Քաղաքական լրահոս

[Artgeo]

Հլը էս ուռոդ Պուծինի ստրուկին
http://www.bbc.co.uk/russian/russia/...atriarch.shtml
«Պատրիարխ Կիրիլլը ցավում է ԽՍՀՄ-ի փլուզման կապակցությամբ»

Ու սա հոգևոր հայր ա, իսկ ես ագնոստիկ: Յախք...

[Tig]

Հետաքրքիր հոդված է: Ընդհանրապես Ալեքսանդր Քանանյանի հոդվածները բավականին հետաքրքիր են և արժեքավոր: Եվ ոչ միայն հոդվածերը, այլև գործունեությունը...

Александр Кананян: Провал политики заселения равносилен потере Арцаха

[Mephistopheles]

Սիլվա Համբարձումյանի ընկերությունում հարկային ստուգումներ են սկսվել

Գործարար Սիլվա Համբարձումյանին պատկանող «Կալաչ» ընկերությունում հարկային ստուգումներ են սկսվել:

Epress.am-ի տեղեկություններով, հարկային տեսուչները ընկերության հացի և խմորեղենի արտադրամասեր են այցելել դեռևս երեկ երեկոյան, իսկ արդեն այսօր լուսաբացից «հիմնավորվել են» այնտեղ և մանրակրկիտ փաստաթղթային ստուգումներ են անցկացնում, ինչպես նաև ստուգում են լույսի և ջրի սպառման հետ կապված տվյալները:

Հիշեցնենք, որ վերջին օրերին Սիլվա Համբարձումյանի հայտարարությունները մեծ աղմուկ են բարձրացրել: Նոյեմբերի 10-ին լրագրողների հետ հանդիպման ժամանակ նա հայտարարել է, որ Սյունիքի մարզպետ Սուրեն Խաչատրյանը Լիճվազք-Թեյի հանքից 102 միլիոն դրամի սարքավորումներ է գողացել, որից հետո նոյեմբերի 14-ին, Համբարձումյանի պնդմամբ, մարզպետը հարձակվել է իր վրա «Մարիոթ» հյուրանոցի մոտ և իրեն հարվածներ հասցրել:

Համբարձումյանի գրավոր հաղորդման հիման վրա Հատուկ քննչական ծառայությունում քրեական գործ է հարուցվել 118-րդ հոդվածի հատկանիշներով (Ծեծը. պատժվում է տուգանքով` նվազագույն աշխատավարձի առավելագույնը հարյուրապատիկի չափով, կամ կալանքով` առավելագույնը երկու ամիս ժամկետով):

epress.am

[Chuk]

Լավ վերլուծություն ա. Հայաստանն անկախության ճանապարհին

[Chuk]

ԲՀԿ-ի առաջին արձագանքը՝ Նաիրա Զոհրաբյանի շուրթերով.

ՀԱՅՏԱՐԱՐՈՒԹՅՈՒՆ

Կոնգրեսի հանրահավաքում ԲՀԿ-ի վերաբերյալ արված Լեւոն Տեր-Պետրոսյանի վերլուծությունը լուրջ խառնաշփոթ է առաջացրել քաղաքական դաշտում։ Որոշ լրատվամիջոցներ անգամ որոշել են Գագիկ Ծառուկյանի թիկնապահների անունը կրկին կապել մարտի 1-ի ողբերգության հետ, դրանով իսկ, թերեւս, փորձելով իրենց պատվիրատուների միջոցով ինչ-որ բան հասկացնել Ծառուկյանին։

Ես, որպես ԲՀԿ խմբակցության անդամ, այդ ամենը գնահատում եմ ուղղակի անբարոյականություն: Ես չեմ հասկանում, թե Լեւոն Տեր-Պետրոսյանի, ինչպես ինքը որակեց՝ ընդամենը քաղաքագիտական վերլուծությունն ինչո՞ւ է նման անառողջ աժիոտաժ առաջացրել քաղաքական, եւ ոչ քաղաքական շրջանակներում։ Ցանկացած ոք, ցանկացած քաղաքական գործիչ իրավունք ունի ներկայացնելու իր տեսակետն ու իր մոտեցումները՝ այդ թվում նաեւ առաջին նախագահը։ Ի վերջո, մենք անընդհատ խոսում ենք քաղաքական նոր մշակույթի ձեւավորման անհրաժեշտությունից, հանդուրժողականությունից, Եվրոպաներում հայտարարում ենք, որ անցկացնելու ենք ամենաարդար ընտրությունները եւ հարգելու ենք յուրաքանչյուրի քվեն եւ կարծիքը: Ի՞նչն է խանգարում իրականում անել այդ ամենը, նման աննախադեպ ինկվիզիցիոն գործընթացներ չծավալել եւ վհուկների որս չսկսել։

Իսկ ինչ վերաբերում է Գագիկ Ծառուկյանի անունը մարտիմեկյան ողբերգության համատեքստում շահարկելու փորձերին, ապա ես նման շահարկողներին եւ նրանց պատվիրատուներին ուղղակի խորհուրդ եմ տալիս զերծ մնալ նման անբարոյական քայլերից եւ չխաղալ կրակի հետ։ Գագիկ Ծառուկյանը փոխանցում է, որ թե՜ ինքը, եւ թե՜ իր կուսակիցները կարեւորում են մարտիմեկյան դեպքերի ողջ իրողությունը բացահայտելը։

Իմ կողմից ավելացնեմ, որ իրոք, անչափ կարեւոր է մինչեւ նոր ընտրությունները ամբողջովին հասկանալ, թե ինչո՞ւ մեր երկրում հնարավոր եղավ մարտի 1-ը, ի՞նչ պետք է արվեր, որ չարվեց, ովքե՞ր կարող էին կանխել, որ չկանխեցին։ Իսկ ընդհանրապես, բոլորին պարզ ու հասկանալի պետք է լինի, որ մենք թույլ չենք տալու շահարկել մեր կուսակցության անունը՝ ով էլ որ այդ շահարկողը լինի։

Ի դեպ, տարօրինակ զուգադիպությամբ՝ որոշակի պարբերականությամբ մամուլում սպրդում եմ նման ստահոդ տեղեկություններ, որոնց մենք դեռ երկու տարի առաջ պաշտոնապես պատասխանել ենք։ Հարկ եմ համարում մեջբերել այդ հայտարարությունից մի հատված. «Գագիկ Ծառուկյանի մամուլի գրասենյակը հայտարարում է, որ հրապարակված տեղեկությունները բացարձակապես սուտ են և չեն համապատասխանում իրականությանը: Գագիկ Ծառուկյանի մերձավոր շրջապատից որևէ մեկը որևէ կերպ մարտի 1-ի դեպքերին ներգրավված չի եղել: Նման կեղծ և ստահոդ տեղեկություններ տարածողները փորձում են հասարակության ուշադրությունը շեղել մարտի 1-ի ողբերգական դեպքերի իրական պատասխանատուներից, տարաբնույթ հերյուրանքների միջոցով վարկաբեկել Գագիկ Ծառուկյանի բարի անունն ու պատիվը»:

ՀՀ ԱԺ պատգամավոր,
ԲՀԿ խմբակցության անդամ
Նաիրա Զոհրաբյան

Աղբյուր՝ Առավոտ

[Chuk]

Մի արձագանք էլ՝ ՀԱԿ-ից.

Ընդդիմադիր Հայ ազգային կոնգրեսի մաս կազմող «Ժողովրդավարական հայրենիք» կուսակցության նախագահ Պետրոս Մակեյանը, ով 2008 թվականի հետընտրական իրադարձությունների հետեւանքով 1 տարուց ավելի ազատազրկված էր, «Ազատություն» ռադիոկայանի հետ զրույցում մտահոգություն հայտնեց Հայ ազգային կոնգրես - «Բարգավաճ Հայաստան» համագործակցության նպատակահարմարության մասին Կոնգրեսից հնչող հայտարարությունների առնչությամբ:

Կասկածելով, որ հանուն պետական շահի «օլիգարխները դուրս կգան իրենք իրենց շահերի դեմ», Պետրոս Մակեյանը այս իրավիճակում մատնանշեց ընդդիմադիր Կոնգրեսի համար մի քանի վտանգ:

«Մենք այսօր կարծես թե կերտում ենք նոր Արթուր Բաղդասարյանի` ի դեմս Գագիկ Ծառուկյանի: Մի կողմից թվում է, թե իշխանության կողմից նա զոհ է դառնում` անընդհատ հալածյալի կերպարով: Մյուս կողմից Կոնգրեսի կողմից ընդունվում է որպես լուրջ քաղաքական ուժ: Այդ դեպքում կունենանք նույն սինդրոմը, որի պտուղները մենք տեսել ենք 2008 թվականին», - հայտարարեց Մակեյանը: - «Այդ դեպքում շահեկան կլինի Գագիկ Ծառուկյանի համար եւ իշխանության համար: Համենայնդեպս, ոչ պետության, եւ ոչ էլ ընդդիմության»:

«Ժողովրդավարական հայրենիք» կուսակցության նախագահի կարծիքով, եթե ընդդիմությունը «կոչ է անում համագործակցել այդ չարիքի հենասյուների հետ», կունենա պրոբլեմներ, որը կարտահայտվի ընտրազանգվածի կորստով:

Պետրոս Մակեյանը հավելեց, որ Հայ ազգային կոնգրեսի քաղխորհրդի առաջիկա նիստին կմասնակցի եւ հստակ կարտահայտվի «Բարգավաճ Հայաստանի» հետ համագործակցության դեմ:

«Կոնգրեսի կազմում կան 18 քաղաքական ուժեր, շա՞տ են դեմ արտահայտվողները» հարցին Մակեյանը պատասխանեց. - «Կոնկրետ թվաքանակ դժվար է ասել, բայց այն, որ Լեւոն Տեր-Պետրոսյանը հրապարակային ներկայացրեց կոնսենսուսի բացակայությունը, դա արդեն ծանրակշիռ փաստ էր: Հակառակ դեպքում, եթե մեկ-երկու քաղաքական միավոր լիներ, այդ մեկ-երկուսը իրենք կարող է լռակյաց ընդունեին»:

Աղբյուր՝ Ազատություն

[Tig]

«Չեմ եկել, որ քո նման հայվանին լսեմ», «հայվանը դու ես». Վիճաբանություն ԱԺ-ում
13:35, Նոյեմբերի 30, 2011

Ազգային ժողովի պատգամավորներից ոմանք հավանաբար չեն կարողանում համակերպվել այն մտքի, որ պետք է մի քանի ժամ ավել անցկացնեն Ազգային ժողովում: Հիշեցնենք, որ նրանք սպասում են կառավարության կողմից առաջարկված օրենքների նախագծերը քվեարկելուն, որից հետո ԱԺ արտահերթ նստաշրջանը կավարտի իր աշխատանքները:

Քանի որ «Ժառանգություն» խմբակցության պատգամավորներն անընդհատ ելույթներ են ունենում, ԱԺ աշխատանքներն ընթանում են բնական հունով ու օրինագծերի քվերակությունն անընդհատ ձգձգվում է:

Այսպես, «Ժառանգություն» խմբակցության պատգամավոր Արմեն Մարտիրոսյանի ելույթի ժամանակ ՀՀԿ-ական Առաքել Մովսիսյանի (Շմայս) նյարդերը տեղի տվեցին ու նա տեղից վիրավորական խոսքեր հնչեցրեց Ա.Մարտիրոսյանի հասցեին.

«Չեմ եկել այստեղ, որ քո նման հայվանին լսեմ»,- տեղից Ա.Մարտիրոսյանի հասցեին ասել է Ա.Մովսիսյանը, ինչին ի պատասխան վերջինս արձագանքել է.

«Հայվանն էլ ես, հանգիստ խոսա, էտ ինչ ձև ես խոսում»:

ԱԺ նախագահի պաշտոնակատար Սամվել Նիկոյանին չէր հաջողվում հանգստացնել ու կարգի բերել պատգամավորներին: Նա խնդրեց Ա.Մարտիրոսյանին շարունակել, սակայն, նա հրաժարվեց ու ջղայնացած լքեց ամբիոնը, հորդորելով կարգի բերել գործընկերներին:

Արմեն Մարտիրոսյանից հետո ելույթի համար ամբիոնին մոտեցավ «Ժառանգություն» խմբակցության ղեկավար Ստեփան Սաֆարյանն ու չնայած, Առաքել Մովսիսյանը շարունակում էր աղմկել, նշել է, որ ոմանց համար Ազգային ժողովը դեռ աշխատանքի վայր է, իսկ ովքեր ցանկանում են իրենց վերաբերմունքը արտահայտել կարող են գրանցվել ու կարծիքները հնչեցնել. «Գոնե «Ժառանգության» համար սա աշխատանքի վայր է, որտեղ մեր առաքելությունը մեր տեսակետներն արտահայտելն է, ոչ միայն պատգամավորներին ու կառավարությանը, այլև մեր ընտրողներին»:

Սամվել Նիկոյանն էլ առաջարկել է դասեր չտալ ու շարունակել ելույթը:
«Այս նիստը հրավիրել է ձեր ընտրած կառավարությունն ու այս շտապողականությունը պատիվ չի բերում ձեր կառավարությանը: Մեզ համար այս վարքագիծն անընդունելի է»,- արդեն իր ելույթում ասել է Անահիտ Բախշյանը:

Ի դեպ` Առաքել Մովսիսյանը լքել էր դահլիճը:

Քիչ անց սկսեց չաշխատել Սամվել Նիկոյանի խոսափողը:

Աղբյուր՝ emedia.am

[davidus]

Տարոն Մարգարյանը փոխո՞ւմ է տեղակալներին

Ես գիտեի Լրագիր.am-ը կարգին լրատվական կայք ա...

[Mephistopheles]

Ձերբակալվել է ԲՀԿ-ի Ջերմուկի կառույցի ղեկավարը
Ռուզաննա Ստեփանյան
«Բարգավաճ Հայաստան» կուսակցության (ԲՀԿ) Ջերմուկի տարածքային կառույցի ղեկավար Արմեն Հովհաննիսյանը ձերբակալվել է թմրանյութեր պահելու կասկածանքով:

Ինչպես «Ազատություն» ռադիոկայանի փոխանցեցին Ոստիկանությունից, 1965 թվականին ծնված Արմեն Հովհաննիսյանը ձերբակալվել է երեքշաբթի օրը` Քրեական օրենսգրքի 268-րդ հոդվածի երկրորդ մասի հատկանիշներով, տվյալ դեպքում` խոշոր չափերով թմրամիջոցների ապօրինի շրջանառության համար:

Ոստիկանության տվյալներով` Արմեն Հովհաննիսյանը իր անձնական օգտագործման մեքենայով նոյեմբերի 28-ին բերման է ենթարկվել Վայոց Ձորի մարզի Կեչուտի ջրամբարի տարածքից` թմրամիջոց պահելու եւ օգտագործելու կասկածանքով: Նրա մոտ անձնական զննությամբ հայտնաբերվել է 7.5 գրամ, իսկ ավտոմեքենայի սրահից՝ 5.1 գրամ մարիխուանա տեսակի թմրամիջոցի նմանվող զանգված: Կատարվում է նախաքննություն:

Հիշեցնենք, որ անցած օրերին կալանավորվել են նաեւ ԲՀԿ-ի հետ առնչություն ունեցող եւս երկու անձինք` կրկին թմրանյութերի գործով:

Արձագանքելով ԲՀԿ-ի Ջերմուկի տարաքածային կառույցի ղեկավարի ձերբակալությանը` կուսակցության ղեկավար Գագիկ Ծառուկյանի խոսնակ Խաչիկ Գալստյանը «Ազատություն» ռադիոկայանի հետ զրույցում նշեց, որ ԲՀԿ-ի նկատմամբ ճնշումները նկատելի են դարձել։

«Նման երեւույթներ նկատելի են կոնկրետ ձերբակալությունների մասով, մենք հետեւում ենք իրադարձությունների զարգացմանը, սակայն վերջնական գնահատականներ դրանց նկատմամբ կտանք ավելի ուշ», - ասաց Գալստյանը։

«Արդյո՞ք այդ ճնշումների շրջանակում եք դիտարկում ԲՀԿ-ի Ջերմուկի տարածքային կառույցի ղեկավարի ձերբակալությունը», - այս հարցին կուսակցության ղեկավարի խոսնակը արձագանքեց. - «Մենք ունենք այս պահի դրությամբ նման մի քանի փաստեր, բայց դրանց վերջնական գնահատականը մենք կտանք ավելի ուշ` այն բանից հետո, երբ պարոն Ծառուկյանը կվերադառնա Հայաստան, կքննարկենք եւ հայտարարությամբ հանդես կգանք»:

«Այսինքն, Արմեն Հովհաննիսյանից բացի կա՞ն նաեւ այլ ձերբակալված ԲՀԿ-ի անդամներ: Նկատի ունենք նաեւ կալանավորված «Շլամ» մականունով Արմեն Մուրադյանին, ով «Արարատցեմենտ»-ի արտադրանքի հիմնական իրացնողներից է», - այս հարցին էլ Խաչիկ Գալստյանը պատասխանեց. - «Նրանք ոչ բոլորն են կուսակցականներ, բայց այս կամ այն կերպ կապվում են ԲՀԿ-ի հետ: Մենք այս բոլոր փաստերը ուսումնասիրում ենք, եւ երբ վերջնական պատկերը մեզ համար պարզ լինի, հանդես կգանք կոնկրետ գնահատականով»:

ԲՀԿ տարածքային կառույցի ղեկավարի ձերբակալությանը «Ազատություն» ռադիոկայանի հետ զրույցում անդրադարձավ նաեւ ԲՀԿ-ական պատգամավոր Նաիրա Զոհրաբյանը:

«Վերջին շրջանում այնքան շատ եղան նման դեպքեր, որ արդեն մեզ ստիպում է խոսել ոչ թե իրապես պատահականությունների մասին, այլ, կարծես թե, ինչ-որ մի օրինաչափություն է արդեն այստեղ նկատվում` «Արարարատցեմենտ»-ի [արտադրանքը իրացնողի], դրանից առաջ Մասիսի կոմունալ ծառայության աշխատակցի ձերբակալությունները...»:

Զոհրաբյանն ասաց` կոնկրետ իր համար «շատ տարօրինակ է», որ այս երեք անձինք ձերբակալվել են թմրանյութերի շրջանառության համար. - «Բայց ես կարծում եմ, որ պետք է չէ շտապել եզրակացություններ անել, կվերադառնա կուսակցության նախագահը, բնականաբար, նրա հետ եւս անպայման քննարկում կլինի, եւ մենք մեր դիրքորոշումը կհայտնենք», - ասաց նա:

Հարցին, թե հնարավոր համարո՞ւմ է, որ Ջերմուկի կառույցի ղեկավարը կարող էր խոշոր չափերով թմրանյութեր պահել, Զոհրաբյանը պատասխանեց. - «Ես տեսականորեն հնարավոր չեմ համարում, բայց ես ինքս ձեռնպահ կմնան իրավապահ համակարգի գործողություններին այս պահին այլ գնահատական տալուց, մինչեւ մենք ինքներս չուսումնասիրենք»:

Անդրադառնալով այն հարցին, թե կարելի՞ արձանագրել, որ այս դեպքերը փաստում են ԲՀԿ-ի վրա ճնշումների առկայության մասին, Զոհրաբյանն ասաց` «օրինաչափություն դարձող տարօրինակ զուգադիպություններ շատ եղան, որոնք քննարկելու եւ խորը վերլուծելու ենթակա են»:

Երեկ Նաիրա Զոհրաբյանը, արձաքանգելով Հայ ազգային կոնգրեսի առաջնորդ Լեւոն Տեր-Պետրոսյանի անցած շաբաթվա` ԲՀԿ-ի վերաբերյալ արած հայտարարությանը, կոչ էր արել ԲՀԿ-ի նկատմամբ «վհուկների որս» եւ «ինկվիզիցիոն գործընթացներ» չսկսել: Հարցին, թե արդյո՞ք այս ակնարկը վերաբերում էր անմիջապես իշխող Հանրապետական կուսակցությանը, ԲՀԿ-ական պատգամավորը պատասխանեց. - «Իմ ակնարկը վերաբերում էր բոլոր նրանց, ովքեր խոսում են եւ դեռ կխոսեն ազատ եւ արդար ընտրությունների մասին, բայց իրականում գործողության մեջ մենք այլ բան ենք տեսնում: Իմ ակնարկը հորդոր էր, որպեսզի խոսքերը համապատասխանեն իրականությանը»:

Զոհրաբյանն ասաց` «ԲՀԿ-ն շատ ուժեղ է` ամեն ինչին դիմանալու համար»: Նա նաեւ նշեց, որ ԲՀԿ-ի օրակարգում կոալիցիայից դուրս գալու խնդիր չկա:

Նա տեղեկացրեց նաեւ, որ ԲՀԿ-ի առաջնորդ Գագիկ Ծառուկյանը այժմ իր ընտանիքի հետ Արաբական Էմիրություններում է եւ առաջիկա օրերին կվերադառնա Հայաստան:

«Ազատություն» ռադիոկայանը փորձեց նաեւ իշխող Հանրապետականից ճշտել, թե արդյո՞ք զուգադիպություն է, որ վերջին օրերին թմրամիջոցների համար հենց ԲՀԿ-ի անդամներ կամ կողմնակիցներ են ձերբակալվում եւ կալանավորվում: Հանրապետականի փոխնախագահ, խորհրդարանական խմբակցության ղեկավար Գալուստ Սահակյանը փոխանցեց, որ հանցագործությունները կուսակցություններ չեն ճանաչում: «Կարող է ԲՀԿ-ից լինի, կարող է ՀՀԿ-ից լինի, վերջին հաշվով մեր կուսակցությունները զանգվածային են, եւ հասարակության մեջ են, եւ ԲՀԿ-ական կամ ՀՀԿ-ական լինելը չի նշանակում, որ հանցագործությունը պետք է ծածկվի», - ասաց Սահակյանը` հերքելով, թե այսօր ԲՀԿ-ի վրա ճնշումներ կան:

Ազատություն ռ/կ

նմանվո՞ղ… էսի սովետի մենթերի պրինցիպն ա…

[Տրիբուն]

Էս էլ սենց ջրինք գնաց: Դե հիմա մի հատ սիլայա տվել, ի՞նչ ա եղել որ…

Լիսկայի գործը կարճվեց

[Bruno]

Հիմա իմ երկրում ներքին ցեղասպանություն է. Ազնավուր

Մոսկվայում համերգային ծրագրով գտնվում է աշխարհահռչակ հայազգի երգիչ Շառլ Ազնավուրը:

«Ներկայում իմ երկրում ներքին ցեղասպանություն է տեղի ունենում: Դա քաղաքականապես անընդունելի եմ համարում: Հայաստանի իշխանությունները, հնարավորություն չտալով երկրին շնչել, կառավարությունը երկիրը զրկում է սեփական երիտասարդությունից, որը հեռանում է: Այդ իմաստով, խնդիրն արդեն քաղաքական չէ, այլ համամարդկային: Այն պետք է անհապաղ լուծվի», - երգչի խոսքերը մեջբերում է Life Showbiz-ը:

http://tert.am/am/news/2011/12/13/aznavour-genocide/

[Տրիբուն]

Ազնավուր. Դա թարգմանական սխալ է

[Shah]

http://www.regnum.ru/news/fd-abroad/armenia/1481157.html



անկարան հետ է կանչելու իր դեսպանին ֆրանսիայից:

[Mephistopheles]

Գագիկ Ծառուկյանը լուծարել է մշակույթի աջակցման խորհուրդը

15:37 • 21.12.11


«Բարգավաճ Հայաստան» կուսակցության նախագահ Գագիկ Ծառուկյանի մամուլի խոսնակ Խաչիկ Գալստյանը հանդես է եկել հայտարարությամբ՝ տեղեկացնելով, որ լուծարվել է մշակույթի աջակցման խորհուրդը։ Գալստյանի հայտարարության մեջ նշվում է. «Դեռևս հունիս ամսին Գագիկ Ծառուկյանը հայտարարել էր մշակույթի աջակցման համար 100 մլն դրամ տրամադրելու իր որոշման մասին:

Հայտերի ընդունման համար բարձր մասնագիտական մոտեցում ապահովելու և անաչառ մրցույթներ անցկացնելու համար ստեղծվել էր մշակույթի աջակցման խորհուրդ: Խորհուրդն օժտված էր ինքնուրույն ծրագրային ընտրություն կատարելու և ֆինանսական որոշումներ կայացնելու լիազորություններով:

Ցավոք, անցած ամիսների ընթացքում խորհուրդը չկարողացավ գոնե մեկ ծրագրի հավանություն տալ, չֆինանսավորվեց ոչ մի ծրագիր, այն պայմաններում, երբ մեր երկրում բազմաթիվ մշակութային նախագծեր աջակցության կարիքն ունեն: Գագիկ Ծառուկյանի համար անընդունելի են տեխնիկական և այլ կարգի բացատրություններն ու արդարացումները:

Հաշվի առնելով այս հանգամանքը, որոշում է կայացվել լուծարել մշակույթի աջակցման խորհուրդը: Գագիկ Ծառուկյանը վերահաստատում է 100 մլն դրամ մշակույթի աջակցմանը տրամադրելու իր որոշումը: Ավելին` անհրաժեշտության դեպքում պատրաստակամություն է հայտնում ավելացնել այդ գումարը: Առաջիկայում ծրագրերի ընտրության և նախագծերի ֆինանսավորման ողջ պատասխանատվությունը դրվում է «Գագիկ Ծառուկյան» բարեգործական հիմնադրամի վրա:

Գագիկ Ծառուկյանը շնորհակալություն է հայտնում Մշակույթի աջակցման խորհրդի բոլոր այն անդամներին, ովքեր այս ամիսների ընթացքում ցուցաբերեցին մեծ պատասխանատվություն, ազնվություն և բարձր պրոֆեսիոնալիզմ և վստահություն է հայտնում, որ առաջիկայում կգտնվեն համագործակցության նոր, հետաքրքիր եզրեր` հանուն մեր երկրի, հանուն մշակույթի զարգացման»։

Tert.am

կարող ա՞ ուզում ա մենակ գնա ընտրությունների…

[Ներսես_AM]

Տեսնես մյուս հանրահավաքին վիկիլիքսից մեջբերումներ կանի՞

Դեռ 2008-ին Սերժ Սարգսյանին Շահնազարյանն էր գործարք առաջարկել

WikiLeaks-ի կողմից այս տարվա օգոստոսի 30-ին գաղտնազերծած փաստաթղթերից մեկը, որը թվագրված է 2008թ. սեպտեմբերի 8-ով, առավել քան ուշագրավ է հատկապես վերջին շրջանում քաղաքական զարգացումների, իշխանություն-ՀԱԿ տապալված երկխոսության եւ դրան հաջոդած ՀԱԿ-ական մամուլի հրապարակած «քաղաքագիտական վերլուծությունների» համատեքստում:

«Կոնֆինդենցիալ» գրիֆի տակ այս գաղտնազերծված զեկուցագրի hեղինակը ՀՀ-ում ԱՄՆ փոխդեսպան Ջոզեֆ Փենինգտոնն է: Փաստաթուղթը վերնագրված է այսպես՝ «Ընդդիմությունը խնդրում է դեսպանատանը քաղաքական գործարքի իր առաջարկը փոխանցել Նախագահին»:

«1.Դավիթ Շահնազարյանը` նախկին նախագահ եւ ընդդիմության ներկայիս առաջնորդ Լեւոն Տեր-Պետրոսյանի (ԼՏՊ) վստահելի անձերից մեկը սեպտեմբերի 16-ին այցելեց Գործերի Հավատարմատարին (ԳՀ), որպեսզի խնդրի, որ դեսպանատունը [իշխանությանը] փոխանցի ԼՏՊ-ի առաջարկը Հայաստանում ներքին քաղաքական լարվածությունը թուլացնելու վերաբերյալ: Շահնազարյանն ասաց, որ ԼՏՊ-ի ճամբարը ավելի ու ավելի է մտահոգվում, որ նախկին նախագահ Ռոբերտ Քոչարյանի աջակիցները կուլիսներում ջանքեր են գործադրում, որպեսզի ստիպեն Նախագահ Սարգսյանին` Քոչարյանին վարչապետ նշանակել: Նա ավելացրեց, որ թեեւ ԼՏՊ-ը եւ իր աջակիցները շարունակում են դժգոհ մնալ Սարգսյանի վարչակազմից, բայց նրանք հավատում են, որ Քոչարյանի վերադարձը կառավարման համակարգ կլինի «աղետ մեզ համար, աղետ Նախագահի համար եւ աղետ Հայաստանի համար. « Շահնազարյանը պնդեց, որ Քոչարյանը եւ «ռուսները» հավաքագրել են զանազան Հայկական օլիգարխների, քաղաքական գործիչների եւ լրատվամիջոցների` Նախագահի վրա ճնշումը մեծացնելու համար, որպեսզի նա պաշտոնանկ անի իր ռեֆորմիստ վարչապետ Տիգրան Սարգսյանին եւ փոխարինի նրան Քոչարյանով:

2. Հաշվի առնելով ԼՏՊ-ի եւ Նախագահ Սարգսյանի «ընդհանուր շահը»` Քոչարյանի քաղաքական վերադարձը կասեցնելու հարցում, Շահնազարյանն ասաց, որ ԼՏՊ-ի ճամբարը պատրաստ է հրաժարվել փողոցային բողոքներից եւ ընդդիմադիր այլ գրգռիչ (provocative) գործողություններից, եթե Նախագահ Սարգսյանը առաջիկա մի քանի շաբաթների ընթացքում ազատ արձակի ընդդիմության մոտ 75 աջակիցներին, որոնք շարունակում են բանտում մնալ մարտի 1-2-ի դեպքերի առնչությամբ: Շահնազարյանն ասաց, որ ընդդիմությունը «մարդկանց փողոց հանելով ոչինչ չի շահում», բայց նկատեց, որ ԼՏՊ-ը ստիված կլինի հենց այդպես վարվել, եթե ընդդիմադիր գործիչները մնան բանտում: Եթե Նախագահը կալանավորվածների վերաբերյալ միջոցներ չձեռնարկի, ասաց նա, ապա վտանգ կա, որ ԼՏՊ-մ «կկորցնի վերահսկողությունը» շարժման նկատմամբ, ինչի հետեւանքով հետագա անկայունության վտանգ կառաջանա: Շահնազարյանը նաեւ խոստացավ, որ եթե Նախագահը ազատ արձակի կալանավորներին, ապա ԼՏՊ-ը կգովաբանի այդ ժեստը եւ այն չի ներկայացնի որպես «քաղաքական հաղթանակ» Սարգսյանի նկատմամբ: Նա խնդրեց, որ առաջարկվող գործարքը մենք փոխանցենք Նախագահի գրասենյակին:

3. ԳՀ-ը Նախագահի ավագ խորհրդական (եւ փեսա) Միշա Մինասյանի հետ սեպտեմբերի 17-ի իր հանդիպման ժամանակ քննարկեց ԼՏՊ-ի առաջարկը: Մինասյանը ուշադիր լսեց եւ խոստացավ Նախագահին փոխանցել գաղափարը: Այնուամենայնիվ, նա զգուշացրեց, որ Նախագահը, հավանաբար, թերահավատ կլինի, հաշվի առնելով, որ պատգամը եկել է Շահնազարյանի միջոցով, որին Սարգսյանը վստահելի խոսակից չի համարում: Հավատարմատարը նկատեց, որ մենք այնպես ենք հասկացել, որ առաջարկը ԼՏՊ-ի` Շահնազարյանի հետ ունեցած ուղիղ խոսակցության արդյունք է եւ ըստ այդմ կարող է դիտարկվել որպես առաջարկ հենց Տեր-Պետրոսյանից: Մինասյանը նկատեց, որ դատելով ԼՏՊ-ի սեպտեմբերի 15-ի հանրահավաքի մասնակիցների նվազած քանակից ընդդիմությունը ամեն դեպքում թուլանում է, սակայն մեկ այլ առիթով ընդունեց, որ ԼՏՊ-ը «դեռեւս պրոբլեմ է ներկայացնում» Նախագահի համար: Թեեւ նա ուղղակիորեն չանդրադարձավ ընդդիմության հիփոթեզին, որ Քոչարյանը փորձում է արմունկներով ճանապարհ հարթել իշխանության վերադառնալու համար, բայց նա նաեւ որեւէ ջանք չգործադրեց գաղափարը վիճարկելու համար: ԳՀ-ը մատնանշեց, որ Նախագահ Սարգսյանը շատ բան կշահի կալանավորներին ազատ արձակելով, ընդդիմության հետ գործարքի գնալով, թե` առանց գործարքի: ԼՏՊ-ի` սադրանքներից( provocations) զերծ մնալու ակնհայտ պատրաստակամությունը եւս մեկ փաստարկ է առաջ շարժվելու համար: Մինասյանը պատասխանեց, որ ինքը վստահ է, որ «առաջիկա 1-2 ամիսների ընթացքում» Նախագահը միջոց կգտնի նշանակալից թվով կալանավորների ազատ արձակելու համար:

4. Մեկնաբանություն. ԼՏՊ-ի առաջարկը լրացուցիչ նշան է, որ նա սկսել է գիտակցել, որ դեպի իշխանություն իր վերադարձի ճանապարհը ամրորեն եւ վերջնականապես փակվել է: Մինասյանը կարող է միանգամայն իրավացի լինել, առաջարկը դիտարլելով որպես ավելի ու ավելի հուսահատվող ընդդիմության, որը ժամանակի ընթացքում նվազ կարեւոր է դառնում, փորձ Նախագահից զիջում կորզել,: ԼՏՊ-ի ակնարկած սպառնալիքը ավելի ուշ աշնանը փողոց վերադառնալու վերաբերյալ Նախագահականին այնքան մտահոգություն չի պատճառի, որքան կպատճառեր մի քանի ամիս առաջ: Այնուամենայնիվ, եթե Սարգսյանն իրականում որոշում է կայացրել իր իսկ ժամանակացույցով կալանավորներին ազատ արձակել, ընդդիմության առաջարկը կարող է առիթ լինել այդ գործընթացն արագացնելու համար: Առանձնաբար, կառավարության բազմաթիվ ներկայացուցիչների հետ մեր զրույցներում մենք նաեւ ահազանգել ենք քաղաքական բանտարկյալների հարցը որպես՝ թիվ մեկ, ամենակարեւոր մարդու իրավունքների եւ ժողովրդավարության ոլորտի առաջնայնությունը մեր երկկողմ հարաբերություններում: Մեկնաբանության ավարտ»:

http://www.aravot.am/2011/12/19/19360/