Հեծանվարշավ

[Ռուֆուս]

Ժողովուրդ կարող ե՞ք ինձ ասել, թե մոտավորապես ինչքա՞ն գումար և ժամանակ է պետք նորմալ հեծանիվ, պարագաներ գնելու և քշել սովորելու համար, ու արդյո՞ք հիմա շուկայում վաճառվող հեծանիվները նորմալ են...

Դե Հայաստանում հիմնականում անորակ չինական հեծանիվներ են վաճառում (40000-100000դրամի կարգի), իմ կարծիքով չարժի դրանց վրա գումար ծախսել: Հեծանիվների աքսեսուարներ վաճառող խանութներ գրեթե չկան...

Միակ տարբերակը ծանոթներից, բարեկամներից օգտագործած եվրոպական արտադրության հեծանիվներ գնելն է կամ էլ դրսից պատվիրելը: Իսկ քշել սովորելու համար յուրաքանչյուր շաբաթ ժամը 6-ին արի Ծիծեռնակաբերդ ու ՀՎԶ-ի Սամվելը քեզ անվճար քշել կսովորեցնի: Իմ կարծիքով 2-3 պարապմունք հետո արդեն կկարողանաս նորմալ քշել

[Ձայնալար]

Հունիսի 14-ին՝ այս կիրակի հեծանվարշավ քաղաքամայր Երևանում

Երթուղին՝ նկարում:


Սկիզբը՝ ժամը 11-ին

Նրանք, ովքեր չունեն հեծանիվներ և ցանկանում են վարձել, ժամը 10 անց 30 լինեն ՀՎԶ արհեստանոցում անձնագրերով, հեռ՝ 093 42 66 54:

Բոլոր նրանց համար, ովքեր ցանկանում են միանալ մեր հեծանվային շարժմանը, բայց վստահ չեն իրենց ուժերին քաղաքից դուրս արշավները հաղթահարելու համար, սա հրաշալի հնարավորություն է ստուգելու սեփական ուժերը և մարզվելու համար: Իսկ փորձառու հեծանվասերների համար լավ հնարավորույուն է շրջել հարազատ քաղաքի փողոցներով, հանգստանալ և պրոպագանդել հեծանիվը

[Ռուֆուս]

հմմ, ես չեմ գալիս: Քաղաքից ներս քշելը էլ հավես չէ...

[Ձայնալար]

Երթուղին չի երևում, այստեղ նայեք:
http://1.bp.blogspot.com/_zJvSH5WYBy...ge003+copy.jpg

[Rammer]

Երթուղին չի երևում, այստեղ նայեք:
http://1.bp.blogspot.com/_zJvSH5WYBy...ge003+copy.jpg

Մոտավոր քանի ժամ կտվի?

[Ռուֆուս]

Մոտավոր քանի ժամ կտվի?

Երևի մի 4-5 ժամ կտևի (ներառյալ դադարները)

[Ռուֆուս]

Ակումբի հեծանվորդներին ուզում եմ հիշացնել հեծանիվ քշելիս անվտանգության կանոնները պահպանելու մասին: Մի եղեք ինքնավստահ, զգույշ քշեք, մանավանդ վայրեջքների ժամանակ դանդաղացրեք ընթացքը, միանգամից մի արգելակեք: Եթե առանց ականջակալների եք, քշելու ժամանակ մի պատասխանեք հեռախոսազանգերին: Հիշեք, որ ձեր սեփական անվտանգությունը ավելի կարևոր է, քան հեծանիվի վրա տրյուկներ կատարելը:

Վերջին հեծանվարշավին այս տղայի հետ շատ լուրջ պատահար կատարվեց: Արզնիի ձորը իջնելիս արագ ընթացքի ժամանակ կորցրեց տիրապետումը, կտրուկ արգելակեց ու գլուխը խփեց ճանապարհի եզրին գտնվող քարին: Փառք աստծու միայն մարմնական վնասվածքներով, ուղեղի ցնցումով ու մի քանի կոտրված ատամներով պրծավ, կարող էր ավելի սարսափելի ավարտ ունենալ

[Ձայնալար]

Հա, վախացրու, վախացրու

[Rammer]

Իսկ ինչ արժի հեծանիվ վարձելը?

[Ձայնալար]

Մեկ օրվա համար 3000 դրամ:

[նախշուն]

"Կիրակի օրը, հունիսի 21ին նախատեսվում է հեծանվա--Մարտ----դեպի Թուրքիա:

որտեղից կարող եք հիանալ Արարատ սարով հնարավոր ամենամոտիկ կետից և տեսնել Արևմտյան Հայաստանի մի փոքրիկ հատված, ինչպես նաև մարզվել և լավագույն տպավորություններ ստանալ հաջորդ շաբաթվա համար:

Երթուղին` ՀՎԶ արհեստանոց /Լենինգրադյան/-Արգավանդ-Մուսալեռ-Զվարթնոց-էջմիածին-Գրիբոեդով-Ապագա-Երասխահուն-Մարգարա:

Ընդհանուր երկ-ը մոտ 85 կմ:"

[Ձայնալար]

Հեծանվարշավ դեպի Սևան

Շաբաթ-կիրակի օրերին կազմակերպվում է գնացքային հեծանվարշավ դեպի Սևան + թրիաթլոնի մարզում ( 200 մ լող, 26 կմ հեծանվավազք, 5 կմ վազք/քայլք ):

Գնացքն առավոտյան 8:20 շարժվում է Քանաքեռի կայարանից, դրա համար մենք ժամը 7-ին պետք է շարժվենք ՀՎԶ արհեստանոցից (Լենինգրադյան փողոց) :

Գնացքով գնալու ենք մինչև Հրազդան, այնտեղից հեծանիվները հեծած մինչև Սևան: Մնալու ենք վրաններում: Վրանը կարող եք չունենալ, բայց քնապարկերը պարտադիր են: Ով չունի քնապարկ, թող փորձի ճարել ծանոթներից, ով ունի վրան, թող տեղյակ պահի Արամին, Տիգրանին կամ Սամվելին, որ տեսնեն, թե քանի հատ վրան ունենք:

Ով չունի հեծանիվ, կարող է վարձակալել զեղչով: Վարձակալելու համար պետք է նախապես զանգել Սամվելին՝ 093 426654, իսկ շաբաթ առավոտյան ներկայանալ անձնագրերով:

[Ռուֆուս]

Քնապարկ չունեցողներին կարող եմ խորհուրդ տալ, ձեր հետ երկու հատ ադեալ բերեք, մեկը տակից կփռեք, մյուսը վերևից:

Տուրիստ խանութում քնապարկեր վաճառում են, իրենց համարը 091555755 զանգեք, կարող ա վարձով էլ տան:

Մեկ էլ եկողները թող էս թեմայում գրեն, որ իմանանք, Ակումբից քանի հոգի են մասնակցելու

[Ձայնալար]

Արշավ հո չէ՞ր պատերազմ էր փոթորիկի, անձրևի ու փախնող գնացքի դեմ
Գնացքից ուշացանք, ու գիտե՞ք ոնց գնացինք հասանք Սևան. հեծանիվներով: Մոտավորապես 7 ժամ գրեթե անդադար վերելքներ հաղթահարելով հասանք, գիշերը մնացինք վրաններում, հաջորդ օրը մասնակցեցինք թրիաթլոնի մարզումներին (26 կմ) ու էլի հեծանիվներով վերադարձանք: Հետդարձի ճանապարհին հանդիպեցինք նորին մեծություն փոթորկին, որը ծառեր էր շուռ տալի, թրջվեցինք մինչև ոսկոռներ ու ճանապարհին չորանալով, ցեխոտ ու ուրախ հասանք տուն:
Էս մի արշավը երևի մեզանից ոչ ոք կյանքւոմ չի մոռանա

[nune']

հա, հեծանիվ քշելը լավ բանա, մենակ թե ըտենց երկար ճանապարհ դուրս գալու համար, պիտի լավ վարել իմանաս..