Ռուսաստանի արտաքին գործերի նախարարության բարձրաստիճան ներկայացուցիչները 2008 թվականի գարնանը համոզված էին, որ Հայաստանում դրանից մի քանի շաբաթ առաջ տեղի ունեցած նախագահական ընտրությունները անցել են առանց լուրջ խախտումների: Այս մասին 2008-ի մարտին Վաշինգտոն ուղարկված հաղորդագրությունում գրել են Մոսկվայում Միացյալ Նահանգների դեսպանատան աշխատակիցները, տեղեկացնում է Ազատություն ռադիոն:
Ամերիկացի դիվանագետները նշել են, որ մարտի 1-ի իրադարձություններին հաջորդած օրերին մի շարք հանդիպումներ են կազմակերպել Ռուսաստանի արտաքին գործերի նախարարության ներկայացուցիչների հետ` Հայաստանում ստեղծված իրադրությունը քննարկելու համար:
«Ռուսաստանի արտաքին գործերի նախարարության ԱՊՀ-ի չորրորդ դեպարտամենտի ղեկավար Իգոր Գրոմիկոն մեզ փոխանցեց, թե Ռուսաստանի կառավարությունը շարունակում է մնալ այն համոզմանը, որ փետրվարի 19-ի հայաստանյան ընտրություններն անցել են առանց լուրջ խնդիրների: Գրոմիկոն, վերահաստատելով Ռուսաստանի աջակցությունը Սարգսյանի հաղթանակին, միաժամանակ նշեց, որ Մոսկվան չի պատրաստվում միջամտել Հաաստանում ծավալվող իրադարձություններին` գերադասելով պարզապես ուշադրությամբ հետեւել դրանց», - ասված է Wikileaks-ի կողմից գաղտնազերծված հաղորդագրությունում:
Ռուսաստանի արտգործնախարարության Հայաստանի բաժնի ղեկավար Սերգեյ Վինոգրադովն էլ ամերիկացի դիվանագետներին փոխանցել է, թե «Տեր-Պետրոսյանի կազմակերպած բողոքի ակցիաները հիմնազուրկ էին»: «Փետրվարի 19-ի ընտրություններին հետեւել է ռուսաստանցի 160 դիտորդ, որոնցից 23-ը մաս են կազմել ԵԱՀԿ-ի առաքելությանը` գոհունակություն հայտնելով ընտրությունների ընթացքից», - նշել է ռուս դիվանագետը` հավելելով, թե ինքը եւս դիտորդների թվում էր եւ այցելելով 16 տեղամասեր` որեւէ լայնածավալ կեղծիքի ականատես չի դարձել:
Վինոգրադովը նաեւ տեղեկացրել է ամերիկացի դիվանագետներին, որ ընտրություններից երեք օր առաջ Լեւոն Տեր-Պետրոսյանը այցելել է Մոսկվա, սակայն այդ այցը կրել է անձնական բնույթ, եւ «արտգործնախարարությունն ու Մոսկվայում Հայաստանի դեսպանությունը որեւէ կապ չեն ունեցել նախկին նախագահի մոսկովյան հանդիպումների հետ»:
Խոսելով հետընտրական զարգացումների մասին` Վինոգրադովը, ըստ Մոսկվայում հավատարմագրված ամերիկացի դիվանագետների, նշել է. - «Քոչարյանի ռուսամետ քաղաքականությունը, որն ուղեկցվում էր Պուտինի հետ հաճախակի խորհրդակցություններով, կշարունակվի նաեւ Սարգսյանի օրոք»:
Wikileaks-ի կողմից գաղտնազերծված փաստաթղթից, սակայն, պարզ է դառնում, որ ԱՊՀ-ի խնդիրներով զբաղվող ռուսաստանցի փորձագետների կարծիքները Մոսկվայի դիվանագիտական շրջանակներում առկա այս մոտեցումներից տարբերվում էին:
Փաստաթղթում մեջբերված են ռուսաստանցի հայտնի վերլուծաբան Ֆյոդոր Լուկյանովի խոսքերը. - «Ռուսաստանը Սարգսյանին Քոչարյանի հաջորդի դերում ընդունել է այլ ընտրություն չունենալու պատճառով: Ի տարբերություն Քոչարյանի` առավել հավանական է, որ Սարգսյանը փորձի պահել աշխարհքաղաքական հավասարակշռությունը` պակաս ռուսամետ մոտեցումներ ցուցաբերելով»:
Chuk-ի խոսքերից
Ես վայրկյան անգամ չեմ կորցնի քեզ հաճույք պատճառելու համար, հետևաբար առաջարկում եմ վայրկյան առ վայրկյան քարուքանդ անել սաՄնացած նաագահները, Հայաստանում ու այլուր արտաքին քաղաքականությունը չգիտեն ինչա:
Մեջբերել
Էջանիշներ