Ես ուզում եմ նաև այսպիսի մի կարևոր հարց շոշափենք, որովհետև ըստ Աստվածաշնչի ամեն մարդ իրավունք չունի մկրտվելու: Ուրեմն.
Ո՞Վ ԿԱՐՈՂ Է ՄԿՐՏԵԼ ԵՎ ՄԿՐՏՎԵԼ
Նա կարող է մկրտել, որին Աստված է կարգել եկեղեցում առաջնորդական ծառայություն կատարելու:
Մրկ.1։2,5; Եփ.4։11;
Իսկ այժմ ներկայացնմ հինգ կարևոր կետեր այն մասին, թե ո՞վ կարող է մկրտվել.
1) Նա, ով հավատում է Հիսուս Քրիստոսին, ամեն ազգից` թե´ կին, թե´ տղամարդ. այսինքն ովքեր ընդունել են Քրիստոսի անձի շուրջ Ավետարանում եղած բոլոր վկայությունները` հատկապես Քրիստոսի մարդեղությունն ու աստվածությունը, քանի որ Սատանան հիմնականում Քրիստոսի մասին է կասկածներ և վիճաբանություններ առաջացնում։ Այս պատճառով յուրաքանչյուր քրիստոնյա պետք է շատ լավ իմանա և հաստատվի սուրբ գրային ճշմարտության մեջ։
Մտթ.28։19; Մրկ.1։15; Գործք.8։12; Գաղ.3։26-28;
2) Նա, ով դառնում է Քրիստոսի աշակերտ: Իհարկե, թե´ մկրտությունից առաջ և թե՜ հետո մենք միշտ պետք է սովորենք։
Մտթ.28։19,20;
Եւ ճշմարիտ աշակերտը նա է, որի համար Քրիստոսի պատվիրանները և գործը ավելի բարձր են, քան իր ամեն ինչքերը, անգամ` անձը։
Ղուկ.14։25-33;
3) Նա, ով ապաշխարել է:
Գործք.2։38;
4) Նա, ում խղճմտանքը մաքուր է: Ի՞նչ է նշանակում սա և ինչպե՞ս է արտահայտվում։ Մկրտվողը իր անձի մեջ վստահություն պիտի ունենա, որ իր մեղքերը թողված են, և ինքը հաշտություն ունի Աստծո հետ և իր սրտում մեղքի համար հանդիմանություն չունի։
Եբ.10։22; 1Պետ.3:21; 1Հովհ.3։19-21;
5) Նա, ով ունի դավանություն:
Մրկ.8։38; Հռ.10։9,10; Եբ.4:14; 10։23;
Jatagov-ի խոսքերից
Ձեր իրավունքները բաժնում
Մեջբերել
Էջանիշներ