Իմ վերևի մարդը

[Smokie]

Ջոնը ինձ մոտ շատ բարեսիրտ մարդու տպավորություն է թողնում: Բախտ չվիճակվեց իրեն ճանաչել գրանցվելուս օրերին, բայց հենց բանակից վերադարձավ, միանգամից երեւաց իր ակտիվությամբ: Հատկապես շատ էի (ու եմ) սիրում իր «եղբայր» բառը, երբ իր այդ բառով համեմված գրառման եմ հանդիպում, ոնց որ լսեմ էդ պահին, ոնց որ մոտիկից ասի: Բացի դրանից Ջոնը շատ խելացի ու հետաքրքիր անձնավորություն է, իր հետ հաճելի է շփվել, իսկ գրառումներին հանդիպելուց, միանգամից այնպիսի միտք ես ակնկալում, որի հետ համաձայն ես լինելու, կամ շնորհակալություն ես հայտնելու:

[Sagittarius]

Ջոնը ինձ մոտ շատ բարեսիրտ մարդու տպավորություն է թողնում: Բախտ չվիճակվեց իրեն ճանաչել գրանցվելուս օրերին, բայց հենց բանակից վերադարձավ, միանգամից երեւաց իր ակտիվությամբ: Հատկապես շատ էի (ու եմ) սիրում իր «եղբայր» բառը, երբ իր այդ բառով համեմված գրառման եմ հանդիպում, ոնց որ լսեմ էդ պահին, ոնց որ մոտիկից ասի: Բացի դրանից Ջոնը շատ խելացի ու հետաքրքիր անձնավորություն է, իր հետ հաճելի է շփվել, իսկ գրառումներին հանդիպելուց, միանգամից այնպիսի միտք ես ակնկալում, որի հետ համաձայն ես լինելու, կամ շնորհակալություն ես հայտնելու:

Smokieն, ոնց որ իրա ավատարի մեջի նապաստակը լինի: Բարի, երբեք մտքովդ չի անցի, թե մի օր Սմոքը որևէ թեմայում որևէ մեկի հետ կարող է վիճել, սաղին սիրում ա: Ինչ ասեմ, պոզիտիվության տիպար ա: Հա մեկ էլ անունից կկռահեք, որ Սմոքը հին, ռետրո երգեր ա շատ սիրում: Ինձ մոտ են տպավորությունն ա, որ տունը հին պլաստինկեքի հավաքածու ունի /եթե չունես, սկսի հավաքել, մի քանի տարի հետո Հայաստան տենց բան հազիվ կճարեք ու գերմանացիների նման ահագին փող կտաք մի հատ տենց բան առնելու համար /

[Հայկօ]

Էս Sagittarius-ին սկզբերում նենց ահագին քյառթու, չոր ու ցամաք մարդու տեղ էի դրել, չգիտեմ ինչու. երևի համարյա չէի կարդում, դրանից էր, կամ էլ մականունը շփոթում էի ուրիշ անդամի մականվան հետ: Հետո տեսա, որ խելացի, իր դեմքը ունեցող ակումբցի ա՝ կարծիք ունի ու կարողանում ա իր կարծիքը պահել ու հիմնավորել, ու հիմա ինքը ինձ համար էն «տոլերանտության մարմնացում» մարդկանցից ա ստեղ, ինչը միանշանակ լավ ա: Հետաքրքիր մարդ ա, կուզեմ իր հետ ռեալում հանդիպել (հա, դեռ կան տենց ակումբցիներ, ում չեմ տեսել, բայց կուզեի ): Բայց մեր մեջ ասած՝ սրա համար չեմ մտել իր մասին գրելու. ստեղ պետք ա անպայման նշել, որ Sagittarius-ը սիրում ու հասկանում ա համակարգչային խաղերն ու դրանց հետ կապված ամեն ինչ, իսկ դա իրականում շա՜տ մեծ գովեստ ա, որ քչերը կարող են հասկանալ: Ես հասկացել եմ : Ու ես որ չնշեմ, ոչ մեկ չի նշի էդ հրաշալիագույն փաստը, ու դա աններելի սխալ կլինի :

[impression]

հազա՜ր ներողություն, բայց հա, նորից ես եմ գրում

Կլօր
հենց ուղիղ քեզ դիմեմ էլի, ոչի՞նչ
ես քեզ նենց եմ սիրում, ոնց որ ախպերս լինես, այ տենց սիրում եմ, ու որ ախպեր ունենայի, կուզեի, որ քո նման լիներ
սիրում եմ դու ոնց ես մի բան պատմում, քո հետ հավես ա
հետո ահավոր սիրում եմ քո նրբանկատ լռությունները մեկ-մեկ, հա բա կարող ա՞ գիտես՝ չեմ նկատում
ակումբի անժխտելի արժեքներից մեկն ես ինձ համար, ուրախ եմ, որ մենք ծանոթացանք ու ընկերացանք, արդեն հուզմունքից ձայնս կտրվում ա, ինձ կներեք...

[Sambitbaba]

impression

Քո թույլտվությամբ, ես կփոխեի անունդ - IMPRESSION:
Որովհետև դու տպավորություն չես, դու՝ շատ մեծ տպավորություն ես: Ու չմոռացվող…
Բայց երբեմն ցանկություն է լինում կոչել քեզ - In-pression: Քո պոէզիան կարդալիս:
Որովհետև այնքան մեծ է քո պատճառած հաճույքի ծանրությունը, որ սկսում է ճնշել…
Հաճույքի ծանրությունից մարդ սկսում է նախանձել քեզ:
Երբ կարդում եմ բանաստեղծություններդ, ոնց որ քո հետ բեսեդկայում նստած զրույց անեմ: Ես նստած եմ նստարանին, իսկ դու՝ ճաղերին…

Հ.Գ. Նաև համոզված եմ, որ շատ լավ ընկեր ես… Հ.Գ.

[ivy]

Sambitbaba-ն շատ տարբերվող է: Ու էն վիրտուալ կերպարներից է, որ դժվար է միանգամից (կամ նույնիսկ երկար ժամանակից հետո) հասկանալ, թե որ սեռին է պատկանում: Ինձ շատ հետաքրքիր են էն մարդիկ, որոնց մոտ մարդ լինելն ավելի ուժեղ է արտահայտված, քան սեռ լինելը: Կան մարդիկ, ովքեր հատուկ են էդ «գաղտնիությունը» խաղում, բայց իր դեպքում դա խաղ չի:
Մի բան էլ, որ ինձ շատ դուր է գալիս նրա մեջ էն է, որ ինքը ընդգծված էնտուզիազմով է արտահայտում իր մտքերը՝ մտածված, դասավորած, հետաքրքիր ձևով մատուցված: Էնպես չի, որ բացեց, մի բան արագ-արագ գրեց, գնաց: Չէ, իր ամեն գրառումն իսկական գրառում է՝ հագեցած ու հետաքրքիր: Երբեմն լինում է, որ դժվար եմ հասկանում իրեն կամ նույնիսկ չեմ կարողանում հետևել մտքերի անսպասելի ընթացքին (օրինակ՝ «Երևակայական ընկեր» թեմայում), բայց միևնույն է հարգանքով եմ վերաբերվում իր ամեն գրածին, որովհետև ամեն մեկը մի առանձին պատմություն է, Ակումբում թողած մի յուրահատուկ հետք:
Եվ գլխավորը, զգացվում է, որ բառերի հետևում գտնվողը հոյակապ հատկանիշներով օժտված մարդ է:
Լավ է, որ ինքը կա Ակումբում:

[Artgeo]

Այվայի հետ ինչ տիպի հարաբերություն ասես չեմ ունեցել, կռիվ, սեր, երևի նույնիսկ ատելություն իրա կողմից...

Լավն ա ինքը շատ, պարզ, միամիտ ու հիմա արդեն գերմանացու ուղիղամտություն... Կարոտել եմ իրան ու նրա փոքրիկին, որի հետ սկզբում նույնպես վիճեցի, ինչպես և նրա մեծիկի հետ, բայց հետագայում ամեն ինչ հարթվեց: Կարոտել եմ Իվու:

[ivy]

Արթուրի հետ ինչ հարաբերություն ասես չեմ ունեցել, բացի ատելությունից
Մեր առաջին հանդիպումից հետո Արթն ահագին փոխվել է իմ աչքերում՝ ավելի կայուն ու ինքնավստահ է դարձել, ավելի նպատակսլաց ու հասուն: Բայց էն դմբո ու քաղցր խելառությունները ոնց որ առաջ կային, էնպես էլ մնացել են Իր հետ շատ հավես է, ուրախ, ուզում ես հա գրկես ու մնաս հետը:
Նաև գիտեմ, որ Արթն էն մարդկանցից է, ում կարելի է կարևոր պահին հանգիստ վստահել՝ առանց ոչ քեզ ոչ իրեն դրանով ծանրաբեռնելու:
Պուպուշ արջուկ, ես էլ քեզ եմ կարոտել

[Երվանդ]

Արտգեոին շատ վաղուց եմ ճանաչում, նա հիանալի անձնավորություն է՝ հումորով, խորաթափանց և փոքր ինչ անպաշտպան էակ մը, մի թերություն եմ նկատել, շատ ա սիրում պոռնո նայել...

[Ambrosine]

Երոն այն մարդկանցից է, ում շնորհիվ ակումբում մնացի, ու էլ ինձնից պրծում չունեք : Հետո, իհարկե, արդեն Երոն կորեց ակումբից, բայց դա չխանգարեց` մնալու ընկերներ:

Երոն կազմակերպչական լավ ջիղ ունի: Կարողանում է խառնվածքով շատ տարբեր մարդկանց հավաքել մի տեղ ու ստեղծել ներդաշնակություն: Միշտ փորձում է իրադարձությունները իր համար վերահսկելի մակարդակում պահել, որ ֆորսմաժորային իրավիճակներ չստեղծվեն: Ինքը ընդգծված հարգանքով է վերաբերվում տարիքով մեծերին: Նաև շատ ուշադիր է: Գիտի, թե որ իրավիճակում ինչ քայլեր է պետք ձեռնարկել` ընկերոջը օգնության հասնելու համար: Կարճ ասած` որ ասում են` ընկերը միայն ուրախ օրվա համար չէ, դա Երոյի մասին է :

[Artgeo]

Ինձ համար Աստղը հակասական կերպար է: Նրա մեջ կա հայկական տարազով կնոջից մի մասնիկ, ինչպես նաև մասնիկներ չեչեն մահապարտից, ֆուտբոլիստից, շախիդ կնոջից, 80-ն անց պառավից, փոքր երեխայից, հասուն կնոջից... Ու կա թե չէ էդ ամենը իրականում կյանքում, տենց էլ չհասկացա, բայց որ ակումբում իմ համար տենց ա, դա փաստ ա:
Ռեալ կյանքում մի քանի անգամ եմ տեսել, լավ տպավորվել ա, ամաչկոտ ծիծաղը... Բավականին հաճելի ու սուս ու փուս անձնավորոյթյուն ա: Նենց տպավորություն ա, կարծես քյառթու ախպերներով ա շրջապատված ու նրանցից թաքուն ա մեր հետ շփվում:

[impression]

Արթուրն ինձ համար յուրահատուկ մարդ ա, քանի որ հենց նրա հետ էր, որ տեսա լույսը՝ թունելի վերջում
ճիշտ ա, լույսը ջիպի ֆառերից էր, բայց կոնկրետ վախեցել էինք

Արթուրը մեկ-մեկ շատ շատ ա լինում, չեմ կարողանում դիմանալ կծոցներին, հումորներին, նեղանալուն, ու տենց մի չորս ամիս դադար ա լինում մեր ընտանեկան կյանքում, բայց նա միշտ հետ ա գալիս ինձ մոտ, մոյ միլիյ մալյչիկ

[Smokie]

Impression-ը դեմք ա: Խենթ, հումորով ու հավեսին դեմք: Իրան բոլորն են սիրում 100%: Եթե անգամ շատ չկարդաս իրա գրառումներից, էլի կտպավորվեն ու կմնան հիշողությանդ մեջ, ակումբի վառ անհատականություններից ա: Շատ եմ սիրում իր օրագիրը ու ընդհանրապես գրելաոճը, պատմելու ձեւը, ինչպես ասեցի հումորն անպակաս ա, մեր դեմքից էլ ծիածաղն ա անպակաս: Սիրում եմ իր տարօրինակությունները, որոնք նրան շատ ավելի յուրահատուկ են դարձնում ոչ միայն ակումբում, այլեւ մարդկության մեջ: Մի խոսքով տարբերվում ա:

[Արէա]

Հազարերորդ գրառումս որոշել էի լավ ու բարի առիթով օգտագործել: Սմոքիից լավ ու բարի երևույթ Ակումբում չկա, ուրեմն ամենալավ ու բարի առիթը սա է:

Էս մարդը, չգիտես թե ոնց է կարողանում էսքան լավատես, էսքան մաքուր, էսքան բարի ու ուրախ լինել միշտ: Մեկ-մեկ շատ եմ նախանձում, ուզում եմ Սմոքիի նման մտածեմ, իր պես պահեմ ինձ՝ չի ստացվում, կողքից մի խանգարող, մի տրամադրություն փչացնող բան անպայման լինում է:
Կարդում ես գրառումները մարդկանց մասին, գիտես աշխարհը փոխվել է, բոլոր մարդիկ բարիացել են, սիրում են իրար, դուրս ես գալիս փողոց ամեն ինչ նույնն է:

Լավատեսության դասերի եմ գնալու Սմոքիի մոտ:

[StrangeLittleGirl]

բայց ինչ-որ 999 ա ցույց տալիս

Արէան սկզբում ահավոր ներվերիս վրա ազդում էր: Դե էն ստեղծագործական մրցույթների թեմաներում էլի: Հետո մի քիչ սկսեցի սիրել իրան: Նենց մի տեսակ մաքուր հոգի ունի, ու սաղ կռիվ-ղալմաղալներում, անկախ նրանից, թե ինքը կռվի որ կողմն ա, փորձում ա կողմերին հանդարտեցնել, ոչ մեկի չջղայնացնել: Ինձ թվում ա՝ նույնիսկ ամենաարյունոտ ակումբապատերազմներում ինքը կարողանում ա հանդարտ մնալ: Բայց հենց էդ հանդարտությունն էլ ա մեկ-մեկ ներվերիս վրա ազդում: