Ոստիկանական մահակները «անգործ» չմնացին
11:55 | Այսօր | ՔԱՂԱՔԱԿԱՆՈՒԹՅՈՒՆ
Այսօր առավոտյան համահայկական ուղեւորության շրջանակում Լիբանանում գտնվող Սերժ Սարգսյանը այցելել է Կիլիկիո կաթողիկոսարան:
Հիշեցնենք,որ Սերժ Սարգսյանին երեկ Բեյրութում դիմավորել են հազարավոր ցուցարարներ: Ըստ որոշ տեղեկությունների' բողոքի ակցիային մասնակցել է մոտ 10000 լիբանանահայ, որոնք պահանջել են չստորագրել հայ-թուրքական արձանագրությունները:
Բացի այդ երթ էր կազմակերպվել «Հաբթուր» հյուրանոցի դիմաց, ուր իջեւանել էր հայկական պատվիրակությունը:
«100 տարի հայոց հարցի համար պայքարելուց հետո, ինչպես կարող է մեր թշնամին դառնալ մեր բարեկամը մեկ ակնթարթում»,-կարծում է բեյրութահայ գործարար Կոկո Մարաշլյանը:
Ցուցարարները ցրվել են ուշ երեկոյան, երբ նրանց ուղերձով դիմել է Արամ Ա կաթողիկոսը:
Ի դեպ, թեեւ ցույցը խաղաղ է եղել, սակայն տեղի է ունեցել բախում որոշ ցուցարարների եւ ոստիկանների միջեւ, ինչի արդյունքում մի քանիսը ստացել են թեթեւ վնասվածքներ ոստիկանական մահակներից:
Բողոքի ակցիան կազմակերպել էին երեք ավանդական հայկական կուսակցությունները' ՀՅԴ-ն, ՌԱԿ-ը. ՍԴՀԿ-ն:
Մինչեւ լուսաբաց շարունակվել է ՀՅԴ երիտասարդների նստացույցը Հայոց եղեռնի հուշահամալիրի կողքին:
Մեջբերել
ministr-ի խոսքերից
:: Թուրքիայի դռդռոցը կարող է սկսվել երկրորդ փուլում, հաջորդ պայմանագրերի ժամանակ:
Էջանիշներ