Քաղաքական լրահոս

[Տրիբուն]

Վերջ, երկխոսությունն այլևս կայացած փաստ է

Համաներում

Հիմք ընդունելով Հայաստանի Հանրապետության Սահմանադրության 81-րդ հոդվածի առաջին մաuի 1-ին կետը և «Ազգային ժողովի կանոնակարգ» օրենքի 90-րդ հոդվածը՝ ՀՀ նախագահ Սերժ Սարգսյանն այսօր դիմել է ՀՀ Ազգային ժողովին՝ Հայաստանի Հանրապետության անկախության 20-րդ տարեդարձի կապակցությամբ համաներում հայտարարելու առաջարկությամբ:

Ախպերություն

[Ձայնալար]

«Ոսկեղենիկ» համաներմանը՝ դրական եզրակացություն

ԱԺ պետաիրավական հարցերի մշտական հանձնաժողովն այսօր դրական եզրակացություն է տվել Սերժ Սարգսյանի՝ ԱԺ ներկայացրած համաներման առաջարկին:

Երկուշաբթի մեկնարկող ԱԺ քառօրյայում համաներման առաջարկը կներկայացվի պատգամավորներին: Իսկ մինչ այդ համաներման առաջարկի տեքստը գաղտնի է պահվում:

ԱԺ պետաիրավական հարցերի մշտական հանձնաժողովի անդամ Հովհաննես Սահակյանը մեզ հետ զրույցում տեղեկացրեց, որ այս համաներումը լինելու է աննախադեպ՝ իր ծավալների մեջ: Սահակյանը հրաժարվեց բովանդակային մանրամասներ հաղորդել, միայն նշեց, որ հանձնաժողովի նիստում Հրայր Թովմասյանը, ներկայացնելով համաներման տեքստը, այն որակել է որպես «ոսկեղենիկ համաներում»:

http://www.1in.am/arm/armenia_right_20289.html

Համաներման ոսկեղենիկը ո՞րն ա

[Artgeo]

Վրաստանի խորհրդարանը միաձայն ճանաչեց ցեղասպանությունը

Վրացական Apsny.ge կայքի փոխանցմամբ, Վրաստանի խորհրդարանն այսօրվա նիստում հավանության է արժանացրել Ցարական Ռուսաստանի կողմից իրականացված չերքեզների ցեղասպանությունը ճանաչող բանաձևը:

Այդ բանաձևի օգտին քվեարկել է 95 պատգամավոր, իսկ դեմ արտահայտվողներ ու ձեռնպահ մնացողներ չեն գրանցվել:

Նշվում է, որ այս խնդրի լուծումը Վրաստանում ձգձգվում էր 1.5 տարի շարունակ:

Հիշեցնենք, որ երեկ Վրաստանի խորհրդարանի 4 կոմիտեները աջակցել են այն բանաձևի նախագծին, որը 19-րդ դարում Ռուսական կայսրության կողմից իրականացված չերքեզների զանգվածային սպանություններն ու բռնագաղթը ճանաչում է որպես ցեղասպանություն:

Չերքեզները նշում են, որ ավելի քան 100 տարի տևած ռուս-չերքեզական պատերազմի (1763-1864 թթ. Կովկասյան պատերազմներ) և Ռուսական կայսրության ծավալման դեմ չեքեզական դիմակայության հետևանքով Կովկասի ամենաբազմամարդ ժողովուրդներից մեկը կորցրել է իր բնիկ հայրենիքը` Չերքեզիան, ինչի արդյունքում չերքեզները ցրվել են աշխարհի ավելի քան 50 երկրներում, իսկ հայրենի տարածքները՝ դատարկվել բնիկներից:

http://www.1in.am/arm/regional_georgia_20290.html

[Ձայնալար]

Չերքեզները էդքան հետաքրքիր չեն, բայց Միշան ԿԳԲ-շնիկներին ա ուզում բացահայտի՝ ասել է թե վարջնականապես անկախանում ա ռուսական կայսրությունից: Հալալ ա:

Վրաստանը ջախջախիչ հարված է պատրաստել խորհրդային անցյալի դեմ

Վրացական News Georgia կայքի փոխանցմամբ, Վրաստանը պատրաստվում է գազտնազերծել ԽՄԿԿ նախկին անդամների ու խորհրդային հատուկ ծառայությունների աշխատակիցների անունները: Համապատասխան օրինագիծը ստացել է «Ազատության խարտիա» անվանումը: Վրաց խորհրդարանականները պլանավորում են դա քվեարկել մոտակա նիստի ժամանակ:

Այդ խարտիայով սահմանվում են այն կանխարգելիչ միջոցները, որոնք անհրաժեշտ են կոմունիստական ու ֆաշիստական գաղափարախոսությանը հակազդելու համար: Բացի այդ, այն ենթադրում է պաշտոնների անցման հարցում սահմանափակումներ կիրառել ԽՍՀՄ հատուկ ծառայությունների նախկին աշխատակիցների, ինչպես նաև Կոմունիստական կուսակցության նախկին բարձրաստիճան պաշտոնյաների ու կոմսոմոլների նկատմամբ:

Այդ անձինք չեն կարող աշխատանքի անցնել երկրի ներկայացուցչական կամ գործադիր մարմիններում, Անվտանգության խորհրդում, նախարարների կաբինետում, նախագահի աշխատակազմում, խորհրդարանական ապարատում, կառավարչական գրասենյակներում և այլն:

Այդ դասի մարդկանց համար աշխատանքային սահմանափակումներ են մտցվելու պաշտպանության ու ներքին գործերի նախարարություններում, օպերատիվ ստորաբաժանումներում, նրանց կոչումը չի կարող հասնել փոխգնդապետի և ավելի բարձր:

Նրանք չեն կարող լինել նաև դատավորներ, ռեկտորներ ու դրանց տեղակալներ, դեկաններ ու ամբիոնի վարիչներ: Նրանց աշխատանքն արգելված է Հասարակական հեռուստատեսությունում:

Խարտիայի համաձայն` Վրաստանի հասարակական վայրերում չպետք է գտնվեն խորհրդային խորհրդանշաններով հուշարձաններ, քանդակներ, խորաքանդակներ ու նկարներ: Բացի այդ, փոխվելու են այն քաղաքների, գյուղերի ու փողոցների անվանումները, որոնք հիշեցնում են խորհրդային անցյալի մասին:

Մասնագետներից ու պատմաբաններից բաղկացած հատուկ հանձնաժողովը որոշելու է, թե որ խորհրդանիշն է մնալու, իսկ որը տեղափոխվելու Օկուպացման թանգարան:

Նշվում է, որ վրացական կողմը պատրաստվում է Ցարական Ռուսաստանի կողմից չերքեզների ցեղասպանության ճանաչումից հետո ճանաչել նաև հյուսիսկովկասյան մյուս ժողովուրդների ցեղասպանությունը (Ցարական Ռուսաստանի կողմից):

Հիշեցնենք, որ երեկ վրացական խորհրդարանը միաձայն (95 կողմ, 0 դեմ, 0 ձեռնպահ) վերջակետ դրեց 1.5 տարի ձգձգվող չերքեզների ցեղասպանության ճանաչման հիմնախնդրին:

http://www.1in.am/arm/regional_georgia_20345.html

[Ձայնալար]

Մոդերատորական. լրատվություն չպարունակող գրառումների մի մասը ջնջվել է, մի մասը՝ տեղափոխվել այստեղ:

Ուշադրություն. որոշվել է այսուհետ սույն բաժնում արգելել քննարկումներն ու մեկնաբանությունները: Թեմայում լինելու է միայն լրահոս: Մեկնաբանությունները կխնդրեմ անել «Քաղաքական քննարկումներ՝ թեմայից դուրս» կամ մեկ այլ համապատասխան թեմայում, եթե այդպիսին լինի: Ցանկացած մեկնաբանություն համարվելու է թեմայից դուրս և ջնջվելու է՝ համապատասխան հետևանքներով:

[Mephistopheles]

Խորհրդարանական ընտրություններին մասնակցելու ենք առանձին. Գագիկ Ծառուկյան

14:37 • 23.05.11


«Բարգավաճ Հայաստան» կուսակցության նախագահ Գագիկ Ծառուկյանն այսօր խորհրդարանում լրագրողների հարցին ի պատասխան հայտարարեց, որ իր ղեկավարած կուսակցությունը խորհրդարանական ընտրություններին մասնակցելու է առանձին:

«Իհարկե, մենակ ենք գնալու, ինչի՞ մասին է խոսքը»,- ասաց Ծառուկյանը՝ ավելացնելով, որ փոքր կուսակցությունները պետք է միանան մեծերին:

Հարցին, թե այդ դեպքում ինչո՞ւ ԲՀԿ-ն ստորագրեց կոալիցիոն հուշագրի թարմացված տեքստը, Գագիկ Ծառուկյանը պատասխանեց. «Ես էդ հարցին պատասխանել եմ՝ որ մեր երկրի նախագահն իրեն հզոր զգա»:



Tert.am

[Chuk]

Հենց նոր ԱԺ նախագահ Հովիկ Աբրահամյանը հայտարարեց Համաներում հայտարարելու մասին Սերժ Սարգսյանի առաջարկը ԱԺ-ում արտահերթ կարգով քննարկելու մասին: Հիմա Արդարադատության նախարար Հրայր Թովմասյանը ներկայացնում է համաներում հայտարարելու մասին տեքստը:

Աղբյուր՝ Լրագիր

[Chuk]

ՀԱԿ-ի ներկայացուցիչներից մեկի կողմից ևս մեկ անգամ հավաստիացում, որ երկխոսությունը լինելու է միայն արտահերթ ընտրությունների շուրջ.

Նախ նախագահի, հետո ԱԺ ընտրություն

ՀՀՇ վարչության նախագահ Արամ Մանուկյանը, խոսելով Կոնգրես-իշխանություն երկխոսության թեմայով, ասել է, որ երկխոսություն լինելու է իշխանության հանձնման, խորհրդարանի ու նախագահի արտահերթ ընտրության մասին:

Հարցին, թե հավատո՞ւմ է արդյոք, որ կլինեն արտահերթ ընտրություններ, Արամ Մանուկյանն ասել է, որմեկ տարի առաջ ոչ ոք չէր հավատա Ազատության հրապարակի վերանվաճմանը, չէր հավատա, որ իշխանությունը կհայտնվի այսքան ծանր վիճակում:

Արամ Մանուկյանը նշել է, որ այդ ամենը գրագետ քաղաքականության եւ ժողովրդի հաստատակամ պայքարի արդյունք է, եւ ամեն ինչ կախված է պայքարի գրագետ քաղաքականության շարունակությունից, հնարավորության դեպքում ավելացնելով ճնշումը:

“Այս ամբողջ գործընթացը, մեր ամբողջ գործունեությունը միտված է արտահերթ ընտրություններին, նախագահական, հետո խորհրդարանական”, ասել է Արամ Մանուկյանը:

Աղբյուր՝ Լրագիր

[Ձայնալար]

ՀՀ ԱԺ որոշում համաներում հայտարարարելու մասին (նախագծի ամբողջական տեքստը)

[Chuk]

Ազգային ժողովում այսօր հետաձգվեց ՀՀ նախագահի համաներման առաջարկի քննարկումը: Այս մասին հայտարարեց արդարադատության նախարար Հրայր Թովմասյանը՝ նշելով, որ ինքը վաղը կներկայացնի համաներման առաջարկի վերջնական տարբերակը:

Նշենք, որ Հայաստանի նախագահը Հայաստանի անկախության 20-ամյակի կապակցությամբ համաներում հայտարարելու առաջարկով դիմել է խորհրդարանին:

Աղբյուր՝ tert.am

Եթե ես ճիշտ եմ հասկանում, ապա ներկայիս տարբերակը (նայիր վերևի գրառման մեջ) չի տարածվում մասնավորապես Նիկոլ Փաշինյանի վրա:
Սպասենք ավելի լուրջ մեկնաբանությունների:

[Տրիբուն]

Էս էլ մեկնաբանությունը

Մեխը Սասունի եւ Նիկոլի հարցն է

Եվ հազիվ թե իշխանությունը, Սերժ Սարգսյանն ինքը չհասկանա, չգիտակցի իրավիճակի այդ նրբությունը: Հետեւաբար դժվար է պատկերացնել, որ իշխանությունը կգտնվի այդքան անխոհեմ եւ անհեռատես, որ Սասունին կամ Նիկոլին թողնի բանտում: Այդ դեպքում ընդամենը կմնա միայն կարծել, որ կամ Սերժ Սարգսյանը, Վիկտոր Դալլաքյանի բառերով ասած, նույնքան քինախնդիր է, ինչքան Ռոբերտ Քոչարյանը, կամ էլ պարզապես այդ ամենը տեղավորվում է ներքաղաքական երկխոսության արդի տրամաբանության մեջ, եւ իշխանությունը պարզապես փորձում է մի քիչ սրել իրավիճակը եւ ընդդիմությանը տալ ռադիկալ գործողությունների` մասնավորապես այսպես ասած “Լեւոն Զուրաբյանի նստացույցի” առիթ, իրավիճակը փոքր ինչ ռադիկալացնելու միջոցով այսպես ասած գործարքի կասկածները ցրելու համար:

[Տրիբուն]

Էս ավելի շուտ քաղաքական հումորի ա ձգում

Համաներումը կապված չէ մարտի 1-ի հետ
.......
Իսկ կտարածվի՞ համաներումը քաղհալածյալ Վանո Սիրադեղյանի վրա, նախարարը նշեց, թե ինքը նման տեղեկություններ չունի:

Արդարադատության նախարարն ասում ա, որ ինքը նման տեղեկություն չունի: Ղամազ, բա ո՞վ ունի: Կամ ի՞նչ ա նշանակում տեղեկություն չունես, չե՞ս կարում նայես էտ հոդվածների տակ ընկնում ա, թե չէ: Տարել ա սաղին:

[Kuk]

Համաներումն ընդունվեց

Քիչ առաջ ԱԺ-ում քվեակության դրվեց համաներման մասին Սերժ Սարգսյանի միջնորդությունը և այն ընդունվեց 91 կողմ, 1 ձեռնպահ և 0 դեմ ձայներով:

http://1in.am/arm/armenia_politics_20919.html

[Mephistopheles]

Քոչարյանը ստում է

Երեկ Ռոբերտ Քոչարյանի գրասենյակի ղեկավար Վիկտոր Սողոմոնյանը Մեդիամաքս-ին ասել էր, թե Ռոբերտ Քոչարյանը երեքշաբթի օրը ՌԴ վարչապետի մերձմոսկովյան նստավայրում հանդիպել է Ռուսաստանի վարչապետ Վլադիմիր Պուտինի հետ:

Սակայն երեկ`ավելի ուշ, ռուսաստանյան Ռեգնում գործակալությունը տարածեց մի հաղորդագրություն, ըստ որի Քոչարյանի Պուտինին չի հանդիպել, ինչի մասին ռուսական պետական լրատվական գործակալությանը հավաստիացրել է ՌԴ կառավարության աշխատակազմի ներկայացուցիչը` պնդելով, որ «Քոչարյան-Պուտին հանդիպում չի եղել»։
00:36 Քաղաքական | Ուրբաթ 27.05.201

1in.am

[Chuk]

Սասուն Միքայելյանը ազատ արձակվեց

Հենց նոր «Դատապարտյալների հիվանդանոց» ՔԿՀ-ից ազատ արձակվեց նախկին պատգամավոր Սասուն Միքայելյանը։ Նախ շենքից դուրս բերեցին նրա իրերը։ Առավոտից Սասուն Միքայելյանին էին այստեղ սպասում նրա բազմաթիվ համակիրները, համագյուղացիներն ու մարտական ընկերները։

Այս պահին «Արթիկ» ՔԿՀ-ի մոտ բազմաթիվ մարդիկ սպասում են «Հայկական ժամանակ» օրաթերթի գլխավոր խմբագիր Նիկոլ Փաշինյանի ազատ արձակմանը։

Աղբյուր՝ tert.am