Հիպոկրատի երդում

[Մանոն]

Ի՞նչ արժեք ունի այսօր բժիշկ «ձեռնադրվող» անձի այս երդումը:
Ցավով ականատես եմ լինում, որ շատ բժիշկներ մեր օրերում աշխատում են բացառապես փողի համար, և ինչպես կասեր Շիրվանզադեն. «Խիղճը գրպանը դրած»՝ շատ դեպքերում հրաժարվում են վիրահատել, կամ բուժել անվճարունակ հիվանդներին: Մի տեսանկյունից որ նայում ես՝ դա իրենց աշխատանքն է, որի դիմաց պիտի վարձատրվեն: Իսկ ու՞ր մնաց երդումը, խիղճը, մարդկայինը...
Կարծում եմ թեման ավելի շուտ հոգեբանական բնույթ է կրում, ուստի այն որքան էլ որ առնչվում է առողջապահության հետ՝ չեմ բացում այնտեղ: Մոդերատորները կորոշեն

[Ջուզեպե Բալզամո]

Մարդ կա աշխարհն է շալակած տանում,
Մարդ կա ելել է շալակն աշխարհի…

Հիպոկրատի երդումը, բարոյական բարձր արժեքներ ունեցող բժշկի համար, իր էության մասին բարձրաձայն ասելն է: Նա առանց այդ երդման էլ հիվանդի համար անելու էր հնարավոր ամեն ինչ: Իսկ "խիղճը գրպանում" բժշկականի դիպլոմավորը, գալիս էր փող աշխատելու, մի հատ ել երդվեց, հետո ինչ: Ձևեր կան, լեզու կծել կա, մատները խաչել կա, 3 անգամ սև օճառով լողանալ… մնացած այլ սուտ երդվողների նման ( հայրենիքին ծառայել, արդար դատել, լավ նախագահ լինել ու էլի շատ, շատ…)
Ես բժիշ ընկերներ ունեմ, որ մի քանի տեղ աշխատելով իրենց ընտանիքի հոգսերն են հոգում: Դժվար են ապրում, բայց մարդ են ու լավ բժիշկներ: Եվ օգնության կարիք ունեցողին օգնում են: Իրենց վրա դրված նալոգին մի կերպ դիմանալով, դեռ աշխատում են… հավատարիմ իրենց երդմանը:

[Մեղապարտ]

Մարդ կա աշխարհն է շալակած տանում,
Մարդ կա ելել է շալակն աշխարհի…

Ես բժիշ ընկերներ ունեմ, որ մի քանի տեղ աշխատելով իրենց ընտանիքի հոգսերն են հոգում: Դժվար են ապրում, բայց մարդ են ու լավ բժիշկներ: Եվ օգնության կարիք ունեցողին օգնում են: Իրենց վրա դրված նալոգին մի կերպ դիմանալով, դեռ աշխատում են… հավատարիմ իրենց երդմանը:

Ես ուսուցիչ, բժիշկ, միջին օղակի գիտաշխատող ընկերներ ունեմ, որոնք ամեն օր հերոսություն են անում, նրանք հերոսաբար ապրում են :
Հիպոկրատը չէր դիման. կխաղտեր երդումը, փառք և պատիվ մեր մտավորականներին

[StrangeLittleGirl]

Հիպոկրատի երդման մեջ չկա այնպիսի կետ, թե հիվանդներիս ձրի բուժելու եմ: Ու ընդհանրապես, մեր ազգն ամեն ինչի վրա միլիոններ կծախսի, բայց առողջության համար ոչ մի կոպեկ չի տա: Վերջիվերջո, հասկացեք, որ բժիշկն էլ է մարդ, նա էլ ապրելու իրավունք ունի:

Հայաստանում այնպիսի պատկերացում կա, թե բոլոր բժիշկները բացառապես փողի դիմաց են անում ամեն ինչ: Իսկ դա ստեղծվել է այն պատճառով, որ պարզապես մարդիկ հրաժարվում են վճարել բժշկի վճարած ծառայությունների դիմաց: Ի դեպ, շատ բաներ էլ բժշկից կախված չեն: Պետք չէ մոռանալ նաև, որ հիվանդին օգնություն ցույց տալիս որոշակի հումք է պահանջվում, իսկ բժիշկը չի կարող ամեն անգամ իր գրպանից վճարել դրա համար: Ճիշտ է, լինում են դեպքեր, որ իսկապես «բժիշկը խիղճը գրպանն է դրել», բայց դրանք շատ ավելի հազվադեպ են, քան դուք կարծում եք: Եվ կներեք, բայց ես գտնում եմ, որ դուք ոչ մի բարոյական իրավունք չունեք բժշկին քննադատելու: Եկեք, դուք էլ ձեր կյանքից վեց տարի կորցրեք, ճռռացեք, 700 000 դրամ վճարեք + մյուս ծախսերը, որ միայն բժշկականի ուսանողներն են անում, հետո նոր փորձեք քննադատել «խիղճները գրպանները դրած» բժիշկներին:

[Կաթիլ]

Եկեք, դուք էլ ձեր կյանքից վեց տարի կորցրեք, ճռռացեք, 700 000 դրամ վճարեք + մյուս ծախսերը, որ միայն բժշկականի ուսանողներն են անում, հետո նոր փորձեք քննադատել «խիղճները գրպանները դրած» բժիշկներին:

Կարծում եմ ոչ մի մանուկ պարտավոր չէ վճարել բժշկականի շրջանավարտին (հույս ունեմ բժշկին) այն 700 000 դրամը + մյուս ծախսերը, որ նա արել է իր երազած (ձեռնտու) մասնագիտությունն ստանալու համար…իր անմեղ ու մաքուր կյանքով…

[Մարկիզ]

Մարդիկ կյանքում չեն նեղանում չգիտեմ որ տաքսի սերվիսից, վարսավիրից, դզող-փչողից, գաջ քսողից, բայց շատ արագ ու հանգիստ մեղադրում են բժիշկներին՝ հիվանդներից իրենց աշխատանքի համար վարձատրություն պահանջելու համար…

Երկիրն ու ձեր հասարակության մտածելակերպը փոխեք, նոր բարձրագոչ հայտարարություններ արեք Հիպոկրատի երդման , բժիշկների բարոյական լավ ու վատ կողմերի մասին:

[Razo]

Մարդիկ կյանքում չեն նեղանում չգիտեմ– որ տաքսի սերվիսից, վարսավիրից, դզող-փչողից, գաջ քսողից, բայց շատ արագ ու հանգիստ մեղադրում են բժիշկներին՝ հիվանդներից իրենց աշխատանքի համար վարձատրություն պահանջելու համար…

Երկիրն ու ձեր հասարակության մտածելակերպը փոխեք, նոր բարձրագոչ հայտարարություններ արեք Հիպոկրատի երդման , բժիշկների բարոյական լավ ու վատ կողմերի մասին:

Փոխելը չի ստացվի...

քանիսի՞ց չես լսել այս արտահայտությունը՝ «Երկիրը երկիր չի»

[Մեղապարտ]

Փոխելը չի ստացվի...

քանիսի՞ց չես լսել այս արտահայտությունը՝ «Երկիրը երկիր չի»

Հարկավոր է փոխել, մերն է մենք պատասխանատու ենք

[StrangeLittleGirl]

Կարծում եմ ոչ մի մանուկ պարտավոր չէ վճարել բժշկականի շրջանավարտին (հույս ունեմ բժշկին) այն 700 000 դրամը + մյուս ծախսերը, որ նա արել է իր երազած (ձեռնտու) մասնագիտությունն ստանալու համար…իր անմեղ ու մաքուր կյանքով…

Հարգելիս, մանուկների բուժումը պետպատվերով է:

Ավելացվել է 6 րոպե անց
Ու ընդհանրապես, այս կարծիքի պատճառը եկեք չասենք երկիրն է, բայց անկատար համակարգն է: Պետք է այնպես լինի, որ հիվանդը հիվանդանոց մտնելիս վճարում կատարի, իսկ բժշկի հետ անմիջական ֆինանսական հարաբերություններ չունենա, բարցր աշխատավարձ ստանա: Պետք է գործի նաև ապահովագրությունը: Այդ դեպքում ոչ ոք չի կարողանա դժգոհել, թե բժիշկն առանց փողի չի բուժում, թե փող չունես, չես բուժվի: Ու երբ բժիշկը համարձակվի փող ուզել, կարելի է հանգիստ դատի տալ: Շա՜տ դանդաղ, բայց գնում ենք դրան:

[Մանոն]

Մարդ կա աշխարհն է շալակած տանում,
Մարդ կա ելել է շալակն աշխարհի…
Ես բժիշկ ընկերներ ունեմ, որ մի քանի տեղ աշխատելով իրենց ընտանիքի հոգսերն են հոգում: Դժվար են ապրում, բայց մարդ են ու լավ բժիշկներ: Եվ օգնության կարիք ունեցողին օգնում են: Իրենց վրա դրված նալոգին մի կերպ դիմանալով, դեռ աշխատում են… հավատարիմ իրենց երդմանը:

Միայն ողջունել կարելի է...Այդ մարդիկ իրենց գործի նվիրյալներ են:

Եվ կներեք, բայց ես գտնում եմ, որ դուք ոչ մի բարոյական իրավունք չունեք բժշկին քննադատելու: Եկեք, դուք էլ ձեր կյանքից վեց տարի կորցրեք, ճռռացեք, 700 000 դրամ վճարեք + մյուս ծախսերը, որ միայն բժշկականի ուսանողներն են անում, հետո նոր փորձեք քննադատել «խիղճները գրպանները դրած» բժիշկներին:

Մի անգամ ներկա եմ եղել մի տեսարանի. ուր մի կին ոտքը վնասված տղային բերել էր հիվանդանոց, պիտի կար դրվեր, իսկ բժիշկը պնդում էր, որ մինչև չվճարեն, չի անցնի գործի: Կնոջ մոտ գումարը չէր բավականացնում: Չկարողանալով օգնել կնոջը՝ հեռացա, դեռ երկար հիշելով բժշկի անտարբեր հայացքն ու արնահոսող վերքը ձեռքով ամուր սեղմած կնոջ արցունքները...
Չե՞ք գտնում, որ ուսուցիչն ու բժիշկը, իրենց աշխատանքում իրոք նվիրյալներ պիտի լինեն, ու ինչու չէ՝ պահը երբ գա, ինչ-որ տեղ էլ իրենցից կախված մարդկանց շահը պիտի վեր համարեն իրենց անձնական շահերից:
Մեկ էլ միշտ մտածում եմ, աստված չարած պատերազմական իրավիճակում, ի՞նչ տրամաբանությամբ է գործելու բժիշկը, /խոսքս վերոհիշյալ նվիրյալների մասին չէ/ մտածելու է. «սա ինձ մեկ է փող տվողը չի, իմ ուսման վարձն էլ այնքան շա՜տ էր....», թե՞ ներքին մղումով անելու է ինչ կարող է վիրավորին փրկելու համար:

[Կաթիլ]

Հարգելիս, մանուկների բուժումը պետպատվերով է:

Գուցե..ցավոք շատ հազվադեպ են նման երևույթները…

[StrangeLittleGirl]

Գուցե..ցավոք շատ հազվադեպ են նման երևույթները…

Կարո՞ղ ես օրինակներով խոսել, որ երբ բժիշկը երեխային գումարի պատճառով օգնություն ցույց չի տվել:

Չե՞ք գտնում, որ ուսուցիչն ու բժիշկը, իրենց աշխատանքում իրոք նվիրյալներ պիտի լինեն, ու ինչու չէ՝ պահը երբ գա, ինչ-որ տեղ էլ իրենցից կախված մարդկանց շահը պիտի վեր համարեն իրենց անձնական շահերից:

Ուսուցչի մասին ինձ իրավունք չեմ վերապահում խոսել, բայց բժշկի մասին չեմ գտնում… Առանց այդ էլ բժիշկն իր մասնագիտությունն ընտրելիս անձնական շահը մի կողմ է թողնում: Տխուր իրականությունը ցույց է տալիս, որ երբ թեկուզ մի անգամ քո գրպանից մի կոպեկ դնում ես, գլխիդ են նստում: Ուղղակի թող ժողովուրդը խելքը գլուխը հավաքի, ապահովագրությունից օգտվի, որ հետո ամբողջ շառը բժշկի վրա չգցի:

[ihusik]

Հարգելի StrangeLittleGirl լիովին համամիտ եմ, որ դա համակարգի խնդիրն է, որ պետք է դեռ կարգավորվի ու հունի մեջ ընկնի, բայց օրինակ դու եթե բժիշկը լինեիր Manon -ի նշած օրինակի իրավիճակում հայտնվեիր երբ քեզ մոտ է եկել է մի աղքատ կին իր տղա երեխայի հետ, որի ոտքից արյուն է հոսում դու շատ հեշտությամբ երես կթեքես որ չտեսնես հոսող արյունն ու կսպասես մինչև համապատասխան դրամը բերեն նոր օգնություն ցույց տա՞ս, թե՞ համենայն դեպս հիշելով որ նաև քրիստոնյա ազգ ենք գոնե վերջ ի վերջո հասարակ կարեկցանքի զգացումից ելնելով կշտապես օգնել այդ տղային։

[StrangeLittleGirl]

ihusik, կներես, բայց երեխային օգնություն ցույց տալու համար գոնե տարրական բինտ-բամբակ, որոշակի հակասեպտիկներ, թել-ասեղ ու էլի մի քանի բան է պետք, իսկ ես՝ աղքատ բժիշկս, չեմ կարող ամբողջ կյանքում բարեգործությամբ զբաղվել: Մեկ-երկու անգամ հասկացանք, բայց հետո մարդիկ վատ են սովորում ու գուցե նույն երեխային դու հաջորդ օրը տեսնես քաղաքի ամենաշքեղ բնակարանում…

[Dayana]

ihusik, կներես, բայց երեխային օգնություն ցույց տալու համար գոնե տարրական բինտ-բամբակ, որոշակի հակասեպտիկներ, թել-ասեղ ու էլի մի քանի բան է պետք, իսկ ես՝ աղքատ բժիշկս, չեմ կարող ամբողջ կյանքում բարեգործությամբ զբաղվել: Մեկ-երկու անգամ հասկացանք, բայց հետո մարդիկ վատ են սովորում ու գուցե նույն երեխային դու հաջորդ օրը տեսնես քաղաքի ամենաշքեղ բնակարանում…

Բյուր ջան կներես, չեմ ուզում անձնականացնել, բայց ես մի օրինակ բերեմ։

Իմ "քեռին" էդ "ռակ" կոչվածով հիվանդ էր երկու անգամ վիրահատել էին ու ապարդյուն։ 3-րդ անգամ վիրահատելուց հետո ապրեց մի քանի օր։ Բոլորս և՝մենք, և՝ բժիշկները գիտեինք, որ անիմաստ վիրահատություն է, սակայն հիվանդին փորձում էինք դրանով համոզել, որ նա կապաքինվի։ Առաջին երկու վիրահատությունները շատ թանկ էին ու ընտանիքը վճարում էր բարեամների օգնությամբ, բայց սարսափելին այն էր, որ 3-րդ վիրահատությունից հետո բժիշկը իմ հայրիկին կանչել ու գումար էր ուզել։ Բնականաբար հայրս վճարել էր նրան, ու ասեմ որ քիչ չէր վճարել։ Հիմա խնդրում եմ ինձ համոզեք, որ այդ բճիշկը ստոր չէ։ (Վիրահատության պետական վճարումներն արդեն արված են եղել ու էդ գումարը բճիշկը "ուզել" էր սեփական անձի բարեկեցիկ կյանքը ավելի լավացնելու համար )

Կամ մի ուրիշ օրինակ բերեմ։
Մի երեխայի օձը խայթում է, նրան հասցնում են հիվանդանոց, առանց իրենց հետ գումար վերցնելու։ Բժիշկը ասում է, որ հակաթույնի համար պիտի վճարեն 100դոլլարին համարժեք դրամ (բժշկին անձամբ եմ ճանաչում, հեքիաթ չհամարեք), երեխայի ծնողը խնդրում է, որ հակաթույնը ներարկոն, ինքը մեքենայով կգնա ու 15 րոպեի ընթացքում կբերի պահանջվող գումարը։ Բժիշկը չի ներարկում, քանի որ չի վստահում ծնողին ու երեխան մահանում է։

Հիմա ինձ ՝ հիմար մարդուս բացատրեք թե այս բժշկին ինչպես կարելի է թողնել, որ ապրի