«Բարև Վահան, Հասմիկ Նավասարդյանն ա»: «Վայ Հասմիկ ջան, ես էլ քեզ էի ուզում գտնել, ուզում էի հարցնեի` ի՞նչ կարծիքի ես օտարալեզու դպրոցների մասին»: «Հենց դրա համար էլ զանգել եմ: Էս ինչ պատմություն բերին: Աշոտը երեկ երազիս եկել խեղդում է, ասում է` ինչի՞ ձեն չես հանում»:
Աշոտ Նավասարդյանի այրին` Հասմիկ Նավասարդյանն է: Օտարալեզու դպրոցների բացման նախաձեռնությունը հենց եղավ, հենց կրթության նախարար հանրապետական Աշոտյանը լեզվի օրենքում փոփոխությունների օրինագիծ ներկայացրեց, որով պիտի վերաբացվեն օտարալեզու դպրոցները, հիշեցի Աշոտ Նավասարդյանին` էէէ՜, Աշոտ, կպատկերացնեի՞ր, որ ամբողջ կյանքդ կնվիրես Հայաստանի անկախությանը` 13 տարի բանտերում կացնկացնես հանուն անկախության ու քո մահից 13 տարի անց քո ստեղծած կուսակցությունը օտարալեզու դպրոցներ կբացի ու քո վաստակը ջուրտ կգցի:
Ո՞վ կարող է քո փոխարեն խոսել, ո՞վ քո գաղափարներին երբեք չի դավաճանի: Ես միայն մի հոգու եմ ճանաչում` կնոջդ:
Հասմիկին ասեցի` հենց հիմա գամ խոսենք ու արագ գնացի Արդարադատության նախարարություն, ուր նա աշխատում է:
«Իմ կուսակցությունը, Աշոտի հետ ստեղծած մեր կուսակցության ներկայացուցիչները ինչպե՞ս կարող են նման բան անել»,-զայրացած ասում է Հասմիկը:
«Էհ, Հասմիկ,-ասում եմ,- Աշոտը չկա, հիմա Աշոտի անունից ինչ ասես կասեն, կասեն Աշոտը լիներ կողմ կլիներ օտար դպրոցներին, արդեն Նժդեհի անունից են խոսում»:
«Աշոտը չկա, Աշոտի կինը կա,-ջղային ասում է Հասմիկը,- Ես չեմ ուզում Աշոտի անունից խոսել, բայց սա այն դեպքն է որ ես պիտի նրա անունից խոսեմ, չեմ ուզում որ նրանք ովքեր նահատակվեցին լեզվի պահպանության համար գերեզմանից ելնեն: Այս դեպքում ինձ բարոյական իրավունք եմ տալիս խոսել Աշոտի անունից, որ նա դեմ կլիներ, օտարալեզու դպրոցներ բացելը չէր հանդուրժի»:
Հասմիկը ասում է, որ հաճախ է Աշոտին երազում տեսնում ու երեկ գիշեր էլ է տեսել. «Ամբողջ գիշեր տառապել եմ, Աշոտը եկել ու իրոնիայով հարցնում է` էս ինչի՞ ես լռել, ինչի՞ ձայն չես հանում»:
«Իհարկե, Աշոտը կուզեր որ հայերը օտար լեզու իմանան, բայց ոչ թե դնեն ու հայերենը դարձնեն կողմանկի, երկրորդական լեզու: Օտարալեզու դպրոցում հարյուր ֆրանսերեն բառ կիմանան, բայց նրանց մեջ այդքան էլ հայերեն բառ կպակասի: Եթե մի դպրոց պիտի բացվի ուր երեխաները, ասենք հարյուր բառ օտար լեզվով պիտի իմանան, ու դրա հայերենը չիմանան, պետք չի նման դպրոցը»:
«Թող կրթական համակրագը լավը լինի թող շատ լեզուներ սովորեն, բայց հիմքը դնել անգլերեն, ֆրանսերեն, ռուսերեն ու հայերենը դարձնել կողմնակի առարկա, ես դեմ եմ դրան ու Աշոտն էլ դեմ կլիներ»:
Պատմում եմ, որ Պարույր Հայրիկյանը հեռուստատեսությամբ ասում էր` թե հանրապետականները իրենց համարում են ԱՄԿ-ի հետևորդ(Ազգային միացյալ կուսակցություն), իսկ ԱՄԿ-ի ընտրված նախագահը ինքն է եղել, իրեն ընտրել է Աշոտ Նավասարդյանը, ու եթե հանրապետականները, իրոք, ԱՄԿ-ի հետևորդ են ուրեմն պիտի դեմ քվեարկեն այս օրինագծին, հակառակ դեպքում կապ չունեն ԱՄԿ-ի հետ:
«Ոչ միայն ԱՄԿ-ի, այլ հանրապետական չեն կարող համարվել,-ասում է Հասմիկը,- մեր կուսակցությունը Նժդեհի գաղափարների վրա է ստեղծվել, Նժդեհը նման բան կհանդուրժե՞ր: Աշոտը գրել է` Հանրապետական պետք է մտնեն նրանք ովքեր իրենց հոգին կթողնեն, ունեցածը կթողնեն կուսակցությունում: Իսկ հիմա կուսակցություն են գալիս մարդիկ ովքեր ոչ թե թողնում են, այլ ուզում են ինչ որ բան վերցնել, ինչ որ պաշտոն վերցնել»:
Իսկ ո՞ւր են նրանք, Աշոտի ընկերնենը ում հետ ստեղծեց այս կուսակցությունը.
«Չկան, մեռած են ընկերները, փորային արժեքներ են լուծում: Նրանք ապրում են, իրենց ասած, արժանավայել կյանքով»:
Աշոտի ԱՄԿ-ական ու իսկ հետագայում էլ հանրապետական զինակիցները` Ռազմիկ Զոհրաբյանը, Վազգեն Կարախանյանը, որոնց հետ նա անցել է սովետական գաղութներով, դեռ լռում են, բայց այ Գալուստ Սահակյանն է խոսել, ասել է` կողմ է օտար դպրոցներին.
«Անողնաշար երևույթ է,-բնութագրեց Հասմիկը,- ես չէի ուզենա, որ հանրապետականում գտնվեն անողնաշար մարդիկ: Հենց հանրապետակա՞նը պետք է այդ անբարոյական քայլը աներ, թող ուրիշ կուսակցություն աներ ոչ հանրապետականը: Աշոտի գաղափարախոսությունը նրա ընկերենը պիտի նրանից հետո կարողանային շարունկել, որ հիմա մարդիկ չասեին` դա՞ էր ձեր հանրապետականը»:
Դեմ է կրթության նախարարի այն պնդմանը, թե միայն մեկ տոկսն է օտարալեզու լինելու.
«Աշոտը ասում էր` թագավոր լինելու համար թագավորի հոգեբանություն պիտի ունենաս: Եթե այդ փոքրաթիվ դպրոցները պետք է լիդերենր տան, ինչ հոգեբանություն են ունենալու, նրանց հայկական ոգին մեռած կլինի»:
Հասմիկի համար հայկական դպրոցի հարցն այն կետն է, որտեղ զիջում չի կարելի անել. «քաղաքականության մեջ Էական հարցերում խաղեր չի կարելի տալ, միայն երկրորդականում կարելի է մանևրել»:
Վերելակով իջնում եմ արդարադատության նախարարության 12-րդ հարկից ականջիս մեջ Հասմիկի խոսքը` Աշոտը չէր հանդուրժի, որ առաջս է բերում Աշոտի առարկություն չընդունող, անկոմպրոմիս մռայլ դեմքը… բայց արդեն անզոր այն ախորժակի դեմ որն խժռում է արդեն Հայաստանի անկախությունը:
Chuk-ի խոսքերից
Մեջբերել
չէ, եկեք արգելենք հայ տղաներին ամուսնանալ օտարազգի աղջիկների հետ... Գիտեք, որ միջազգային ամուսնությունները նպաստում են գեների թարմացմանը ու ավելի կենսունակ են դարձնում ազգին, քանի որ ավելի ուժեղ ու առողջ սերունդ է ծնվում՞ Ամեն ինչ երկու կողմ ունի ախր...
'
, որ կտրականապես մերժում է օտարալեզու դպրոցների բացումը, իսկ մնացած 4 հարցվածները ասել են, որ կողմ են օտարալեզու դպրոցների վերաբացմանը, քանի որ. /քանի որ հարցվածների քանակը շատ փոքր է, կարծում եմ, էլի կգտնվեն մարդիկ, ովքեր դեմ կլինեն.../
Էջանիշներ