Թեմայից դուրս, բայց հետաքրքիր կամ կարևոր գրառումներ

[Ներսես_AM]

Սևանի Նավատորմը

[Taurus]

Մարդկություուուուուուն, անձնական կյանքի հետ կապաված որոշ փոփոխությունների հետ կապված շտապում եմ տեղեկացնել, որ հին Taurus-ը վերադառնում է, չկա էլ էն բարի երիտասարդը, այնպես որ կամաց կամաց թռեք, քանի չեմ բռնել

[Ուլուանա]

Ժող, Ակումբի սկզբնական շրջանի որոշ գրառումներ էստեղ մեջբերեմ, կարդացեք, տեսեք, թե ի՜նչ ժամանակավրեպ են էսօրվա տեսանկյունից ու ի՜նչ ծիծաղելի.

Հարց. նախատեսված է արդյոք բաժին "Քաղաքականություն" ? ճիշտն ասաց չէի ուզենա, որ այս "մաքուր" ֆորումը "հարամվեր", որովհետեւ մենք այնքա~ն բազմակարծիք ենք այս հարցերում, որ... լավ չի ստացվի, հաստատ!

Հա', գոնե մի տեղ հանգստանանք քաղաքականությունից

Ոչ, առայժմ չի նախատեսվում

Բայց ի՜նչ անհոգ օրեր ենք ունեցել, չէ՞։ Ու՞մ մտքով կանցներ...

[Մելիք]

Ժող, Ակումբի սկզբնական շրջանի որոշ գրառումներ էստեղ մեջբերեմ, կարդացեք, տեսեք, թե ի՜նչ ժամանակավրեպ են էսօրվա տեսանկյունից ու ի՜նչ ծիծաղելի.
Բայց ի՜նչ անհոգ օրեր ենք ունեցել, չէ՞։ Ու՞մ մտքով կանցներ...

Իսկ էդ բաժինը փակելու զրույցներ, նախքան էս ընտրությունները չե՞ն եղել, ինչ որ տենց բան էլ եմ հիշում:

[Artgeo]

Jhon-ն ասում ա, այսօր 18.00-ից հետո Երևանի բոլոր թանգարանների մուտքն ազատ է:

[Chuk]

Բայց ի՜նչ անհոգ օրեր ենք ունեցել, չէ՞։ Ու՞մ մտքով կանցներ...

Իմ:
Իրականացան ամենադաժան կանխատեսումներս:
Բայց գետը մտել ենք, թրջվել ենք, մինչև վերջ գնալու ենք

Հ.Գ. Փորձեք հիշեցնել ինձ այն մարդկանց անունները, ովքեր համոզեցին այդ չարաբաստիկ բաժինը բացել

[Kuk]

Եղբայր որ ազատութոյւնը վտանգված լիներ քեզ չեին թողնի որ քո ֆաշիստական հայացքները տարածեիր 21-րդ դարում և մարդկանց միամիտի տեղ դնեիր:

Էս գրառմանդ համար դու չես կարող պատասխան տալ, բայց ամեն դեպքում աշխատի տխուր փորձեր անես հիմնավորելու համար, որ իմ հայացքները ֆաշիստական են, էդ փորձերից համ ես կշահեմ, համ էլ դու, իմ հետ կարողա ահագին ակումբցիներ շահեն.
Դու կշահես այնքանով, որ յուրաքանչյուր փորձիդ ընթացքում կհասկանաս, որ անիմաստ գրառում ես արել, իսկ սեփական թերությունները հասկանալը դա արդեն շահեկան է տվյալ անձի համար: Իսկ ես, ու հնարավոր է, որոշ ակումբցիներ ևս կշահենք այնքանով, որ այդ տխուր փորձերդ տեսնելով՝ գոնե կծիծաղենք. չէ՞ որ, ինչպես ասում են՝ ծիծաղը երկարացնում է մարդու կյանքը:

[Ձայնալար]

ԵՐԿՈՒՇԱԲԹԻՆ ՈՉ ԱՇԽԱՏԱՆՔԱՅԻՆ ՕՐ
Վարդավառի տոնին հաջորդող ննջեցելոց օրվա կապակցությամբ Հայաստանի կառավարությունը որոշել է 2008թ. հունիսի 30-ի աշխատանքային երկուշաբթի օրը տեղափոխել հունիսի 28-ը` շաբաթ օր:

http://www.lragir.am/src/index.php#top

[Արշակ]

Քանի որ «Սերը սեռ չի՞ ճանաչում» թեման ինձ անհայտ պատճառով փակվել է, որոշեցի ստեղ քննարկել այդ թեմայից մի քանի գրառումներ։

Բոլոր նրանց համար, ովքեր կարծում են, թե համասեռամոլությունը ոչ թե բնածին է, այլ ձեռքբերովի, ու դրանից ելնելով՝ ագրեսիվ են տրամադրված համասեռամոլների նկատմամբ. կարդացե՛ք.
http://news.bbc.co.uk/2/hi/health/7456588.stm

Ցավոք, հոդվածն անգլերենով է։ Ինչևէ, թող դեռ անգլերեն իմացողները կարդան, կաշխատեմ ժամանակ գտնել, հայերեն թարգմանել ու տեղադրել Ակումբում։

Քանի որ հոդվածն անգլերենով էր, զահլա չարեցի կարդալ, ուղղակի թեթևակի աչքի անցկացրեցի, որքան հասկացա, հոդվածում պատմվում է, որ ինչ–որ գիտնականներ տարբեր սեռական կողմնորոշում ունեցող մարդկանց ուղեղի ծավալները չափչփելով, եկել են էն եզրակացության, որ համասեռամոլությունը ի ծնե է լինում։
Նախ եկեք նկատենք, որ հոդվածում ներկայացվածը ընդամենը վարկած է՝ ենթադրություն, այլ ոչ թե հիմնովին ապացուցված փաստ։ Հետևաբար ճիշտ չի տենց ագրեսիվ ձևով պնդել էդ տեսակետը։ Ուղեղի տարբեր մասերի չափսերի հիման վրա ստեղծված բազմաթիվ հետևություն–վարկածներ կան տարբեր հարցերի հետ կապված։ Բայց դրանց հավաստիությունը շատ կասկածելի է, նախ էն պատճառով, որ ժամանակակից գիտությունը դեռ շատ քիչ բան գիտի մարդու ուղեղի կառուցվածքի, ֆունկցիոնալության ու մեխանիզմների մասին։ Հատկապես որ տվյալ վարկածի ապացույցը հիմնվում է ուղեղի տարբեր մասերի չափսերի վրա։ Շատ կոպիտ է էլի։ Հետո էլ եզրակացություններն արվել են ստատիստիկաի հիման վրա, էն էլ ուսումնասիրվել է ընդամենը մոտ 100 մարդու ուղեղ։
Մի խոսքով, այս հոդվածը լուրջ արգումենտ համարել կարծում եմ չարժի։

Ու ընդհանրապես, կարծում եմ, որ նմանատիպ գիտական հետազոտությունները սովորաբար պատվեր են միասեռականության պրոպագանդային հիմնավորվածի տեսք տալու համար։ Հավանաբար պատվեր բառը պետք չի բառացի հասկանալ(չնայած չի բացառվում և բառացի տարբերակը), ուղղակի եվրոպացի գիտնականը շատ լավ գիտի, որ եթե ինքը սենց բան ապացուցող աշխատություն հրապարակի, ապա այն գրկաբաց կընդունվի ու ինքն առաջ կգնա, իսկ եթե օրինակ հակառակ վարկածը առաջ քաշեր՝ ասեր, որ հոմոսեքսուալիզմը կյանքի ընթացքում հոգեբանական ներշնչանքի արդյունք է, ապա հաստատ խիստ քննադատության կարժանանար, չէր ընդունվի կամ միտումնավոր անուշադրության կմատնվեր։

Ինչքան էլ որ առաջին հայացքից կարող է աբսուրդ թվալ, գիտական աշխարհում նման սուբյեկտիվիզմ միշտ էլ եղել է։ Օրինակ՝ անցած դարում այն բոլոր արևմտյան գիտնականները, որոնք ընդունված դարվինիզմի հիմքերը խարխլող փաստ էին հայտնաբերում, նրանց միանգամից «սկացնում էին», իսկ դարվինիստականներին լավ առաջ էին տանում։ Հիմա մի քիչ փոխվել է էդ միտումը(Հայաստանում՝ հլը չէ)։

Ինչևէ, եթե համասեռամոլության վերաբերյալ էս թեզն ապացուցող ուրիշ փաստեր կան հայերեն կամ ռուսերեն լեզվով, ասեք։

Մի հատ հարց եմ ուզում տալ ու հստակ պատասխան ստանալ:

Կոնկրետ ձեզ ինչո՞վ են խանգարում կամ վնասում տղա/աղջիկ գեյերը:

Կարծում եմ, որ էս հարցը շատ նման է հետևյալ հարցին. «Կոնկրետ քեզ ինչո՞վ են խանգարում կամ վնասում աղանդավորները, ասենք՝ եհովայի վկաները»։

Հ. Գ.
Համասեռամոլությանը բացասական եմ վերաբերվում, բայց ոչ ագրեսիվ։

[Artgeo]

Ու ընդհանրապես, կարծում եմ, որ նմանատիպ գիտական հետազոտությունները սովորաբար պատվեր են միասեռականության պրոպագանդային հիմնավորվածի տեսք տալու համար։

Ի՞նչ է նշանակում «պրոպագանդա»: Քեզ ագիտացիա են անո՞ւմ, որ գեյ դառնա՞ս Ո՞ւ, ստացվո՞ւմ ա

Հավանաբար պատվեր բառը պետք չի բառացի հասկանալ(չնայած չի բացառվում և բառացի տարբերակը), ուղղակի եվրոպացի գիտնականը շատ լավ գիտի, որ եթե ինքը սենց բան ապացուցող աշխատություն հրապարակի, ապա այն գրկաբաց կընդունվի ու ինքն առաջ կգնա, իսկ եթե օրինակ հակառակ վարկածը առաջ քաշեր՝ ասեր, որ հոմոսեքսուալիզմը կյանքի ընթացքում հոգեբանական ներշնչանքի արդյունք է, ապա հաստատ խիստ քննադատության կարժանանար, չէր ընդունվի կամ միտումնավոր անուշադրության կմատնվեր։

Համաձայն եմ, եթե մեկը պնդում է, որ սպիտակը սպիտակ է, ապա նրան ողջունում են:

Կարծում եմ, որ էս հարցը շատ նման է հետևյալ հարցին. «Կոնկրետ քեզ ինչո՞վ են խանգարում կամ վնասում աղանդավորները, ասենք՝ եհովայի վկաները»։

Կարծում եմ համեմատությունդ ոչ կոռռեկտ է ու անտեղի:

[impression]

թեման տեղափոխվեց էստեղ, շնորհավորում եմ

[ivy]

Երեկ գրել էի համասեռամոլության հոդվածի մասին Զրուցարանում, բայց Ուլուն գիշերը դրա բոլոր հետքերը վերացրեց, էպես որ մի հատ էլ էստեղ կգրեմ:

Դա ուղղակի հոդված է, որի նման հազար ուրիշ հոդված կա` հակառակ կարծիք հայտնող, ու բոլորն էլ ինչ-որ մի ապացույց ունեն, որ իրենց ճիշտ համարեն: Եվ ընդհանրապես, չեմ հասկանում, թե ինչ կապ ունի համասեռամոլություն բնածին է, թե ձեռքբերովի: Ուզում է ի ծնե լինի, ուզում է ոչ, դա այն հարցը չի, որ պիտի քննարկվի բուժման տեսանկյունից: Իսկ Ակումբում այդ հոդվածը բերվում էր հենց այն նպատակով, որ իբր տեսեք` բնածին է, չի բուժվում: Ինչ բուժում, ինչ վերացում... Դա հիվանդություն չէ: Բուժման մասին խոսելը անտեղի է և ինչ-որ իմաստով վիրավորական այդ մարդկանց հանդեպ:
Եթե անգամ համասեռամոլ կարող են նաև դառնալ ինչ-ինչ պատճառներով, որոնք բնածին չեն, և որին ես անձամբ հավատում եմ, ապա դա միայն այդ մարդկանց գործն է, իրենց ընտրած ուղին և իրենց սեռական նախընտրությունը: Ոչ մի կապ չունի հիվանդության հետ: Ու ոչ ոք նրանցից ինչ-որ առումով բարձր չի, որ դնի ու քննարկի, թե ոնց բուժենք, կբուժվե՞ն, թե չեն բուժվի:

[Արշակ]

Տենց էլ գիտեի, որ համասեռամոլների պաշտպանները միանգամից վրա կտան։

Ի՞նչ է նշանակում «պրոպագանդա»: Քեզ ագիտացիա են անո՞ւմ, որ գեյ դառնա՞ս Ո՞ւ, ստացվո՞ւմ ա

Արթուր, չգիտեմ էս հարցի վերաբերյալ քո հիվանդագին վերաբերմունքի պատճառը, բայց բանավիճելիս կոռեկտ չի օրինակները զրուցակցի անձի վրա բերել, առավել ևս միտումնավոր ծաղրական ենթատեքստով։
Կարծում եմ, որ շատ լավ գիտես, թե ինչ է նշանակում պրոպագանդա։ Արևմուտքում փորձում են մարդկանց ամեն կերպ համոզել, որ հոմոսեքսուալիզմը բնական, նորմալ երևույթ է, քանի որ ի ծնե է և այլ հիմնավորումներով, դրա մեջ ոչ մի վատ բան չկա նույն ձևով, ոնց որ հետերոսեքսուալիզմի։ Էս միտքը անընդհատ թմբկահարվում է։ Բազմաթիվ կազմակերպություններ զբաղված են էս տեսակետի մասսայականացմամբ։ Ու էս ամենի մասին ինքդ էլ շատ լավ գիտես ու կարծում եմ, որ միտքս էլ շատ լավ հասկացել էիր։
Ինչ վերաբերվում է ներշնչելուն, դու ինքդ էս տարբեր առիթներով կարծիք հայտնել, որ շատ նորմալ մարդկանց մեջ հնարավոր է ներշնչանքի միջոցով հոմոսեքսուալ հակումներ առաջացնել։

Համաձայն եմ, եթե մեկը պնդում է, որ սպիտակը սպիտակ է, ապա նրան ողջունում են:

Նորից շատ լավ հասկացել ես ինչ եմ ասում, բայց էլի դեմագոգիայով ես զբաղվում։ Քո հետ հետաքրքիր չի բանավիճելը։

Կարծում եմ համեմատությունդ ոչ կոռռեկտ է ու անտեղի:

Ինչու՞մ էր ոչ կոռեկտությունը։

Դա ուղղակի հոդված է, որի նման հազար ուրիշ հոդված կա` հակառակ կարծիք հայտնող, ու բոլորն էլ ինչ-որ մի ապացույց ունեն, որ իրենց ճիշտ համարեն: Եվ ընդհանրապես, չեմ հասկանում, թե ինչ կապ ունի համասեռամոլություն բնածին է, թե ձեռքբերովի: Ուզում է ի ծնե լինի, ուզում է ոչ, դա այն հարցը չի, որ պիտի քննարկվի բուժման տեսանկյունից: Իսկ Ակումբում այդ հոդվածը բերվում էր հենց այն նպատակով, որ իբր տեսեք` բնածին է, չի բուժվում: Ինչ բուժում, ինչ վերացում... Դա հիվանդություն չէ: Բուժման մասին խոսելը անտեղի է և ինչ-որ իմաստով վիրավորական այդ մարդկանց հանդեպ:
Եթե անգամ համասեռամոլ կարող են նաև դառնալ ինչ-ինչ պատճառներով, որոնք բնածին չեն, և որին ես անձամբ հավատում եմ, ապա դա միայն այդ մարդկանց գործն է, իրենց ընտրած ուղին և իրենց սեռական նախընտրությունը: Ոչ մի կապ չունի հիվանդության հետ: Ու ոչ ոք նրանցից ինչ-որ առումով բարձր չի, որ դնի ու քննարկի, թե ոնց բուժենք, կբուժվե՞ն, թե չեն բուժվի:

ivy, նկատեցի՞ր, որ հարցն այնուամենայնիվ շատ նմանություն ունի աղանդավորության նկատմամբ վերաբերմունքի հետ։
ivy, չե՞ս նկատում, որ քո դիրքորոշումն էլ մյուս կողմից է ծայրահեղ ու ագրեսիվ։ Ինչու՞ ես իրավունք չպիտի ունենամ էդ հարցի վերաբերյալ սեփական, քոնից տարբերվող կարծիքն ունենալ, քննարկել հոմոսեքսուալությունը հիվանդությու՞ն է, թե՝ ոչ, բուժելի՞ է, թե՝ ոչ։ Ինչո՞ւ ես ինձ հանդիմանում ու պարտադրում քո տեսակետները։

[Artgeo]

Փորձեմ կաշայիցդ մտքերին պատասխանել:

բանավիճելիս կոռեկտ չի օրինակները զրուցակցի անձի վրա բերել, առավել ևս միտումնավոր ծաղրական ենթատեքստով։

բարի

Կարծում եմ, որ շատ լավ գիտես, թե ինչ է նշանակում պրոպագանդա։ Արևմուտքում փորձում են մարդկանց ամեն կերպ համոզել, որ հոմոսեքսուալիզմը բնական, նորմալ երևույթ է, քանի որ ի ծնե է և այլ հիմնավորումներով, դրա մեջ ոչ մի վատ բան չկա նույն ձևով, ոնց որ հետերոսեքսուալիզմի։ Էս միտքը անընդհատ թմբկահարվում է։ Բազմաթիվ կազմակերպություններ զբաղված են էս տեսակետի մասսայականացմամբ։ Ու էս ամենի մասին ինքդ էլ շատ լավ գիտես ու կարծում եմ, որ միտքս էլ շատ լավ հասկացել էիր։

Ե՞վ: Ի՞նչ վատ բան կա դրա մեջ: Եթե ամեն տեղ խոսվում է, որ ծխելը վնասակար է, մրգերն ու բանջարեղենը օգտակար են, երկրագունդը կլոր է, ապա նույնն էլ սրա մասին կարող են խոսել:

Ինչ վերաբերվում է ներշնչելուն, դու ինքդ էս տարբեր առիթներով կարծիք հայտնել, որ շատ նորմալ մարդկանց մեջ հնարավոր է ներշնչանքի միջոցով հոմոսեքսուալ հակումներ առաջացնել։

ես հիմա էլ եմ ասում, որ հակումներ առաջացնել կարելի է, բայց դա կլինի միայն հակումներ ու միայն տվյալ պահին: Հոմոսեքսուալ տվյալ անձը չի դառնա, եթե ի սկզբանե չի եղել:

Նորից շատ լավ հասկացել ես ինչ եմ ասում, բայց էլի դեմագոգիայով ես զբաղվում։ Քո հետ հետաքրքիր չի բանավիճելը։

Կարա՞ս, դու էլ զբաղվի դեմագոգիայով: Ես ընդամենը բանավիճելու ընդունակություններս եմ զարգացնում...

Ինչու՞մ էր ոչ կոռեկտությունը։

Աղանդները մարդու կողմից ստեղծված երևույթ են, միասեռականները՝ ոչ:

[ivy]

Տենց էլ գիտեի, որ համասեռամոլների պաշտպանները միանգամից վրա կտան։

Ախ, դու պրովոկատոր:

ivy, նկատեցի՞ր, որ հարցն այնուամենայնիվ շատ նմանություն ունի աղանդավորության նկատմամբ վերաբերմունքի հետ։
ivy, չե՞ս նկատում, որ քո դիրքորոշումն էլ մյուս կողմից է ծայրահեղ ու ագրեսիվ։ Ինչու՞ ես իրավունք չպիտի ունենամ էդ հարցի վերաբերյալ սեփական, քոնից տարբերվող կարծիքն ունենալ, քննարկել հոմոսեքսուալությունը հիվանդությու՞ն է, թե՝ ոչ, բուժելի՞ է, թե՝ ոչ։ Ինչո՞ւ ես ինձ հանդիմանում ու պարտադրում քո տեսակետները։

Արշակ, նախ իմ գրառումը քոնի պատասխանը չէր, ուղղակի տեսնելով, որ թեման նորից ակտուալ է` ոգևորվեցի և որոշեցի իմ կարծիքն էլ գրել:
Ինչ վերաբերում է ագրեսիվությանը, ապա եթե «Մի վիրավորեք մարդկանց» կոչերը հիմա անվանվում են ագրեսիվություն, ուրեմն ես ագրեսիվ եմ:
Աղանդավորության հարցի հետ կապը շատ չեմ տեսնում, որովհետև աղանդավորները փորձում են իրենցով անել ուրիշներին` ընդգրկելով իրենց կրոնական հայացքների մեջ: Ցույց տուր ինձ մի գեյ, որն ուզում է հետերոներին դարձնել գեյ. սովորաբար դա ճիշտ հակառակն է. հետերոներն են ուզում գեյերին բուժել, ինչպես տեսնում ես նաև մեր Ակումբի քննարկումներից: Իսկ գեյերը ընդամենը ասում են` մեզ հանգիստ թողեք: Ու իսկապես, եկեք հանգիստ թողնենք...