Քաղաքական քննարկումներ՝ թեմայից դուրս

[Chuk]

Չեմ վիճի, պարոնայք վնասվածքաբաններ։

Ի տարբերություն քեզ, Վիշապ ձյա, մենք մեզ դատաբժշկի տեղ չդրինք ու սկսենք վերլուծել վնասվածքի ձևն ու տիպը, բայց դե եթե գնանք դրան, ապա վստահ եմ, որ կարող ենք ցույց տալ ծեծ կերած բազում մարդկանց նկարներ, որոնցից ոմանք ընդհանրապես վնասվածք ստացած չլինեն, մյուսները ստացած լինեն ընդամենը թեթև կապտուկներ, երրորդները թեթև քերվածքներ, չորրորդները ուժեղ քերվածքներ, հինգերորդները թեթև վերքեր, վեցերորդները ջարդուխուրդ եղած լինեն և այլն: Եթե դու պնդում ես, դատաբժշկի լիազորությունները ստանձնած, որ ինքը աստիճաններից է ընկել (չնայած իր վերքերը քեզ այդպիսի բան չեն կարող հուշել), ապա ես ընդամենը կարծիք եմ հայտնում, որ աստիճաններից ընկնելու վնասվածքներ չեն:

[Վիշապ]

Ինձ լավ չհասկացար: Ես ընդամենը ուզում եմ ասել, որ դու պարտավոր ես դատապարտել նման ցանկացած դեպք: Ես էլ եմ պարտավոր: Բոլորն են պարտավոր: Խոսում ենք սամանադրական երկրից, լավագույն ժամանակներից, ապօրինություններից, բայց էսօր փաստացի մարդու վրա հարձակվել են, դրել վիճում ենք, արժանի էր, թե ոչ, ծեծել ե՞ն, թե ոչ, իրա կամքո՞վ են ծեծել, թե կամքից անկախ, փողո՞վ են ծեծել թե ձրի: Ցանկացած տենց երևույթ ամոթալի ա ու դատապարտման արժանի:

Էլմո ջան, կարծում եմ բարոյախոսությունդ սույն պարագայում անտեղի է, ես կասկածի տակ եմ դնում իրեն ծեծելու փաստը՝ ելնելով նրա առողջական վիճակից, ստացված վերքերի լուսանկարներից և նրան ծեծելու մոտիվացիայի առերևույթ բացակայությունից: Խնդրում եմ գլխիս քարոզ չկարդալ, թե որ պարագայում ինչ եմ պարտավոր անել: Չեմ էլ խորանում թե սույն անձնավորությունը ինչպես է իրենց դրսևորում որպես լրագրող-մեկնաբան: Դիցուք շատ օբյեկտիվ է դրսևորում: Կամ ընդհակառակը՝ շատ վատ: Դրանից իմ աչքին նրա վերքերը ծեծ կերածի վերքեր չեն դառնում: Իմ կասկածների ու առարկությունների միակ դրդապատճառը օբյեկտիվ ճշմարտությունն է նախ և առաջ, հետո կդատապարտեմ, դատապարտելը հիմա մոդայիկ է: Դատապարտում ենք այս և այն, մոռանալով որ օրինաչափ կլիներ, եթե մեր սիրելի ոստիկանապետը վաղուց հրաժարական տար, քանզի աղմկոտ և ոչ մի հանցագարծություն չի բացահայտվել: Ես կգերադասեի խարակիրի աներ: Իսկ իմ նման հասարակ մահկանացուի դատապարտումը Նվերի վերքերին դարման չի անի, ու վաղն էլ ոչինչ չի արգելի, որ ասենք Պետրոսին քցեն քացու տակ: Սատանայի ականջը խուլ:

[Մարկիզ]

Կիվիրյանի ծեծելուն լավ էլ անրադարձել ա/ավելի հին դեպքեր չեմ հիշում/, լավ էլ դատապարտել ա, իսկ Ալթունյանի "տեսանկյուն" հաղորդաշարերից մեկը ամբողջությամբ նվիրված էր Կիվիրյանին ծեծողներին քֆրտելուն: Անձամբ ես եմ նայել: Ասեմ, որ Ալթունյանն էլ, Նվերն էլ 100 տոկոսանոց իշխանամետ լրագրողներ են: Իրանց գործընկերների ծեծը միշտ էլ դատապարտել են:

Վերջին մեկուկես տարվա ընթացքում ծեծվել են տասնյակից ավել լրագրողներ, հարյուրավոր քաղաքացիներ: Բացի այդ անդրադառնալ էլ կա, անդրադառնալ էլ: Որևիցե մեկն այսօր հայտնե՞ց, որ Կիվիրյանի ծեծված տեղանքում հայտնաբերվել է փամփուշտ: Կամ ո՞վ անդրադարձավ այն հանգամանքին, որ Կիվիրյանի գործը հանձնվել է ԱԱԾ-ին, չգիտես ինչու՞… Մեկը հարցներ, էլի…
Մենք էլ դրած ուրախանում ենք. այ տեսա՞ք՝ Գևորգն ու Նվերն անդրադարձան, բա՜, տեսնու՞մ եք… Հետո էլ կասեք: Գևորգն ու Նվերը մեկ բառ անգամ չասացին այն մասին, որ Հյուսիսային պողոտայում ոստիկանները անօրինական գործողություններ են կատարում քաղաքացիների նկատմամբ, ծեծում, քաշքշում են օպերատորին: Չեն թույլատրում մարդկանց մտնել պողոտա: Էլ ասե՞մ… Շինծու գործ են սարքել ՉԻ լրագրող Գոհար Վեզիրյանի նկատմամբ և հիմա դատում են: Բան ասե՞լ են… Իսկ որևիցե բառ ասե՞լ են այն մասին, որ ամեն օր խուլիգանները ծեծում ու ահաբեկում էին թռուցիկ բաժանող ընդդիմադիր երիտասարդներին……………………………
Ու՞ր են մեր հեռուստալրագրողները:

Հետո էլ ասեմ. լրագրողներին չպետք է դասակարգենք իշխանամետի ու ընդդիմադրի: Լրագրողները լինում են սկզբունքային ու ազատ կամ անսկզբունքային ու վաճառվող:

[Elmo]

Էլմո ջան, կարծում եմ բարոյախոսությունդ սույն պարագայում անտեղի է

Քո գրառումը լրիվ հակառակն էր ասում: Անձերից ետ կանքնենք, գաղափարներն են կարևոր խորագրով բարոյախոսությունդ մի անգամ էլ կարդացի: Ոնց որ նույն մարդը գրած չլինի: Համենայն դեպս, էլ իմաստ չեմ գտնում շարունակել իմ բարոյախոսությունը, որովհետև ասելիքս վերջացավ:

[Elmo]

Մարկիզ Բումերանգի օրենքի մասին, երևի դու էլ ես հետս վիճել: Հիմա տեղերով փոխվել ենք ոնց որ:

[Վիշապ]

Ի տարբերություն քեզ, Վիշապ ձյա, մենք մեզ դատաբժշկի տեղ չդրինք ու սկսենք վերլուծել վնասվածքի ձևն ու տիպը, բայց դե եթե գնանք դրան, ապա վստահ եմ, որ կարող ենք ցույց տալ ծեծ կերած բազում մարդկանց նկարներ, որոնցից ոմանք ընդհանրապես վնասվածք ստացած չլինեն, մյուսները ստացած լինեն ընդամենը թեթև կապտուկներ, երրորդները թեթև քերվածքներ, չորրորդները ուժեղ քերվածքներ, հինգերորդները թեթև վերքեր, վեցերորդները ջարդուխուրդ եղած լինեն և այլն: Եթե դու պնդում ես, դատաբժշկի լիազորությունները ստանձնած, որ ինքը աստիճաններից է ընկել (չնայած իր վերքերը քեզ այդպիսի բան չեն կարող հուշել), ապա ես ընդամենը կարծիք եմ հայտնում, որ աստիճաններից ընկնելու վնասվածքներ չեն:

Եղբայր պատվական, ես ինչ է, որևէ բան ասե՞լ եմ քո կարծիք արտահայտելու իրավունքի դեմ: Դու կարծում ես, որ սույն վնասվածքները չէին կարող առաջանալ ընկնելու հետևանքով, հիմա նաև ավելացրիր աստիճանները, թեև ես աստիճանների անուն չեմ տվել, ինչևէ: Ես պարզապես փորձեցի բացատրել, որ ծեծվելիս վնասվածքները՝ թեթև կապտուկները, քերվածքները, սալջարդերը և այլնները պիտի առաջանային այլ տեղում, քանի որ սովորաբար մարդուն ծեծելիս ագրեսիվ էներգիան հարվածները ուղղում է այլ տեղերի և ոչ թե այն տեղերին, որոնք տվյալ դեպքում Նվերի վրա են:

[Rammer]

Վիշապ ջան, բայց այն նկարներով, որոնք հրապարկվել են արդյոք բավարար են եզրակացնելու ծեծել են թե ուղակի փորձ են արել...Հնարավոր է որ այնպիսի տեղերում վնասվածքներ կան, որոնք չէր կարելի նկարել և ցուցդրել...
Եկեք մի քիչ սպասենք ժողովուրդ ջան և տեսնենք այդ փորձաքննությունից ինչ դուրս կգա...Հիմա ժամանակ եք ծախսում և փորձում եք եղած ինֆորմացիայի վրա եզրակացություններ անել: Բայց հնարավոր է հենց վաղը այնպիսի հանգամաքները ի հայտ գան որ պարզվի բանավեճը լրիվ ժամանակի կորուստ էր

[Chuk]

Եղբայր պատվական, ես ինչ է, որևէ բան ասե՞լ եմ քո կարծիք արտահայտելու իրավունքի դեմ: Դու կարծում ես, որ սույն վնասվածքները չէին կարող առաջանալ ընկնելու հետևանքով, հիմա նաև ավելացրիր աստիճանները, թեև ես աստիճանների անուն չեմ տվել, ինչևէ: Ես պարզապես փորձեցի բացատրել, որ ծեծվելիս վնասվածքները՝ թեթև կապտուկները, քերվածքները, սալջարդերը և այլնները պիտի առաջանային այլ տեղում, քանի որ սովորաբար մարդուն ծեծելիս ագրեսիվ էներգիան հարվածները ուղղում է այլ տեղերի և ոչ թե այն տեղերին, որոնք տվյալ դեպքում Նվերի վրա են:

Նորից մեջբերում եմ իմ գրառմանը արձագանք քո գրառման առաջին նախադասությունը.

Չեմ վիճի, պարոնայք վնասվածքաբաններ։

Սա արդեն իսկ սարկազմ է, ծաղրական ենթատեքստ պարունակող: Մնացածի մասին խոսելու ցանկություն անգամ չկա:

Այո, աստիճաններն իմ իմրովիզն էր, որպեսզի ասածդ գոնե մի քիչ խելքին մոտ ենթատեքստ ստանա: Իսկ մնացածը, կրկնում եմ, կան ծեծվելու ու ծեծելու տարբեր ձևեր՝ տարբեր հետևանքներով, ու այդ նկարներից նման հետևություններ անելը առնվազն ծիծաղելի է, չնայած որ ասածդ, ըստ էության, հնարավոր բան է:

[Վիշապ]

Քո գրառումը լրիվ հակառակն էր ասում: Անձերից ետ կանքնենք, գաղափարներն են կարևոր խորագրով բարոյախոսությունդ մի անգամ էլ կարդացի: Ոնց որ նույն մարդը գրած չլինի: Համենայն դեպս, էլ իմաստ չեմ գտնում շարունակել իմ բարոյախոսությունը, որովհետև ասելիքս վերջացավ:

Էլմո ջան, եթե թերևս մի փոքր ուշադիր կարդաս քեզ բարոյախոսության մեջ մեղադրող միտքս, կտեսնես որ ես քեզ մեղադրում եմ սույն պարագայի համար և ոչ թե առհասարակ, կարծում եմ տարբերությունն ակնհայտ է և կարիք չկա արխիվներում իմ կողմից արված բարոյախոսություն փնտրել, չնայած քո կողմից հղված իմ խոսքերի մեջ իմ կարծիքով բարոյախոսություն չկա, սակայն դա կարևոր չի: Չեմ ուզում վիճել, ընդհամենը քննարկում ենք, մի հատ էլ ներողություն, որ նյարդայնացնում եմ:

[ministr]

Մարկիզ ապեր, որ ասում եմ բաժանում ես "մերոնքական" ու "չմերոնքականի" ու ըստ այդմ վերաբերվում տվյալ դեպքին ասում ես աղավաղում ես մտքերս... ես չեմ ասում որ արդարացնում ես էդ մարդու ծեծը, բայց պարզ երևում ա, որ վերաբերմունքդ "հասնում էր"-ից շատ չի տարբերվում: Դա երևում ա քո վերջին պոստից: Իհարկե սեփական կարծիքի իրավունքդ անձեռնմխելիա , բայց մի դեպքում վերանում եք անձերից քննարկում եք երևույթը, իսկ հիմա երևույթի նկատմամբ վերաբերմունքը պայմանավորում եք անձով: Ըտենց չեղավ

[Elmo]

Չեմ ուզում վիճել, ընդհամենը քննարկում ենք, մի հատ էլ ներողություն, որ նյարդայնացնում եմ:

Չես նյարդայինացնում, քննարկում ենք: Պարզապես զարմանում եմ անօրինություններին տարբեր գնահատականներ տալուդ վրա: Մի դեպքում ընդհանրապես կասկած չկա, որ անմեղ մարդ է դատվում, չնայած եթե նույնիսկ այդ մարդը նախկինում մեղք գործել է, ապա դատվում է չգործածի համար, որը անօրինություն է: Ես ընդունել եմ դա:
Հիմա ծեծվել է լրագրող: Ծեծի փաստը ոչ միայն կասկածի տակ ես դնում, այլ համարյա համոզված ես, որ չի ծեծեվել, իսկ եթե ծեծվել է , այնուամենայնիվ շատ բան չենք կորցրել, որովհետև ուղեղ լվացող լրագրող է ծեծվել: Կոնկրետ վերջին միտքը չեմ հիշում դու ես արտայայտել, թե չէ, բայց մի քանի հոգի համաձայն են դրա հետ:
Վաղը մյուս օր կարող ա ինձ էլ բռնեն ծեծեն, որպես իշխանության վերնախավի ներկայացուցչի մոտ աշխատող ցանցային ադմինիստրատոր/սա օրինակ չի, սա իրականություն ա/: Էլի տենց կվերաբերվե՞ս:

[Մարկիզ]

Մարկիզ ապեր, որ ասում եմ բաժանում ես "մերոնքական" ու "չմերոնքականի" ու ըստ այդմ վերաբերվում տվյալ դեպքին ասում ես աղավաղում ես մտքերս... ես չեմ ասում որ արդարացնում ես էդ մարդու ծեծը, բայց պարզ երևում ա, որ վերաբերմունքդ "հասնում էր"-ից շատ չի տարբերվում: Դա երևում ա քո վերջին պոստից: Իհարկե սեփական կարծիքի իրավունքդ անձեռնմխելիա , բայց մի դեպքում վերանում եք անձերից քննարկում եք երևույթը, իսկ հիմա երևույթի նկատմամբ վերաբերմունքը պայմանավորում եք անձով:

Բայց ինչու՞ նման եզրակացություն: Եթե շեշտում եմ, որ ծեծվողը անսկզբունքային լրագրող է, ուրեմն՝ դրանից կարելի է եզրակացնել, որ մտածում եմ «հասնում էր»՞՞՞կամ այդ մտքից շատ չի՞ տարբերվում…
Լրիվ անհիմն է եզրակացությունդ, Մինիստր ջան: Չեմ զլանա ասել, որ և Նվեր Մնացականյանը, և Արթուր անունով այն լրագրողը/«Համադասարանցիներ» սրճարանի տերը/ իրենց իսկ մեծագույն մասնակցությամբ ստեղծված, «լեգիտիմացված» ու իրենց կողմից անընդհատ գովազդած համակարգի զոհերն են: Այդպիսիք դեռ շատ կլինեն:

Հա, բայց ծեծելը, կրկնում եմ՝ լավ չէ, սիրուն չէ, հանցանք է, ծեծողները պետք է ՀՀ օրենքներով պատժվեն և այլն, և այլն…

[Վիշապ]

Գրողը տանի արդեն ես եմ նյարդայնանում: Չուկ, եթե «պարոնայք վնասվածքաբաններ» սարկազմը վիրավորական է, ներողություն: Էլմո, ես դատավճիռ չեմ կայացրել, արտահայտել եմ կասկած: Ու դրա իրավունքը ունեմ: Ու եթե կարծում եք կասկածներս անհիմն են, ու ես Նվեր Մնացականյանի հեղինակության հետ խաղ եմ անում ինձ արգելափակեք, բայց իմ կասկածների մեջ հետին դրդապատճառներ փնտրելը խնդրում եմ թարկել, այլապես կսկսեմ որակումներ տալ նման վերաբերմունքին:

[Chuk]

Գրողը տանի արդեն ես եմ նյարդայնանում: Չուկ, եթե «պարոնայք վնասվածքաբաններ» սարկազմը վիրավորական է, ներողություն: Էլմո, ես դատավճիռ չեմ կայացրել, արտահայտել եմ կասկած: Ու դրա իրավունքը ունեմ: Ու եթե կարծում եք կասկածներս անհիմն են, ու ես Նվեր Մնացականյանի հեղինակության հետ խաղ եմ անում ինձ արգելափակեք, բայց իմ կասկածների մեջ հետին դրդապատճառներ փնտրելը խնդրում եմ թարկել, այլապես կսկսեմ որակումներ տալ նման վերաբերմունքին:

Ինչու՞ ես վրդովում իմ վնասվածքաբան պատվական եղբայր, ասում, խոսում ենք
Ի՞նչ է, քո կարծիքին հակառակ կարծիք ասելու իրավունք չկա՞:
Եթե դեմագոգիա է, ապա մի պորցիա էլ իմ կողմից

[Վիշապ]

Ինչու՞ ես վրդովում իմ վնասվածքաբան պատվական եղբայր, ասում, խոսում ենք
Ի՞նչ է, քո կարծիքին հակառակ կարծիք ասելու իրավունք չկա՞:
Եթե դեմագոգիա է, ապա մի պորցիա էլ իմ կողմից

Իհարկե կա, թանկագին իմ եղբայր, միայն թե որտե՞ղ է իմ կողմից արված դեմագոգիան, ցուցանիր խնդրեմ Քո պորցիան ասեմ որտեղ է, դու վնասվածքաբան չես, հետևաբար չես կարծում որ վնասվածքները ընկնելու հետևանքով են, քանի որ դրա մասին կասկածում է ոչ վնասվածքաբանը: Ես վնասվածքաբան չեմ, և դա կապ չունի, բացատրելու, որ ընկնելու հետևանքով նման վնասվածքներ առաջանում են, մանավանդ որ Նվերը ասում է, որ ընկել է ( խփել-գցել են): Իսկ այ խփելու անմիջական հետքերը Նվերի վրա ես լուսանկարներում չեմ տեսնում, և դա թույլ է տալիս ինձ կասկածել: Իհարկե ճիշտ է, եթե ես չեմ տեսնում, դա չի նշանակում որ այն (խփելու հետքը) չկա, Գագիկ Շամշյանը պարզապես չի լուսանկարել: Իսկ եթե մեղմիկ հրել են, և նա վայր է ընկել, հետո աղմուկ է բարձրացրել, հարևանները հասելն են, իսկ ծեծելու ցանկություն ունեցողները փախել են, ապա դա նշանակում է ծեծելու փորձ և ոչ թե բուն ծեծ: Տարբերությունը մեծ է: