Իմ վերևի մարդը

[Շինարար]

yerevanci-ն զարմանալի մարդ ա ինձ համար, էսպես կողքից, ոչ աղին ա խառնվում, ոչ մաղին, բայց էս միջավայրից դժգոհ ա՝ ինձ թվում ա: Զարմանալի ա, որ մարդը կարա էդքան միշտ ներկա լինի ու միշտ անմասնակից մնա: Իրան համենայն դեպս էստեղ հետաքրիր ա, բայց նաև իր տեղը չի գտնում: Կարծեմ՝ աշխարհագրության մասնագետ ա, եսիմ, էդքանը կարեցա ասեմ:

[StrangeLittleGirl]

Շինը
Շինարարի մասին կարամ անվերջ խոսեմ: Ինքը էն տիպիկ միամիտ լոռեցիներից ա, բայց մեկ-մեկ էլ առիթից օգտվում ա, որ ինքը միամիտ լոռեցի ա Ու մեկ էլ անմիջական ա, առանց ձևականությունների: Ահագին խելացի մարդ ա, նուրբ հումոր ունի: Շատ հետաքրքիր ա իրա հետ զրուցելը: Կարաս ժամերով, անվերջ հետը զրուցես ու չհոգնես (ավելի շուտ երևի ինքը քեզնից կհոգնի, քան՝ դու իրանից ): Ուֆ է, բերանս փակեմ, թե չէ կսկսեմ կարոտել

[laro]

StrangeLittleGirl-ինձ (իմ կարծիքով ոչ միայն իմ) համար բավականին հետաքրքիր անձնավորություն ես, շատ-շատ հարուստ ներաշխարհով: Ձևավորված, վառ անհատականություն , զարգացած մարդ: Եթե իհարկե ճիշտ եմ նկատել զգացմունքային ես, մի քիչ նեղացկոտ Հիանալի ստեղծագործում ես, համենայն դեպս ինձ դուր է գալիս քո ոճը Կրթված երիտասարդ ես, քեզնից շատ բան կարելի է սովորել հաստատ

[kivera]

Iaro

զուսպ իր որակումներում, տոլլեռանդ ու...ռոմանտիկ...
իմ ներքևի մարդն ինչ էլ գրի ջնջելու են, որովհետև ինձ դեռ ոչ ոք չի ճանաչում

[Rammstein]

kivera,
քանի որ ջնջողը ես եմ, , հենց ես էլ կգրեմ քո մասին, դե ինչքան որ հնարավոր է գրել: Առաջինը, որ նման դեպքերում նկատում եմ, մականվան փոքրատառով սկսվելն է, որից տպավորություն է ստեղծվում, որ կա՛մ չես իմացել, որ ֆորումում հնարավոր է մեծատառերի ու փոքրատառերի տարբերությունը կիրառել, կա՛մ էլ դա երկրորդական ես համարել: Բայց նորից եմ, ասում, սա միայն տպավորություն է, քանի որ շատ շատերը միտումնավոր են փոքրատառով գրում: Երկրորդ, laro-ի մականունը գրել ես Iaro (առաջին տառը փոքրատառ L-ն է, ոչ թե մեծատառ I-ը): Ենթադրում եմ, որ համակարգչով քիչ ես աշխատում, աչքդ սովոր չի տարբեր տառատեսակներին: Կարճ ասած` առաջին տպավորությամբ, ժողովրդական լեզվով ասած` կոմպից քիչ ես գլուխ հանում:

Ինձ թվում է` քիչ չգրեցի 8 գրառում ունեցող ակումբցում մասին:

[laro]

Rammstein-Դու ինձ համար խորհրդավոր անձնավորություն ես: Իմ կարծիքով բնույթով ուժեղ մարդ ես: Անկեղծ ես շատ, ռեալ դատող: Քո կարծիքի մեջ հաստատուն ես, փոփոխական մարդ չես: Եթե ճիշտ եմ նկատել համբերատար ես, խոսքդ կարճ է ու դիպուկ: Քեզ լավ չեմ ճանաչում, կարելի է ասել ընդհանրապես չեմ ճանաչում, բայց ենթադրում եմ (գուցե և սխալ), որ սառը մարդ ես: Տարբերվում ես....

[Շինարար]

Ոչի՞նչ, որ նույն էջում երկրորդ գրառումն անեմ: Նոր իմացա, որ ոչ թե լարո ա, այլ, փաստորեն, Յարո՞: laro-ն գնում ա նույն դպրոցը, որը ես եմ գնացել մինչև չորրորդ դասարան, այսինքն՝ մի դպրոցից ենք, հավես ա էդ փաստը: Ինձ դուր ա գալիս, որ էս ֆորումում, որտեղ մեծ մասմաբ մեծահասակներ են, համենայն դեպս չափահաս մարդիկ, ինքը կարողանում ա իրեն հարմարավետ զգալ: Հենց էս պահին մտածեցի, որ հավես կլինի դպրոցականի օրագիրը կարդալ, որը իմ դպրոցն ա գնացել, պարզվեց՝ laro-ն օրագիր ունի, ու նենց հավես ոճով էլ գրել ա, ես գնացի կարդալու

[Dayana]

Շինարար - չեմ դադարում հիանալ ու զարմանալ էս մարդու խելքի, պարզության (ոչ պարզամտության) ու ինքնա-թերագնահատման վրա։ Եթե ես իրա չափ խելոք լինեի, քիթս անընդհատ «կամպոտվեր», իսկ իրեն միշտ քիչ ա, մի ավելիին ձգտելու կարիք ունի, ու ոչ թե որպեսզի ուզում ա ամենից խելացին լինել կամ երևալ, այլ դա իրա տեսակն ա ՝ իմանալ ավելին, որովհետև կարծում ա, թե քիչ գիտի։ Շինոն խելոք ա, շատ խելոք, բացառիկ ա իրա տեսակում․ չի կորցնում իրեն ցանկացած մանր «հաջողությունից» ու կարծում եմ կարգին «նախագահ» կլիներ, չնայած ինքը իսկական տանկիստի պես էդ մասին չգիտի։ Շատ կուզեմ, որ Շինոն զբաղվի նրանով, ինչ ամենից շատ ա դուրը գալիս, որովհետև համոզված եմ, որ մի մեծ բան պիտի ստեղծվի, ուղղակի գլխի չեմ ընկնում դեռ, թե հատկապես ինչ։

[Jarre]

Իմ վերևի մարդը իմ համար յուրօրինակ հասկացող, դիմացինի դրության մեջ մտնող ու դիմացինին աջակցելու համար ամեն բան անող մարդ ա։ Ու երբ որ ինքը Ակումբում ա, անգամ եթե մենք էտ թեմայում ռաստ չենք գալիս, մեկ ա մեջս ջերմության ու կոմֆորտի զգացում ա առաջանում։ Մերսի քեզ Դայ ջան։

[Sambitbaba]

Իմ վերևի մարդը իմ համար յուրօրինակ հասկացող, դիմացինի դրության մեջ մտնող ու դիմացինին աջակցելու համար ամեն բան անող մարդ ա։ Ու երբ որ ինքը Ակումբում ա, անգամ եթե մենք էտ թեմայում ռաստ չենք գալիս, մեկ ա մեջս ջերմության ու կոմֆորտի զգացում ա առաջանում։ Մերսի քեզ Դայ ջան։

Jarre

Մարդ, ում կուզենայի ունենալ որպես ընկեր:
Մարդ, ում միշտ ցանկություն ունեմ ասել. շնորհակալ եմ, որ դու այստեղ ես:

[Jarre]

Jarre

Մարդ, ում կուզենայի ունենալ որպես ընկեր:
Մարդ, ում միշտ ցանկություն ունեմ ասել. շնորհակալ եմ, որ դու այստեղ ես:

Էս փոխադարձ հաճոյախոսության դեպքը չի։
Sambitbaba-ն էն մարդն ա, ում ներվերը ուտում եմ, ունենք տարբեր տեսակետներ, բայց միշտ իրա կողմից հարգալից ու հանդուրժողական վերաբերմունքի եմ արժանանում։ Ու շատ դուրըս գալիս ա, որ ընդունում ա տարբեր աշխարհահայացքներ և փորձում ա ամեն ինչից ինչ որ օգտակար բան գտնի։

Հաճելի ա նույն թեմայում քննարկումներ անցկացնել, Sambitbaba ջան

[Ռուֆուս]

Sambitbaba-ն... Ինչ մեղքս թաքցնեմ, սկզբում, երբ նոր էր գրանցվել Ակումբում, չէի կարդում Sambitbaba-ի ոչ մի գրառում, հետո երբ Sambitbaba-յի բացած նյու-էյջական թեմաները սկսեցին աչքովս ընկնել, ավելի մեծ ջանասիրությամբ սկսեցի խուսափել իր գրառումներից

Հետո, չեմ հիշում կոնկրետ որ թեմայում էր, բայց կրքերը ինչպես միշտ բավականին թեժացել էին ու Sambitbaba-ն բավականին երկար գրառում էր արել, կարդացի, էնքան մեծ խաղաղություն ու հանդուրժողականություն կար էդ գրառման մեջ, որ մի տեսակ վատ զգացի, որ մի բուռ ազգ ենք մնացել աշխարհի երեսին ու էլի իրար միս ենք ուտում... Մի խոսքով դրանից հետո սկսեցի ավելի մեծ ուշադրություն դարձնել Sambitbaba-ի վրա, միշտ չէ, որ համաձայնվում եմ իր հետ, բայց մեկ ա, ինքը շատ լավն ու բարի է Տենց մարդկանց կարիքը շատ ունենք

Հ.Գ. Էս ինչ բարի մարդիկ են հայտնվում վերևներում Դե Jarre-ի մասին շատ եմ խոսել Ակումբում ու ինձ թվում է բոլորն էլ ծանոթ են Jarre-ի գոնե վիրտուալ կերպարին (ինչը գրեթե չի տարբերվում իր իրական կերպարից): Հանդուրժողականության, բարության, սիրո ու հոգատարության մարմնացում՝ մարդու կերպարանքով, բա, էսքան շատ «երնեկ» մի տեղում

[Sambitbaba]

Ռուֆուս

Ռուֆ, ես քո անունը կդնեի "Մենեստրել", կամ "Տրուբադուր":
Չէ, ավելի ճիշտ է "Մենեստրել", որովհետև ինձ թվում է, որ մենեստրելը՝ տրուբադուրների մեջ ընտրյալն է:
Ինչի մասին էլ խոսես, ինչ էլ տեղադրես Ակումբի էջերին, - համ գիտես, թե ինչ ես տեղադրում, համ էլ տեղադրում ես /և ասում էլ/ ընտրյալը:
Ընտիր, խելոք, հնարամիտ և ընկալելի կերպար:
Սիրում եմ քեզ:

[Quyr Qery]

Մի տեսակ ցանկություն ունեցա էստեղ գրելու, մտա ու տեսա, որ պիտի գրեմ Սամի մասին:
Անկեղծ ասած էստեղ արդեն ահագին գրել են ու ճիշտ են գրել քո մասին: Սամ, զարմանում էի, ինչ համբերատարությամբ էիր ինձ բացատրում լիքը հարցեր, ոնց չէիր ջղայնանաում իմ վատ կերպարից, ստորագրություններից, ինչ հանգիստ ու բարի խոսում էիր ու պատմում, ինչքան խորություն ու սեր կա քո մեջ դեպի կյանքն ու մարդիկ, ինչ յուրահատուկ պատկերացումներ ունես ամեն մի թեմայի մասին, ինչքան քեզանից սովորելու ու քաղելու բան ունեմ ես, առաջին հերթին շատ հարցերում լինել հանդուրժող ու փնտրել լավը:
Էն քչերից ես, ում ոչ միայն սիրում, այլ նաև հարգում եմ:

[Շինարար]

Քերրիին տեսնել ա պետք, թեկուզ հետը չխոսալ, ուղղակի էդ աչքերի պայծառությունը, կյանքով, մարդկանցով, եղածով ոգևորվածությունը նկատել: Էս մռայլ ավատարը դրել ա, հեչ չես կարում պատկերացնես, որ իրականում ինքը կարա այդքան լույս ճառագի: Ես ուրախ եմ, որ իրան տեսել եմ Իր գրառումները կարդալիս արդեն ամեն բառից հետո լայն ժպտացող սմայլիկ եմ կարդում, ես ինձ համար ավելացնում եմ, այ սենց