Անվերջանալի մտորումներ և անպատասխան հարցեր..

[Inna]

Շատ մարդկանց համար ապրելն անիմաստ է թվում,որոշ մարդկանց համար շատ իմաստավոր ու կարևոր...
Այս տարիների ընթացքում ես մի բան եմ հասկացել,որ մարդիկ ծնվում են չիմանալով,թե ի՞նչ են ուզում և մահանում են այդպես էլ չիմանալով...
Կյանքը հիասքանչ պարգև է այս աշխարհում,որ տվել է մեզ Աստված...
Տվել է ապրելու,հասկանալու շատ կարևոր բաներ...
Ի՞նչ է պետք մարդուն ուրախ ու երջանիկ լինելու համար,շատ փոքրիկ ,բայց` մեծ բաներ...
Իսկ դրանք ստեղծելու համար մեզ շատ ժամանակ է հարկավոր ` ամբողջ մի կյանք...
Եվ այդպես էլ անցնում են օրերը,չհասկանալով թե ինչպես անցան...
Որտեղի՞ց էին եկել,և ու՞ր են գնում...
Մարդի՛կ, ապրե՛ք կյանքը,վայելե՛ք,ժպտացե՛ք,զվարճացե՛ք,սիրե՛ք,սիրվե՛ք,եղե՛ք միշտ ուրախ...
-Շնորհակալությու՛ն, Աստվա՛ծ,որ տվել ես ինձ կյանք...

[Inna]

Մթնել է... նայում եմ երկնքին աստղերն են շողում, պայծառ են նրանք, ինչպես արև իր ամենաթեժ ու կրակոտ պահին, իսկ լուսինը..., լուսինը ՝ նա տխուր է, լուռ է, հանգիստ, մտահոգ, երևի նա էլ է ինձ նման անորոշ վիճակում...
Բոլորն մտածում են, զգում են, բայց քչերն են արտահայտվում...

[Inna]

Եվ նորից մթնեց, նորից մթնշաղը փռեց իր թևերը քաղաքի վրա, նորից աստղերը իրենց շողերով սկսեցին զարդարել երկինքը, նորից լռություն է և ամեն ինչ նույնն է, ոչինչ չի փոխվել երեկվանից...
Իսկ ե՞ս, ե՞ս...,ես նորից նստած եմ ու նայում եմ երկնքին անդադար մտածելով ինչ որ հարցերի շուրջ...

[Inna]

Այսօր, այսինքն ավելի կոնկրետ հինգ-տաս րոպե առաջ...
Ձանձրալի էր ուզում էի ինչ որ բան անել...
Բացեցի սկայպս...
Նայեցի ինձ հետաքրքիր զրուցակից չկար սկայպում ու սկսեցի մենակ, ինչ որ մեկի դիալոգի տակ խոսել...

Մենախոսություն

Ես -Բարև:
Էլի ես -Բարև, ինչպես ե՞ս:
Ես -Լավ , դու ինչպես ե՞ս...
Էլի ես -Ես էլ եմ լավ, ի՞նչ կա, ինչե՞ս անում:
Ես -Հեչ, ոչ մի բան, դու՞…
Էլի ես - Ես էլ պարապում էի, քննությունների մեջ եմ...Լավ դե ես գնամ պարապեմ:
Ես -Լավ գնա …
Ես -Լսի բայց, բան էի ուզում հարցնեի:
Ես -էյյյյյյ՜, ուր գնացիր, արի՛…

Հ.Գ. Խելագարվում եմ

[Inna]

14.02.11

Էսօր Սուրբ Վալենտինի օրն ա, սիրահարների տոնն ա...
Հրաշք օր է, բոլոր նրանց համար ովքեր սիրել գիտեն, սիրված են ու սիրում են...
Բոլոր զույգերին ցանկանում եմ սեր, երջանիկ օրեր ու տարիներ...
Ուզում եմ, որ բոլորիդ կյանքում էս օրը միշտ հիշվի ու անմոռանալի դառնա...
Ակումբցիներ ջան ձեզ էլ եմ շնորհավորում, ովքեր ընկերուհի ունեն, ովքեր ընկեր ունեն, ովքեր նշանված են, ովքեր ամուսնացած են ՝ ցանկանում եմ, որ միշտ սիրեք իրար ու միշտ միասին լինեք…
Ձեզ երջանիկ կյանք եմ ցանկանում... Ձեր երկրորդ կեսի հետ...
Ակումբցիներից ովքեր էլ դեռ չեն գտել իրենց երկրորդ կեսին, ապա գտնեն…

[Inna]

18.02.11

Հետաքրքիր ու հիշարժան պահերով լի օր էր այսօր...
Որոշել էինք ընկերներով տոնի նախօրյակին գնալ եկեղեցի...Եթե որոշել ենք, ուրեմն պիտի անենք...
Գնացինք եկեղեցի, մոմ վառեցինք, աղոթեցինք, մի քիչ շրջեցինք եկեղեցում...Պատկերցրեք այնքան լավ էր, եկեղեցի գնալը շատ լավ ա ազդում մարդու հոգեկան աշխարհի վրա, ակամայից մտքիցդ ցրվում են վատ մտքերը, հանգստանում ես, թեթևանում ես...
Սրանից հետո կփորձեմ ավելի շուտ-շուտ գնալ եկեղեցի, այնտեղ լավ է, հանգիստ է, խաղաղ է...

19.02.11

Շնորհավոր սիրո տոնը...
Շնորհավորում եմ բոլոր սիրահարներին այսօրվա կապակցությամբ...Ուզում եմ, որ ամբողջ աշխարհում մարդիկ միայն երջանիկ լինեն, ուրախ, սիրառատ, հանգիստ, խաղաղ ապրեն՝ առանց վեճերի...Ուզում եմ, որ մարդկանց մեջ սիրո ուժը գերիշխի...Մարդիկ միայն սիրեն ու հարգեն իրար, այդ է անհրաժեշտ երջանիկ լինելու համար...
Ձեզ մաքուր ու անկեղծ սեր եմ ցանկանում...

[Inna]

Սիրտս

Թե աչերս քեզ որոնեն,
Ես կփակեմ մութ կոպերով,
Որ աշխարհում քեզ չտեսնեն:

Թե խենթ լեզու՛ս անունդ տա,
Ես կսեղմեմ ատամներով,
Որ հնչյուն իսկ չշշնջա:

Բայց երբ սիրտս, սիրտս է ուզում
Ձայնել ու քեզ տեսնել իր դեմ
Ինչո՞վ փակեմ սրտիս լեզուն,
Սրտիս աչքը ինչո՞վ փակեմ...

Միշտ պետք է հավատալ սրտի ձայնին, այն երբեք չի ստի իր իսկ տիրոջը, ու չի լքի...

[Inna]

Էհ՜, մի ամիս ա ինչ օրագրումս գրառում չեմ արել:Ասելու շատ բան կա, բայց ժամանակ չկա...

Մի ամիս ու մի քանի օր, կավարտեմ, կգնամ, բայց չգիտեմ ու՞ր...Ո՞նց կլինի, ի՞նչ կլինի, չգիտեմ...
Էնքան բան կա, որ պիտի անեմ, ասեմ, բայց չեմ հասցնում, ժամանակ չկա: Ու տենց...օրերն անցնում են, գնում, ու մեկ էլ մի քանի օր հետո հիշում ես, որ մի բան պետք ա անեիր, որ մոռացել ես...ու էլի ժամանակ չկա...
Ժամանակ եմ ուզում, ժամանակ, որ հասցնեմ, հետ չմնամ, հետ չմնամ էն բանից ինչը շատ կարևոր ա, պարտադիր...


Էնքան բան ա լինում հետս, պահ ա լինում, երբ ընդհանրապես անջատված եմ լինում, չեմ հասկանում, ի՞նչ եմ անում...
Գնացինք, գնացինք, հասանք 3-րդ մաս, «Խնդրում եմ կանգառում կանգնեք, հա՞»...մի երկու րոպե հետո վարորդը հիշեց, որ պետք ա կանգներ, ամաչում եմ երկրորդ անգամ ասել, չեմ ասում, սպասում եմ էնքան մինչև կանգնի...
Իջա...Ժամանակ չունեմ...
...անցնում եմ 3-րդ մասի գետնանցումով, գնացի, գնացի... դուրս եկա էնտեղ որտեղից մտել էի, առաջս նույն խանութն էր, ուշանում եմ, ուշանում...նորից գնացի մանեկա-մանեկա, գտա ճանապարհն ու դուրս եկա...
Ու էլի ժամանակ չկա...

[Inna]

Սերը հայելային լճակ չէ, որի մեջ կարելի է մշտապես նայել: Այն ունի իր մակընթացությունները և տեղատվությոնները: Թե կործանված նավերի բեկորներ, թե ջրասույզ քաղաքներ, թե ծովահրեշներ, թե փոթորիկներ, թե ոսկով և գոհարներով լի արկղեր… Սակայն այդ գոհարները շատ խորքում են…

Էրիխ Մարիա Ռեմարկ

Սերն արժե ճիշտ այնքան, որքան արժե սիրո զգացումն ապրող մարդը: Մաքուր մարդկանց մոտ ամեն ինչ մաքուր է:

Ռոմեն Ռոլան

[Inna]

Վա՜խ, ոնց եմ սիրում էս երգը, ոնց եմ սիրու՜մ...
Էս երգը էն երգերից ա, որ անընդհատ կարամ լսեմ ու չհոգնեմ, սիրում եմ ակումբային երաժշտություն, սենց երգերի տակ նույնիսկ կարամ քնեմ:
Սիրում եմ, սիրում եմ...
Պարել եմ ուզու՜մ...

[Inna]

Մենությունը

Մի մութ անկյուն,
Ու մի սիրտ մենակ,
Տխրությունն էր պատել այն,
Լցրել հոգին մշուշով...

Անվերջ լաց էր լինում սիրտն իր,
Հիշելով նրա ժպիտը ուրախ,
Հիշելով աչքերը՝ պարզ ու ջինջ,
Որոնք շողում էին ծովի ալիքների պես,
Հիշելով այն պահերը, որոնք ապրել էին միասին...

Նրա միտքը թռչում էր հեռու՜, շա՜տ հեռու,
Որոնելով իր միակին, որ թողել էր իրեն մենակ,
Մի՞թե էլ չկա նա, չկա, թողել է իրեն ու հեռացել...

29.04.2011թ. © Inna (Իրինա Պողոսյան)

[Inna]

Հեռու՜,
Մոտի՜կ,
Աշխորհից այն կողմ,
Մենակ ու տխուր,
Կոտրված սրտով,
Աչքերն արցունքով,
Ձեռքերն դողալով,
Քայլում էր անապատով մենակ,
Փնտրում էր իր սրտի բեկորները,
Որոնք կորցրել էր իր վերջին հանդիպմանը...

29.04.2011թ. © Inna (Իրինա Պողոսյան)

[Inna]

Լուսինը ժպտում է,
Աստղերը փայլում են,
Երկինքը խաղաղ է,
Աչքերը խոսում են,
Բայց ինքը լռում է:

06.05.2011թ. © Inna (Իրինա Պողոսյան)

[Inna]

Սիրել է պետք ուժգին,
Երազել է պետք անվերջ,
Րոպեներն խնայել է պետք:

06.05.2011թ. © Inna (Իրինա Պողոսյան)

Ժպտում է,բայց տխոր է,
Սիրում է, բայց լռում է,
Խոսում է մտքում, խորհում է անվերջ,
Ու շարունակում է լռել, ինչպես աստղերն երկնքում:

06.05.2011թ. © Inna (Իրինա Պողոսյան)

[Inna]

Մարդը, երբ իր մտքերը հանձնում է թղթին, ակամայից հանգստանում ու դրական լիցքերով է լցվում...