Հավաքածու մրցույթ -2. Աշխարհի սկիզբը

[Sambitbaba]

Սամ ջան, հասկանում եմ ինչ ես ասում, ասեմ նաև իմ տեսակետը: Երբ տասնչորս գործ կա կարդալու, իմ աչքը առաջին հերթին օրիգնալին է կպնում: Իրար հետևից գրած Ադամները, որոնք խիստ բանալ կերպով կապված են տրված թեմային, ինձ ոչ միայն չեն գրավում, այլև ձանձրացնում են:
Գուցե եթե հանդիպեի էդ Ադամներից մեկին մի ամսագրում՝ որպես առանձին պատմվածք՝ առանց տրված թեմայի ու մրցույթի, լավ էլ կարդայի, բայց էստեղ ու հիմա դա չի կարդացվում: Սա իմ մոտեցումն է, ու հաստատ ոչ բոլորն են էսպես մտածում:

Ես այսպես եմ հասկանում, Այվի ջան. եթե մարդ չի կարողանում կտրվել իր վերապահություններից, ուրեմն նա դատելու իրավունք չունի:
Հիմա հա, ստացվեց այնպես, որ իրոք, գնահատականի արժանի ոչինչ չգտնվեց: Բայց կարող էր նաև հակառակը լինել, ճիշտ չէ՞: Ինձ էլ, օրինակ ոչինչ դուր չեկավ: Բայց եթե ասենք, "Աշխարհի սկիզբը - 6"-ը լիներ մի հոյակապ պատմվածք ու հերոսներն էլ Ադամն ու Եվան լինեին, դու ինչ է, չպե՞տք է այն գնահատեիր: Համոզված եմ, որ կգնահատեիր… եթե կարդայիր:

Նայիր Մեֆի քլնգումները: Քանի՞ տեղ է նա պատմվածքի վատ լինելը Ադամ ու Եվայով պատճառաբանել: Մարդը խոսում է պատմվածքների թերությունների, այլ ոչ թե ծեծված պատմության մասին: Չնայած այն բանին, որ մեր մեջ երևի ամենա-ադամաեվայա-ատյացը նա պետք է լիներ: Իսկ եթե իրոք մի արժանի բան լիներ, համոզված եմ, որ նա իր կարծիքով բոլորիդ ուղղակի կստիպե՛ր կարդալ այդ գործը: Լրջորեն եմ ասում. մենք բոլորս կարիք ունենք սովորել Մեֆից՝ դատել:

Գիտես, կամա թե ակամա, հիշեցի իմ մուտքը Ակումբ: Երբ տեղադրեցի իմ "Խնձորների Հոր միտքը": /Ափսոս, տեղադրել էի այն ժամանակ, թե չէ հիմա կուղարկեի այս մրցույթին…/
Մի քանի էջանոց գործից մարդիկ կարծիքներ էին կազմել ընդամենը, ինչպես շատերն էին խոստովանում, մի երեք տող կարդալով: Արարիչ… Եդեմական Այգի… Ադամ… Հին է, ծեծված է, էլի չգիտեմ ինչ:
Չէ, մի կարծիր, ես ինքս շատ լավ գիտեմ իմ "պոէզիայի" արժեքը և առանձնապես մեծ կարծիք չէի էլ սպասում, բայց ինձ շատ զարմացրեց ու տխրեցրեց այն, որ ես զգացի, որ այդ գործն ըստ արժանվույն չգնահատելու պատճառը ոչ այնքան իմ պոէզիայի թուլությունն էր, որքան հենց թեմայի վերաբերյալ նախախնամությունը: Որովհետև նրանք, ովքեր կարողացան անցնել դրա վրայով, գտան, որ միտքը նոր էր և օրիգինալ, չնայած իր ծեծվածությանը: Հա, մոռացա ասել, որ առաջին տողերը նույնիսկ իմն էլ չէին, այլ Բորիս Գրեբենշչիկովինը…

Ես պատմեցի իմ այս անհաջող փորձի մասին, որովհետև չէի ուզենա, որ ինչ-որ մեկն էլ իմ վիճակում լիներ:

Եվ, հետո, եթե խոսքը օրիգինալության մասին է, ի՞նչ մի օրիգինալ պատմվածք է, ասենք, "Իկարոն", որ, հավանաբար, առաջին մրցանակը կստանա…

[StrangeLittleGirl]

Սամ, իմ կարծիքով, ադամ-եվան թերություններից մեկն ա, ոչ թե միակ թերությունը: Օրինակ էնտեղ լիլիթախառը մի ադամ-եվա կար, որն էնքան էլ վատը չէր, մեջն էլ թեթև հումոր կար, էդ մեկի օգտին քվեարկեցի: Ես բնավ դեմ չեմ ծեծված թեմաներին, բայց դեմ եմ ծեծված թեմաներին ծեծված մոտեցմանը: Կոնկրետ էդ տարբերակը, որի մասին էդքան խոսվում էր, ամեն ինչով ա ծեծված, անգամ էնտեղ օգտագործած հայերենը տիպիկ շարադրություն գրող ու տվայտվող գերազանցիկի հայերեն ա: Ու նորից եմ ասում՝ նույն Ծննդոցի պատմությունը առանց մի դետալ շեղվելու դրել, վերապատմել ա՝ արանքներում ծաղիկներ խցկելով: Տվյալ դեպքում էդ գործը բոլոր կողմերից խոսում ա հեղինակի երևակայության բացակայության մասին: Մի հատ պատկերացրու, որ բոլոր տասնչորս հեղինակներն էլ նույն ձևի լինեին: Հաճելի կլինե՞ր տասնչորս անգամ նույն պատմության իրար նման շարադրանքներ կարդալը:

Ինչ վերաբերում ա Իկարոյին, ապա համաձայն եմ, որ գոնե սյուժեն առանձնապես օրիգինալ չի, բայց չեմ զարմանում, որ հաղթում ա. ոնց որ արդեն ասել եմ, ակումբցիները սիրում են արագ զարգացող սյուժեով, հեշտ կարդացվող գործեր:

[Շինարար]

Լրջորեն եմ ասում. մենք բոլորս կարիք ունենք սովորել Մեֆից՝ դատել:

Մեֆը չնեղանա, էս նախադասությունը հեչ դուրս չեկավ: Ինչու պետք է մենք ինչոր մեկից սովորենք դատել, ամենքս մեր ձևով, մեր ընկալումներով, մեր զգացողություններով, մեր տրամաբանությամբ ենք դատում, ու դա լավ ա: Ստանդարտացում պետք չի: Ընդհանրապես, ցանկացած կոլեկտիվի վատը էն ա, որ ժամանակի հետ անհատականությունները իրենց որոշ մասը կորցնում են, խմբակային մտածողության կրող են դառնում: Ակումբի ստեղծագործողի անկյունում դա նկատվում ա, ես մի անգամ էլ եմ տխրությամբ էդ փաստը արձանագրել, ստեղծագործողները սկսում են նմանվել իրար: Պետք ա փորձել ընդդիմանալ դրան, պահել քոնը թե ստեղծագործելիս, թե վերլուծելիս, տրամաբանելիս, զգալիս:

[Շինարար]

Իսկ "Իկարոն" պետք ա շահի, որովհետև առավելագույն թվով ձայն ա հավաքել, ուրեմն 15 ընթերցող ինքն իր պես դատելով իր ձայնը տվել է այդ գործին: Եթե կա դատելու, գեղարվեստական գործը գնահատելու լավագույն ձև, ուրեմն պետք ա չարվի ընթերցողական քվեարկություն, այլ խոսքը տրվի ամենաճիշտ ձևով դատողին:

[kivera]

Ես էլ իմ նկատառումներում զարմացա Ադամ-Եվա շահարկումից, բայց ինչ որ տեղ ճիշտ էք, կարծում եմ նկատելի եղավ, որովհետև իրար հաջորդող մի քանի գործերում արծարծվեցին, որից ստեղծագործությունների օրիգինալության գործոնը տուժեց:

Բայց եթե ասենք, "Աշխարհի սկիզբը - 6"-ը լիներ մի հոյակապ պատմվածք ու հերոսներն էլ Ադամն ու Եվան լինեին, դու ինչ է, չպե՞տք է այն գնահատեիր: Համոզված եմ, որ կգնահատեիր… եթե կարդայիր:

[StrangeLittleGirl]

Երգ թեմայի սահմաններում

[Գալաթեա]

Քվեարկել եմ՝

Առաջինի օգտին, որովհետև անկախ ամեն ինչից՝ Կայան ու Ճեյան համով տպեր են:
Սոմնիում՝ նշածս գաղափարի համար, որ սիրեցի շատ:
Վերջինի՝ Աստծուն որոշյալ հոդով դնելու համար:

[StrangeLittleGirl]

Ուռա՜, կրքերը մի քիչ թեժանում են: Սոմնիումին երկու ձայն մնաց, որ հասնի Իկարոյին, առաջինին էլ նույնքան, որ հասնի Սոմնիումին: Ու՞ր եք ժողովուրդ, էկեք, քվեարկեք, թեժացրեց մրցույթը: Գոնե վերջին վայրկյաններին:

[Շինարար]

Քվեարկել եմ՝

Առաջինի օգտին, որովհետև անկախ ամեն ինչից՝ Կայան ու Ճեյան համով տպեր են:
Սոմնիում՝ նշածս գաղափարի համար, որ սիրեցի շատ:
Վերջինի՝ Աստծուն որոշյալ հոդով դնելու համար:

Չէ, ամեն դեպքում "Իկարոն" դու ես գրել, և վերջ:

[StrangeLittleGirl]

Չէ, ամեն դեպքում "Իկարոն" դու ես գրել, և վերջ:

Էս սերժի հետ կապ չունի

Շին, արի գրազ գանք՝ Գալը չի:

[Շինարար]

Էս սերժի հետ կապ չունի

Շին, արի գրազ գանք՝ Գալը չի:

Չէ, սիրուն չի, Բյուր:

[ivy]

Ուռա՜, կրքերը մի քիչ թեժանում են: Սոմնիումին երկու ձայն մնաց, որ հասնի Իկարոյին, առաջինին էլ նույնքան, որ հասնի Սոմնիումին: Ու՞ր եք ժողովուրդ, էկեք, քվեարկեք, թեժացրեց մրցույթը: Գոնե վերջին վայրկյաններին:

Մի բան ինձ հուշում ա, որ Առաջին տարբերակին ոչ թե երկու, այլ երեք ձայն ա հեռացնում երկրորդ տեղից

[StrangeLittleGirl]

Մի բան ինձ հուշում ա, որ Առաջին տարբերակին ոչ թե երկու, այլ երեք ձայն ա հեռացնում երկրորդ տեղից

Ես լավատես եմ, դրա համար ասում եմ՝ երկու

Չէ, սիրուն չի, Բյուր:

[Ուլուանա]

Իսկ Արէան տենց էլ չքվեարկեց, հա՞։ Բայց տեսնես՝ ինչի՞ ։

[StrangeLittleGirl]

Իսկ Արէան տենց էլ չքվեարկեց, հա՞։ Բայց տեսնես՝ ինչի՞ ։

Ասում եմ՝ մասնակցել ա: Ու երևի առաջատարներից մեկի հեղինակն ա, ձեռը չի գնում ուրիշ առաջատարի օգտին քվեարկել, խիղճն էլ չի թողնում վատ տարբերակի ձայն տալ: