Ով ենք մենք իրականում

[Lion]

Հետաքրքիր կարծիք է: Իսկ այ ես օրինակ մտածում եմ, որ իրականում բառն ունեցել է Վիաինիլի, Վանիլի տեսքը: Չէ որ հայտնի է, որ "վ"-ն հաճախ կարդացվում/փոխվում է "բ"-ի և հակառակը...

[Արիացի]

Իմ տեղեկությունները հաստատ հնացած չեն, և այն պնդումը, որ հնդեվրոպականի փոխարեն արիականն է ճիշտ, անընդունելի է, մենք, փառք Աստծո, արիացի չենք, ինչպես արիացի չեն գերմանացիները, սլավոնները, հույները և բազմաթիվ հնդեվրոպական այլ ժողովուրդներ, այլ բան է՝ որ բոլոր արիացիներն էլ հնդեվրոպական ժողովուրդներ են, արիացի նշանակում է իրանացի, դրանք միայն մի ճյուղ են հնդեվրոպական լեզվաընտանիքում: Քսանմեկերորդ դարում շարունակել արիականության մասին ֆաշիստական ցնդաբանությունները, ներեցեք՝ ծիծաղելի է:

Ես պարսիկ չեմ, ես զտարյուն սյունեցի եմ

Եվ նաև ձեր ասած այդ շումերական ու չգիտեմինչական արձանագրությունների եղած հայերը հաստատ հայ ազգը չէ, այն առումով, որով այսօր ընկալվում է ազգ հասկացությունը, անշուշտ դրանք մեր նախնիներն են եղել, բայց նորից եմ ասում, որ դրանց դիտարկել ազգ այսօրվա ընկալմամբ անընդունելի է;

Ես չեմ հասկանում սա ինչ հիմար կոմպլեքս է, որ մտել է որոշ մարդկանց մեջ? Ինչու ասենք հույնը կամ հրեան չի ասում, որ 4000 տարի առաջվա իր նախնին նույնը չի ինչ այսօր ես եմ, բայց որոշ հայեր, ընդօրինակելով թուրք-ադրբեջանցիներին, թույլ է տալիս այդ սխալը: Եղբայր, իսկ դու գիտես, որ հայերը մնացած հին ազգերից ավելի լավ են պահպանել իրենց գենետիկական ու ֆիզիկական հատկանիշները: Հին պատմիչների նկարագրած հայը ու այսօրվա հայը իրարից համարյա չեն տարբերվում: Ու դա նրանից է, որ հայը համարյա չի խառնվել այլազգիների հետ: Իսկ դու գիտես, որ գոյություն ունեն հայկական երգեր ու պարեր, որոնց ակունքները գալիս են նախահեթանոսական ժամանակներից?
Ու ընդհանրապես դու ինչ հիմքեր ունես պնդելու, որ էն ժամանակվա հայը ազգ չի եղել?

[Շինարար]

Ու ընդհանրապես դու ինչ հիմքեր ունես պնդելու, որ էն ժամանակվա հայը ազգ չի եղել?

Որովհետև այն ժամանակ ազգեր չեն եղել:

Ես պարսիկ չեմ, ես զտարյուն սյունեցի եմ

Ես չեմ էլ կասկածում: Ընդ որու չափազանց հայրենասեր հայ ես երևում: իսկ ակումբային մականունը չի կարող նշանակել, որ դու հայ չես, իմ իսկական անունն էլ արիական ծագում ունի:

Ես չեմ հասկանում սա ինչ հիմար կոմպլեքս է, որ մտել է որոշ մարդկանց մեջ? Ինչու ասենք հույնը կամ հրեան չի ասում, որ 4000 տարի առաջվա իր նախնին նույնը չի ինչ այսօր ես եմ, բայց որոշ հայեր, ընդօրինակելով թուրք-ադրբեջանցիներին, թույլ է տալիս այդ սխալը:

Թուրք-ադրբեջանցիներին չասեմ, թե ինչ անեմ, բայց հաստատ չեմ ընդօրինակում: Այստեղ կոմպլեկսի խնդիր չկա, չգիտեմ, թե այսօր հույներն ու հրեաները ինչ են դուրս տալիս, բայց իրենց լեգենդները, առասպելները վկայում են, որ 4000 տարի առաջ իրենք հաստատ դեռ ազգ չեն եղել՝ կրկնում եմ՝ այն իմաստով, որով այդ տերմինը այսօր է ընկալվում: Ամեն դեպքում 4000 տարի առաջ այստեղ ապրել են մեր նախնի հանդիսացող ցեղերը և ոչ թե թուրք-ադրբեջանցիների:

Եղբայր, իսկ դու գիտես, որ հայերը մնացած հին ազգերից ավելի լավ են պահպանել իրենց գենետիկական ու ֆիզիկական հատկանիշները: Հին պատմիչների նկարագրած հայը ու այսօրվա հայը իրարից համարյա չեն տարբերվում: Ու դա նրանից է, որ հայը համարյա չի խառնվել այլազգիների հետ: Իսկ դու գիտես, որ գոյություն ունեն հայկական երգեր ու պարեր, որոնց ակունքները գալիս են նախահեթանոսական ժամանակներից?

Գենետիկական կոդը ազգային գիտակցության մասին չի խոսում, այլ վկայում է, որ այստեղ ապրել են ցեղեր, որոնց ուղղակի նախնիները հանդիսանում ենք մենք՝ հայերս: Իսկ երգեր-պարերի առումով ասեմ, որ ընդհանրապես մշակույթի և քաղաքակրթության ակունքներն են գալիս հեթանոսական ժամանակներից, դեռ տոհմային կարգերից, ոչինչ զարմանալի չկա:

[Արիացի]

Որովհետև այն ժամանակ ազգեր չեն եղել:

Ինչպես թե չեն եղել? Բա ինչ են եղել? Հա հասկացանք, միգուցե և ազգ գաղափարը, այնպիսին ինչպիսին, որ այսօր ընկալվում է, նույնը չի եղել, ինչ էն ժամանակ, բայց որ հստակ տարանջատում կար հայի, հրեայի, հույնի, աքքադացու, վրացու ու այլ ազգերի միջև, դա փաստ է:

Ես չեմ էլ կասկածում: Ընդ որու չափազանց հայրենասեր հայ ես երևում: իսկ ակումբային մականունը չի կարող նշանակել, որ դու հայ չես, իմ իսկական անունն էլ արիական ծագում ունի:

Սա կատակ էր, եղբայր

Թուրք-ադրբեջանցիներին չասեմ, թե ինչ անեմ, բայց հաստատ չեմ ընդօրինակում: Այստեղ կոմպլեկսի խնդիր չկա, չգիտեմ, թե այսօր հույներն ու հրեաները ինչ են դուրս տալիս, բայց իրենց լեգենդները, առասպելները վկայում են, որ 4000 տարի առաջ իրենք հաստատ դեռ ազգ չեն եղել՝ կրկնում եմ՝ այն իմաստով, որով այդ տերմինը այսօր է ընկալվում: Ամեն դեպքում 4000 տարի առաջ այստեղ ապրել են մեր նախնի հանդիսացող ցեղերը և ոչ թե թուրք-ադրբեջանցիների:

Ցեղային միավորումներից ազգերի առաջացման պրոցեսը տեղի է ունեցել շատ ավելի առաջ քան 4000 տարին է: Հենց շումերները, բաբելոնացիները ու մնացածը այլ հին ազգերը եղել են 4000 տարվանից էլ առաջ:

[Շինարար]

միգուցե և ազգ գաղափարը, այնպիսին ինչպիսին, որ այսօր ընկալվում է, նույնը չի եղել, ինչ էն ժամանակ,

Իմ ողջ ասածը այսքանն էր

[Տրիբուն]

Ես պարսիկ չեմ, ես զտարյուն սյունեցի եմ

Ես չեմ հասկանում սա ինչ հիմար կոմպլեքս է, որ մտել է որոշ մարդկանց մեջ? Ինչու ասենք հույնը կամ հրեան չի ասում, որ 4000 տարի առաջվա իր նախնին նույնը չի ինչ այսօր ես եմ, բայց որոշ հայեր, ընդօրինակելով թուրք-ադրբեջանցիներին, թույլ է տալիս այդ սխալը: Եղբայր, իսկ դու գիտես, որ հայերը մնացած հին ազգերից ավելի լավ են պահպանել իրենց գենետիկական ու ֆիզիկական հատկանիշները: Հին պատմիչների նկարագրած հայը ու այսօրվա հայը իրարից համարյա չեն տարբերվում: Ու դա նրանից է, որ հայը համարյա չի խառնվել այլազգիների հետ: Իսկ դու գիտես, որ գոյություն ունեն հայկական երգեր ու պարեր, որոնց ակունքները գալիս են նախահեթանոսական ժամանակներից?
Ու ընդհանրապես դու ինչ հիմքեր ունես պնդելու, որ էն ժամանակվա հայը ազգ չի եղել?

Ի միջի այլոց հույներից ոչ մեկը չի էլ փորձում ժխտել, որ հույների նախնիները հանդիսացող դորիական, հոնիական ու աքքայական ցեղերը հյուսիսի իջել են ժամանակակից Հունաստանի տարածք, ու ասիմիլիացնելով տեղաբնիկներին ու փոխառելով քաղաքակրթության նրանց ձեռքբերումները, հիմնել են հելենական մշակույթը: Ու ոչ մի հույնի մտքով չի անցում, որ դրանով ինքը դառնում է ոչ տեղաբնիկ, ու ինչ-որ մեկն ավելի մեծ պատմական իրավունքներ ունի ժամանակակից Հունաստանի նկատմամաբ, քան հույները:

Իսկ ինչ մնում է գենետիկ կոդին, եղբայր, մի քան անգամ ասել եմ, շատ մի ոգևորվեք դրանով, քանի որ եթե հիմա տարածաշրջանի բոլոր ժողովուրդների գենետիկ անալիզի ենթարկեն տարբերությունները հայերի ու ասենք քրդերի միջև սահմանային են լինելու, էլ չեմ ասում այն մասին, որ բոլորի արյան մեջ գոնե մի քիչ Չինգիզ Խան են գտնելու: Վկա մերձավոր արևեքլի գրեթե բոլոր ժողուրդների անթրոպոլոգիական ընդհանուր հատկանիշները, գոնե կողքից նայողի համար:
Հայկական ազգային պարերն ու երգերն էլ իրոք շատ գեղեցիկ են ու կարող են լինել այնքան հին, որքան ցանկանում ես, բայց դա դեռ չի ապացուցում հայերի բոլոր արիացիների նախահայրը լինելու փաստը: Բոլոր ժողովուրդները երգերն ու պարերն էլ արմատներով խորը պատմություն են գնում: Իսկ դու գիտես որ Ռեպը իր մեջ էլեմենտներ ունի, որոնք մի քանի հազար տարի առաջ աֆրիկացի շամաններն են պարել կոկորդիլոսների երկրպագելու ժամանակ: Բայց դա չի նաշանակում որ ժամանակակից ԱՄՆ ռեպ պարողների նախահայրերը կոկորդիլոսներն են:

[Lion]

Ի միջի այլոց հույներից ոչ մեկը չի էլ փորձում ժխտել, որ հույների նախնիները հանդիսացող դորիական, հոնիական ու աքքայական ցեղերը հյուսիսի իջել են ժամանակակից Հունաստանի տարածք, ու ասիմիլիացնելով տեղաբնիկներին ու փոխառելով քաղաքակրթության նրանց ձեռքբերումները, հիմնել են հելենական մշակույթը: Ու ոչ մի հույնի մտքով չի անցում, որ դրանով ինքը դառնում է ոչ տեղաբնիկ, ու ինչ-որ մեկն ավելի մեծ պատմական իրավունքներ ունի ժամանակակից Հունաստանի նկատմամաբ, քան հույները:

Հույների խնդիրն է, առավել ևս, որ դա է պատմական ճշմարտությունը: Իսկ "Միգրացիոն տեսություն"-ը սեփական պատմական հիմնավորվածության տեսակետից ուղղակի ծիծաղելի է...

[Շինարար]

Տրիբուն ջան, Նոյի թվի գրառմանդ եմ անդրադառնում, բայց այստեղ մի տող կար, որի հետ կներես չեմ կարող հմաձայնել, այստեղ էլ իմ ազգային սնապարծությունը և գրականության հանդեպ սերը ոտք են կանգնում, քանի որ դու էլ ուրիշից ես մեջբերել, հուսով եմ՝ կհամաձայնես:

..... Զրուցակիցս, պարզվեց, գերմանացի երկրաբան է, Էրվին անունով: Նա մի ընկերության պատվերով այցելել էր Հայաստան եւ երկու ամիս անցկացրել այնտեղ: Էրվինը աչք ծակելու չափ կոկիկ էր հագնված: Կրում էր ոսկե, կլոր շրջակալով ակնոցներ: Ճաղատությունը էլ ավելի էր ընդգծում դեմքին մշտապես առկա լարվածությունը:

- Եւ ինչո՞վ է ձեզ համար հիշարժան դարձել այդ երկիրը,- իբր իմիջիայլոց հարցրի ես:

- Շատ բանով,- ասաց Էրվինը` նենգ ժպիտը դեմքին, ու շարունակեց,- նրանք հենց սկզբից հարձակվում են իրենց երկիր մտած ամեն մի օտարերկրացու վրա եւ սկսում են տարբեր բաներ ապացուցել: Սկսում են, իհարկե, նրանից, որ իրենք ամենահին ժողովուրդն են: Եւ գիտե՞ք նրանք ինչ հեշտությամբ են խաղում հազարամյակի հետ: Նստած ենք, ասենք, սեղանի շուրջ շատ լուրջ պարոնների հետ: Եւ ահա, նրանցից մեկը կասի, որ իրենց ժողովուրդը երեք հազար տարվա պատմություն ունի: Սեղանի շուրջ անպայման կգտնվի մեկը, որ նրան կուղղի` հինգ հազար տարվա: Կարճ բանավեճից հետո նրանք կհամաձայնեն այն տարբերակի շուրջ, որ Նոյը առաջին հայն է: Բայց սա ամենը չէ, նրանք առաջին քրիստոնյաներն են: Ու չնայած սրանով նրանք հպարտանում են, բայց եւ չեն կարողանում ներել Հիսուսին, որ նա եկավ ու իրենց մի քանի հազարամյա նախաքրիստոնեական մշակույթը ոչնչացրեց. որպես ապացույց նրանք ունեն մի հռոմեական հավաբուն: Չէ, կներեք, նաեւ պարսատիկի քարերի մի կույտ, որ նրանց կարծիքով` Սթոուն-հենջի եղբայրն է,- Էրվինը սկսեց անզուսպ ծիծաղել:

Ես չգիտեի` ինչ ասել. սագի նման` անզգա կուլ էի տալիս մսի կտորները, անջատված լակում գինին:

- Բայց նրանք նաեւ ամոնատառապածն են. նրանց հետապնդել է ոչ միայն Հիսուսը (չնայած նրանք քրիստոնյա են), այլեւ Մուհամմեդը` Հիսուսի պատճառով: Եւ այս ամենը ապացույցն է ընդամենը մեկ բանի. նրանք ամենախելոքն են:

- Այո, ծանր օրեր եք անցկացրել այնտեղ,- կեղծ կարեկցանքով ասացի ես:

- Ոչ, ի՞նչ եք ասում, դա շատ զվարճալի էր: Հետո նրանք սկսում են բացատրել: Բացատրում են, թե ինչ բան է ճարտարապետությունը. նրանք ոչինչ չեն լսել Քյոլնի տաճարի, Սան Ստեֆանի, Սագրադա-Ֆամիլյայի, Նոտր Դամի մասին: Հետո նրանք սկսում են բացատրել, թե ինչ է գրականությունը, իրենց գրականությունը. ոչինչ չեն լսել Գյոթեի, Բայրոնի, Դոստոեւսկու, Մարկեսի մասին: Նրանք սկսում են բացատրել ամեն ինչ, խոսում են իրենց աշխարհակալ թագավորների, պետությունների մասին. ոչինչ չեն լսել Մակեդոնացու, Նապոլեոնի, Կեսարի մասին........

Այն տողերը, որ ընդգծել եմ, այ այդտեղ հոպ: Հարգելի Էրվին ես, ինչ ես, մենք հայերս կարդացել ենք Գյոթե, Բայրոն, Դոստոևսկի, Մարկես, բայց այ դուք չեք կարդացել Թումանյան, Տերյան, Մեծարենց, Շանթ, Չարենց, Սևակ, Մաթևոսյան, այսքանը հերիք է, ու մենք, որ ձեր պատմության կողքին ձեր ծիծաղը շարժող պատմություն ունենք, ահա այսպիսի գրական դեմքեր ունենք, որոնք ոչնչով չեն զիջում աշխարհի և ոչ մի գրողի, նույնիսկ Դոստոևսկուն, այնպես որ արտահայտություններիդ մեջ զգույշ, գրականությանը չկպնես:

[Տրիբուն]

Այն տողերը, որ ընդգծել եմ, այ այդտեղ հոպ: Հարգելի Էրվին ես, ինչ ես, մենք հայերս կարդացել ենք Գյոթե, Բայրոն, Դոստոևսկի, Մարկես, բայց այ դուք չեք կարդացել Թումանյան, Տերյան, Մեծարենց, Շանթ, Չարենց, Սևակ, Մաթևոսյան, այսքանը հերիք է, ու մենք, որ ձեր պատմության կողքին ձեր ծիծաղը շարժող պատմություն ունենք, ահա այսպիսի գրական դեմքեր ունենք, որոնք ոչնչով չեն զիջում աշխարհի և ոչ մի գրողի, նույնիսկ Դոստոևսկուն, այնպես որ արտահայտություններիդ մեջ զգույշ, գրականությանը չկպնես:

Հարյուտ տոկոսո համաձայն եմ այս մտքի հետ: Ու այն որ մեջբերել եմ այս զրույցը բոլորովին չի նշանակում որ արդարացնում եմ Էրվինի թերի լինելը: Ինքս էլ հազար անգամ նշել եմ, որ մենք շատ ավելի շատ բաներ ունենք հպարտանալու ու ամբողջ աշխարհին ներկայացնելու, ու մեր ուժերն ու էներգիան պիտի ծախսենք հենց դրա վրա, որ Էրվինները իմանան, թե ով էր Նարեկացին, Թումանյանը ու ինչ ճարտարապետական գլուխգրոծոց էր Զվարթնոցը (սրանք ուղղակի պարզ օրինակներ են): Իսկ փոխարենը մենք ձգտում ենք ինչ-որ Էրվինների համոզել, որ մենք իր ու իր նմանների նախահայրն ենք, ու տաս հազար տարի առաջ սիրում էինք աստղերին նայել ու արևին երկրպագել:

[Տրիբուն]

Իսկ "Միգրացիոն տեսություն"-ը սեփական պատմական հիմնավորվածության տեսակետից ուղղակի ծիծաղելի է...

Եղբայր, դու ծիծաղի այդ տեսության վրա, իսկ մենք ընդունենք այն որպես տեսություն, որը նույնքան կամ ավելի հիմնավորված է գիտականորեն, քան անատոլիական կամ հայկական տեսությունները: Ու սա ընդունելով էլ բոլորովին չկոմպլեքսավորվենք ու անկեղծորեն հավատանք, որ եթե նույնիսկ մեր "արիացի" նախահայրերը տաս հազար տարի առաջ կուրգանենրով իջել են հայկական լեռնաշխարհ ասենք Վոլգայի ափերից ու հիմնել են մեր քաղաքակրթությունը, դա մեզ ոչ մեկից պակաս չի դարձնում ու մի գրամ չի նվազեցնում մեր պատմական իրավունքները մեր հայրենիքի ու մեր մշակույթի նկատմամբ, քանի որ բացի մեզանից ուրիշ ոչ մեկի հայրենիքը դա չի եղել ու չէր էլ կարող լինել: Այնպես ինչպես հույների համար Հունաստանը:

[Շինարար]

Հարյուտ տոկոսո համաձայն եմ այս մտքի հետ: Ու այն որ մեջբերել եմ այս զրույցը բոլորովին չի նշանակում որ արդարացնում եմ Էրվինի թերի լինելը: Ինքս էլ հազար անգամ նշել եմ, որ մենք շատ ավելի շատ բաներ ունենք հպարտանալու ու ամբողջ աշխարհին ներկայացնելու, ու մեր ուժերն ու էներգիան պիտի ծախսենք հենց դրա վրա, որ Էրվինները իմանան, թե ով էր Նարեկացին, Թումանյանը ու ինչ ճարտարապետական գլուխգրոծոց էր Զվարթնոցը (սրանք ուղղակի պարզ օրինակներ են): Իսկ փոխարենը մենք ձգտում ենք ինչ-որ Էրվինների համոզել, որ մենք իր ու իր նմանների նախահայրն ենք, ու տաս հազար տարի առաջ սիրում էինք աստղերին նայել ու արևին երկրպագել:

Կարծում եմ մեր նախնիներին չի էլ սազում իր նման ժառանգ ունենալը, և հայերից դժվար թե եվրոպական ժողովուրդները ծագեին, նայելով նրանց որոշ բարքերի ես չէի էլ ուզի, բա մեր քի՞թը, քիթը դարերի ընթացքում փոքրացա՞վ, ես սիրում եմ մեր քիթը, այն բոլոր ազգերը որոնց նման քիթ բնորոշ չի, չեն կարող հայերից ծագած լինել, բա մեզ կսազի՞:

[Տրիբուն]

Հայերի ծագման ու էվոլյուցիայի քթային տեսությունը:
Մի հատ էն գենետիկ հատկանիշների մասին խոսելուց առաջ առաջարկում եմ բոլորին չափել իրենց քիթը: Հայկական միջին վիճակագրականից փոքր լինելու դեպքում, այս բաժնում գրառումներ անելն արգելվում է:

[Chuk]

Հայերի ծագման ու էվոլյուցիայի քթային տեսությունը:
Մի հատ էն գենետիկ հատկանիշների մասին խոսելուց առաջ առաջարկում եմ բոլորին չափել իրենց քիթը: Հայկական միջին վիճակագրականից փոքր լինելու դեպքում, այս բաժնում գրառումներ անելն արգելվում է:

Դրա համար էլ աշխատում եմ չմտնել

[Տրիբուն]

Դրա համար էլ աշխատում եմ չմտնել

Չուկ ջան, մի նեղացի, դու գենետիկորեն ընդհանրապես հայ լինելու իրավունք չունես: Հին հայերը նվազագույնը 2 մետր բոյ են ունեցել: Դու մի ուրիշ կարգի հոմոսափիենս ես Արքիմեդը գլուխը Քարահունջի քարին ա տվել քո դեմ:

[Lion]

Եղբայր, դու ծիծաղի այդ տեսության վրա, իսկ մենք ընդունենք այն որպես տեսություն, որը նույնքան կամ ավելի հիմնավորված է գիտականորեն, քան անատոլիական կամ հայկական տեսությունները:

Այն ոչ միայն նույնքան, էլ չասած ավել, այլ նույնիսկ 5 տոկոսի չափ հիմնավորված չէ, ինչպես անատոլիական կամ հայկական տեսությունները: Միգրացիոն ողջ այդ հիմարության հիմքում ընկած է ընդամենը Հերոդոտի այն ֆրազը, թե. "Հայերը զինված էին փռյուգիացիների նման, քանի որ Փռյուգիայից էին": Ի դեպ, նույն այդ Հերոդոտը այնքան վատ էր պատկերացնում Արևելքը, որ լրիվ լուրջ գրում էր ամազոնուհիների մասին: Եվ բացի այդ - ասենք թե բիրմացին "զինված է" ԱԿ-74-ով... ուրեմն նա Ռուսաստանից է

Ու սա ընդունելով էլ բոլորովին չկոմպլեքսավորվենք ու անկեղծորեն հավատանք, որ եթե նույնիսկ մեր "արիացի" նախահայրերը տաս հազար տարի առաջ կուրգանենրով իջել են հայկական լեռնաշխարհ ասենք Վոլգայի ափերից ու հիմնել են մեր քաղաքակրթությունը, դա մեզ ոչ մեկից պակաս չի դարձնում ու մի գրամ չի նվազեցնում մեր պատմական իրավունքները մեր հայրենիքի ու մեր մշակույթի նկատմամբ, քանի որ բացի մեզանից ուրիշ ոչ մեկի հայրենիքը դա չի եղել ու չէր էլ կարող լինել: Այնպես ինչպես հույների համար Հունաստանը:

Միանշանակ: Ուղղակի եթե նույնիսկ-ի պահը բացակայում է, ինչը իմաստազրկում է հետագա ողջ արադրանքը...