Հանրահավաք և երթ մարտի 1-ին

[Kuk]

Ակցիզահարկի տրամաբանությունը ընդհանրապես հետեւյալն է.
Ակցիզահարկը հիմնականում դրվում ա էն ապրանքների վրա, որոնց օգտագործումը մարդու համար առաջնային չէ ու իմաստն այն է, որ եթե դու բավարար բարեկեցություն ունես վճարելու այնպիսի ապրանքների համար, ինչպիսին սպիրտն ու ծխախոտն է, ուրեմն դու պետք ա վճարես նաեւ մի վրադիր գումար, որը բյուջե կգնա:

Հիմա ինչ վերաբերում է, ակցիզային հարկի ավելացմանը: Եթե ուշադիր լինես, ապա կտեսնես, որ տեղական արտադրության ապրանքների ակցիզահարկը չի ավելացել, ավելացել է միայն ներմուծվողներինը: Եւս մեկ քայլ տեղական արտադրողին խրախուսելու ու օժանդակելու համար:

Բա ծամոնների վրա ինչի՞ ակցիզ չկա, տնտեսագետ ջան:

[Morpheus_NS]

Բա ծամոնների վրա ինչի՞ ակցիզ չկա, տնտեսագետ ջան:

Որովհետեւ ծամոնը ծամում են, որ ատամներից հոտ չգա:
Էտ նույնն ա, ոնց որ հարցնես, թե ականջի չոփի վրա խի չկա, ոչ տնտեսագետ ջան:

[Kuk]

Որովհետեւ ծամոնը ծամում են, որ ատամներից հոտ չգա:
Էտ նույնն ա, ոնց որ հարցնես, թե ականջի չոփի վրա խի չկա, ոչ տնտեսագետ ջան:

Քո ասածից կարելի՞ ա ենթադրել, որ ծամոնը հիգիենայի պարագա ա:
Բա կոկա կոլայի վրա ինչի՞ ակցիզ չկա:

[Morpheus_NS]

Քո ասածից կարելի՞ ա ենթադրել, որ ծամոնը հիգիենայի պարագա ա:
Բա կոկա կոլայի վրա ինչի՞ ակցիզ չկա:

Որովհետեւ կոկա-կոլան սոկ ա:

[Elmo]

Բա ծամոնների վրա ինչի՞ ակցիզ չկա, տնտեսագետ ջան:

Տենց չէ Արթ: Ասա բա խի՞ գարեջրի վրա ակցիզ չկա:

Ու էս ճյուղը պետք ա տեղափոխել թեմայից դուրս բաժին:

[Morpheus_NS]

Տենց չէ Արթ: Ասա բա խի՞ գարեջրի վրա ակցիզ չկա:

Իսկ ո՞վ ասեց որ չկա:
ներքին արտադրանքի 1 լիտրի համար-70դրամ

ներմուծման դեպքում` 1 լիտրի համար-120դրամ:

[Kuk]

Տենց չէ Արթ: Ասա բա խի՞ գարեջրի վրա ակցիզ չկա:

Ու էս ճյուղը պետք ա տեղափոխել թեմայից դուրս բաժին:

Որտև գարեջուրը խմում են, որ բերանից գարեջրի հոտ գա:

[Chuk]

Մոդերատորական. դադարեցրեք ակցիզային հարկերի քննարկումը, վերադարձեք թեմային:

[Morpheus_NS]

Ու էս ճյուղը պետք ա տեղափոխել թեմայից դուրս բաժին:

Հա, թեմայից շատ ենք շեղվել:
Կարելի ա մի հատ թեմա բացել Հարկային նոր քաղաքականություն ու տեղափոխել:

[Chuk]

Հայտարարություն

Մարտի 1-ին կայանալու է հանրահավաք եւ երթ` ի հիշատակ մեկ տարի առաջ համաժողովրդական բողոքը ճնշելուն ուղղված ոճիրի հետեւանքով նահատակված մեր տասը համաքաղաքացիների: Առաջին անգամ նորանկախ պատմության ընթացքում Հայաստանի իշխանությունները հեղեցին սեփական ժողովրդի արյունը` խախտելով սահմանադրական կարգը, կազմակերպելով պետական հեղաշրջում եւ սեփական քաղաքացիների եղկելի սպանդ:

Այդ օրվանից սկսած իշխանությունները սանձազերծել են բռնաճնշումների մի լայնածավալ ալիք, որի նպատակն է կոտրել ժողովրդի կամքը, ոչնչացնել ժողովրդավարական ազատությունները եւ որեւէ իրական ընդդիմություն երկրում: Այդ նպատակով է, որ բանտերում շարունակում են պահել 58 քաղբանտարկյալներ, անցկացնել արդարադատությունը բռնաբարող պատվիրված դատավարություններ, արգելել եւ ցրել ցույցեր, երթեր, հավաքներ, քաղաքական դրդապատճառներով հետապնդել գործարարներին:

Չնայած այս ամենին, Շարժումը միայն հզորանում է: Իշխանությունների համար ժամանակն է հասկանալու, որ բռնաճնշումներով հնարավոր չէ կասեցնել Համաժողովրդական շարժումը, խեղդել ազատատենչ հայ ժողովրդի կամքը` կառուցելու ժողովրդավարական եւ բարեկեցիկ հայրենիք: Միակ ճիշտ ճանապարհը դա քաղբանտարկյալների ազատումն ու հակաժողովրդավարական բռնաճնշումների դադարեցումն է, որից հետո իշխանություները եւ ընդդիմություն պետք է երկխոսության միջոցով համատեղ լուծումներ փնտրեն ներքին քաղաքական ճգնաժամը հաղթահարելու ուղղությամբ: Միայն հաշտեցման միջոցով եւ համատեղ ջանքերով հնարավոր կլինի դիմագրավել երկրի առջեւ ծառացած բախտորոշ հիմնախնդիրները, մասնավորապես օրեցոր ահագնացող տնտեսական եւ սոցիալական ճգնաժամը:

Մարտի 1-ը կարող էր դառնալ ազգային հաշտության սկիզբ, եթե իշխանությունները ընտրեին այդ ճանապարհը: Ցավոք իշխանությունները բաց թողեցին այդ հրաշալի հնարավորությունը: Բայց մեր բոլորիս պարտականությունն է այնպես անցկացնել մարտի 1-ը, որ այդ ճանապարհը շարունակի բաց մնալ:

Մեր նպատակն է անցկացնել քաղաքակիրթ հանրահավաք եւ երթ` համապատասխան մեր իրազեկման հայտի եւ մենք օգտվելու ենք մեր սահմանդրական իրավունքից: Նորից կոչ ենք անում իշխանություններին եւ ոստիկանությանը` համատեղ ջանքերով եւ համագործակցությամբ ապահովել մարտի 1-ի զոհերի հիշատակին նվիրված խաղաղ հանրահավաքի եւ երթի բնականոն եւ օրինական ընթացքը:

Հայ Ազգային Կոնգրեսի Կենտրոնական Գրասենյակ