Քաղաքական լրահոս

[Mephistopheles]

Ընդդիմության մեջ բաժանարար գծերի մեղավորը «Ժառանգությունը» չէ. Ստյոպա Սաֆարյան
09:53 • 18.03.11




«Եթե երեկ ընդդիմության միջև դրվեցին բաժանանար, մեկուսացման գծեր, ապա դրանց մեղավորը «Ժառանգությունը» չէ»,- Tert.am-ին ասաց ԱԺ «Ժառանգություն» խմբակցության ղեկավար Ստյոպա Սաֆարյանը՝ անդրադառնալով Հայ ազգային կոնգրեսի երեկվա հանրահավաքին և դրան հաջորդած իրադարձություններին։ Նշենք, որ ՀԱԿ առաջնորդները, երեկ երեկոյան մուտք գործելով Ազատության հրապարարակ, չմոտեցան այնտեղ հացադուլ անող «Ժառանգություն» կուսակցության առաջնորդ Րաֆֆի Հովհաննիսյանին։

«Մարդիկ նշում են, որ լուրջ գործով են զբաղված, մենք չենք ուզում խանգարել, թող իրենց քաղաքականությամբ զբաղվեն»,- նշեց Սաֆարյանը:

Երեկ ՀԱԿ համակարգող Լևոն Զուրաբյանը, ի պատասխան հարցի, թե ինչու Կոնգրեսի առաջնորդները չեն մոտեցել Րաֆֆի Հովհաննիսյանին, ասել է. «Մենք լուրջ քաղաքականությամբ ենք զբաղվում»:


Tert.am

[Ձայնալար]

Երևանի փողոցներում լսվում էր «ՀԻՄԱ՛, ՀԻՄԱ՛» և «Ազատ, անկախ Հայաստան». օտարերկրյա մամուլ

Այսօր մի շարք օտարերկրյա հայտնի լրատվամիջոցներ անդրադարձել են Հայ ազգային կոնգրեսի երեկ կայացած հանրահավաքին: The New York Times-ը գրում է, որ հակակառավարական ցույցը, որը երեկ տեղի ունեցավ Երևանում և հավաքել էր ավելի քան 10 հազար մարդ, պահանջում էր նոր ընտրություններ և իրենց գործընկերների ազատ արձակում: Նրանց առաջնորդ Լևոն Տեր-Պետրոսյանը նշել է, որ ընդդիմադիր այս շարժումը ոգեշնչվել է արաբական աշխարհի հեղափոխություններով, և խոստացել է, որ ցանկացած իշխանական փոփոխություն պետք է լինի խաղաղ: Թերթը գրում է, որ ցույցերը սկսվել են փետրվար ամսին, երբ նշվում էր 2008 թ. նախագահական ընտրություններից հետո ցուցարարների նկատմամբ կիրառված բռնությունների երրորդ տարելիցը:

Գոչելով «Ազատ, անկախ Հայաստան» և «ՀԻՄԱ՛, ՀԻՄԱ՛»՝ հայերն անցան Երևանի փողոցներով և մտան Ազատության հրապարակ` այստեղ անցկացնելով առաջին հանրահավաքը 2008 թ. դեպքերից ի վեր, երբ անվտանգության ուժերը առնվազն 10 մահի պատճառ դարձան: Այս մասին գրում է Eurasianet.org կայքը:

Կայքը նշում է նաև, որ հանրահավաքից երկու օր առաջ այստեղ հացադուլ է հայտարարել ընդդիմադիր առաջնորդ Րաֆֆի Հովհաննիսյանը: Ընդդիմության կազմակերպիչներն էլ Ազատության հրապարակ վերադարձան որպես հաղթողներ` փորձելով օգտվել քաղաքացիական բողոքի ալիքից և ճնշում գործադրել Սերժ Սարգսյանի իշխանության վրա:

Երեկվա հանրահավաքին անդրադարձել են նաև մի շարք գործակալություններ` France Presse, Reuters, RIA-Novosti, Ֆրանսիական RADIO France Internacionale-ռուսական ծառայությունը:

Գերմանական հայտնի Deutsche Welle-ն գրել է, որ «հայկական ընդդիմությանը հաջողվեց տոնել առաջին հաղթանակը»: Ընդ որում, դա համընկավ եվրոպական բարձրաստիճան պաշտոնյաների` ԵԽԽՎ համազեկուցողներ Ջոն Պրեսկոտի և Ակսել Ֆիշերի, ինչպես նաև ԵԱՀկ գործող նախագահ, Լիտվայի արտաքին գործերի նախարար Աուդրյունոս Աջուբալիսիի այցերի հետ:

Deutsche Welle-ն գրում է, որ դեռ նախօրեին Երևանում տարածվել էին ասեկոսեներ, թե ընդդիմությունը փորձ է անելու մտնել Ազատության հրապարակ, որը փակ է եղել 2008 թ. մարտի 1-ից: Գերմական աղբյուրը նշել է մասնակիցների 35-40 հազար թիվը:

Բավականին զգուշավոր են եղել ռուսական լրատվամիջոցները, որոնք հիմնականում փոխանցել են պաշտոնական տեղեկատվություն, կամ լուրեր` վերցված իշխանական լրատվամիջոցներից:

http://www.1in.am/arm/press_puseurop_13291.html

[Askalaf]

Այսօր մի շարք օտարերկրյա հայտնի լրատվամիջոցներ անդրադարձել են Հայ ազգային կոնգրեսի երեկ կայացած հանրահավաքին: The New York Times-ը գրում է, որ հակակառավարական ցույցը, որը երեկ տեղի ունեցավ Երևանում և հավաքել էր ավելի քան 10 հազար մարդ, պահանջում էր նոր ընտրություններ և իրենց գործընկերների ազատ արձակում:
...
Երեկվա հանրահավաքին անդրադարձել են նաև մի շարք գործակալություններ` France Presse, Reuters, RIA-Novosti, Ֆրանսիական RADIO France Internacionale-ռուսական ծառայությունը:

Գերմանական հայտնի Deutsche Welle-ն գրել է, որ «հայկական ընդդիմությանը հաջողվեց տոնել առաջին հաղթանակը»: Ընդ որում, դա համընկավ եվրոպական բարձրաստիճան պաշտոնյաների` ԵԽԽՎ համազեկուցողներ Ջոն Պրեսկոտի և Ակսել Ֆիշերի, ինչպես նաև ԵԱՀկ գործող նախագահ, Լիտվայի արտաքին գործերի նախարար Աուդրյունոս Աջուբալիսիի այցերի հետ:

Deutsche Welle-ն գրում է, որ դեռ նախօրեին Երևանում տարածվել էին ասեկոսեներ, թե ընդդիմությունը փորձ է անելու մտնել Ազատության հրապարակ, որը փակ է եղել 2008 թ. մարտի 1-ից: Գերմական աղբյուրը նշել է մասնակիցների 35-40 հազար թիվը:

Բավականին զգուշավոր են եղել ռուսական լրատվամիջոցները, որոնք հիմնականում փոխանցել են պաշտոնական տեղեկատվություն, կամ լուրեր` վերցված իշխանական լրատվամիջոցներից:

Երեկվա հանրահավաքին անդրադարձել են նաև Վարշավայի համալսարանի ինֆորմացիոն բաժինը, Kaukaz.info կայքը, ինչպես նաև ARCANA պորտալը։

[h_jak]

Վերջ պայքարին՞, էսքանը՞

http://www.yerkir.am/am/news/4434.htm

[Chuk]

ՈՍՏԻԿԱՆՆԵՐԸ ՋԱՐԴԵԼ ԵՆ ՐԱՖՖԻ ՀՈՎՀԱՆՆԻՍՅԱՆԻ ԱՆՁՐԵՎԱՆՈՑԸ

Ազատության հրապարակում անժամկետ հացադուլ հայտարարած Ժառանգություն կուսակցության հիմնադիր Րաֆֆի Հովհաննիսյանին թույլ չեն տալիս անձրեւանոց ունենալ: Այսօր ոստիկանները խլել են նրա անձրեւանոցը եւ ջարդել: Մինչ այդ, նրան արգելվել է վրան տեղադրել:

Աղբյուր՝ Լրագիր

[Chuk]

ԱԺ պատգամավոր Լարիսա Ալավերդյանը այս պահին մի աթոռ է դրել Օպերայի դիմաց և չի պատրաստվում վեր կենալ, մինչև այնտեղ չգա ոստիկանապետի հատուկ ներկայացուցիչը:

Նրա առջև ընկած է մի կոտրված անձրևանոց:

Ըստ Լարիսա Ալավերդյանի անձրևանոցը կոտրել են ոստիկանները:Ժառանգություն կուսակցության ներկայացուցիչները պատրաստվում էին այդ անձրևանոցը տեղադրել Օպերայի բակում, որպեսզի դրա տակ գիշերի մարտի 15-ից այնտեղ հացադուլ անող Րաֆֆի Հովհաննիսյանը:

Լարիսա Ալավերդյանը վիրավորված է ոստիկանության պահվածքից:Ոստիկանները անձրևանոցը կոտրելիս հրել են նրան, ֆիզիկական ուժ կիրառել և վիրավորել նրա արժանապատվությունը:


Այս պահին Օպերայի բակում ոստիկաններ չկան,կան մի քանի տասնյակ մարդիկ:

Աղբյուր՝ Ա1+

[ministr]

Սա էլ նստացույցը...

[Elmo]

Արա դէ..

[Mephistopheles]

Աղբյուր՝ Ա1+

Չու՛կ, թեման անլրջության մի վերածի… տար քաղաքական հումորի բաԺնում դիր

[քաղաքացի]

Չու՛կ, թեման անլրջության մի վերածի… տար քաղաքական հումորի բաԺնում դիր

Անլուրջն էն ա, որ ՀԱԿը՝ էսօրվա այսպես կոչված քաղաքական ամենաուժեղ ընդդիմությունը, որ պայքարելու են մինչև արտահերթ ընտրություններ և այլն, լավագույն դեպքում ամիսը մեկ հանրահավաք ա կազմակերպում շվարած ժողովրդին 1 ամսվա քաղաքական ամփոփումներ ա կարդում այնուհետև ուղարկում տներով: Հա մոռացա ասեմ 3 տարին մեկ էլ անակնկալ ա անում:

Լուրջ բան ես ուզո՞ւմ: Ասեմ լուրջը որն ա: Եթե հասել ես կրիտիկական վիճակին, որ էլ ապրել չի լինի ու էլ չես կարողանում սպասել հաջորդ լևոնամենախոսությանը, ապա երկու տարբերակ կա.
1. Ունեցած չունեցածդ ծախում ես կամ բարտեր ինքնաթիռի մի ուղղությամբ ՀՀ-ից դուրս:
2. Անհնազանդություն, խուլիգանություն, անարխիա: Հիմա կասեք չեն մասնակցի ու ես կծիծաղեմ: Հայ ժողովրդի ցավոք մեծ մասի երազանքն է քաչալ ախրանա դառնա: Ինչո՞ւ, որորվհետև զգում են թե ինչ ուժ կա դրա մեջ, տեսնում են թե ինչեր են կարողանում անել այդ սափրագլուխները: Իսկ հենց տեսնեն, որ անհնազանդությունն ու անարխիան կարող են ավելին անեն ինչ անում են սափրագլուխներն ու օլիգարխները, էդ դեպքում բոլորը կմիանան: Այս կետի միակ խնդիրը այդ ամենը ղեկավարելն է, կարգի մեջ պահելը և ամենակարևորը փոփոխությունից հետո այդ իներցիայի դեմն առնելն է:


Անլուրջն են ա, որ պահանջում ենք հրաժարական կամ արտահերթ ընտրություններ: Չէմիչէ, Բախվի նավթի բիզնեսն ենք պահանջում: Հավասարազոր չլնող բաներ են:
Իշխանաթոխություն ես ուզում, տակից սկսի՝ Նիկոլի պես մարդկանց պատրաստի: Սերժիկը կմնա այնքան քանի դեռ դու «սերժիկ հեռացիր» ես գոռում:

[Mephistopheles]

Անլուրջն էն ա, որ ՀԱԿը՝ էսօրվա այսպես կոչված քաղաքական ամենաուժեղ ընդդիմությունը, որ պայքարելու են մինչև արտահերթ ընտրություններ և այլն, լավագույն դեպքում ամիսը մեկ հանրահավաք ա կազմակերպում շվարած ժողովրդին 1 ամսվա քաղաքական ամփոփումներ ա կարդում այնուհետև ուղարկում տներով: Հա մոռացա ասեմ 3 տարին մեկ էլ անակնկալ ա անում:

Լուրջ բան ես ուզո՞ւմ: Ասեմ լուրջը որն ա: Եթե հասել ես կրիտիկական վիճակին, որ էլ ապրել չի լինի ու էլ չես կարողանում սպասել հաջորդ լևոնամենախոսությանը, ապա երկու տարբերակ կա.
1. Ունեցած չունեցածդ ծախում ես կամ բարտեր ինքնաթիռի մի ուղղությամբ ՀՀ-ից դուրս:
2. Անհնազանդություն, խուլիգանություն, անարխիա: Հիմա կասեք չեն մասնակցի ու ես կծիծաղեմ: Հայ ժողովրդի ցավոք մեծ մասի երազանքն է քաչալ ախրանա դառնա: Ինչո՞ւ, որորվհետև զգում են թե ինչ ուժ կա դրա մեջ, տեսնում են թե ինչեր են կարողանում անել այդ սափրագլուխները: Իսկ հենց տեսնեն, որ անհնազանդությունն ու անարխիան կարող են ավելին անեն ինչ անում են սափրագլուխներն ու օլիգարխները, էդ դեպքում բոլորը կմիանան: Այս կետի միակ խնդիրը այդ ամենը ղեկավարելն է, կարգի մեջ պահելը և ամենակարևորը փոփոխությունից հետո այդ իներցիայի դեմն առնելն է:


Անլուրջն են ա, որ պահանջում ենք հրաժարական կամ արտահերթ ընտրություններ: Չէմիչէ, Բախվի նավթի բիզնեսն ենք պահանջում: Հավասարազոր չլնող բաներ են:
Իշխանաթոխություն ես ուզում, տակից սկսի՝ Նիկոլի պես մարդկանց պատրաստի: Սերժիկը կմնա այնքան քանի դեռ դու «սերժիկ հեռացիր» ես գոռում:

ՀԱԿ-ը եթե ընդհանրապես քաղաքականությունից դուրս գա ու ցրվի, մեկա Րաֆֆու բեղերն ու Լարիսի զոնթիկը խնդալու ա քաղաքացի ջան… չհաշված իրա "ստորագրությունների մատյանը" …

…բայց եթե իսկականից լուրջ ապա էս րոպեին, էսօր, էս էտապում, քո ամենօրյա ակցիանրը, կարող ա քեզ ավելի հիասթափեցնի… մարդկանց չես կարող շուրջօրյա պահել ու ձանձրացնել եթե բանակցությունների մեջ ես ու նպատակդ կոնֆրոնտացիան չի (իրականում շուրջօրյա ակցիաները մեզ մոտ կոնֆրոնտացիա ա)…

Քաղաքացի ջան, դու ուզում ե՞ս կոնֆրոնտացիա… ես չեմ ուզում, եթե ուզեի կգնայի Լարիսի հետ Րաֆֆու գլխին զոնթիկ կպահեի ու միրուքս ընենց կթրաշեի որ ամբողջ աշխարհը շոկի մեջ կլներ, հետն էլ ծոմ կպահեի Րաֆֆու հետ… ուղղակի վախս գիտե՞ս որն ա որ կարող ա Րաֆֆին վաղը-մյուս-օր ծոմից դուրս գա ես մնամ շվար… ու դուրս գա մի բանի համար… որ սովածությանը չի դիմանում…

ապեր Նիկոլի պես տղերքը դու ինձնից լավ գիտես որտեղ են պատրաստվում… էս տեսակի շարժումներում…

[Tig]

Արմավիրում ձերբակալել են քիք-բոքսինգի մարզիչին և արցախյան պատերազմի հերոսին
10:49 • 22.03.11

Արմավիրում ձերբակալվել է քիք-բոքսինգի միջազգային մրցաշարերի հաղթող, Քիք-բոքսինգի ազգային ֆեդերացիայի անդամ, մարզիչ Անուշավան Ալեքսանյանը։ Այս մասին Tert.am-ի խմբագրություն ահազանգել են Արմավիրի բնակիչները։

Tert.am-ին ուղղված նամակում, մասնավորապես, նշվում է, որ Անուշավան Ալեքսանյանը տեսել է, թե ինչպես է ոմն Տիգրան մարտի 20-ին Արմավիրում տեղի ունեցած քաղաքապետի ընտրությունների ժամանակ հենց ոստիկանների աչքի առաջ ընտրակաշառք բաժանում։

«Քաղաքապետ Ռուբեն Խլղաթյանի միջամտությամբ ընտրակաշառք բաժանողը բաց է թողնվել, իսկ Անուշավանի դեմ քրեական գործ է հարուցվել մարդ փախցնելու մեղադրանքով։ Այդպես է ոստիկանությունը շնորհակալ լինում այն մարդկանց, ովքեր փորձում են հանցագործություններ կանխել»,- նշվում է նամակում։

Անուշավան Ալեքսանյանի ձերբակալության և Արմավիրի քաղաքապետի կեղծված ընտրությունների դեմ բողոքող երիտասարդները մարտի 21-ին փակել էին Արմավիր-Երևան մայրուղին։ Նրանց մոտեցել և ցրվելու կոչ է արել արտգործնախարարության նախկին աշխատակից, արցախյան պատերազմի հերոս Դմիտրի Մարտիրոսյանը։
«Երբ արդեն ցուցարարները սկսում էին ցրվել, մոտեցել է Ոստիկանության Արմավիր քաղաքի վարչության պետը, այնուհետև քաշքշուկ է սկսվել Դմիտրի Մարտիրոսյանի հետ, օգտվելով իր ծառայողական դիրքից՝ դաժան ծեծի է ենթարկել նրան։ Այժմ Դմիտրին գտնվում է կալանքի տակ»,- նշում են նամակագիրները։

Արմավիրի բնակիչները նաև ահազանգում են, որ երեկ ձերբակալվել են նաև «մի քանի անմեղ քաղաքացիներ»։

Տեղի ունեցածի վերաբերյալ ոստիկանությունից պարզաբանեցին հետևյալը.

«Մարտի 21-ին՝ ժամը15։35-ին, ոստիկանության Արմավիրի բաժնում ահազանգ է ստացվել, որ մի խումբ քաղաքացիներ Արմավիր-Երևան ճանպարհի 3-րդ կմ-ին երկկողմանի փակել են ճանապարհը:

Պարզվել է, որ մարտի 20-ին կայացած Արմավիրի քաղաքապետի ընտրությունների համար առաջադրված թեկնածու Սևակ Մ.-ի համախոհները՝ մոտ 90 մարդ, իրենց ավտոմեքենաներով փակել են Արմավիր-Երևան ավտոմայրուղու 3-րդ կմ-ի հատվածը՝ մոտ 1 ժամ խոչընդոտելով ավտոտրանսպորտի բնականոն երթևեկությունը:

Ոստիկանության ծառայողների ձեռնարկած միջոցառումների շնորհիվ վերականգնվել է մայրուղու բնականոն երթևեկությունը:

Նշված վայրից բերման է ենթակվել 5 մարդ:
Նախապատրաստված նյութերն ուղարկվել են քննչական բաժին»։

Նշենք, որ մարտի 20-ին կայացած Արմավիրի քաղաքապետի ընտրություններում քաղաքապետ է վերընտրվել ՀՀԿ անդամ Ռուբեն Խլղաթյանը՝ հավաքելով 6 849 ձայն։ Նրա հիմնական հակառակորդը «Եռասյուն» ՍՊԸ նախագահ, իրավաբան, անկուսակցական Սևակ Մինասյանն էր, ով ընտրություններում հավաքել է 5 811 ձայն։

Tert.am

[Sagittarius]

Արմավիրում ձերբակալել են քիք-բոքսինգի մարզիչին և արցախյան պատերազմի հերոսին
10:49 • 22.03.11

լավ են անում. հասնում ա մեզ՝ շախմատ խաղացողներիս, հացադուլ անողներիս, զոնտիկ խփողներիս:

[Norton]

Հայ ազգային կոնգրեսի հայտարարությունը.

Արմավիր քաղաքում քաղաքապետի ընտրություններն անցան, ինչպես եւ սպասելի էր, վարչախմբի չգրված օրենքների շրջանակներում։ Հօգուտ հանրապետական գործող քաղաքապետի կատարված համատարած խախտումները եւ կիրառված բռնությունները միայն լուծեցին վերեւից իջած հրահանգի կատարումը՝ թե ով պետք է դառնա քաղաքապետ։ Խնդիրը լուծվել է վերջին ժամերին ոստիկանության միջամտությամբ, ամեն տեղամասում ցույց տալով րոպեում 2 քվեարկություն։ Հենց դրա դեմ էլ ծառացավ հասարակական ընդվզումը, որին մասնակցեցին հարյուրավոր մարդիկ՝ որպես բողոքի հուսահատ քայլ՝ փակելով մայրուղին։ Բողոքի ակցիան ցրվել է Երևանից բերված ոստիկանական ուժերի կողմից՝ բռնի մեթոդներով, շատերը ֆիզիկապես տուժել են եւ բերման ենթարկվել ոստիկանական բաժին։

Հայ Ազգային Կոնգրեսը, դատապարտելով վարչախմբի հերթական ապօրինությունները եւ բռնարարքները, իր զորակցություն է հայտնում ոստիկանական գործողություններից տուժածներին, ինչպես նաեւ իր պատրաստակամությունը հայտնում նրանց իրավական օգնություն ցույց տալու հարցում։ Իսկ օրինական ընտրության հնարավորություն, ինչպես բազմիցս համոզվել ենք, կստանանք միայն վարչախմբի հեռացումով, ինչի նախաշեմին ենք հասել Հայ Ազգային Կոնգրեսի եռամյա համառ պայքարի շնորհիվ։

[Sagittarius]

Հայ ազգային կոնգրեսի հայտարարությունը.

էս ո՞վ ու՞մ վրա ա կայֆավատ լինում, ես արդեն լրիվ խճճվա սաղ քաղաքական դաշտը դարձել ա Արթուր Պողոսյան