Հեծանվարշավ

[Ռուֆուս]

Արշավ հո չէ՞ր պատերազմ էր փոթորիկի, անձրևի ու փախնող գնացքի դեմ
Գնացքից ուշացանք, ու գիտե՞ք ոնց գնացինք հասանք Սևան. հեծանիվներով: Մոտավորապես 7 ժամ գրեթե անդադար վերելքներ հաղթահարելով հասանք, գիշերը մնացինք վրաններում, հաջորդ օրը մասնակցեցինք թրիաթլոնի մարզումներին (26 կմ) ու էլի հեծանիվներով վերադարձանք: Հետդարձի ճանապարհին հանդիպեցինք նորին մեծություն փոթորկին, որը ծառեր էր շուռ տալի, թրջվեցինք մինչև ոսկոռներ ու ճանապարհին չորանալով, ցեխոտ ու ուրախ հասանք տուն:
Էս մի արշավը երևի մեզանից ոչ ոք կյանքւոմ չի մոռանա

Հա, դաժան էր, եթե ես իմանայի, որ մինչև Սևան հեծանվով պետք ա գնայինք, հաստատ չէի գա

Բայց դե փորձություն էր, որը բարեհաջող կերպով հաղթահարեցինք

Վաղը նկարներ կդնեմ Ակումբում, որ տեսնեք, ինչ հավես հեծանվարշավ էր....

[Ռուֆուս]

3 օր տևող հեծանվարշավ դեպի Լոռի

Այս ուրբաթ, շաբաթ, կիրակի 3 օրանոց սուպեր էքստրեմալ հետաքրքիր փորձություններով լի հեծանվարշավ դեպի Լոռու մարզ - Վահագնի գյուղ
Ընթացքը - շարժվում ենք ՀՎԶ արհեստանոցից /Լենինգրադյան փ./ առավոտյան 6.30 դեպի Քանաքեռ կայարան, 8.20ի գնացքով մեկնում ենք Հրազդան, Հրազդանից շարժվում ենք Սևան, Դիլիջան, Վանաձոր, Վահագնի գյուղ երթուղով :
Շաբաթ օրը ծանոթանում ենք շրջակա գեղատեսիլ վայրերին և հուշարձաններին իսկ կիրակի վերադառնում:

[Ձայնալար]

Այսօր Ժամը 18-ին, բոլոր նրանց համար ովքեր չգիտեն հեծանիվ վարել, կամ երկար ժամանակ չեն վարել և վստահ չեն իրենց ուժերին, համալիրի մոտ տեղի կունենա հերթական անվճար հեծանվավարման պարապմունքը՝ հեծանվային գուրու Սամվելի ղեկավարությամբ:

[Ձայնալար]

Սույն թվականի հուլիսի 15-ին, ժամը 11:00-ին, Երևանի Օրհուս կենտրոնում (հասցե` Չարենցի 46) տեղի կունենա քննարկում “Հեծանվային տրանսպորտի զարգացումը Երևանում” թեմայով:
Քննարկման ժամանակ կներկայացվեն Երևանում հեծանվային տրանսպորտի զարգացման հնարավորությունները և մոտեցումները, մասնավորապես` Երևանի Օղակաձև զբոսայգում առաջին հեծանվային արահետի ստեղծման և սեպտեմբերի 22-ին` “Առանց մեքենաների” միջազգային օրը Երևանում հանդիսավոր նշելու վերաբերյալ մեր առաջարկները:
Քննարկմանը հրավիրված են համապատասխան պետական և լիազոր մարմինների (Երևանի քաղաքապետարան, “Երևաննախագիծ” ինստիտուտ, ՀՀ բնապահպանության նախարարություն, ՀՀ տրանսպորտի և կապի նախարարություն, ՀՀ առողջապահության նախարարություն, ՀՀ սպորտի և երիտասարդության նախարարություն, ՀՀ ոստիկանություն և այլն), միջազգային և հասարակական կազմակերպությունների, մամուլի ներկայացուցիչներ, հեծանվորդներ և անհատներ:
Քննարկմանը վերոնշյալ խնդրով մտահոգ հեծանվորդների և անհատների մասնակցությունը և կառուցողական առաջարկներով հանդես գալը շատ ցանկալի է:

[Ռուֆուս]

Ինչ լավ բան են մտածել, կաշխատեմ գնալ

[Moon]

Վաղը մենք՝ հեծանվորդներս, ձեզ կներկայացնենք Հեծանվային շարժումը Հայաստանում և Եվրոպայում, ֆոտոսլայդեր և ֆիլմեր, հեծանվային քննարկում և ինչ ասես կապված հեծանիվների հետ։
Հանդիպումը վարելու ենք մենք՝ Մունն ու Նախշունը։ Լինելու են նաև մեր ամենաակտիվ հեծանվորդները և ներկայացնելու են իրենց փորձն ու արկածները։
Մենք խրախուսում ենք ՁԵՐ մասնակցությունը մեր շարժմանը։
ՄՈՒՏՔՆ ԱԶԱՏ Է

Ամսաթիվ
17 Հուլիս, 2009 (ՎԱՂԸ)
Ժամ
18:30 - 20:00
Վայրը
"Էսպաս" հ/կ, Նալբանդյան 29
Փողոց
Նալբանդյան 29

[Ֆրեյա]

Իսկ հեծանիվ երբ ենք քշելու՞ Էս շաբաթ ձեն-ձուն չկա՞

[Moon]

Իսկ հեծանիվ երբ ենք քշելու՞ Էս շաբաթ ձեն-ձուն չկա՞

Դե էս շաբաթ էլի տրիատլոն ա, մյուս շաբաթ երևի։ Գալի՞ս ես վաղը։

[Ֆրեյա]

Դե էս շաբաթ էլի տրիատլոն ա, մյուս շաբաթ երևի։ Գալի՞ս ես վաղը։

Կաշխատեմ գալ

[Ֆոտոն]

Տրիատլոն

Կարճ ասած՝ մի քանի նկար /երևակայենք, որ ես լուսանկարիչ էի նաև/:
1. Ժամը 8,00 ին Սևանի ափին
2. Մասնակիցները գրանցվում են
3. 2.5 կիլոմետրի վրա
4. Մասնակից

[Ֆոտոն]

Մասնակիցների տեսականին

[Ձայնալար]

Լավ էլ բռնացրել ես Հայկին օդում

[Ֆոտոն]

Ոմանք ըմպում են անանուն խմիչք, ոմանք այդ թանկ վայրկյանները չեն վատնում: Իսկ Նախշունը՝ շտապում է հավերժացնել հաղթանակի պահերը: Ոմանք էլ հետաքրքրությամբ հարցաքննում էին մեզ՝ կամավորներիս:

[Ֆոտոն]

1. Մրցանակաբաշխություն
2. Հաղթող /ներեցեք անվանակարգը չեմ հիշում,
օլիմպիական մի բան, իմացողները թող հավելեն/
3. Ընկերներ, աջակիցներ
4. Վայելում ենք ....



Մնացած 250 նկարները, որտեղ համարյա բոլոր մասնակիցները կան մրցման ընթացքում, կարող եմ տրամադրել:

[նախշուն]

Սիրով հրավիրում ենք Ձեզ բանջարեղենամրգային հերթական խնջույքին, որն այս անգամ նվիրվում է Սևանում կայացած Տրիատլոնում`Սամվելի գլխավորած` Թեղուտի պաշտպանության թիմի հաղթանակին!!!!!!!

Խնջույքը տեղի կունենա շաբաթ օրը/օգոստոսի 1/ Համալիրի այգու~մ ժամը 19:30-ին:

Բոլոր նրանք, ովքեր ցանկանում են սովորել հեծանիվ կարող են մասնակցել հեծանվավարժանքին, որը տեղի կունենա ժամը 18:00-ին և վարժանքից անմիջապես հետո միանալ մեր կանաչ խնջույքին!

Ձեզ հետ կարող եք բերել զանազան, բազմագույն և թարմությամբ լի մրգեր և բուսական սնունդ, խոտաբույսերից թեյեր ու հյութեր, ընդեղեն և համեմունքներ, բոլոր այն ինչ լի է կյանքով, ուրախությամբ:

Չիչխանի հյութով կենացներ, ունիկալ բուսական ուտեստներ, ցնծող տրամադրություն…

Համեցեք, Զարմացրեք, կիսվեք Ձեր խոհարարական հմտություններով..

ՍՊԱՍՈՒՄ ԵՆՔ!!!