Օրագրային զրույցներ

[One_Way_Ticket]

Քաղքենիական հետաքրքրություն էր առաջացավ, թե Գերմանիայից ինչ մեքենա կարելի է առնել Լատվիայում քշելու համար։
Թիքեթը համեստ տղա է, ինձ թվում է առել է Volkswagen t-roc, կամ դրա պես մի բան։
Ես ֆիքստուլ եմ, ուստի կառնեի Audi Q3 կամ BMW X2:

Audi TT կուպե։
Համեստ մեքենա ուզեի, չէի գնա Գերմանիա, Լատվիայից մի բան կառնեի։ Ու ընդհանրապես ոչ մի բան էլ չէի առնի, տաքսին ու carsharing-ն ավելի էժան ու պրակտիկ են։
Էս մեքենան ես հաճույքի համար եմ առել։ Մեկ էլ որ քայքայեմ ընկերներիս առողջությունն ու իրենց օրը փչացնեմ

[Վիշապ]

Audi TT կուպե։
Համեստ մեքենա ուզեի, չէի գնա Գերմանիա, Լատվիայից մի բան կառնեի։ Ու ընդհանրապես ոչ մի բան էլ չէի առնի, տաքսին ու carsharing-ն ավելի էժան ու պրակտիկ են։
Էս մեքենան ես հաճույքի համար եմ առել։ Մեկ էլ որ քայքայեմ ընկերներիս առողջությունն ու իրենց օրը փչացնեմ

Բարով մաշես: Ինձ թվում էր՝ Լատվիայի ջարդուխուրդ փողոցների համար մի քիչ բարձր տակերով բան կառնես:
Բայց ինձ թվում է՝ ավելի շուտ կողքդ փափլիկ ընկերուհի նստեցնելու համար ես առել

[ivy]

Մեր կյանքը կինո է։ Ես կինո շատ եմ սիրում։ Հատկապես՝ կոմեդիաներ, թրիլլերներ ու դետեկտիվներ։ Բայց իմ կյանքի կինոն մի ախմախ դրամա է ստացվել, ու ինչքան էլ փորձում եմ էս հիմար սցենարին համուհոտ տալ հումորներով ու կատարվածին չնախատեսված ռեակցիա տալով, տակից դուրս գալով կամ չգալով, մեկ է, էն կարմիր գիծը (դուդուկի սաունդթրեքով) մնում է նույնը՝ ախմախ դրամա։ Եթե մի քիչ ազնիվ լինեի ինքս իմ հանդեպ, կասեի՝ ախմախ մելոդրամա, բայց ես էդքան անկեղծ չեմ։ Ու ինձ հա թվում է, թե ես սխալ տոմս եմ վերցրել ու ուրիշի կինոն եմ նայում, չեմ ուզում ընդունել, որ սա է, էսքանն է նախատեսված։

Մենք մեր կինոյի համ սցենարի հեղինակն ենք, համ ռեժիսյորը, համ էլ քասթինգ անողը։
Նենց չի, որ մեկը վերևից էդ տոմսը տալիս է ձեռքներիս, թե բա՝ ուզես, չուզես էս է քո կինոն։
Դուրդ չի գալիս, փոխիր։ Բայց սաղ հարցն էն է, որ մենք հաճախ ուրիշ կինո սարքելու ոչ հավես ունենք, ոչ իդեա, ոչ էլ երևի ուժ, մնում է մենակ ինքներս մեզ հանգստացնել, որ մեզ դե էս կինոյի տոմսն են «տվել»։
Տենց չի։
Ու ես համոզված եմ, որ դու կարող ես լրիվ ուրիշ կինո ունենալ։ Եթե հավես անես
Լոշկա ջան

[ivy]

Կուզեի, որ այս 4 հազար բոտերը աստիճանաբար սկսեին գրել սովորել, ու դրանցից մի քանիսը վերամբարձ բարբաջեին քաղաքականությունից, գիտությունից, փիլիսոփայությունից, երաժշտությունից, սթեյքից, հոգեբանությունից․․․ սեքսից էլ չէր խանգարի:
Կուզեի բոտերի հոգեբանությունն հասկանալ ու պարզել, թե ինչով են բոտերն ու մարդիկ իրարից տարբերվում: Ես իմ ու բոտի տարբերությունն այլևս չեմ հասկանում, մանավանդ այն պահերին, երբ լուռումունջ թերթում եմ ակումբի էջերը...

Վիշապ ջան, քո՝ Ակումբով, միջի բոթերով ու մնացած ամեն ինչով զբաղվելու հարցն ի՞նչ եղավ:

[Վիշապ]

Վիշապ ջան, քո՝ Ակումբով, միջի բոթերով ու մնացած ամեն ինչով զբաղվելու հարցն ի՞նչ եղավ:

Չուկին առաջարկեցի ծախել, ասեց՝ բացառվում է, առաջարկեցի թարմացնել, կամ փոխել պլատֆորմի ծրագիրը, ասեց՝ չլինող է:
Միակ այլընտրանքը մնում է մեկ այլ նոր ֆորում սարքել, որի շուրջ մի պահ մտածում էի, բայց 6-7 հոգու վալիդացիայի խնդիրները լուծելու համար վայթե չափազանց կլինի

Հայ ժողովուրդը ֆեյսբուքով կարծես ամբողջովին բավարարված է, ներառյալ՝ սույն ֆորումի սեփականատերը, այսինքն՝ նորագույն ֆորումի անհրաժեշտությունը փոքրաթիվ ռոմանտիկներ են միայն տեսնում, ըստ երևույթին՝ սենտիմենտալ ցանկություններից դրդված:

Որևէ նոր բան քննարկելու անհրաժեշտություն կարծես չկա, այն ինչ տեղի է ունենում շուրջբոլորը, արդեն կանխատեսելի, կանխորոշված, ձանձրալի իրադարձություններ են՝ պայմանավորված ձանձրալի ու մակերեսային մարդկանցովս:
Հաշտվեք և ըմբոշխնեք իրականությունը, քանի այն կեղծ չի թվում:

[impression]

Ես իմ կյանքից շատ գոհ եմ, ուղղակի ադրենալինի պակաս կա, միշտ ասել եմ, հիշու՞մ ես՝ մի սերիական մարդասպանի էղածն ինչ ա, չունենք։ Պոշկա ջան

[Վիշապ]

Ես իմ կյանքից շատ գոհ եմ, ուղղակի ադրենալինի պակաս կա, միշտ ասել եմ, հիշու՞մ ես՝ մի սերիական մարդասպանի էղածն ինչ ա, չունենք։ Պոշկա ջան

Ադրենալինը կյանքում ահագին գրգռիչ է ու հրապուրիչ, բայց հաճախ համը դուրս է գալիս այնպես, որ գերադասում ես դիտորդ լինել, ու ոչ թե կինոյի հերոս․

 •

• 

 Սեղմել՝ ցույց տալու համար

[Sambitbaba]

Չեմ հիշում, Անկապում քոմենթ գրել կարելի՞ էր, թե չէ։
Եթե կարելի լիներ, Վիշապին կհարցնեի, թե օրագիր պահող Սամը ո՞վ ա...

[ivy]

Չեմ հիշում, Անկապում քոմենթ գրել կարելի՞ էր, թե չէ։
Եթե կարելի լիներ, Վիշապին կհարցնեի, թե օրագիր պահող Սամը ո՞վ ա...

20 տարի հոգնեցինք էս մի բանը կրկնելով, բայց դե տենց էլ չի մնում հիշողության մեջ, ինչ արած։
Ես էլ ամեն անգամ մտածում եմ՝ էլ չմտնեմ էս անմխիթար տարածքը, բայց քանի դեռ Անկապից՝ Օրագրային զրույցներ տեղափոխելու գրառում կա, երևի ես էլ դեռ անելիք ունեմ

[ivy]

Չուկին առաջարկեցի ծախել, ասեց՝ բացառվում է, առաջարկեցի թարմացնել, կամ փոխել պլատֆորմի ծրագիրը, ասեց՝ չլինող է:
Միակ այլընտրանքը մնում է մեկ այլ նոր ֆորում սարքել, որի շուրջ մի պահ մտածում էի, բայց 6-7 հոգու վալիդացիայի խնդիրները լուծելու համար վայթե չափազանց կլինի

Հայ ժողովուրդը ֆեյսբուքով կարծես ամբողջովին բավարարված է, ներառյալ՝ սույն ֆորումի սեփականատերը, այսինքն՝ նորագույն ֆորումի անհրաժեշտությունը փոքրաթիվ ռոմանտիկներ են միայն տեսնում, ըստ երևույթին՝ սենտիմենտալ ցանկություններից դրդված:

Հայաստանցիները ֆեյսբուքում նստած՝ իշխանություններն են քլնգում։
Մեկը հարցնի՝ իսկ դուք ամեն մեկդ ձեր «ղեկավարման դաշտում» մի բան անո՞ւմ եք, ներառյալ քո ասած «սույն ֆորումի սեփականատերը», օրինակն էլ՝ Ակումբը։
Էն մեկն իր տեղում նստած է յուղ վառում, դուք էլ՝ ձեր։
Էս է Հայաստանի պատկերը, ու հազար հարգանք նրանց, ովքեր բացառություն են կազմում։

[Վիշապ]

Հայաստանցիները ֆեյսբուքում նստած՝ իշխանություններն են քլնգում։
Մեկը հարցնի՝ իսկ դուք ամեն մեկդ ձեր «ղեկավարման դաշտում» մի բան անո՞ւմ եք, ներառյալ քո ասած «սույն ֆորումի սեփականատերը», օրինակն էլ՝ Ակումբը։
Էն մեկն իր տեղում նստած է յուղ վառում, դուք էլ՝ ձեր։
Էս է Հայաստանի պատկերը, ու հազար հարգանք նրանց, ովքեր բացառություն են կազմում։

Հանուն արդարության, կամ էլ իմ կարծիքով՝ մենակ Հայաստանի պատկերը չի, ողջ աշխարհինն է, մարդկանց մեծամասնությունը յուղ վառող ենք, ու յուղի քանակը գնալով շատանում է։
Սեփական աչքի գերանը չտեսնելն ու այլոց քննադատելը թուլության դրսևորում է, բայց բոլորս էլ թույլ ենք ու ողորմելի։

Բայց սույն ֆորումի սեփականատերը ժամանակին ստեղծել ու կառավարել է սույն ֆորումը, որտեղ մենք բոլորս ահագին յուղ ենք վառել, շատ անշնորհակալ չլինենք։
Հիմա մարդ է, առաջվա տրամադրությունն ու էնտուզիազմը չունի, կարելի է հասկանալ։
Ու այո, սաղ իշխանություններն են մեղավոր։ Մեզնից յուրաքանչյուրը շատ ավելի լավ վարչապետ կլիներ՝ արդար, հմուտ, աշխատասեր, դիվանագետ, ճարտարախոս, ծովից ծով Հայաստան, հզոր բանակ, առողջ տնտեսություն, լուսավոր կրթություն, երջանիկ մարդիկ․․․
Հլը պատկերացրեք ինքան ավելի ձանձրալի կլիներ, քան հիմա է

[Վիշապ]

Չեմ հիշում, Անկապում քոմենթ գրել կարելի՞ էր, թե չէ։
Եթե կարելի լիներ, Վիշապին կհարցնեի, թե օրագիր պահող Սամը ո՞վ ա...

Ափոս, եթե կարելի լիներ, ես էլ հարցին երևի կպատասխանեի։ Բա․․․

[ivy]

Բայց սույն ֆորումի սեփականատերը ժամանակին ստեղծել ու կառավարել է սույն ֆորումը, որտեղ մենք բոլորս ահագին յուղ ենք վառել, շատ անշնորհակալ չլինենք։
Հիմա մարդ է, առաջվա տրամադրությունն ու էնտուզիազմը չունի, կարելի է հասկանալ։

Խոսքը բացարձակապես նրա մասին չի, որ մարդ ոչ հավես, ոչ ժամանակ, ոչ տրամադրություն ունի Ակումբով զբաղվելու, այլ նրա մասին, որ ավելի հարմար է գտնում՝ տարածքը հանգչի, քան մեկ ուրիշը դրանով զբաղվի։
«Բացառվում է», «չլինող է» ո՞րն է, եղածը մի կայք է, որով հասկացող մեկը կարող էր զբաղվել։

Ափոս, եթե կարելի լիներ, ես էլ հարցին երևի կպատասխանեի։ Բա․․․

Գրառումն արդեն Անկապից տեղափոխել եմ էստեղ, նենց որ՝ հանգիստ պատասխանիր

[Վիշապ]

... նրա մասին, որ ավելի հարմար է գտնում՝ տարածքը հանգչի, քան մեկ ուրիշը դրանով զբաղվի։
«Բացառվում է», «չլինող է» ո՞րն է, եղածը մի կայք է, որով հասկացող մեկը կարող էր զբաղվել։
...

Թեմա բաց, քննարկենք

Տիրապետման էֆեկտն է, որ մարդը դժվարանում է ազատվել մանավանդ այն ունեցվածքից, որ փայփայել է երկար տարիներ։ Էդ էֆեկտը ես իմ աշխատանքային փորձում եմ զգացել, երբ իմ ստեղծած ու կատարելագործած նախագծերը դժվարանում էի փոխանցել այլ գործընկերների, որովհետև կապվածություն էի զգում, ու չէի ուզում որ «օտարները փչացնեն իմ գյոզալական նախագծերը»: Որոշ ժամանակ պահանջվեց, որ ազատվեմ էդ անիմաստ բարդույթից: Բայց ասենք նախորդ մեր տան ու բակի վրա, որ մարդուկնիկ ահագին տառապալից մեր ձեռքով աշխատանք էինք թափել կատարելագործելու, մի շաբաթվա մեջ հանգիստ ծախեցինք իդեալական վիճակում, առանց խղճի խայթի: Ներկա տնիցս էլ վաղ թե ուշ հանգիստ կազատվեմ։ Մարմնիցս էլ․․․ Էգոյի պաշտպանական մեխանիզմը մարդկանցս խանգարում է հիշել, որ մենք անմահ չենք: