Ի՞նչ է աղանդը. սկզբունքները և հետևանքները

[Խաչմերուկ]

Էտ աղանդերի հավաքներին ոչ մեկին էլ ավտոմատով չէն տանում: Ինչ որ նրանց տալիս են "աղանդերը", թող տա Առաքելականը, ու վստահ եմ որ բոլոր աղանդաորները երկու րոպեում կդառնաին Առաքելական, քանի որ կա մի ֆակտոր - սովորույթի ուժ:

...Լավ է ասված: Այո, ինձ դուր եկավ: Շատ եմ մտորել այս ուղղությամբ..
Գիտեք, իմ բարեկամը Ս. Սարգիս եկեղեցու ծխական խորհրդի անդամ էր.. Նա ճշմարիտ հավատացյալ է (քրիստոնյա): Եվ հենց ինքը վկայում էր այն բոլոր կեղծ ու շինծու հոգևորականների մասին, որոնց թիվը գնալով շատանում է մեր շրջապատում: Ցավալի է: Սակայն բնական: Սա է Հայաստանը, իսկ ավելի կոնկրետ, սա է աշխարհը: Ես արդեն համակերպվել եմ սրան: Քանի որ բողոքը ոչնչի չի բերում:
ՄԵՐ ԵՐԿՐՈՒՄ ԿԱՆ ՄԻԱՅՆ ՊԱՐՏԱԿԱՆՈՒԹՅՈՒՆՆԵՐ, ԻՐԱՎՈՒՆՔՆԵՐ ՉԿԱՆ....

Ավելացվել է 9 րոպե անց
....Հենց նույն մեր Ս.Սարգիս եկեղեցուց հեռացվել են սպասավորներ, ովքեր արդար էին, ովքեր արդար քարոզներ են կատարել պատարագների ժամանակ..... Ովքեր փորձել են մարդկանց հասկացնել, Աստվածաշունչը, որն Աստծո խոսքն է.. Ովքեր փորձել են մարդկանց ուղեղից ջնջել այն հիմար միտքը թե իբր Աստծո ժողովուրդը պիտի լինի խեղճ, զրկված աշխարհիկ կյանքի բոլոր «գույներից»... Եվ այլն, և այլն: Սրանք այն բաներն են, որոնք այսօր քարոզում, այո քարոզում է առաքելական եկեղեցին, սակայն ԱՍՏՎԱԾԱՇՈՒՆՉՆ այլ բան է ասում..

[Խաչմերուկ]

.... Ես սիրում եմ իմ ԵՐԿԻՐԸ, սիրում եմ իմ ժողովրդին, երդվում եմ, ես խենթանում եմ այն մտքից, որ քրիստոնյա հայ եմ: Բայց այսօր շատ ու շատ երևույթների ու իրադարձությունների համար ցավ եմ ապրում, երբեմն հիասթափվում.... Բայց միևնույն է, երբեք չեմ կարողանում թաքցնել, որ սիրում եմ այս Հողը, ապրում եմ Հայոց երկրով և չեմ կարող պատկերացնել ինձ որևէ ուրիշ երկրում..

[Ջուզեպե Բալզամո]

Չարը նոր չի զարկել Հայաստանը և քրիստոնյա եկեղեցին: Նորաստեղծ քրիստոնեական եկեղեցին արդեն զարկված էր Չարից, երբ Հայաստանում ու այլ երկրներում իր ազդեցությունն էր տարածում: Քրիստոնյաներն իրար մեջ լուծելիք հարցեր էին գտել, վեճեր ունեին հարթելու: Ասենք, Քրիստոսը մարդաստված է,թե աստվածամարդ. կամ որտեղ ու երբ էր ծնվել. Մարիամն ասվածային էություն ուն՞եր և եթե ուներ, ո՞ր մի Մարիամն ուներ… Քրիստոսի ուսմունքը յուրովի բացատրելով,նորածին եկեղեցու հայրերը մի նոր բան էին զգացել- ազդեցիկ լինելու քաղցրությունը: Ու հողն արդեն իսկ պատրաստ էր Չարին նրանց տուն մտնելու համար… divide et impera-բաժանիր որ տիրես Ու բաժանեցին տարբեր տիեզերական ժողովներում, հետո արդեն բաժանված եկեղեցիներում, հետո էս նոր եկեղեցիներում, հետո էլի ու էլի ու էլի հեռացրեցին Մարդուն Աստծուց, խցկվեցին էդ բացվածքի մեջ, բուն սարքեցին իրենց համար ու իրենց ծնելիքների համար և անում են առ այսօր…
Մեր եկեղեցին անելիք ունի, մեր եկեղեցին մեզ պիտի նորից Աստծուն մոտեցնի: Մեր արմատների հեռու հեռավոր ծայրերում Աստվածայինի հետքեր կան դեռ, մեր ենթագիտակցությունը հիշում է դեռ Աստծուն, մեր հոգին դեռ կրում է Նրա շունչը…
Մեր վիճակը շատ ավելի լավ է այլոց հետ համեմատած: Քրիստոնյա եկեղեցին աշխարհով մեկ նահանջ է ապրում, կորցնում իր գինը: Հայոց եկեղեցին բավական անաղարտ էր մնացել ու հիմա դաժան ու անհավասար պայքարի մեջ է քաշվում: Մեզ վերադաստիրակվել է պետք նաև ( ու հատկապես) կրոնի հարցում:
Ես Հայաստանից հեռու եմ հիմա: Իմ տնից մի 70 կմ է հեռու աշխարհում միակ (առայժմ միակ) Սատանային նվիրված տաճարը: Լրիվ օֆիցիալ ու լեգալ մի հաստատություն… հավատացյալներով,սպասավորներով, ծեսերով ու գույքով: Պետական ծառայության ժամանակ մահացած իրենց հավատակիցների տապանաքարերին հնգաթև աստղ դաջելու պետական իրավունքով։ Մի օր դեռ մորմոններին ու եհովականներն երանի ենք տալու, եթե հենց հիմա չսկսենք մեզ փոխել: Հոգևոր հայրեր դուք անելիք ունեք…

Իմ ու Աստծո արանքում տեղ չկա, ոչ մեկի համար, ոչնչի համար, ուղղակի տեղ չկա։

[nnaarreek]

Աղանդները շաաատ մեծ ուժ են:
Ինչը մենք ենք տեսնում, ետ մենակ գագաթն ա, իրականում ետ սաղ աղանդները մի հատ մեծ մաֆիա են:

Ճիշտ ա իրանք շատ փոքր են հայ "եկեղեցականների" մաֆիաին հասնելու համար:

[Yellow Raven]

Ճիշտն ասած թեմայի մյուս գրառումները չեմ կարդացել, բայց կարճ արտահայտեմ իմ կարծիքը սրանց մասին:
Եթե աղանդները շատերը կապում են կրոնի հետ, ես կարծում եմ, որ սա ավելի խորը բնույթ ունի: Օրինակ <<Եհովայի վկաներ>> կոչվող աղանդի նպատակը ընտանիքներ քայքայելնա: Ընտանիքի անդամներից մեկը դառնումա <<Եհովայի վկա>>, իսկ մյուսները բնականբար դեմ են դուրս գալիս նրան ու այդպես առաջանումա ընտանիքների պառակտում: Իսկ ընտանիքների պառակտումը բերումա երկրի պառակտման, քանի որ պետությունը հենց ընտանիքների միավորումա: Երկիրը ներսից քայքայվումա ու դա որոշներին ձեռնտու է:
Ես լսել եմ, որ <<Եհովայի վկաների>> կենտրոնը գտնվում է ԱՄՆ-ում ու հենց այնտեղից են նրանք ֆինանսավորվում: Փաստորեն ԱՄՆ-ն որոշել է դրա միջոցով քայքայել պետությունները ու հաստատել իր մենիշխանությունը ու բնականաբար սկսել է ավելի թույլ երկրներից ինչպիսիք են մեր տարածաշրջանի երկրները:Եթե այս էքսպերիմենտները անցնե հետագայում շատ ու շատը դժվարա լինելու: Կրոնի միջոցով պետության հիմքերը շատ շուտ են քայքայվում:
Նույն կերպ եմ վերաբերվում նաև մյուս աղանդներին` հիսունականներ, մորմոնակսններ և այլն:

[Խաչմերուկ]

Մինչդեռ անհրաժեշտ է ամեն կիրակի և տոն օրերին մասնակցել Ս. Պատարագներին, ընթերցել Ավետարան, մոտելան հեգևորականին և ուղղել հուզող հարցերը, հրավիրել տուն տնօրհնեքի և այլն, և այլն, և այլն:

Երջանիկ կլինեմ ազգիս միասնական տեսնել:
Առաջարկում եմ, որ սրա համար դուք ևս ձեր առանձնական աղոթքն անեք:

Բարև.. Շատ դուրս եկան հարցերը բարձրացված..Բայց.. Ուզում եմ ասել հետևյալը.. Ես մասնակցել եմ շատ պատարագների, ծիսական արարողակարգի: Բայց հասկանում եմ, որ գնալով, այս ամենը դառնում է ձևական բնույթ: Այսինքն, քչանում են ճշմարիտ քրիստոնյաները (Աստծո Խոսքը պահողները): Եվ շատանում է այն զանգվածը, որն ապրում է միայն արարողակարգով: Այսինքն, շրջապատում լսում ես «Օյ, այս կիրակի անպայման պիտի գնամ եկեղեցի, անպայման պիտի աղոթեմ, խոսկ եմ տվել, կամ - պարտադիր ամեն կիրակի մոմ եմ վառում»... Կներեք, բայց աս ասողներից որևէ մեկը չի կարողանում պատասխանել, ինչու՞ է աղոթում, ՈՒ՞մ է աղոթում և այլն..... Սա նշանակում է, կարևորում ենք միայն ձևական կողմը (քավ լիցի)....
Քահանաներին էլ հարցեր փորձել եմ տալ, օրինակ - ին՞չ են երգում, մի փոքր մեկնաբանում, որպեսզի հասկանամ, թե ի՞նչ եմ երգում մի քանի ժամ անընդմեջ: Պարզվում է իրենք էլ չգիտեն...
Ինչևէ, կրկին չեմ բողոքում, հավատացեք, քանի որ Աստված չի սիրում տրտնջացողներին: Բայց ԱՂՈԹՈՒՄ ԵՄ ԱՍՏԾՈՒՆ, որպեսզի հասկանանք Նրա Ճշմարտությունը: Եվ չաղավաղենք այն մեր իսկ «կարծիքներով»....

[Ջուզեպե Բալզամո]

2 հարց ունեմ: Առաջինն ուղղված է մոդերատորներին. վերևում գրածիս վերջին մի քանի տողը ես չեմ տեսնում,փորձեցի մեջբերումով վերականգնեմ էլի չստացվեց: Մենակ իմ մոտ չի երևում, թե՞ ընդհարապես: Ի՞նչն է պատճառը:
Երկրորդ հարցը բոլորին՝ տեղյակ ե՞ք արդյոք, Հայաստանում մորմոնների մեջ բազմակնություն կա՞(մորմոնական գաղափարախոսությունը չի արգելում այն): Էս մի երկու օր ա ԱՄՆ-ում մեծ շուխուր ա: Դրանց համայնքներից մեկում ռեյդ ա: Նորություններով անհավանական բաներ են ցույց տալիս, հավատս չի գալիս որ սա 21դարում ու Միացյալ Նահանգներում ա կատարվում: Հիմա ժամանակ չունեմ, բայց հնարավորին մանրամասն կգրեմ դեպքերի զարգացման մասին…

[Ուլուանա]

2 հարց ունեմ: Առաջինն ուղղված է մոդերատորներին. վերևում գրածիս վերջին մի քանի տողը ես չեմ տեսնում,փորձեցի մեջբերումով վերականգնեմ էլի չստացվեց: Մենակ իմ մոտ չի երևում, թե՞ ընդհարապես: Ի՞նչն է պատճառը:

Արդեն վերականգնել եմ գրառումը։ Ոչ մեկի մոտ էլ չէր երևում։

Ընդհանրապես գրառման կիսատ երևալու պատճառները երկուսն են. բազմաթիվ (որպես կանոն՝ ավելորդ ու ոչ տեղին) բազմակետերի օգտագործում, մեկ էլ բառերի արանքում բացատ (պրոբել) չդնելը (օրինակ՝ բառ,բառ)։ Որպես կանոն, գրառումները կիսատ երևում են միայն նշված դեպքերում, և պատահական չէ, որ միշտ նույն մարդկանց գրառումներն են կիսատ երևում։ Այնպես որ հետագայում գրելիս խնդրում եմ հաշվի առնել, որպեսզի նույն երևույթը չկրկնվի։ Գրառումը վերականգնելու համար մոդերատորներն ամեն անգամ ստիպված են լինում հատ–հատ ջնջել բոլոր ավելորդ պրոբելները և/կամ իրար կպած բառերի արանքներում հատ–հատ բացատներ ավելացնել։

[Monk]

....Հենց նույն մեր Ս.Սարգիս եկեղեցուց հեռացվել են սպասավորներ, ովքեր արդար էին, ովքեր արդար քարոզներ են կատարել պատարագների ժամանակ..... Ովքեր փորձել են մարդկանց հասկացնել, Աստվածաշունչը, որն Աստծո խոսքն է.. Ովքեր փորձել են մարդկանց ուղեղից ջնջել այն հիմար միտքը թե իբր Աստծո ժողովուրդը պիտի լինի խեղճ, զրկված աշխարհիկ կյանքի բոլոր «գույներից»... Եվ այլն, և այլն: Սրանք այն բաներն են, որոնք այսօր քարոզում, այո քարոզում է առաքելական եկեղեցին, սակայն ԱՍՏՎԱԾԱՇՈՒՆՉՆ այլ բան է ասում..

Իսկ չէիք ասի, թե ովքեր էին այդ սպասավորները, ովքեր հեռացվել են իրենց արդար քարոզների համար?

Չէիք բացատրի նաև Ձեր ընկալումը «զրկվել աշխարհիկ կյանքի բոլոր «գույներից»» արտահայտության վերաբերյալ?

[Արիացի]

Այն ամենը ինչ հակասում է մեր ազգի շահերին ու մեզ վնաս է պատճառում պետք է վերանան այս երկրից: Նման երևույթների ցուցակը գլխավորում են (իմ կարծիքն է) սերիալները, շոու-բիզնեսի հիմարությունները և աղանդները:

Ոչ մի խոսքի ազատության մասին այստեղ խոսք լինել չի կարող: Աղանդները նրա համար են որպեսզի մեր նման խելոք ազգերին հիմարացնեն և աստիճանաբար վերացնեն: Դա հատուկ կազմակերպված պլան է, որը չի հասկանում մեր ժողովուրդը: Ոնց կարելի է թույլ տալ, որ ինչ-որ կառույցներ Հայ երիտասարդին քարոզեն զենք երբեք չվերցնել: Սա անթույլատրելի է:

[Արիացի]

ետ 1700 տարվա "աղանդի" շնորհիվ է որ դուք հիմա ձեզ Հայ եք կոչում

Քրիստոնեությունը ոչ մի կապ չունի մեր ազգային գիտակցության հետ: Քրիստոնեությունը քանդել է մեր ազգը, մեր երկիրը ու մեր մշակույթը, իսկ դու ասում ես, որ դրա շնորհիվ ենք մենք մեզ հայ կոչում:

[Hay-Qristonya]

...Բայց հասկանում եմ, որ գնալով, այս ամենը դառնում է ձևական բնույթ:

Մի բան ասեմ, բայց չնեղանաք: Զարմացած եմ Ձեր դատողությամբ: Կարծում եմ սա պարզապես Ձեր «անլուրջ» մոտեցման արդյունք է:
Անշուշտ, եկեղեցում ծեսը երբեք չի փոխվում, այլ միայն տոն օրերին օրվա խորհրդի հետ կապված հատուկ շարականներ և աղոթքներ են երգվում ու կարդացվում: Մարդուց է կախված այն, թե որքնով նրա համար սովորական կդառնա այդ ծեսը:Դուք ինքներդ Ձեր բերանով դատեցիք Ձեզ, քանի որ եթե Դուք ծեսին, օրինակ Ս. Պատարագին, մոտենում եք խոնարհաբար, եթե չեք հասկանում, ապա գոնե գիտակցում եք, թե ի?նչ է կատարվում, Դուք Ձեր խոնարհությունը կունենայիք դրա հանդեպ և ամեն անգամ գրեթե նույնակերպ կրկնվող ծեսի մեջ առավել կփառաբանեիք Աստծուն և էլ ավելի լուրջ մոտեցում ձեռք կբերեիք: Ավել չեմ ուզում մանրանամ:

Քահանաներին էլ հարցեր փորձել եմ տալ, օրինակ - ին՞չ են երգում, մի փոքր մեկնաբանում, որպեսզի հասկանամ, թե ի՞նչ եմ երգում մի քանի ժամ անընդմեջ: Պարզվում է իրենք էլ չգիտեն...

Կարծում եմ` Դուք արդեն բամբասանքի եք տրվել: Դա բացարձակ պատշաճ չէ առողջ դատողություն ունեցող մարդուն: Պետք չէ զրպարտել քահանաներին, այն էլ ամենահասարակ մի հարցի շուրջ: Քավ լիցի, մեր քահանաները բավական գրագետ են, և եթե դուք նույնիսկ «ամենաագրագետ» քահանային էլ լրջորեն հարցնեիք երգվող շարականի իմաստը, նա կպատասխաներ:
Ի գիտություն. Հայ Առաքելական Եկեղեցին հոգևոր սպասավորներ է պատրաստում 6 տարի օր ու գիշեր /բառիս բուն իմաստով/ կրթելով երիտասարդներին: Քահանա դառնալն այնքան էլ հեշտ բան չէ: Դա բավականի երկար պրոցես է:
Կարծում եմ` Դուք նախ պետք է պարզեք, թե ու?մ եք մոտեցել: Դրա համար անհրաժեշտ է իմանալ, թե եկեղեցում ով ովէ: Եթե եկեղեցականի հագուստով է կանգնած, դա դեռ չի նշանակում, որ նա քահանա է: Մեծ հաջողությամբ Ձեր առջև կարող էր կանգնած լինել սկսնակ դպիր, որը դեռ նոր նոր պետք է անցնի մի ամբողջ դպրոց:
Ե.Գ. Եկեղեցական արարողությունների ժամանակ քահանաները սովորաբար լինում են շուրջառով /այպես ասած թիկնոցով/: Գոնե այդպես փորձեք տարբերել:

Ավելացվել է 11 րոպե անց

Քրիստոնեությունը ոչ մի կապ չունի մեր ազգային գիտակցության հետ: Քրիստոնեությունը քանդել է մեր ազգը, մեր երկիրը ու մեր մշակույթը, իսկ դու ասում ես, որ դրա շնորհիվ ենք մենք մեզ հայ կոչում:

Անկեղծ ասած նախորդ գրառումդ դուրս եկավ, սակայն այս մեկն ինձ շաաաաատ զարմացրեց: Չգիտեմ, թե քանի տարեկան ես, բայց, կներես, շատ պրիմիտիվ ես մտածում: Խորհուրդ կտամ լավ ուսումնասիրես հայոց պատմությունը, մանավանդ եկեղեցու դերին ու նշանակությանը վերաբերվող էջերը: Այն ժամանակ հավանաբար կհասկանաս, թե ինչ արեց քրիստոնեությունը հայերի համար, ամրացրեց ու զարգացրեզ դարավոր մշակույթը, նորոգեց և ծաղկացրեց, թե? քանդեց այն:
Երբ կունենաս միանշանակ պատասխան քո իսկ առաջ բերած վարկածին /գոնե ինձ ապացուցելու համար/ այն ժամանակ նման հայտարարություններով հանդես արի և ես որևէ հակառակություն չեմ ունենա քեզ:
Մեծ հույս ունեմ, որ գրածիցս չես նեղանա, այլ կխորհես, քանի որ զայրույթից կամ ատելությունից չէ, որ այսքան գրեցի: Պարզապես ուզում եմ, որ քեզ նման հայ երիտասարդը, որը կարծես թե մտահոգված է ազգի ճակատագրով, ավելի ռեալ նայի իր շուրջը:
Աստված քեզ հետ /չնայած որքան հասկաց դու Աստծուն չես հավատում???/

[Ambrosine]

Անկեղծ ասած նախորդ գրառումդ դուրս եկավ, սակայն այս մեկն ինձ շաաաաատ զարմացրեց: Չգիտեմ, թե քանի տարեկան ես, բայց, կներես, շատ պրիմիտիվ ես մտածում: Խորհուրդ կտամ լավ ուսումնասիրես հայոց պատմությունը, մանավանդ եկեղեցու դերին ու նշանակությանը վերաբերվող էջերը: Այն ժամանակ հավանաբար կհասկանաս, թե ինչ արեց քրիստոնեությունը հայերի համար, ամրացրեց ու զարգացրեզ դարավոր մշակույթը, նորոգեց և ծաղկացրեց, թե? քանդեց այն:

Չգիտեմ` ինձ հետ կհամաձայնեք, թե ոչ, բայց ոչ թե քրիստոնեությունը պահեց մեր ազգը, այլ եկեղեցին: Դրանց միջև տարբերությունը բացատրելը մի քիչ դժվար է, բայց հուսով եմ հասկացաք` ինչ էի ուզում ասել:

[Hay-Qristonya]

...Ինչ որ նրանց տալիս են "աղանդերը", թող տա Առաքելականը, ու վստահ եմ որ բոլոր աղանդաորները երկու րոպեում կդառնաին Առաքելական, քանի որ կա մի ֆակտոր - սովորույթի ուժ:

Եկեղեցու առաքելությունը սոված մարդկանց կերակրելը չէ: Եկեղեցին բարեգործական կազմակերպություն չէ: Լավ կլիներ նախ ճշտեիք Ձեզ համար, թե ի?նչ է նշանակում եկեղեցի:
Բացի այդ, իմ անկեղծ կարքծիքն են ուզում ասել, չնայած որ իմ քահանան ու նաև այլ քահանաներ, ովքեր լսել են իմ այս միտքը, վրաս զայրացել են: Ես կարծում եմ, որ եթե մարդը եկեղեցի պիտի գա շահ հետապնդելով, այսինքն նյութական օժանդակություն ստանալու համար և ձև անի, թե ինքը հավատում է, իրեն պատեպատ տա, լավ է, որ նման մարդիկ չգան եկեղեցի: Թող եկեղեցի գան այն մարդիկ, ովքեր, ինչպես Քրիստոսն է ասում, ԾԱՐԱՎՆ ՈՒՆԵՆ ԱՐԴԱՐՈՒԹՅԱՆ, ՃՇՄԱՐՏՈՒԹՅԱՆ:

Ե.Գ. Եթե ծանոթ լինեիք Հայ Եկեղեցու գործունեությանը, ապա տեղյակ կլինեիք, որ Հայ Առաքելական Սուրբ Եկեղեցին, չնայած իր սուղ պայմանների, և չնայած նրա, ինչ որ ես գրեցի, բավականին մեծ բարեգործական միջոցառումներ է իրականացնում: Օրինակ Դուք տեղյակ եք արդյոք, որ միայն երևանում Եկեղեցու հաշվին գործում է 4-5 բարեգործական ճաշարան, որտեղ օրը 3 թե 4 անգամ սովյաները կերակրվում են: Ու նմանատիպ շատ ու շատ այլ միջոցառումներ:

ԵԹԵ ՄԻ ԲԱՆԻՑ ՏԵՂՅԱԿ ՉԵՔ, ՄԻ ՇՏԱՊԵՔ ՁԵՐ ԲԱՄԲԱՍԱՆՔՆ ՈՒ ՉԱՐԱԽՈՍՈՒԹՅՈՒՆՆԵՐԸ ՏԱՐԱԾԵԼ, ԱՌԱՎԵԼ ԵՎՍ ԵԿԵՂԵՑՈՒ ՆԱԿԱՏՄԱՄԲ: ԴԱ ՍՐԲԱՊՂԾՈՒԹՅՈՒՆ Է:
ՍԱ Է ԿՈՐԾԱՆՈՒՄ ՄԵՐ ԱԶԳԸ:
ՀԵՐԻՔ Է ՍԵՐԻԱԼՆԵՐ ՆԱՅԵՔ:


Ավելացվել է 7 րոպե անց

Չգիտեմ` ինձ հետ կհամաձայնեք, թե ոչ, բայց ոչ թե քրիստոնեությունը պահեց մեր ազգը, այլ եկեղեցին: Դրանց միջև տարբերությունը բացատրելը մի քիչ դժվար է, բայց հուսով եմ հասկացաք` ինչ էի ուզում ասել:

Շատ դժվար է Հայ Եկեղեցու պարագայուն իրարից զատել եկեղեցին և քրիստոնեությունը: Բառիս ոչ ուղղակի իմաստով դրանք նույն բանն են: Եկեղեցին, կարծում եմ, քրիստոնեության նյութական արտահայտումն է: /մի քիչ գեղեցիկ չստացվեց, բայց հույս ունեմ, ինչպես Դուք, հասկացաք միտքս/:

[Լ.յ.ո.վ.]

Օրինակ Դուք տեղյակ եք արդյոք, որ միայն երևանում Եկեղեցու հաշվին գործում է 4-5 բարեգործական ճաշարան, որտեղ օրը 3 թե 4 անգամ սովյաները կերակրվում են: Ու նմանատիպ շատ ու շատ այլ միջոցառումներ:

Շատ գովելի է: Ես անգամ պատկերացում չունեի, որ Հայաստանում նման բան է հանարավոր:
Փաստորեն դեռ ամեն-ինչ կորած չէ: