Ի՞նչ է կատարվում Երկիր մոլորակում

[VisTolog]

Յասի ցիկլոնը Ավստրալիայում: Վիդեո:



Մալաիզիայի հարավում ջրհեղեղ է: 50.000 մարդ էվակուացվել է: Վիդեո:



Կռունկներն իրենց ժամանակից 1.5 ամիս շուտ են չվում:



Ճապոնիան դարձել է ձնաբքի զոհը:

Մեքսիկայում արթնացել է Կոլիմա հրաբուխը:
Սկսած 1576 թվականից Կոլիմա հրաբուխը ժայթքել է 40 անգամ: Յուրաքանչյուր ժայքում աղետալի է եղել տեղի բնակչության համար: Մտավախություն կա, որ կրկնվի 1913 թվականի ժայթքումը, երբ 500կմ շառավղով տարածք ծածկված էր փոշու մեծ ամպով:

Վերջին ուժեղ ժայթքումը եղել է 2005 թվականի հունիսի 5-ին:

Մարդկանց էվակուացման մասին դեռ ոչինչ հայտարարված չէ:



Պակիստանում ջրհեղեղի հետևանքով 10 միլիոնից ավել մարդ անտուն է մնացել: Վերջին 80 տարում ամենաոժեղ ջրհեղեղն է: Կա համաճարակի վտանգ: Մանրամասն:

Իրանի հարավ-արևելքում ջրհեղեղի հետևանքով զոհվել է ամենաքիչը 5 մարդ: Մանրամասն:

Ճապոնիայում ժայթքած Սինմոե հրաբխի մասին: Կյուսու կղզի:

[VisTolog]

Մեղուները հարձակվել են ֆուտբոլիստների վրա ֆուտբոլային խաղի հենց սկզբում: Մանրամասն:

Մագնիսական դաշտի անոմալիաները փետրվարի 3-5:




Գերմանիային է մոտենում Լուկաս փոթորիկը: Քամու արագությունը կարող է հասնել 110-135կմ/ժ: Այսօր այն արդեն անցած կլինի:


Նոր Զելանդիայի ափ են դուրս եկել 82 դելֆինների տեսակին պատկանող ձկներ:
Դուրս եկածներից 10-ը սատկել են, իսկ մնացածին փորձում են փրկել: Էքսպերտները ենթադրում են, որ դրա պատճառը դելֆինների սխալ կողմնորոշումն է: Նրանք ընտրել են սխալ ուղղություն և դուրս եկել ափ:

Վերջերս նման դեպք էր տեղի ունեցել Նոր Զելանդիայի հյուսիսում: Այդ ժամանակ մի քանի տասնյակ դելֆիններից 24-ին չէր հաջողվել փրկել:


Մեքսիկայում ռեկորդային ցրտեր են: Ջերմաստիճանը հասել է մինչև - 10 աստիճանի: Փողոցները ծածկված են սառույցի շերտով: Մանրամասն:

Քվինսլենդում ավերիչ փոթորիկը քանդել տարել է տներ, ճանապարհներ: Փոքրիկ քաղաք Տուլլին համարյա ամբողջությամբ ոչնչացված է: Մանրամասն:

Վերջին վեց ամսում առաջին անգամ արևի վրա ուժեղ մագնիսական փոթորիկ է եղել: Բռնկումն առաջացել է շաբաթ գիշեր և տևել է մոտ 6 ժամ: Փոթորիկը ուղղված է եղել դեպի Երկիրը: ճիշտ է, սա չի համարվում ռեկորդային. մոտ 10 ամիս առաջ եղել է ավելի հզոր բռնկում՝ 7րդ աստիճանի: Այս դեպքը պատկանում էր 6-ին: Մանրամասն:

Բևեռափայլ նկատված կլինի Երկրի հյուսիսային հատվածներից:

[My World My Space]

էրնեկ հավեսիդ Վիստ.....

[VisTolog]

էրնեկ հավեսիդ Վիստ.....

էսքանը հո միանգամից չեմ հավաքում: Օրը 1-2 լուր: Հետո միացնում եմ իրար ու դնում թեմայում: Իսկ ընդհանրապես էս թեմայում երևի մի անգամ էլ կգրեմ ու կանցնեմ բլոգում գրելուն:

[Chuk]

Երկու օր առաջ մեր բակի ծառերից մեկի ճյուղը ձյան ծանրությունից կոտրվեց: Հարցրեցի մասնագետներին, ասեցին, որ դա շատ մտահոգիչ է: Նրանց պնդմամբ գնալով ավելանում են ձյան ծանրությունից ծառեցի ճյուղերի կոտրման դեպքերը ու դա կարող է հանգեցնել էկոլոգիական աղետի: Ի՞նչ անենք

[VisTolog]

Երկու օր առաջ մեր բակի ծառերից մեկի ճյուղը ձյան ծանրությունից կոտրվեց: Հարցրեցի մասնագետներին, ասեցին, որ դա շատ մտահոգիչ է: Նրանց պնդմամբ գնալով ավելանում են ձյան ծանրությունից ծառեցի ճյուղերի կոտրման դեպքերը ու դա կարող է հանգեցնել էկոլոգիական աղետի: Ի՞նչ անենք

ծառերը կտրեք, որ էլ տենց բան չլինի:

[Չապաև]

Այս ամենը երևի բնության ՊԱՏԱՍԽԱՆՆ Է մարդուն......

[VisTolog]

Հարյուր հազարավոր մեռած ձկներ են դուրս եկել Ֆլորիդայի ափ:






Հունվար-փետրվար ամիսներին Մեքսիկայի հյուսիսում ցրտերի պատճառով 23 մարդ է մահացել: Հունվարի վերջը և փետրվարի սկիզբը ամենացուրտն էին վերջին 50 տարվա մեջ: Որոշ շրջաններ մնացել էին առանց էլեկտրաէներգիայի: Որոշ գործարաններ դադարեցրել էին իրենց աշխատանքը: Ստացվել է նաև տարբեր կենդանիների մահվան մասին տեղեկություններ:

Անտառային հրդեհները Ավստրալիայում դեռ շարունակվում են: 35 տուն դարձել է կրակի զոհը:
100ից ավել մարդ էվակուացվել է: Բացի տներից, ևս 20 կառույց է այրվել: Ներկա պահին կրակն արդեն ոչնչացրել է 800 հեկտար տարածք:


Երկիր մոլորակը բաժանված է երկու մասի:

http://i.dailymail.co.uk/i/pix/2011/...03_964x481.jpg

Պատկերը ստեղծվել է NOAA գործակալության կողմից:
Հյուսիսային կիսագնդում կարծես սառցե դարաշրջան լինի: Դժվար թե հյուսիսում գտնվի մի երկիր, որը ոչ ջրհեղեղի զոհ է դարձել, ոչ էլ ռեկորդային ցրտերի:

Քանդվել է Սվետլոգորսկից Բալթիկ ծով տանող ճանապարհը: Տարբերակներից մեկը հողի տեղաշարժն է:






Ջերմաստիճանային ռեկորդ Չեխիայում:
Կտրուկ տաքացում է նկատվել երկուշաբթի: Երկրի հարավում կրկնվել է 1884 թվականի ռեկորդային ջերմաստիճանը` +14.3: Չեխիայի 17 քաղաքներում նույնպես նկատվում է ջերմաստիճանի բարձրացում մինչև +15.4 աստիճան:

Տվյալ եղանակային պայմանները կշարունակվեն դեռ մեկ շաբաթ, որից հետո սպասվում են անձրևներ, սակայն ոչ ջերմաստիճանի էական փոփոխությամբ:

Էլ էս թեմայում հաճախ չեմ գրի: Կշարունակեմ այստեղ:

[Tig]

Կեսգիշերին Հայաստանում երկրաշարժ է գրանցվել. ցնցումներն զգալի են եղել Երևանի տարբեր համայնքներում

Փետրվարի 18-ի կեսգիշերին, 00:00-ին Մասիս քաղաքից վեց կիլոմետր դեպի հյուսիս-արևմուտք տեղի է ունեցել 2,8 մագնիտուդ հզորությամբ երկրաշարժ, որի ուժգնությունը էպիկենտրոնում կազմել է 4 բալ: Երևանում երկրաշարժի ուժգնությունը կազմել է երեք բալ:
Այդ մասին Panorama.am-ին տեղեկացրին Հայաստանի Սեյսմիկ պաշտպանության ազգային ծառայությունից:

Երկրաշարժի հետևանքով զնցումներն զգալի են եղել Փարաքար գյուղում, ինչպես նաև Երևանի մի շարք համայնքներում` Նոր Նորքի զանգվածներում, Զեյթունում, Հարավ Արևմտյան թաղամասում:

Աղբյուր` Panorama.am

հ.գ. լավ էլ թափ տվեց...

[Սելավի]

Օրերս Ավստրալիայի ափերը ավիրող հզոր ցունամին, որին մասնագերները անվանակոչել էին «Մոնստր» իր դերակատարումն ունեցավ, առանց այն էլ ճգնաժամի մեջ խրվող ամբողջ աշխարհի համար:
Բանը նրանում է կայանում որ այդ հզոր ցունամին, ոչ թե միայն հասցրեց ութ միլիարդ դոլարի վնաս տալ ամբողջ տնտեսությանը, այլ նա հիմնովին ավիրեց նաև շաքարի արտադրության՝ ինչպես նաև շաքարի հումք հանդիսացող հսկայական պլանտացիաները և պահեստավորված շաքարը:
Այդ պլանտացիաները ապահովում էին ամբողջ աշխարհի մոտ 10 տոկոս ընդհանուր հումքը:
Սա հիմնականում իր ազդեցությունն է ունենալու ավելի աղքատ պետությունների վրա:
Եթե օրինակ շաքարավազը` մոլորակի այն ահատվածում որտեղ ես եմ բնակվում, մինչև այդ ավերիչ ցունամին 3.50 դոլար էր, ապա դրանից հետո դարձավ 7.20 :
Սա ավելի խորը հետքեր է թողնելու աղքատ պետությունների վրա, առանց այն էլ աղքատ պետություններում սկսված «սովի» տակ քողարկվող զանազան սոցիալական կոչվող բունտերը, հեղաշրջումները մեծ թափ են ստանալու:
Մարդիկ սկսելու են մեղադրել իրենց կառավարություններին այս թանկացումների և թշվառությունների համար:
Որն էլ հղի է բազուն հեղաշրջումներով:
Այս ալիքը անտարբեր չի անցնելու նաև Հայաստանի բնակիչների համար:
Այս երևույթները հիմք են տալիս կարծելու որ մեր մոլորակի ամբողջ տնտեսությունը մինչև աշնան վերջ կմտնի խորը տնտեսական ճգնաժամի մեջ:

Հ.Գ. Այս երևույթներից ընդհանրապես վախենալ պետք չէ, իմացեք՝ որ կարգ ու կանոն միայն քաոսն է հաստատում:

[zanazan]

Ինչ անենք? բռնենք մի քանի ամսվա ուտելիք առնենք պահենք, պալատկա , փչովի նավակ, պարաններ տարբեր տեսակի,զենք...մի խոսքով պատրաստվենք ? թե ում վեկալելու ա կվեկալի, ով էլ պտի ապրի կապրի, ու ինդիգո երեխեք կունենա..

[VisTolog]

Ինչ անենք? բռնենք մի քանի ամսվա ուտելիք առնենք պահենք, պալատկա , փչովի նավակ, պարաններ տարբեր տեսակի,զենք...մի խոսքով պատրաստվենք ? թե ում վեկալելու ա կվեկալի, ով էլ պտի ապրի կապրի, ու ինդիգո երեխեք կունենա..

Քանի Ռուսաստանի դաշտավայրերը չեն ոչնչացվել ջրհեղեղի կամ այլ պատճառով, կարելիա հանգիստ լինել: Չնայած հերթը Ռուսաստանին էլ կհասնի:


Շատ երկրներում ցորենի դաշտավայրերն են ոչնչացել, ու մարդիկ + էդ երկրի ցորենի կարիքն ունեցող պետությունները շատ ծանր վիճակում են հայտնվել:

[davidus]

Չգիտեմ, թե որտեղ էլ տեղադրեմ էս խայտառակությունը։

Ամեն տարի Դանիական կղզիներից մեկում իրականացնում են մի տոնախմբություն, որի մասին առավել արտահայտիչ կպատմեն այս նկարները։























Աղբյուրը՝
http://www.protecttheocean.com/denma...raphic-images/

Ժողովուրդ, տարածեք սա ինչքան հնարավոր ա «հեռու»։

[Lusina]

Չգիտեմ, թե որտեղ էլ տեղադրեմ էս խայտառակությունը։

Ամեն տարի Դանիական կղզիներից մեկում իրականացնում են մի տոնախմբություն, որի մասին առավել արտահայտիչ կպատմեն այս նկարները։

 •

• 

 Սեղմել՝ ցույց տալու համար

Աղբյուրը՝
http://www.protecttheocean.com/denma...raphic-images/

Ժողովուրդ, տարածեք սա ինչքան հնարավոր ա «հեռու»։

Ու սա օրինակա՞ն է

[Gayl]

Ու սա օրինակա՞ն է

Ինչ կապ ունի, թե ինչական է:
Միայն նկարներին նայելուց սարսռում ես, իսկ սրանք սեփական ձեռքերով մոռթում են հարյուրավոր ձկների և բավականություն են ստանում: