Հայաստանի և Թուրքիայի միջև երկկողմ հարաբերությունների զարգացման մասին արձանագրություն

[Marduk]

Վերջերս Իգոր Մուրադյանը լավ հոդված էր գրել միտքը սա էր:

Ոչ մեկ իրականում չհասկացավ թե ինչ արեց Սերժը այս քայլերով:
Սերժը փաստացի ընդունելով թուրքիայի նախապայմանները ու ստորագրելով լիակատար կապիտուլացիա 30 արծաթի դիմաց վերջնական ՓԱԿԵՑ հայկական հարցը որը ավելի շատ օգտագործում էր Արևմուտքը Թուրքիային զսպելու համար:

Վերջ էդ հարցը փակվեց, ու հիմա Թուրքիայի ձեռքերը լրիվ ազատ են դրա համար աջ ու ձախ մատ է թափ տալիս Էրդողանը: Երեկ էլ բացահայտ պաշտպանեց Իրանին:

Հիմա արևմուտքը իր մի քանի գործակալների միջոցով խառնվել է, Ռիչարդ Կիրակոսյան, Էվանս , Ադամ Շիֆ ու ես իմ էլ ինչ էր բայց անիմաստ է:

Էս մեր շուստրիները գիտեն թե իրենք կմարսեն էս բոլորը, բայց չի լինելու, մորթելու են իրանց համ իշխանություններին ու համ էլ ժողովրդի այն ոչխարացած մասսային որ գնում է այս իշխանություններին: Թարմ հայի արյուն կհոսեցնեն ոնց որ Դինքին արեցին որպեսզի Հայկական հարցը նորից բացեն:

[Elmo]

Կոնկրետ այս պահին Արմեն Այվազյանը դատական գործընթաց է սկսել այս ապօրինի իշխանությունների հիմնական փաստաբան ու պաշտպան Ալեքսանդր Իսկանդարյանի դեմ որը իրենց թուրք բաշիբոզուկ ընկերների հետ արդեն բացահայտ Երևանի սրտում ժխտում են Ցեղասպանությունը:

Ապրի Արմեն Այվազյանը: բայց ասենք էդ փաստաբանին դատի, դրանով ի՞նչ խնդիր կլուծի: Նոր փաստաբան կվերցնեն: Սերժին ա դատել պետք ապեր ու ընդհանրապես պետք է համակարգը քանդել, որ թե համակարգի առանձին ծառայողների:

[dvgray]

Ապրի Արմեն Այվազյանը: բայց ասենք էդ փաստաբանին դատի, դրանով ի՞նչ խնդիր կլուծի: Նոր փաստաբան կվերցնեն: Սերժին ա դատել պետք ապեր ու ընդհանրապես պետք է համակարգը քանդել, որ թե համակարգի առանձին ծառայողների:

Սերժին դատի տալ ա պետք Եվրո-դատարանում /եվրոպատուհանով ու եվրոդռնով/: Որ մի 50 տարուց հետո դատը սկսի, իսկ մի 5000 տարումց հետո ասեն, որ մի հատ թաղայինից թուղթ էլ բեր

[Marduk]

Ապրի Արմեն Այվազյանը: բայց ասենք էդ փաստաբանին դատի, դրանով ի՞նչ խնդիր կլուծի: Նոր փաստաբան կվերցնեն: Սերժին ա դատել պետք ապեր ու ընդհանրապես պետք է համակարգը քանդել, որ թե համակարգի առանձին ծառայողների:

Էլմո

Սովետի վախտերից հայկական բյուրոկրատիան մի մեծ ավանդույթ է յուրացրել:
Եղբայր իրենք ինչ հանցագործություն անում են աշխատում են անել օրենքի շրջանակներում, ու իրենց այդքան էլ հեշտ չի բռնացնել հենց քրեական ոլորտում:
Հաշվապահությունը, յուրացումները ու ամեն ինչ թղթաբանական տեսակետից անում են այնպես որ շատ դժվար լինի բռնացնելը:

Որպեսզի Սերժին դատես պետք է կոնկրետ ինքը մի պռապուսկատ անի, որտեղ հստակ լինի խախտումը ու եթե ասենք հայկական դատարանում չէ գոնե եվրոպականում դատես.

Տեսար էն ՀԱԿ-ի կազմակերպած ինչ անկապ վերջացավ որովհետև պարզվեց որ մի իրավաբանից չէին ճշտել արդյոք կարող են Քոչարյանին դատել թե ոչ:

Հիմա եթե կոնկրետ Սերժի պռապուսկատ կա որին կարելի է քրեական հոդվածի տեսք տալ կարելի է անել, կեղծված ընտրություն, բայց մի հստակ բան չեղավ Սահմանադրական դատարանում ու դա էլ Սերժը չի է որ դատես , դատելու են էլի ինչ որ ընտրատարածքի մարդու:

Միայն Սերժին ճնշելը քիչ է , ճնշում է իրենց վրա պետք է զգան նաև էն բաշիբոզուկները որ ծառայում են սրանց: Պետք է զգան ամենուր ու համատարած:

Մենք ազգովի կարանք դրանց պսիխիկայի վրա ճնշե՞նք
Կարանք եթե ուզենք
Տեսար երեկ Հրանտը Տեր-Աբրահամյանը ոնց կլիզմա արեց Սուրեն Զոլյանի կոչեցյալին:

Այ էդ ձև պտի լինի ամենուրեք:

[Elmo]

Marduk ջան ոչ մի օրինական դաշտում էլ չեն անում:
Էս կասեի ամեն ինչ անում են չափազանց փնթի: Անհերքելի փաստեր հավաքելը դժվար չի, պարզապես այս համակարգը ոտքից գլուխ փոխկապակցված է: Սկսած ամենափոքր կոչումով ոստիկանից, թաղայինից, բժշկից ու դասախոսից, մինչև ամենաբարձրաստիճան պաշտոնյաները, համակարգի համար ծառայում են՝ կամա, թե ակամա: Դասախոսը գործը կորցնելու վախի տակ, ուսանողը զաչոտ չստանալու վախի տակ, ոստիկանը էլի գործից վախենալով, ոմանք իրենց ու իրենց ընտանիքի կյանքի համար վախենալով, կամ դրամական, շահից ելնելով ծառայում են համակարգին:
Դա քանդելու համար չգիտեմ էլ ինչ է պետք անել: Բայց «ձուկը գլխից ա փչանում»: Գլուխը կտրելով հնարավոր ա մի պահ բոլորին շոկային վիճակի հասցնելով ամեն ինչ տապալել ու նորը կառուցել:
Ի միջայլոց իմ կողմից էդքան չսիրված Լևոն ձաձի մոտ քիչ մնաց ստացվեր: Անսպասելի հայտնվեց, անսպասելի մարդիկ աջակցեցին իրեն, ու անսպասելի ահագին պետական պաշտոնյաներ ու կուսակցություններ սատարեցին իրեն:

[Elmo]

Ստրկական «Արձանագրությունների» և Հայաստանում Հայոց ցեղասպանության ժխտման մասին
Արմեն Այվազյանը չունենալով արտահայտվելու հնարավորություններ, վերջապես Գյումրի քաղաքի փոքրիկ հեռուստատեսային ընկերությունում հնարավորություն ունեցավ խոսել...

http://rutube.ru/tracks/2427557.html...07f1ae241a1fab

Էս լինկով մտա ռութուբ սենց հաղորդագրություն եկավ

Предупреждение

Вы собираетесь просмотреть видео, которое может содержать материалы эротического характера, нецензурную лексику или сцены насилия

Չհասկացա, թե Արմեն Այվազյանը ինչով էր զբաղված Գյումրիի հեռուստատեսության եթերում, բայց և նայելու ցանկությունը կորավ:

[Բիձա]

Թուրքական թղթերի հետ կապված երևի իմաստալից է տեսնել, թե այս հարցում որոնք են օբյեկտիվ և սուբյեկտիվ մոտիվները
Թվարկենք դրանք և փորձենք համապատասխան գործակիցներով գնահատել դրանց համապատասխան արժեքը.
1-Սերժի անձնական մոտիվները–(լեգիտիմություն, հետագա կառավարման երաշխիքներ–այլ հիվանդագին շահեր).
2- Սերժի թայֆի տրամադրվածությունն ու շահերը.
3- Ռոբերտի ստվերային դերը.
4- Թուրքերի ու ադրբեջանցիների միացյալ ազգային մոտիվը,
5- Թուրքիայի որպես տարածաշրջանային լիդեր–պետություն հաստատվելու մոտիվը.
6- Ռուսաստանի կեցվածքը.
7- Եվրոպայի կեցվածքը.
8- ԱՄՆ դիրքորոշումը.
9- Վրաստանի դերը.
10- Չինաստանի հնարավոր շահերը.
11- Իրանի դերը.
12- Հայաստանի ժողովուրդի դերը.
13-Քաղաքական ուժերի դերը.
Սերժի վարքի վերլուծությունը բավական դժվար է. Բայց կան անուղղակի դրսևորումներ, որոնք կարող են պատկերացում տալ այդ մարդու էության մասին. Անկասկած նա ունի կրթական, ինտելեկտուալ և ֆիզիկական թուլություններից բխող հոգեբանական ծանր կոմպլեքսներ, որոնք գումարվելով նախագահություն վաստակելու հետ կապված կրիմինալին, նրա վարքը դարձրել են խիստ թշնամական բոլորի դեմ. Նա նման է մի անկյուն քշված գազանի, որի ազատ տեղաշարժման շառավիղը զերո է.
Դեռ մինչև նախագահ կարգվելը նա հաճախ հայտնվում էր էկրաններին իր մեծամիտ, գոռոզ, ոչինչ չասող ու դիմացինին նսեմացնելու մոլուցքով շաղախված ասուլիսներով. Արմենիկումը շատ բնորոշիչ էտապ էր այդ մարդու կյանքում. Նա իսկապես հավատացել էր հրաշքի ու "բոլորի աչքը համելու" տրամադրվածությամբ մտել էր խաղի մեջ, թե տեսեք ես ով, եմ, ես ինչ փրկարար եմ. Չնայած այդ ձեռնարկումը ձախողվեց, բայց նրա արկածախնդիր վարվելակերպը չփոխվեց. Հիմնավորվելու համար և փառասիրությունից դրդված, հետագայում նա սկսեց իրենով անել տարբեր զրնգուն խույրհուրդների նախագահի պաշտոններ, –համալսարանի խորհրդի նախագահ, շախմատի մեցենատ և այլն. Ինչի մասին է սա խոսում.– միարժեքորեն ցույց է տալիս որ նա աշխարհայացքով հրաշքների հավատացող խաղամոլ է և իր անգրագետ հաշվարկների գերին. Եթե սրան գումարենք Տիգրան Առաքելյան ճլեզ բայց խիզախ տղին բանտում չոքեցնելու խելագար միտումը, ապա կստանանք մի շատ ծանր նկարագիր, որը մարդկայինի, ռացիոնալի, ազգայինի, պետականի կամ նորմալ–տրամաբանականի հետ կապ չունի.
Դա ռեվանշով տարված մի ուղեղ է, որին կարգի հրավիրել, իրականություն հասկացնելն անհնար է. Նա պատրաստ է աշխարհն էլ իր հետ կործանելու, եթե ձեռքին վրեժի լծակ լինի.
Թուրքերի հետ այս թղթախաղը սկսելու սերժի իրական մոտիվը երևի անհնար է նշել, քանի որ նշված բոլորն էլ առկա են նրա մոտիվներում– թե լեգիտիմություն ու իշխանության երաշխիքներ ստանալը ումից որ ստացվի, թե ռեվանշը բոլորի դեմ. Թե ինքնախաբեությունը, և այլն. Նրա արածի գործակիցը ես ընդունում եմ որպես բազիսային – պլյուս 100
2- Սերժի շրջապատ ասածը, որը մենք որպես թայֆա ենք պատկերացնում, իրականում բացարձականապես ենթակա է Սերժին և գեոքաղաքական– կոնցեպտուալ հարցերում դերակատարում բացարձակապես չունի. Նրա միակ շահագռգռությունը իշխանության մաս մնալն է, անկախ նրանից թե դա կլինի հայի, թուրքի, մարդասպանի կամ հրեշի իշխանություն. Նրանցից որևէ վերաբերմունք չի պահանջվում, այլ միայն ստրկական ենթակայություն, որը և նրանք հաճույքով ապահովում են. Գործակիցը–0
3- Ի տարբերություն Սերժի Ռոբերտը իրատես մարդ է, և իր իշխանությունը իրացնում էր արդյունավետ տեխնոլոգիաներով, և պետք եղած դեպքում արյան մեծ դոզաներով. Ռոբերտի նախնական նպատակը խանություն ստեղծելն էր ու նա դրան հասավ առանց որևէ ճիգի ու արգելքի, քանի որ մենք մեր մեծամասնության մեջ խանության ժողովուրդ ենք, պատրաստ ցանկացած տղամարդու առջև կզելու. Մի խոսքով Ռոբերտը նորմալ է, իրականության մեջ ապրող և սթափ. Տեսնելով Սերժի խելահեղ ծայրահեղությունները, իմ կարծիքով հիմա Ռոբերտը ինչ որ առումով ինքնամեկուսացել է. և թղթերին եթե միջամտում էլ է, ապա միայն է իր ունեցվածքը ապահովագրելու առումով. Այս առումով Ռոբերտին ձեռնտու է թղթերի ստորագրումը, հենց օրինակ ի հատուցում հյուսիսայինի բնակարանները թուրքերին հարմար գնելով ծախելու, կամ պղնձի հանքաքարը ավելի հեշտ ծախելու.
Մի խոսքով ռոբերտը իր շահի ետևում կանգնած ռոբոտ է, որը կանխատեսելի է և ընդունակ ցանկացած քայլի. Նրա գործակիցը այժմ շատ ավելի փոքր է սերժինից, քանի որ բանական է, ճկուն և կարող է իր հարցերը լուծել ցանկացած ելքերի դեպքում, Գործակիցը երևի պլյուս 10.
4- Թուրքերն ու ադրբեջանցիկ շատ էլ լավ տեսնում են որ այս պահին իրենց երկուսի, որպես պետության և ազգի զարգացումը շատ ավելի շահեկան ու խոստումնալից կլինի ջանքերը համատեղելու և միմյանց հետ անմիջական սահման ունենալու դպքում. Եթե նույնիսկ մի կողմ դնենք, նավթ, ընդհանուր ապրանքային և աշխատուժային շուկա, կուլտուրական հանդիպակած հարստացում հարցերը, ապա քաղաքական դիվիդենտները առկասարակ ահռելի են և համեմատելի գերմանիաների միացմանը.
Սրանք իհարկե նման հիմարություն չեն անի, չեն միավորվի որպես պետություններ, բայց զուգախաղով շատերին կկզացնեն. Հետևաբար հիմա հայերին ծալել ու իրենց հարուցած պրոբլեմներով մի կողմ դնելը նրանց համար մեկ հարցն է, որը կարտարվում է առանց որևէ ջանքի ու ծախսի. Հայկական զորքերի դուրս բերումով միջթուրքական սահմանը նորից կդառնա 54 կիլոմետր. Հետագայում ցանկացած պրովոկացիայով այդ 54 կիլոմետրը կես ժամում կդառնա թուրքական և Հայաստանը որպես պետություն կկորցնի իր իմաստը գլոբուսի վրա. Այս գործոնի դերը շատ մեծ է, բայց տեսնելով որ հարցը դիվանագիտորեն է լուծվում, հայաստանի դեմ ուղղակի ագրեսիան հետին պլան է մղված. Նրանք միացրել են իրենց ուժերը և վարում են դիվանագիտական պատերազմ. Այդ ամենը չնչին արժեք կունենար, եթե չլիներ սերժի խոցելիությունը և պատրաստակամությունը զիջելու. Փաստորեն նրանք իրենց խաղը խաղացին մեր բանտարկյալների ու քռչոտության վրա. Պարզ էր, որ կուլիսային խոսակցություններում նրանք այլ երկրների դիվանագետներին համոզել են, թե ում հետ եք ձեր հույսերը կապում– իրար հոշոտող ու արժանապատվությունից զուրկ ազգի ու դատարկված աղքատիկ երկրի խելագար խանի հետ՞ . Այս փաստարկին դեմ գնալը շատ դժվար է. Դիվանագիտությունը դա իրատեսության դաշտ է. և հենց մեր տհասությունն է երևի ստիպել գերտերություններին վերանայել տարածաշրջանային գեոքաղաքականութունը, որը խիստ նշմարելի է վերջին ամիսներին. Իրար ետևից հայաստան եկող բազմաթիվ դիվանագետներ իրենց սկսզբնական եռանդը վերջում փոխեցին զզվանքի և հեռացան մեզ տեր կանգնելուց. Ես կարծում եմ որ մեր ներքին դաժանությունը և թուրքերի դիվանագիտական ճկունությունն ու համառությունը արեցին իրենց գործը և հայաստանը այժմ բացարձակապես մերկ է բարոյապես.
Այս գործոնի արժեքը աստիճանաբար աճում է. Այս պահին ես այն գնահատում եմ մոտ պլյուս 50,
5- Թուրքիայի տարածաշրջանային մոտիվները ինչ որ չափով քննարկվել էր մի քանի էջ առաջ. Նշեմ միայն որ, Հայաստանի թուլացումով և գենոցիդի հարցի վերացումով թուրքերը բացում են բոլոր գեոքաղաքական ուղղություններով ազատ գործելու և մանևրելու հնարավորությունները. Արևմուտքին կասեն ձեններդ կտրեք, քանի որ մեղադրող չկա. Արևելք ընդլայնելն էլ զուտ ժամանակի հարց կդառնա, երբ շահագռգռելով այլ թուրքալեզու ազգերին թուրքերը աստիճանաբար կձևավորեն թուրանը որպես բազմակենտրոն, դինամիկ եղբայրական մի կայսրություն– Սիբիրի ներառմամբ.
Երևի այլ թուրքալեզուների հետ լեզու գտնելը շատ ավելի բարդ է լինելու քան հայերի այս քնձռոտ էտապն է, որովհետև նրանք բոլորն էլ իրենց պահում են որպես ձևավորված պետական միավորներ. Գործոնի արժեքը մոտ պլյուս 50.
6-Ռուսաստանի ներկայությունը հայաստանում մեր աղաչանքով է եղել էն գլխից, քանի որ նույնիսկ տեսականորեն անկլավ երկրում բազա ունենալը հիմարություն է. Մյուս կողմից էլ ժամանակի որոշ հատվածում այն շահավետ է եղել նաև ռուսներին նրանց բարձրացնելով որպես ռեգիոնալ գերտերության կարգավիճակի. Ադրբեջանը ռուսներին վռնդեց մի քանի ամսում. Վրացիները մինչև հիմա դրանով են զբաղված. Մեր մոտ ռուսների լինելը թեև մեր խնդրանքով է եղել, բայց դուրս գնալն իրենց ուզելով է լինելու. Այդ որոշումը ցանկացած պահի է հնարավոր. Եթե գեոքաղաքական իրավիճակը փոխվի ու ռուսաստանին ձեռնտու լինի դուրս գալը, ապա նա հարց չունի, հարմար գնով իր ունեցվածքը կծախի թուրքերին ու դուրս կգա. Այնպես որ եթե մինչև հիմա մեր տկար ուղեղը նրանց դիտել է որպես փրկարար, ապա մոտակա ժամանակներս կտեսնենք այդ փրկարարի իսկական ճանիքները. Ռուսներն իրենք հիմա գեոքաղաքականություն չեն ձևավորում, դիրքեր են պահում, հարմար գնով ծախելու համար, այդ պատճառով նրանց գործակից դնելն անմիտ գործ է. Լֆիկի պես մի բան են. Զերո տոկոս.
7- Եվրոպան մտահոգված է Թուրքիայի եվրոմիություն մուտք գործելու միտումներով և տեսնելով որ հայկական ֆակտորը աստիճանաբար վերանում է մեջտեղից և ստիպված է լինելու քյասար մերժելու, Եվրոպան շահագռգիռ է թուրքիային դեպի արևելք դիրքորոշելու. Այս առումով հասկանալի է թե ինչու է պրոցեսը միջնորդավորվում Շվեյցարիայում, չեզոք երկրի կողմից, որպեսզի չզռա միջամտության հարցը. Նրանց համար սա փրկարար օղակ է, և ղարաբաղ ու հայաստան ժերտվա տալը այդ առումով գին չէ. Գումարած դրան նաև էներգակիրների ճանապարհների դիվերսիֆիկացիայի հարցն է ավտոմատ լուծվում. Ֆակտորը– պլյուս 100
8-Մեր ռեգիոնում ԱՄՆ դիրքորոշում հիմա գոյություն չունի, քանի որ այդ երկիրը այս պահին չունի գեոքաղաքկան ռեգիոնալ նոր ծրագրեր. Դրանք ուղղակի մշակված չեն. Դեռ որ հներն են քարշ տրվում, մինչև նորը ձևավորվի. Իսկ այժմյանը կենտրոնացած է հրեական ստրատեգիւական խնդիրների սպասարկման վրա. Նրանք չգիտեն մնան իրաքում, թե դուրս գան. Մնան Աֆղանստանում, թե լքեն. Բացարձակ քաոս է նրանց կոնցեպտուալ մտածելակերպի մեջ. Ես մեծ նմանություն եմ տեսնում ընթացող ամերիկյան պրոցեսների և բրեժնեվյան ու հետագա սովետական անտերության մեջ.
Հիմա թուրքերն այնպիսի դիրքեր են գրավել մերձավոր արևելքում և մեր ռեգիոնում, որ ԱՄՆ–ն իրականում անզոր է լրջորեն միջամտելու թուրքական ցանկություններին. Նա կենտրոնացրել է իր ջանքերը իրանի հետ հարցերը լուծելուն . Բայց քանի որ չունի համապատասխան ռեսուրսներն ու հնարավորությունները, փորձում է ռուսներով , թուրքերով ու մնացածով դա անել. Հայաստանը այդ առումով ինչ որ դեր ունի, բայց դա էլ քննարկվում է ռուսների հետ. Հետո էլ մեր պապան թուրքերը կլինեն, նրանց դա կվստահվի.
ԱՄՆ դերը երևի մի պլյուս 20-տոկոս է.
9-Վրաստանը խանդով է նայում ընթացող պրոցեսին, բայց իմ կարծիքով նրանք ունեն երաշխիքներ, որ թղթերի ստորագրումից հետո ճանապարհները ոնց կային, էդպես էլ մնալու են փակ և պետք չի անհանգստանալ. Վրաստանին իհարկե ձեռնտու չի թուրքիա– ադրբեջան սահմանային կապի ստեղծումը, քանի որ ինքը կզրկվի տարանցիկ դիրքերից. Բայց մյուս կողմից էլ ԱՄՆ հրթիռային տեղադրման վերաբաշխման շրջանակներում Վրաստանը երևի կդառնա հիմնական ամերիկյան ռազմական կայանատեղին ռեգիոնում. Այնպես որ վրաստանի շահերը բավական լավ պաշտպանված են, և վրաստանը չի միջամտելու գործին որևէ կերպ. Մի գուցե խաղա թուրքերի խաղերը, բայց ոչ բացահայտ. Այնպես որ վրաստանի ֆակտորը երևի զերոյական է.
10-Չինաստանը իհարկե մեծ շահագռգռություններ ունի ույգուրների հետ կապված հայաստանին պաշտպան լինելու և թուրանական գործընթացին դիմադրելու. Բայց հիմա նա այնքան հեռու է խաղահրապարակից, որ երևի կարող է միայն թեթևակի միջամտել միջազգային ատյաններում, բայց դրանք մանր մունր բազարներ են լինելու, քանի որ Չինաստանի վերջնական դիրքավորումը սպառազինմամբ է լինելու և նման հեռակա դիվանագիտական խաղերը համարյա թե անուժ կլինեն ներկա պահին, մանավանդ որ այլ մեծ ուժեր են ներգրավված. Ֆակտորը –մոտ զերոյին
11- Իրանը միարժեքորեն դեմ է այդ թղթերին. Թուրք ադրբեջանական մերձեցումը Իրանի համար նրա շուրջը կատարվող գեոքաղաքական մնացած իրադարձություններից մի կարգով բարձր նշանակության խնդիր է. Մերձեցումը հետագայում դանդաղ գործողության ռումբ է դառնալու իրանի ամբողջության համար, քանի որ հնարավոր տարբեր կյանքի ստանդարտները ու ազգային ֆակտորները, նաև դրսի հրահրմամբ, ի վերջո բերելու են Իրանի մասնատմանը. Իրանը հենց այս պահին սեղմված է հրեական ահռելի ճնշման տակ, կենտրոնացել է ինքնապաշտպանության վրա և ամբողջովին զբաղված է միայն դրանով. Իրանը մեր բնական դաշնակիցն էր, բայց ստեղծված պայմաններում այն լրիվ չեզոքացված է. Այնպես որ իրանի գործակիցը կարող էր որպես մինուս 100 գնահատվել, բայց իրերի դրվածքով զերո է.
12-Ժողովուրդի մեծ հատվածը իհարկե հասկանում է թղթերում թաքնված վտանգները և դեմ է գործերի ընթացքին. Մյուս կողմից էլ ելնելով դառը փորձից, որ հայաստանում իր կամքի վրա թքած ունեն, մի կողմ է քաշվել ու սպասում է իր ճակատագրին. Որպես ֆակտոր ժողովուրդը դա միակ որոշիչ ֆակտորն է, որը կարող է չոզոքացնել թուրքին էլ, սերժին էլ ու մնացածին էլ. Բայց չկա նրան կազմակերպողը և չկա գիտակցումը, որ իրականում դրված է հայկական պետականության գոյության հարցն իսկ. Ժողովրդի ֆակտորը – 0-ից 1000 է. կախված կազմակերպվածությունից.
13. Իշխանամետ կուսակցությունների մասին խոսելն անիմաստ է, բայց իմ կարծիքով ՀԱԿ–ի դիրքորոշումը սկզբունքային է, քանի որ այն ընկալվում է որպես « պետականամետ, ուղեցուցային, խելոք և այլն». Հակը քննադատում է թղթերը ստորագրող մարդու լեգիտիմության հարցը, լուսանցքում թողնելով էականը– թե արդյոք շահավետ է հայաստանին նման թղթերի ստորագրումը.
Շարունակութունը հաջորդիվ.

[Բիձա]

Շարունակություն
ՀԱԿ–ի ձեռնպահ դիրքը բերում է նրան, որ մարդիկ մտածում են, որ եթե հարցը ստորագրողի անձն է, ուրեմն վատ բան չկա, թքած թե ով կստորագրի, հո նորից չենք զոհվելու, որ սերժը չստորագրի, ԼՏՊ–ն ստորագրի. Փաստորեն Հակ–ի ձեռնպահ լինելը դա հենց մինուս հազարն է, որը տեսականորեն ժողովրդը ընդունակ էր դրսևորելու. Այսինքն հիմա ժողովրդի նեգատիվությունը հավասրակշռվում է ՀԱԿ–ի պոզիտիվ չեզոքությամբ.
Ի մի բերելով տեսնում ենք, որ բոլոր միավորները աշխատում են հոգուտ թղթերի նման ստորագրման և բացակայում են դրա դեմն առնելու իրական ռեսուրսները.
Հիանալի խաղ է, –գրոսմաստերական թուրքերի կողմից, և ապշեցուցիչ տհասության ու փալասության հայերի կողմից.
Հալալ ա մեզ. Հաջորդ սերունդների համար սուք, շիվան կապելու ու ոռնալու լիքը պոտենցիալ ենք էսօր կուտակում. Հետագա մի 100 տարվա կհերիքի, մինչև վերջի հայի վերանալը.

[dvgray]

Բիձա
Հիանալի վերլուծություն է, մանավանդ Սերոժի ու Քոչի մասով : չնայած ավելացնելու բաներ կան

[Արիացի]

ՍՓՅՈՒՌՔԸ ՎՐԴՈՎՎԱԾ Է


Հոկտեմբերի 1-ից Սերժ Սարգսյանը 'համազգային ուղեւորության' շրջանակներում պատրաստվում է այցելել աշխարհի մի քանի հայաշատ քաղաքներ, քննարկելու հայ-թուրքական հարաբերության խնդիրը: Արդեն այսօր ստացվող տեղեկատվությունից պարզ է, որ այդ քաղաքներում՝ Փարիզում, Բեյրութում, Լոս Անջելեսում, Ռոստովում, Սերժ Սարգսյանին այդքան էլ բարեկամաբար չեն ընդունելու: Մի քանի քաղաքներում արդեն իսկ բողոքի ցույցեր են եղել, որոնց մասնակիցները դեմ են արտահայտվել հայ-թուրքական արձանագրություններին:

Հայկական հեռուստաալիքները, բացի թերեւս Երկիր Մեդիայից, կցուցադրեն տեսարաններ, թե ինչպես է սփյուռքը հավանություն տալիս Սերժ Սարգսյանի քաղաքականությանը: Այս օրերին, սակայն, թեկուզ մեր խմբագրությունում ստացված մեր հայրենակիցների զանգերը վկայում են, թե ինչ աստիճանի տեղեկացված եւ միաժամանակ վրդովված է հայկական սփյուռքը: Եւ կարելի է պնդել, որ դա պարզապես զգացմունքայնություն չէ, այլ հասուն, հիմնավոր քաղաքական դիրքորոշում:
http://lragir.am/armsrc/politics29427.html

[Արիացի]

«ԺԱՌԱՆԳՈւԹՅԱՆ» ՀԱՅՏԱՐԱՐՈւԹՅՈւՆԸ
Հ Ա Յ Տ Ա Ր Ա Ր ՈՒ Թ Յ ՈՒ Ն
Հայ-թուրքական հարաբերությունների կարգավորմանն նպատակով նախաստորագրված արձանագրությունների մասին

Կողմ լինելով Հայաստանի և Թուրքիայի միջև դիվանագիտական հարաբերությունների հաստատմանն ու դրանց հետագա բնականոն զարգացմանը` նախ և առաջ Թուրքիայի կողմից Հայաստանի ապաշրջափակմանը, մենք` ներքոստորագրյալներս հայտարարում ենք, որ Հայաստանի և Թուրքիայի միջև դիվանագիտական հարաբերություններ հաստատելու մասին արձանագրություններից անհրաժեշտ է բացառել բոլոր այն կետերը, որոնք վերաբերում են`
- գոյություն ունեցող այսպես կոչված ընդհանուր սահմանի փոխադարձ ճանաչմանը, քանի որ այդպիսի ճանաչմամբ Հայաստանին պարտադրվում է ճանաչել նախկինում կնքված հակաօրինական և հակահայկական պայմանագրերը:
- պատմական փաստաթղթերի և արխիվների ուսումնասիրության նպատակով միջկառավարական ենթահանձնաժողովի ստեղծմանը, քանի որ սրանով կվիճարկվի Թուրքիայի կողմից պետական մակարդակով ծրագրված և իրականացված հայության եղեռնն ու հայրենազրկումը և աշխարհի գրեթե երկու տասնյակ պետությունների կողմից որպես մարդկության դեմ հանցագործություն ճանաչված հայոց ցեղասպանությունը:
Միաժամանակ հաստատում ենք, որ. հայ-թուրքական հարաբերությունների զարգացումը չի կարող ուղղակի կամ քողարկված առնչվել Լեռնային Ղարաբաղի Հանրապետության կայացմանն ու նրա ժողովրդի կողմից ընտրված իշխանությունների օրինականությանը, ինպես նաև Արցախի Հանրապետության Սահմանադրությամբ և օրենսդրությամբ հռչակված սահմաններին և տարածքային ամբողջականությանը:
Կոչ ենք անում համայն հայությանը համախբվել այս կարևորագույն քաղաքական և պատմական նշանակություն ունեցող խնդրի շուրջ և այդպիսով նպաստել հայոց պետականության հիմնարար սկզբունքերի ու համազգային նպատակների իրագործմանը` ապահովելով հայրենիքի հզորացումը:

[Արիացի]

«Միացում» ազգային նախաձեռնության հայտարարությունը

«Մադրիդյան սկզբունքների» և «Թուրքական արձանագրությունների»վերաբերյալ ՀՀ Գիտությունների ազգային ակադեմիայի իշխանություններին հաճոյանալու ստրկամիտ, հայ գիտնականին, մտավորականին անհարիր պահվածքի և կրավորական կեցվածքի հանդեպ «Միացում» ազգային նախաձեռնությունը կազմակերպում է բողոքի ակցիա սեպտեմբերի 30-ին, ժամը 17:00-ին Ազգային ակադեմիայի դիմաց (Բաղրամյան 24):

Հոկտեմբերի 2-ին, ժամը 16:00-ին ՀՀ-ում Արցախի մշտական ներկայացուցչության շենքի դիմաց (Նաիրի Զարյան 17ա, Հրաչյա Քոչար փողոցի զուգահեռ մասում) ևս կլինի բողոքի ակցիա: ՀՀ-ում Արցախի ներկայացուցչին կհանձնվի նամակ ուղղված Արցախի իշխանություններին:

Մեր համախոհներին կոչ ենք անում մասնակցել վերոնշյալ միջոցառումներին:

[Հակոբ Գեւորգյան]

Էս ինչքա՜ն ես խորացել բիձա ջան։

[Տրիբուն]

- գոյություն ունեցող այսպես կոչված ընդհանուր սահմանի փոխադարձ ճանաչմանը,

Լավն էր էս մասը: Փաստորեն մինչև հիմա հայ-թուրքական ընդհանուր սահմանը "այսպես կոչված" էր; Բա ինչի չեմ կարում արդեն 90 տարի անցնեմ այդ այսպես կոչված սահմանը ?

[murmushka]

Հանրային խորհրդի նախագահ Վազգեն Մանուկյանն, այսօր խորհրդի մոտ 100 անդամների անունից Սերժ Սարգսյանին հայտնեց, որ խորհուրդը գտնում է, որ հայ-թուրքական արձանագրությունները պետք է ստորագրել:

«Մենք գումարել ենք բոլոր մինուսներն ու պլյուսները եւ ստացել ենք պլյուս»,- ասաց Վազգեն Մանուկյանը' հիմնավորելով թե ինչու պետք է կողմ քվեարկել փաստաթղթերին:

Նա պնդում է, որ արձանագրություններում նախապայմաններ չկան: «Այն որ ստեղծվում է պատմաբանների ենթահանձնաժողով, դա ընկալվում է որպես կասկած ցեղասպանության իրողությունը կասկածի տակ դնել: Թուրքիան այդ կետը դնելով' երբեւիցե չի մտածել, որ հայ ժողովուրդը կարող է հրաժարվել ցեղասպանությունից: Ինքը ուրիշ խնդիրներ է հետապնդել: Առաջինը' հնարավորություն ունենալ ուրիշ երկրներին ասել' սպասեք, մենք դա դեռ քննարկելու ենք, երկրորդ' մի քիչ խաղաղեցնել իր ժողովրդին եւ երրորդ' ինչ-որ չափով սեպ խրել ՀՀ-ի եւ սփյուռքի ժողովրդի մեջ»,- Թուրքիայի մոտեցումները փորձեց ներկայացնել Մանուկյանը:

Ինչ վերաբերում է ԼՂ հիմնախնդրին, ապա արձանագրություններում «Ղարաբաղ» բառի բացակայությունը Մանուկյանին թույլ է տալիս ասել, որ արձանագրություններում հայ-թուրքական հարաբերությունները պայմանավորված չեն ԼՂ հիմնախնդրով. «Ասում են արձանագրություններում եթե գրված է «տարածքային ամբողջականություն» եւ գրված չէ «ազգերի ինքնորոշում», ապա դա կարող է ընկալվել, որ մենք գաղտնի կերպով համաձայնություններ ենք տվել ԼՂ հարցում: Ազգերի ինքնորոշման մասին այստեղ հնչեցնելը կնշանակեր, որ մենք ինքներս ենք ԼՂ հարցը մտցնում քննարկման: Դա նաեւ կնշանակեր, որ այս փաստաթուղթը չի ստորագրվելու, որովհետեւ դա Թուրքիայի համար կնշանակեր քրդական հարցի բարձրացում այս փաստաթղթում»:

Վազգեն Մանուկյանը ոչ միայն մտահոգություններ չունի, այլեւ գտնում է, որ արձանագրությունների ստորագրումն այս տեսքով բխում ՀՀ-ի շահերից. «Ես գտնում եմ, որ հայրենասիրությունը թուրքերին ատելը չէ, այլ իր ժողովրդին սիրելը»:

Արձանագրությունների ստորագրմանը խորհրդի անդամներից կտրականապես դեմ են 2-ը' ժողովրդական դերասան Սոս Սարգսյանը եւ ակադեմիկոս Բաբկեն Հարությունյանը, որոնք այսօր ներկա չէին Սերժ Սարգսյանի հետ հանդիպմանը:

Արձանագրությունների ստորագրմանը ձեռնպահ է քվեարկել միայն խորհրդի անդամ բնապահպան Կարինե Դանիելյանը, մնացածը միաձայն կողմ են արտահայտվել:

Տիկին Դանիելյանը այսօր ափսոսանք հայտնեց, որ դեմ արտահայտվածները բացակայում են' նշելով, որ նրանք ավելի հստակ կներկայացնեն նաեւ իրենց մտահոգությունները:

Հանրային խորհրդի անունից այսօր ելույթ ունեցան Խոսրով Հարությունյանը, Արմեն Տեր-Տաճատյանը, Հովհաննես Միքայելյանը, Արտակ Շաքարյանը, Տեր Մարկոսը, որոնք բոլորն էլ ներկայացրին արձանագրության հետ կապված իրենց դրական ընկալումներն ու հեռանկարները: