Քանի որ թեման չի սպառվում, գրեմ նաև իմ զայրույթի պատճառների մասին:
Զ-ի մասին ես իմացել եմ Ուլուանայից: Ինձ ինքը ներկայացվել է՝ որպես անարդարացիորեն իր պատիժը կրող ցմահ բանտարկյալ, որի գլխին սարքել են, ու որ մեծ հույսեր կան՝ մոտակա տարիներին այնուամենայնիվ կկարողանա դուրս գալ բանտից: Նորից եմ կրկնում՝ ինֆորմացիան չի եկել Զ-ից, այլ Ուլուանայից: Միայն լավ բաներ եմ լսել Զ-ի մասին, ու իմ մոտ էլ դրանից ինչ-որ ակնածանք ու համակրանք է առաջացել իր հանդեպ:
Նաև հենց Ուլուանայի միջոցով էլ ծանոթացել եմ Զ-ի աշխատանքներին: Իմացել եմ, որ ինքը բոլորին նվիրում է դրանք, բայց ես որոոշել եմ, որ կգնեմ, ու դարձել եմ իր առաջին գնորդը: Չէ, վրաս ոչ ոք ոչինչ չի սաղացրել, ես դա արել եմ սեփական կամքով, «լավ ու անմեղ մարդուն» օգնելու նպատակով:
Ինձ համար Ուլուանայի ասածները լրիվ հերիք էին՝ հավատալու համար: Ես գիտեմ, որ ինքը սուտ չի խոսում, որ ազնիվ մարդ է: Ի դեպ, մինչև հիմա էլ համոզված եմ դրանում: Այսինքն՝ համոզված եմ, որ ինքը համոզված է իր արածների ազնիվ լինելու մեջ:
Ու էդպես, քանի որ ինձ վստահված մարդոու կարծիքը հերիք էր, ինքս երբեք չեմ խորացել Զ-ի գործի մեջ: Գնումի հետ կապված մի քանի բառ եմ հետը փոխանակել, որ դասավորենք՝ ոնց, ինչ, որտեղը ու վերջ: Ավել չենք խոսել. իմ անձնական պատը շատ բարձր է զաքարների համար:
Եվ էս հեքիաթը էսպես սիրուն էլ կմնար, եթե Աթեիստը «չխորանար»: Ես իր դատավճռի հատվածները, ներառյալ՝ դատաբժշկի հատվածը, առաջին անգամ էս թեմայում կարդացի, ու մեղմ ասած, կափարիչս թռավ: Ես ինձ զգացի հիմարեցված, ու էդ զգացումը գուցե նույնիսկ չխորանար, եթե Զ-ն չգար ու շարունակեր «արդարանալ»: Այլ ասեր, հա՝ ք..ք եմ կերել, սխալ եմ արել, փոշմանել եմ, բայց ես էլ եմ մարդ, ինձ մարդու պես վերաբերվեք: Բայց ինքը եկավ ուրիշ տեքստերով: Ու տեղ արդեն հնարավոր չէր չզայրանալ: Որովհետև քեզ փորձում են շարունակել հիմարեցնել, եղածը դեռ քիչ էր փաստորեն:
Ինձնից հիմա մեծ ջանքեր են պահանջվում, որ վստահությունս ու լավ վերաբերմունքս Ուլուանայի հանդեպ չփոխվի: Ու կարծես թե ինչ-որ ձևով ստացվում է, որովհետև ես հավատոմ եմ՝ ինքը համոզված է, որ ճիշտ է անում: Բայց ես իրենից գոնե ակնկալում եմ, որ էստեղ որևէ մեկին «ոչ ադեկվատ» չկոչի, որովհետև որ կողմերից էլ նայենք, էս պատմության մեջ ամենաոչադեկվատն հենց իր վարքն է:
Իսկ Զ-ն էդքանից հետո ինձ անձնական մեսիջ գրեց՝ տխուր սմայլիկներով ու իմ հանդեպ իր հիասթափության մասին պատմող: Էլ ինչ ասես էդ մարդուն: Բլոք:
Էջանիշներ