն հասկանում: Հայերենը ոմանց համար «ստինքստինքյան» իմացվցած ու ջոգվցված հասկացություն է:

փնտրողը հնարավոր չէ որ չգտնի, պարզապես խոսքը դրա մասին չէր, ... իսկ ռուսական ալիքները չնայած Դոստոևսկի պատմելիս չէն օգնի, սակայն շատ կոգնեն ու շատ օգնում են ռուսերենը մանկուց մարդու մեջ մցնելով…

գրածիտ երկրորդ մասով միանշանակ համաձայն եմ… ու հենց դա է պատճառը նրա, որ հայտնվում են «մարդ - թռչող մուկ»(Batman - այս անունով ֆիլմ ինքս եմ տեսել, թերթերից մեկի մեջ մեկնաբանություն եր տպված ... ) և այլ նմանատիպ ֆիլմեր ..

[StrangeLittleGirl]

շատ օգնում են ռուսերենը մանկուց մարդու մեջ մցնելով…

Երբ երեխան մի լեզու դեռ կարգին չգիտի, օտարը մեջը մտցնելը կործանարար է

[LevX]

Իսկ ո՞վ է տանջվում: Ինձ համար ռուսերենը շատ ավելի մեծ տանջանք է, քան անգլերենը, ֆրանսերենը, անգամ չինարենը:

Ռուսերենը օբյեկտիվորեն շատ ավելի հեշտ է սովորել քան չիներենը:
Քո համար այն շատ ավելի մեծ խնդրի է ոչ թե իր բարդության այլ քո, նրա նկատմամբ ունեցած վերաբերմունքի...

[Հայկօ]

Չէ, հիմա ռուսերենը որպես խաղուպար հանձնողները շատ քիչ են: Ու նրանցից ամեն մեկի դիմաց անգլերեն, ֆրանսերեն, իսպաներեն, պարսկերեն լավ իմացող մի դիմորդ կա: Ընդունվելու համար ռուսերեն պարապելն ու ուրիշ լեզու պարապելը հավասարապես դժվար բաներ են այսօր:

[StrangeLittleGirl]

Քո համար այն շատ ավելի մեծ խնդրի է ոչ թե իր բարդության այլ քո, նրա նկատմամբ ունեցած վերաբերմունքի...

Ոչ թե իմ, այլ հայ ժողովրդի ունեցած վերաբերմունքի

Ինչու՞ ես կարող եմ հայերեն, անգլերեն սխալներով խոսել, իսպաներեն չիմացածս երկու բառն իրար կապել, բայց ռուսերեն հենց մի սխալ անեմ, բոլորն ինձ վրա կծիծաղեն:

[LevX]

Ես ռուսերեն կարգին չգիտեմ ու երբևէ «օդի ու ջրի» նման պետք չի եկել

մմմ ... օդ ու ջրի նման գուցե և չէ, բայց «քանի լեզու գիտես այնքան մարդ ես» է ռուսերենը ինչո՞վ է պակաս:

[Հայկօ]

Համաձայն եմ, որ մանկուց լսելով ռուսերենն ինչ-որ նստվածք տալիս է: Բայց ո՛չ ընդունելության քննության մակարդակի համար բավարար. պարզապես թույլ է տալիս մոտենալ, ասենք, լողավազանի մոտ չորացող ռուս աղջկա ու հարցնել. «Дебушка! Друг, ти халоднои вади купалься?»: Ծայրահեղ օրինակ եմ բերում:

[StrangeLittleGirl]

«քանի լեզու գիտես այնքան մարդ ես» է ռուսերենը ինչո՞վ է պակաս:

Դրա դեմ որևէ բան ասե՞լ եմ:

[Հայկօ]

մմմ ... օդ ու ջրի նման գուցե և չէ, բայց «քանի լեզու գիտես այնքան մարդ ես» է ռուսերենը ինչո՞վ է պակաս:

Բնավ պակաս չէ ոչ մի բանով, նույնիսկ՝ շատ բաներով շատերից ավելի լավն է՝ համաշխարհային մյուս լեզուների հետ միասին:

[Ուլուանա]

Ուշադրությունդ հրավիրեմ մի հետաքրքիր փաստի վրա. թարգմանչի աշխատանքի հայտարարությունների մեջ կտեսնես ռուսերենի, անգլերենի, ֆրանսերենի, չինարենի, եսիմինչերենի գերազանց իմացություն, բայց երբեք չես տեսնի հայերենի գերազանց իմացություն: Իսկ իմ համեստ կարծիքով որակյալ թարգմանիչն առաջին հերթին պետք է այն լեզուն իմանա, դեպի որը թարգմանում է:

Իմ կարծիքով էլ է այդպես, բայց, ցավոք, հազվագյուտ թարգմանիչներ են հայերենին այդքան լավ տիրապետում։ Իսկ պատճառը, կարծում եմ, այն է, որ նրանցից կարծես թե ոչ ոք չի էլ պահանջում գերազանց իմացություն, որովհետև, ինչպես Հայկօ–ն իրավացիորեն նկատեց, հայերենի լավ կամ գերազանց (էս բառը չեմ սիրում) իմացությունը, չգիտես ինչու, համարվում է ինքնին հասկանալի իրողություն։ Բայց մատների վրա կարելի է հաշվել հայերենին իսկապես լավ տիրապետողներին։ Նույնիսկ հայկական կրթություն ունեցողների խոսքում հաճախ են հանդիպում ռուսաբանություններ, որոնք այն աստիճանի արմատավորված են, որ չգիտեմ ինչքան ժամանակ ու ջանքեր են պետք այդ տարրերն արմատախիլ անելու համար։