Lion ջան, ենթադրում եմ, որ ասածս քեզ համար գրոշի արժեք չի ունենա, կամ ինչը ավելի վատ է այն ևս կորակվի որպես հերթական խորամանկ տրյուկ, բայց այնուամենայնիվ ուզում եմ քեզ շնորհակալություն հայտնել, որ թեև իմ սուբեկտիվ տեսանկյունից գրառմանդ մեջ առկա էին դիմացինին մղումներ վերագրելը և ծայրահեղական մոտեցումները, սակայն ընդհանուր գրառումներդ քաղաքավարի են ու արտացոլում են մարդկային վերաբերմունք, ինչի շնորհիվ ես անիմաստ չեմ համարում պատասխանելը։
Lion ջան ես ոչ մի քարոզչական հնարք, տրյուկ և պրյոմ չեմ կիրառել։Lion-ի խոսքերից
Իսկ եթե հոգեբանական վերլուծություն ես կատարում, ապա քեզ պետք է թե՛ կյանքից և թե՛ հոգեբանությունից հայտնի լինի, որ յուրաքանչյուր փոխհարաբերությունների նպատակն է զրուցակցի ռեակցիան։ Մարդ նույնիսկ կարող է լուռ մնալով հաղորդակցվել և ազդել դիմացինի վրա՝ ակնկալելով որոշակի ռեկացիա, ունենալով նպատակ, որ դիմացինը իր լռության մեջ կտեսնի ինչ որ մեսիջ և նրա մոտ կստեղծվի համապատասխան տրամադրություն կամ նա այդ լռության ակտից կհասկանա և կտեսնի այնքան շատ տեղեկություններ և վերաբերմունք, որ ոչ մի խոսք ի վիճակի չէր այդքան կարճ ժամանակում այդքան շատ միտք փոխանցել։
Եթե այս կտրվածքով նայենք, ապա ցանկացած զրույց, այդ թվում և քո գրառումները կատարյալ տրյուկներ և պրյոմներ են։
Այնուամենայնիվ փորձեմ ուշադրություն դարձնել ասվածի բովանդակությանը և ոչ թե ասելու ձևին։
Lion ջան, մեջբերում եմ քո խոսքերը՝
Ես ընդամենը թվարկել եմ ազգային մտածողություն ցուցաբերող և պետությունը ամրացնող ոլորտներում Եհովայի վկաների վարքը և խնդրել, որ դու ասես, թե այդ անելով ինչպե՞ս են Եհովայի վկաները դրսևորում «ապազգային մտածողություն» և ինչպես են «թուլացնում մեր պետականությունը»։
Իսկ դու պատճառաբանելով, որ դրանք տրյուկներ են հրաժարվում ես կոնկրետ պատասխաններ տալ։
Lion ջան, արի չբարդացնենք պարզ հարցը։ Իմ հարցն է. Հայաստանի Հանրապետության ազնիվ քաղաքացին դրսևորո՞ւմ է ապազգային մտածելակերպ և թուլացնո՞ւմ է պետությունը։
Որ փիլիսոփայությունից վերադառնանք իրականություն առաջարկում եմ կոնկրետ փաստով խոսենք. ես Եհովայի վկա եմ և ազնիվ եմ վարվում պետության և համաքաղաքացիներիս հետ՝ չեմ մասնակցում քցման արարողությունների, չեմ խաբում գործատիրոջս, չեմ կեղծում փաստաթղթեր և այլ նմանատիպ բաներ։
Հարցս հետևյալն էր. այս արածս, որը համապատասխան մտածելակերպի արդյունք է, ինչո՞վ է ապազգային և ինչո՞վ է թուլացնում պետությանը։
Lion, իսկ դու տեղյա՞կ ես բոլոր մանրամասներին և գիտե՞ս, որ պատճառը Եհովայի վկա լինելն է եղել։
Եթե խոսեմ կոնկրետ դեպքի մասին, ապա ունեմ մի ծանոթ, ով հենց ամուսնության սկզբից ուներ խնդիրներ կնոջ հետ, սակայն կինը հղի էր, հետո էլ երեխան ծնվեց և ամուսինը նպատակահարմար չէր գտնում ամուսնալուծվել։ Ամուսինը այդ ընթացքում իր համար հանգիստ պահում էր սիրուհի և միշտ ուներ խնդիր կնոջ հետ։
Երբ երեխան արդեն 3-4 տարեկան էր և հենց այդ ժամանակ կինը դարձավ Եհովայի վկա, խելացի ամուսինը դիմեց դատարան և պահանջեց ամուսնալուծություն՝ երեխայի խնամքի իրավունքով պատճառաբանելով, որ կինը վկա է դարձել քանդել է իր ընտանիքը, երեխային ուզում է բալկոնից դուրս շպրտի և այլն.... Ես ինքս ճանաչել եմ այդ ընտանիքը և պարզից էլ պարզ տեսել եմ, թե ինչ իրավիճակում են իրենք եղել։ Բայց երբ կարդացի ԶԼՄ-ների տրամադրած տեղեկությունները աչքերս ճակատիս թռավ։ Փաստորեն կատարյալ հոր կերպարը փրկեց իր մանկիկին աղանդավոր և երեխային սպանել ցանկացող մոլեռանդ մոր ձեռքերից։
Տարիներ հետո, սակայն մինչև վճռաբերկ հասնելով, կինը վերջապես կարողացավ ապացուցել ամուսնու ներկայացրած տեղեկությունների կեղծ և սխալ լինելը և ստացավ երեխայի խնամքի իրավունքը։
Սա դասական օրինակ է, թե ինչպես ես վկաները ընտանիք քանդում։
Իսկ ես հիմա կրկին խոսեմ իմ օրինակից։ Եթե ես դաստիարակված լինելով Աստվածաշնչով սիրում եմ կնոջս և նվիրված եմ նրան և նույնիսկ ամենագայթակղիչ իրավիճակներում կարող եմ ինքս ինձ ղեկավարել և տարիների ընթացքում փորձում եմ ավելի խորացնել մեր մտերմությունը և ընկերությունը և նույնը անում է նա։ Դա ապազգայի՞ն է, թուլացնո՞ւմ է պետականությունը։
Եթե ընկերս, ով նույնպես Եհովայի վկա է, իր երեխային դաստիարակում է, որպես բարեխիղճ քաղաքացի, փոքրիկ տարիքից սովորեցնելով, որ հարկավոր է հարգել դիմացի մարդուն, հարկավոր է հարգալից լինել տարիքով մեծերի հետ, հարկավոր է հարգել պետության ներկայացուցիչներին և հնազանդվել օրենքներին, հարկավոր է լավ ուսում ստանալ, որ հետագայում ունենա լավ աշխատանք և ապահովի իրեն և իր ընտանիքին, որ հարկավոր է հեռու մնալ վատ շրջապատից, արդյո՞ք սա ապազգային է և թուլացնում է պետականությունը։
Ու նկատիր, որ ես ինձ ոչ մի պրյոմ չեմ վերագրում։ Եթե ինձ Աստվածաշունչը շատ օգնել է և կերտել է այս ձևի անձնավորություն, սո՞ւտ ասեմ, ինչ ա որ կողքից դա որպես պրյոմ չդիտվի՞։
Lion, շատ եմ խնդրում, վերադարձիր մեր անցած գրառումներին և տես, թե ինքդ ինչ ես գրել։ Մեջբերելով իմ հարցը տվել ես հետևյալ մեկնաբանությունը՝
Ես խոսել եմ այն մասին, որ Եհովայի վկա դառնալով հանցագործը դադարում է հանցագործ լինել։ Իսկ ոչ հանցագործ մարդն էլ սովորում է, որ նույնիսկ ծայրահեղ վիճակում գտնվելով չպետք է կատարի հանցագործություն, իսկ դու իմ այդ գրառմանը ի պատասխան գրել ես «աննկատ որդի» մասին, և ի՞նչ հնարք եմ ես գործածել։
Ու նկատիր, որ դու կրկիին չես պատասխանել այդ նշածս ապազգայի՞ն է, թուլացնո՞ւմ է պետականությունը։
Լիոն ջան, ես բերել եմ կոնկրետ փաստ և ուզում եմ իմանալ, ուզում եմ հասկանալ, թե ինչպե՞ս է այդ կոնկրետ փաստը՝ այդ հանցագործի հանցագործ կյանքից հրաժարվելը և իր կյանքում դրական փոփոխություններ կատարելը, և Հայաստանում նմանատիպ տասնյակ դեպքերը ապազգային և ինչպե՞ս են թուլացնում պետությունը։
Բայց դու խոսում ես Հայոց Ազգի կործանման մասին։ Ես կոնկրետ այս դեպքի(երի) մասին եմ խոսում։
Այո՛ ճիշտ ես, ընդունում եմ, որ գրառումիցդ արտագաղթին կամ արտաքսմանը կողմ լինելուդ մասին եզրահանգման գալու հիմքեր չեմ ունեցել և ներողություն եմ խնդրում, քանի որ դա ճիշտ չի եղել իմ կողմից և վիրավորել է քեզ։
Իսկ ես արդեն նշածս և մի քանի այլ չնշված և չքննարկված երևույթներից ելնելով կարծում եմ, որ Եհովայի վկաները շատ բարեխիղճ քաղաքացիներ են պետության համար։
Իսկ ստեղծելով այնպիսի պայմաններ, որ Եհովայի վկաները հեռանան Հայաստանից արդյո՞ք դա պետությունն ամրացնող և ազգային քայլ է։
Մեջբերել
Էջանիշներ