Նորածնի անուն դնելը

[Lianik]

Մկրտության ժամանակ նոր անուն են տալիս, ոչ թե փոխում... այսինքն մարդ մի անգամ ծնվում է մորից, հետո մայր եկեղեցուց...
այցելիր qahana.am կայքը... քո հարցերի պատասխանը կարող ես գտնել այնտեղ...

իսկ ինչ վերաբերում է անվանը, գուցե կինդ վախենում է, որ երեխային չի կարողանա անունով կանչել...
օրինակ եղբորս անունն էլ պապիկի անունն է ու իսկապես մի տան մեջ 2 մարդ մի անունով դժվար է,արդեն սովորել ենք, բայց երբ եղբայրս փոքր էր մանկապարտեզում հրաժարվել էր իր անունից` ասելով դա պապիիս անունն է, իմը ...իկ է...
մեկ այլ տարբերակ էլ կա, կարող եք անուշ վանկը պարունակող որևէ այլ անուն դնել...

[Ժունդիայի]

Որ գրում էի, միաժամանակ մտածում էի, որ հեսա ուլտրածայրահեղ չեչենի պիտակ կստանամ, կամ էլ բռնակալ մաչոի: Թերևս միտքս ոչ բոլորն են ճիշտ հասկացել: Ասածս այն է, որ եթե մեկը որոշում է կայացնում, նախապես պետք է հաշվի առնի դիմացինի բոլոր հատկանիշները, հատկապես ընտանեկան շրջանակներում, արդյո՞ք նա կհամաձայնվի, թե կընդվզի՝ սուրը թափահարելով իր գլխավերևում: Մեկ ես, օրինակ՝ կարողանում եմ տեսնել հետագա ռեակցիան, ու մինչև 10 չեմ ձևում, մեկը չեմ կտրում:
Մի կոպիտ օրինակ բերեմ այլ բնագավառից: Եթե քնեմ-արթնանամ ու ցանկանամ որ «շեֆս» բարձրացնի աշխատավարձս, չեմ գնա ու դրա մասին միանգամից ասի իրան ու մերժվելու դեպքում ինձ պատեպատ տամ, սպառնալով, իբր վաղն իսկ դուրս կգամ աշխատանքից: Կամ պետք ա, հաստատ իմանամ, որ առաջարկս չի մերժվի, կամ ել պետք ա պատրաստ լինեմ մինչև վերջ գնալու, առաջարկս բավարար հիմնավորելով նաև ընդհուպ աշխատաքնից դուրս գալու դիմում գրելով:

[vorogait]

Կնոջս ներկայությունը պարտադիր չէ միայն այն դեպքում, երբ զույգերը զագսված են: Իսկ մենք դեռ զագսված չենք: Օրենքով ես պետք է գնամ նախ հայրությունը ճանաչեմ ու հետո նոր անուն դնենք:
Ինչ վերաբերվում արտասահմանի օրինակներին, չեմ կիսում նման համեմատությունները մի պարզ պատճառով` ես ապրում եմ Հայաստանում այն էլ ավանդապաշտ Գյումրիում: Ինձ հետաքրքիր են թե ինչ է կատարվում իմ շրջապատում, չէ որ ես նրա մի մասնիկն եմ:

---------- Ավելացվել է՝ 22:40 ---------- Սկզբնական գրառումը՝ 22:37 ----------

Եթե օրինակ Գերմանիայում լինեի, ապա ոչ մի խնդիր: Օրենքը թույլ է տալիս 2 անուն դնելու: Ես էլ կդնեի 2 անուն, ու կասեի երեխան թող մեծանա ու դրանցից որը ավելի հոգեհարազատ գտնի նա էլ թող ընտրի:

[Lianik]

Իսկ կինդ ինչ անուն է ուզում???

[vorogait]

Այնպես ինչպես այս թեմայի մասնակիցները չեն կարող գալ մի ընդհանուր հայտարարի, այնպես էլ մեր տանն է: Եթե պատգամավոր լինեի, անպայման այս 2-անունի հարցը կմտցնեի օրակարգ ու մեր տանջված ժողովրդին կազատեի այս պրոբլեմից:

---------- Ավելացվել է՝ 22:47 ---------- Սկզբնական գրառումը՝ 22:46 ----------

Մանե կամ Մարիա

[Ժունդիայի]

Մանեն շատ գեղեցիկ անուն է: Ես էլ որ աղջիկ ունենամ, այդ ուղղությամբ մտածելու եմ: Իսկ դուք մեր ակումբի Մանուլին ճանաչու՞մ եք: Այ եթե Մանե դնեք ձեր ճուտիկի անունը, Մանուլի նման գեղեցկուհի կլինի ձեր աղջնակը:

[Lianik]

Իսկ տնեցիները լրիվ դեմ են այդ անվանը. ի նկատի ունեմ Մարիան կամ Մանեն... ինձ օրինակ Մարիան դուր եկավ...

ասենք Մանուշն էլ է տարբերակ...բայց եսիմ Մարիան ու Անուշն ավելի դուրեկան են........

[Ariadna]

Լրիվ պատկերացնում եմ, թե հիմա ինչ իրավիճակում ես գտնվում. կարդում ես ակումբի գրառումները, վերանում ես դառը իրականությունից, զգում ես, որ իրոք, ոչ մի սարսափելի բան չկա, որ կնոջ հետ միասին որոշեք, գիտակցում ես, որ իրոք, եթե երեխայի մայրը չի հավանում այդ անունը սխալ է ինչ որ սկզբունքներից ելնելով երեխային այդ անունով կոչել, սակայն հետո, փակում ես ակումբը, հեռանում համակարգչից և պարզվում է, որ ոչինչ չի փոխվել. հարազատներիդ խիստ հայացքները, որոնք լռելյայն հետապնդում են քեզ և կարծես միաբերան նույն բանն են կրկնում՝ ամոթ քեզ, դու տղամարդ չես, եթե մորդ անունը չդնես, ախր քո մայրը ուրիշ մայր է եղել, նա բոլորի նման չէ (նեղանալ չկա, նման դեպքերում բոլորն էդպես են ասում, առանց հասկանալու, որ ցանկացած մարդու համար իր մորից լավը չկա, և բոլոր մայրերն էլ լավն են իրենց տեսակի մեջ), մյուս կողմում կնոջդ արցունքոտ աչքերն են... Մի խոսքով ոչ երանի քեզ։ Ամեն դեպքում որոշումը դու ես կայացնելու։ Աստված տա, որ մայրդ ինքը ասի՝ տղա ջան, էդ էրեխուն անուն դրեք, ես փառք աստծո կենդանի եմ, ու հեչ կարիք չկա իմ անունը դնելու։ Էստեղ խելացի մեծ ա պետք, որն ինքն իր վրա կվերցնի քեզ ազատելու հարցը։ Չունե՞ք բարկամության մեջ նման մեկը, որի հետ ավելի մոտ ես և կարող ես անկեղծորեն խոսել և օգնություն խնդրել։

[BOBO]

Աշգանուշ
Արմանուշ
Արշանուշ
Բուրանուշ
Գեղանուշ
Երանուշ
Զարմանուշ
Զովանուշ
Ըղձանուշ
Թուխանուշ
Լիանուշ
Լուսանուշ
Խոսրովանուշ
Ծաղկանուշ
Հայկանուշ
Հրանուշ
Մայրանուշ
Մանուշ(ակ)
Նորանուշ
Պարզանուշ
Պեռճանուշ
Սահանուշ
Սիրանուշ
Սմբատանուշ
Վազգանուշ
Վահանուշ
Վեհանուշ
Ցողանուշ

[Շինարար]

Մանե կամ Մարիա

Մանեն էլ լավ անուն ա, ոնց որ Անուշը Մանե դրեք, բայց որդուդ անունը նախօրոք հենց էսօրվանից զգուշացրա, որ քո սրտով ա լինելու

[masivec]

Ես իմ տան ներսում իմ հարցերը իմ ձևով կլուծեմ, հաստատ չեմ գնա Մալախովի հետ քննարկեմ էդ հարցը

Մալախով PLus-ի

Չէ Ministr ջան, որ ասեմ կզարմանաս նույնիսկ: Մորս հետ կոնֆլիկտային պահեր համարյա չեն եղել: Այդ առումով նույնիսկ նախանձելի ընտանիք ենք: Մի գուցե մտքում կա, բայց ինձ չի ասում? Չեմ հիշում, թե զրուցակիցներից ով էր, թեմայի մեջ մի տեղ նշել էր, որ տատիկի կրած անհաջողությունները հնարավոր է կապվի փոքրիկի հետ, եթե նույն անունն դնենք: Ես այդպես չեմ մտածում, բայց մի գուցե այդպիսի բան կա, ով գիտե: Մի գուցե կինս էլ է այդպես մտածում: Չգիտեմ ես բան չհասկացա:

Ետ անհաջողությունների հետ կապվածը սուտ բանա, իմ անունս էլ պապուս անունն ա ու ես շատ ուրախ եմՈւ ասեմ ետ անհաջողությունների վրով ասեմ որ պապս 30 տարեկան ա մահացել, ուզում եմ ասեմ որ էտի սուտա
Իսկ Չամիչի հետ ընդհանրապես համամիտ չեմ քանզի տենց բան չկա որ մայրը երեխայի անունը զգա, օրինակ իմ ախպոր անունը ես եմ դրել(13 տարի մեծ եմ իրանից)

Հա մեկ էլ ասա թե ո՞նց էք դուրս գրել առանց ծննդականի

[Երկնային]

Չեմ կարծում, որ ճակատագիրը կկրկնի երեխան, եթե տատիկի անունը դրվի… իմ անունը տատիկիս պատվին ա դրվել, ու ես ոչ բնավորությամբ, ոչ առավել ևս ճակատագրով իրա հետքերով չեմ գնացել (մինիմում 16 տարեկանում պետք ա ամուսնանած լինեի ու արդեն մի 2 երեխա ունենայի ): Բայց մի բան կարամ հաստատ ասեմ, չգիտեմ ինչքանով ա անվան հետ կապված, բայց ինձ միշտ թվացել ա, որ իմ կյանքը չեմ ապրում ու երևի զարմանալի չի, որ կողքից մականուն կպավ, ու շատերը սկսեցին էդպես դիմել ու պնդել, որ ավելի ա ինձ սազում… էդ մեկ:

Երկրորդը՝ համոզված եմ, որ եթե կնոջ սիրտը չի ընդունում էդ անունը, էն աստիճան, որ լաց ա լինում, ուրեմն իրոք պետք չի այդ անունը դնել: Ու անպայման չի կապրիզ լինի, կամ կիսուրին չսիրի, որ դեմ լինի… մայր ա, ինքը իրա երեխային հաստատ ավելի լավ ա զգում, քան հայրը կամ բոլոր բարեկամները:

Մի խոսքով իմ կարծիքով, որոշեք սիրուն անուն, որ երկուսիդ դուրն էլ գա:

[Չամիչ]

Տվյալ իրավիճակում երեխայի շահի մասին միակ մտածողը կարծես թե մայրն է:

Հայրը ավելի շատ մտածում է հարազատ մոր մասին, հարազատները սեփական սնափառության մասին:

Եվ պարտադիր չի, որ կինը սկեսրոջ չսիրի, որ չուզենա իր երեխային նրա անունով կոչել: Մորական տատուս, որի անունը Մարգո էր աշխարհի չափ սիրել եմ, բայց երբեք իմ երեխայի անուն Մարգո չեմ դնի: Եվ հետո ո՞վ ասաց, որ կինը պարտավոր է սկեսրոջը սիրել, կինը ամուսնացել է իր ամուսնու հետ, եւ պարտավոր է նրան սիրել իսկ մյուսների հանդեպ իր սերը ապացուցելու ոչ մի կարիք չունի: Իսկ եթե տղան մատծում է, որ սա՝ մոր նկատմամբ իր սերը ապացուցելու վերջին եւ միակ հնարավորությունն է, ապա այս ամենը բավականին զավեշտալի է դիտվում:

Բոլորը երեխային մոռացել, նստած էգո-էգո են խաղում:

[ministr]

Երեխայի շահն ինչ կապ ուներ? Մայրը դեռ ընդհանրապես հայտնի չի, թե ինչի մասինա մտածում:

[Adriano]

Չէ լավ երեխային չեն ատում անվան պատճառով:

Լավ , եթե երեխայի անունը նրբերշիկ լինի կարողա մի լավ չծիծաղաս, ասես բա պանիրը ու լոլիկը ուրա?