Ակումբցիների առաջին տպավորություններն իրար մասին

[քաղաքացի]

Պատմեմ իմ առաջին հանդիպումը «ԴԱՐ» ակումբի անդամների հետ:

Օգոստոսի վերջն էր 2006 թիվ, մտա forum.dar.am ու հայտվեց մի էջ, որտեղ ասվում էր, որ այսուհետև «ԴԱՐ» ակումբի հասցեն www.akumb.am է: Մտա միքիչ նայեցի, հետո աչքս ընկավ Հանդիպում թեմային: Այդ ժամանակ բոլոր ընկերներս բանակ էին գնացել, տուրիստ ընկերներս էլ ամսի 29-ին թռնում էին իրենց երկրները: Ամսի 29-ին առավոտյան գնացի օդակայան, ճամփեցի, հետ եկա միքիչ քնեցի ու արթնացա իմանալով, որ արդեն օգոստոսի 30-ն է և այդ օրը ակումբի հանդիպման պիտի գնամ: Մի խոսքով ժամը 17:00-ին Թումանյանի արձանի մոտ շոգից տժում էի: Սպասեցի մոտ 2 ժամ՝ մարդ չկար : Կատաղել էի ու արդեն որոշել էի թե ինչ բովանդակության գրառում պիտի անեմ: Մինչ ինտերնետ մտնելը գնացի ընկերոջս տուն, միքիչ հաց կերա ու պատմեցի թե ինչ անպատասխանատու մարդիկ են: Բարեբախտաբար ընկերոջս մայրը ինձ հիշեցրեց, որ ոչ թե ամսի 30-ն է, այլ 29: Սիրտս հանգստացավ:

Հաջորդ օրը՝ օգոստոսի 30-ին, ժամը 17:00-ին գնացի Թումանյանի արձանի մոտ: Հեռվից տեսա, որ արդեն մի քանի հոգի հավաքվել էին:
Սկզբից գնացել էի նրանց կողքը ու ձայն չէի հանում Հետո զգացի, որ խոսում էին, թե ինչպես մի աղջիկ (այնտեղ նսածներից) Գերմանյայում անցկացրել էր իր վերջին 1 ամիսը: Հիշեցի, որ ֆորումում կար մի աղջիկ ում անունը Բյուրակն էր և պիտի հենց այդ օրը Գերմանիայից հասներ Երևան:
Մոտեցա հարցրեցի.
- Կներեք, դուք ակումբի՞ց եք:
- Հա
պատասխանեցին 3 հոգի: Հետո իմացա, որ այդ 3-ը Otar-ը, Բյուրակնը և Սահակն էին: Սկզբում չգիտեր ինչպես ներկայանամ՝ քաղաքացի՞, թե Սասուն: Գնացի մոտիկ և Սահակի ձեռքը սեղմելով ասացի.
- Սասուն:
- Սահակ, իսկ մականունդ ի՞նչ է:
- քաղաքացի:
Բոլորը անհասկանալի հայացքով վրաս էին նայում: Երևի չէին լսել, ո՛չ անունս, ո՛չ էլ մականունս:
Եկավ Անահիտը՝ այն ժամանակ Uluana-ն: Հետաքրքիր տպավորություն էր թողել իմ վրա: Ես նրան ավելի աշխույժ էի պատկերացնում, ավելի չաղ, բայց դե սիրում եմ, որ սխալվում եմ:
Հետո եկավ Արշակը: Չգիտես ինչու բոլորին բարևեց բացի Ուլուանային:
Խոսակցության ժամանակ պարզվեց, որ Արշակը Ուլուանայի եղբայրն է: Այդ ժամանակ եկավ Մասսագետը՝ Հովոն կամ այն ժամանակ Մրրիկ: Հավեսով տղա էր, ինձ ավելի հոգեհարազատ թվաց մնացածից: Նա էլ, բոլորին բարևեց, աղջիկներին պաչեց հերթը հասավ Բյուրակնին ու սկսեց ձեռ առնել: Մտածում էի երևի ընկեր ընկերուհի են դրա համար էլ շատ սիրելուց այլևս իրար չեն պաչում, կամ էլ ուզում են միտումնավոր խանդի տեսարան առաջացնեն: Հետո պարզվեց, որ կրկին քույր եղբայրներ են:
Հետո եկավ Հովսեփը, Kita-ն, Arisol-ը, Kiki-ն, Լիաննան, Մելիքը, StraNick-ը:
Հենց սկզբից շփվեցի Հովսեփի ու Սահակի հետ: Սահակը զարմանալի տպավորություն էր թողել իմ վրա: Նա ԱՄՆ-ում ուսանում է: Հետաքրքիր էր, որ և՛ ԱՄՆ-ում, և՛ Երևանում մենք հարևաններ դուրս եկանք:
Ակումբը շարժվեց դեպի մանկական երկաթուղի: Այնտեղ ես ու Սահակը գարեջուր խմեցինք ու լավ տպավորվել էր այն, որ Սահակը ինձ հարցրեց արդյո՞ք իրավունք ունենք դրսում գարեջուր խմել (ԱՄՆ-ում դա արգելված է):
Նստեցինք գնացքի անշարժ վագոնում և որոշեցին մաֆիա խաղալ: Դե ինչպես միշտ մաֆիա է ընկնում այն խաղացողը, որը երբեք մաֆիա չի եղել և մաֆիայի կանոններին այնքան էլ տեղիակ չէ: Ես, Սահակը ու չեմ հիշում ով մաֆիա էինք: Իհարկե մաֆիան պարտվեց: Սկզբում խաղը վարում էր StraNick-ը: Հետո բազմաթիվ խնդրանքներով նրան փոխարինեց Մելիքը, որն ի դեպ շատ ավելի վատ էր վարում

Մութն արդեն ընկել էր ու բավականին սոված էինք: Գնացինք Square One որտեղ խոսեցինք ու կերանք: Սահակը ու Հովսեփը շուտ գնացին: Kiki-ին ու Arisol-ին մինչև վերջ իրար խառնում էի
Երբ արդեն իրար լքում էինք, Նարեն՝ Arisol-ը ասաց, որ ինքը մի քանի օրից պիտի գնա Կապան, քանի որ նրա դասերը սկսվում էին ու հենց այդ պատճառով ցանկացավ և հրավիրեց բոլորիս հաջորդ երուշաբթի կրկին հավաքվենք, որ մի լավ «հաջող» ասենք:

Երկուշաբթի՝ սեպտեմբերի 1:
Նույն տեղը, նույն ժամին, սակայն արդեն ուրիշ դեմքեր: Սահակը արդեն ԱՄՆ-ում էր, հայտնվեցին նոր դեմքեր՝ Poet, Messia, Artgeo: Հետո իմացա, որ Artgeo-ն նոր էր ժամանել Վրաստանից ու ինքը ակումբի ամենասիրված անդամներից մեկն է և հենց դրա համար ավելի շատ մարդ կար քան նախորդ անգամ:
Poet՝ ջրիկ, մրիկ առաջին կուրսեցի էր:
Messia՝ հաջորդ օրը ակումբից հեռացվեց: Չափից դուրս ջրիկ էր, բավականին տհաճ ջրիկություն:
Artgeo` ջրիկ, բառի բոլոր իմաստներով: Հենց սկզբից ինձ ձեռ էր առնում: Ասում էր «Բարև ձեզ, ձեր անունը ի՞նչ է: Ակումբի՞ց եք: Ես էլ եմ ակումբից: Ինչու՞ ես եկել հանդիպման» և նման այլ պրիմիտիվ հումորներ ուներ:
Կռիվ անելու մտադրություն երբեք չառաջացավ:

Սրանք էին իմ առաջին 2 հանդիպումները: Ամենից շատ Մասսագետին ու Մելիքին սիրեցի: Ինչ-որ «տեսանկյունից» իրար նման էինք

Այդ հանդիպումների նկարները կարող եք նայել հետևյալ հղումներով՝
Օգոստոսի 30
Սեպտեմբերի 1

[Taurus]

վերջերս ծանոթացա ակումբևս 3 անդամի հետի

Աթեիստ- Դուրս եկավ, շատ անմիջական տղայա, միշտ ուրախ ա, ու ամեն առիթով պահեստային անեկդոտ ունի
Belle - Շատ ամաչկոտ աղջիկ է, երևի վախենում է ակումբցիներից, դրա համար էլ ընկերուհիների հետ էր եկել, որոնցից մեկը "բոյվոյ" (խնդրում եմ չխառնել, բոյը ստեղ կապ չունի) աղջիկ էր երևում:
Երկնային - Քիչ էր խոսում, բայց նրա հմայիչ ժպիտի տակ մի բան թաքնված էր, կամ իմ նման մնացածի վրա ծիծաղում էր, կամ էլ .... չգիտեմ

[Belle]

վերջերս ծանոթացա ակումբևս 3 անդամի հետի


Belle - Շատ ամաչկոտ աղջիկ է, երևի վախենում է ակումբցիներից, դրա համար էլ ընկերուհիների հետ էր եկել, որոնցից մեկը "բոյվոյ" (խնդրում եմ չխառնել, բոյը ստեղ կապ չունի) աղջիկ էր երևում:

լավ ասիր "բոյվոյ": Ճիշտ ես նկատել: գիտեի, որ էս կարգի մի բան կգրես: բայց ասել էի չէ, որ վախս կապ չունի իրենց գալու հետ: Չնայած, իսկականից, շատ էի վախենում:

[Երկնային]

Երկնային - Քիչ էր խոսում, բայց նրա հմայիչ ժպիտի տակ մի բան թաքնված էր, կամ իմ նման մնացածի վրա ծիծաղում էր, կամ էլ .... չգիտեմ

ոչ ոքի վրա չէի ծիծաղում, էնպես որ կամ էլ ...

պարզապես բոլորդ էլ շատ հաճելի էիք ու դուրս եկաք

[Ուրվական]

Ես էլ պատմեմ իմ առաջին տպավորությունների մասին: Ուրեմն, դե, առաջին չկայացած հանդիպման մասին չպատմեմ, այդ մասին մարամասն կգտնեք “Հանդիպում2” թեմայում: Ուրեմն, առաջին հանդիպումս մոտ մեկ տարի առաջ էր (վախ, իմ արև): Ես ու Նորոն գնացինք SQ1: Ուրեմն, սպասի, հիշեմ. Մելիքն էր, Կիտան, Արշակը, Ուլուանան, հա, մեկ էլ Արտգեոն: Հետո Ֆայրգիրլը եկավ: Կիտային հենց սկզբից շատ սիրեցի, գիտեի, որ հավեսով աղջիկ ա, մենակ, որ խոսալուց անընդհատ ասում էր` “ա” չէ, “է”, այ էդ դուրս չեկավ: Մելիքի մասին նախքան հանդիպելս արդեն լավ կարծիք էր ձևավորվել, որն ամրապնդվեց: Ափսոս, որ չհասցրեցինք շատ շփվել: Անահիտին ոնց պատկերացնում էի, տենց էլ կար. որ Նորոն ծանոթացրեց, դե ասեցի, հա, ոնց կարող եմ չճանաչել: Ի դեպ, Անահիտ ջան, էն եզակի մարդկանցից ես, որոնց մասին, նախքան քեզ տեսնելը, մեր մեջ խոսելուց, ասել ենք` կարգին աղջիկ ա: Արշակը որպես շատ հանգիստ տղա տպավորվեց, ու էլի խելոք նստած էր, մեկ էլ Բյուրը եկավ, ահավոր ջղայնացած էր, Արշակի հետ չգիտեմ ինչ էր խոսում, մեր վրա չնայեց էլ: Ճիշտը որ ասեմ, Բյուր ջան, հեչ լավ չզգացի: Հիմա անցանք Արթուրին: Էն ակումբում ստեղծած, իր բառերով, բոբո կերպարից բան չէր մնացել: Ամենաշատը իրա հետ շփվեցի: Արա, չէ, սպասի, Հովսեփը կողքս նստած էր, իրա հետ էլ լիքը ֆուտբոլից ու ինստիտուտ ընդունվելուց խոսացինք, ճիշտն ասած, Հովսեփը խելացի տղայի տպավորություն հենց սկզբից թողեց, բայց չէի մտածում, որ տարիքով այդքան փոքր կլինի: Արթուրը մի քանի հատ պրովակացիոն հարց տվեց, օրինակ, որ հիմա քեզ Մասիսը տան, կհրաժարվես Արևմտյան Հայաստանից, և այլն: Քաղաքականությունը չկարողացանք շրջանցել, ու Արթուրի այն հարցին, թե որ կուսակցությանն ես համակրում, ես տվեցի հանրապետականի անունը: Զգացի, որ Արթուրը լռվավ, ու սեղանին լռություն տիրեց մի պահ: Բայց շաաաաատ լավ էր: Հետո գնացինք տուն: Հլը որ էսքանը, էլի լիքը մարդիկ կան, որ պետք ա գրեմ:
Լավ, մի հոգու էլ գրեմ: Արտգեոին առաջին անգամ տեսա, երբ ինքը պետք ա գնար Վրաստան, անցած տարի` ամռանը: Իրար հետ ահագին խոսեցինք, ահագին հարցերի շուրջ, հավեսով տղու տպավորություն թողեց: Մենակ ինչ-որ հիշողության հետ կապված պրոբլեմներ ուներ, բայց, երևի հիմա ամեն ինչ նորմալ ա:
Հեսա կհարցնենք, ոնց ա, որ Արթուրի մասին երկու անգամ գրեցի: Իրեն հարցրեք, կասի:

[Ծով]

Anul; Առաջին անգամ տեսա մեր լսարանում։ Հենց սկզբից մտածեցի՝ էս ով ա էս սիրուն աղջիկը։ Ընկերներս ծանոթացրին ու պարզվեց մինչև ես տեղափոխվեցի էդ ֆակուլտետի էդ ճյուղ, ինքն արդեն տեղափոխվել էր էն ֆակուլտետի էն ճյուղ։ Այդպես մեր խաչմերուկները բաժանվել էին, բայց չէին խոստացել առանց ծանոթացնելու «բաժանել» մեզ։ Ուրեմն դասը սկսվեց։ Սկզբում մոռացա նոր ծանոթիս գոյության մասին, քանզի տարված էի պանիրը հացի մեջ տեղավորելով ու էրեխեքին բաժանելով։ Մեկ էլ շրջվեցի, էլի տեսա իրան ու տխրեցի, որ մեր պանիր-հացից ինքն էլ ա ուտելու, բայց կուլտուրային զոհ գնալով առաջարկեցի։ Բարեբախատաբար մերժեց, ու չեմ հիշում, թե իր չնախատեսված բաժինը ով կերավ։ Նյարդերիս վրա ազդեց կչկչոցը, երբ որ կոլան թափեցի շորիս վրա
Մեկ էլ Անուլը իմացավ, որ ես շտապում եմ ու պիտի մի բան անեմ, դասից թռնեմ, գնամ թատրոն։ Ես սկսեցի հազալ ու իբր վատ եմ պայուսակով դուրս եկա՝ էլի չհաշտվելով նոր ծանոթուհուս ծիծաղի հետ։
Լավ...լուրջ...շատ ջիգյարով աղջկա տպավորություն թողեց ու զգացվում էր, որ պանրից համով ա
Բայց ամենահետաքրքիրը, որ այդ ժամանակ մտքիս ծայրով անգամ չէր անցնում, որ ակումբից ա։ Հետո Բյուրը հարցրեց՝ ինչի եմ դասերի ժամանակ կոլա խմում ու սկսեցի մանրից ջոկել
Իսկ ես Անուլին սիրեցի ակումբում ու ուրախ եմ, որ իմ կուրսից չի
Մի կուրսից երկու ակումբցի շատ կլիներ
Շարունակելի.../կլինեն նաև անակնկալներ...լօօօօօլ/

[Grieg]

զգացվում էր, որ պանրից համով ա

տենց բան կարա լինի? պանրից?համով?

[Taurus]

Ann87, մի քանի րոպե եմ տեսել, ավելի ճիշտ չեմ տեսել, կեղքս էր նստած, անհարմար էր նայեի, բայց զգացի որ շատ բարի մարդ ա, ու ավելի շատ սիրում ա լսել, քան խոսել, կամ էր մտածում էր

[Anul]

տենց բան կարա լինի? պանրից?համով?

յաաաա, կասկածում ես??

Ավելացվել է 1 րոպե անց

Մի կուրսից երկու ակումբցի շատ կլիներ
Շարունակելի.../կլինեն նաև անակնկալներ...լօօօօօլ/

էտ ով է, Ծով?

[Ծով]

յաաաա, կասկածում ես??

Ավելացվել է 1 րոպե անց


էտ ով է, Ծով?

ինչւ ով...եթե մենք լինեինք հիմա նույն կուրսիս, կլինեինք նաև նույն ակումբից։ Վտանգավոր ա

[Ծով]

ինչը՞ ով...եթե մենք լինեինք հիմա նույն կուրսից, կլինեինք նաև նույն ակումբից։ Վտանգավոր ա

... շատ էի ուզում ուղղել

[Ann87]

Ann87, մի քանի րոպե եմ տեսել, ավելի ճիշտ չեմ տեսել, կեղքս էր նստած, անհարմար էր նայեի, բայց զգացի որ շատ բարի մարդ ա, ու ավելի շատ սիրում ա լսել, քան խոսել, կամ էր մտածում էր

ուղակի ես չխոսկան եմ ի տարբերություն քեզ ես լավ էլ նայեցի նկարներում նման չես քեզ

[Սերխիո]

Երեկ որոշեցի գնալ հանդիպման մի քիչ հոգնած էի ,բայց հավես կար...
Ասեմ նախապես ,որ չէի սպասում, որ լավ կանցնի , բայց դե փորձը փորձանք չեղավ
Առաջինը Բաբաջանյանի արձանի մոտ հանդիպեցի Հայկոին ,չէի ճանաչում ,բյաց զգացի ,որ ինքը ակումցի ա,մոտեցա ու պարզվեց Ռոմայի երկրպագուն ա, գլխարկով էր` հակառակ դեպքում բակերից կճանաչեի / ես էլ ջահել ժամանակ սիրում էի պահել/ասեմ ,որ նրա ամաչկոտությունը էրոտիկ պատվածքներից հետո անհավատալի էր ,բայ դե Հայկոն ունի ամենալավ մարդկային հատկանիշներից մեկը`համեստությունը
Հետո եկավ Սասունը ,իրա հետ ամառը հանդիպել էի <<Կառուզո>> սրճարանում, ու ասեմ որ այս հետքրքիր ու հրաշալի անձնավորությունը լավ հիշողություն էլ ունի ,քանի որ նոյեմբերի 16-ի Լ.Տ.Պ-ի միտինգին ամբոխի մեջ միանգամից ճանաչեց Լ.Տ.Պ.-ի միտինգի նկատմամաբ անտարբեր իմ դեմքը: Այնուհետև տեսա Վերոնիկային ,որ կլանված հեռախոսազրույց էր վարում ,մի տեսակ ամրապնդեց իմ` իր նկատմամաբ ունեցած կարծիքը ,որ մեծամիտ աղջիկ է, բայց դե ամեն ինչ հակառակում ապացուցվեց ,շատ շփվող , կատակասեր, ջերմ անձնավորություն է, դաժը վերջում պաչիկ արեցիք միմյանց
Անուլին տեսել էի մեր սև շենքում և իրա Աստվածամոր դիմագծերը տպավորվել էին հիշողությանս մեջ, այդ համով դեմքը տեսելուց հետո ,երբեք չես մոռանա այն
Իմ հանդիպման գալ-չգալու հարցը դուրս եկավ օրակարգից ,երբ իմացա, որ մասնակցելու է իմ համար ամենասիրելի վիրտուալ անդամը` Սելենը : Ես Մերիի մասին այլ կարծիք ունեի ,որ լավ անձնավաորություն ա, բայց...այդքան լավ ? մի խոսքով կյանքի կտոր ,կարող ես խոսալ,խոսալ,խոսալ,խոսալ ու դեռ զգալ ,որ այդ մարդու հետ դեռ ցանկություն ունես շփվելու ,Ֆանտաստիկ լավ անձնավորություն է. ՀՐԱՇՔ :
Գոգան` Մերիի քույրիկը մի քիչ պասիվ,բայց հետքրքիր աղջիկ է, երևի պասիվությունը բացատրվում էր անտրամադիր լինելու փաստով : երկու քույրերն էլ գեղեցկուհի էին
Անն87 հետ նույպես շատ էի ուզում ծանոթանալ ,բայց , ցավոք, շուտ գնաց և ծանոթությունը հետաձգվեց ,հասցրեցի միայն ողջունել:
Շատ հետաքրքիր էր իմ համար Իմաստասերի հետ ծանոթանալը ,քանի որ նույնպես մեծամիտ մարդու տպավորություն էր թողել`իրեն համարելով ինտելեկտուալ էլիտայի ներկայացուցիչ ,և պարզվեց , իրոք ինտելեկտուալ է, բայց միաժամանակ կենսուրախ ,շփվող և գարեջրի մեծ սիրահար
Աթեիստը սպանեց իրա անեկդոտներով ,ապրես ,իսկապես միջավայրը լցրցիր քո հումորով ,մեկել արագ-արագ էր խսում , որ շատ գովելի է, սիրում եմ ,երբ մտքերը խոսքերից առաջ են ընկնում ,քնած խոսացողների չեմ սիրում:
Բագարտը ահավոր համեստ ու խելացի մարդու տպավորություն թողեց, չնայած որ հասակակցիներ էինք, բայց մի 10 տարի մեծ էր երևում իմ համեմատ / ես լավ եմ պահապանվել/
Նորմարդի հետ ահագին խոսեցինք տրանսպորտում ,խելացի մարդ է,կյանքի բավիղում ճիշտ ճանապարհ է ընտրել ,մենակ ֆուտբոլում սխալ է կողմնորոշվել :
Տաուրոսը ևս ֆուտբոլի հոտ խնդիրներ ունի ,բայց հավեսով , հետաքրքիր, ուրախ տղա ա:
Արսենը կիրթ, համեստ մի քիչ էլ ամաչկոտ մարդու տպավորություն թողեց ,բայց մարդատ միաժամանակ
Երվանդը ուտող -խմող ,քիֆչի տղու տապավորություն թողեց
Երկնայինը մի տեսակ վատառողջ էր ,բայց դե ճիշտ են ասում ,որ բրյուսովցիները գեղեցկուհի են `նա վառ ներկայացուցչուհին էր ,պուպուշ աղջիկ էր
Անյուտը`Լապտերիկը ,քաղցր թուշիկներ ուներ, ուզում էի համբուրեի թուշիկը ,բայց մտածեցի առաջին անգամ հարիր չի
Հետո եկավ Բյուրակնը մի քիչ հեռու էր պահում իրեն ,բայց դե անմիջական մթնոլորտ ստեղծելու համար ,սկսեցի բժշկությունից խորհուրդներ հարցնել ,թե ոնց չաղանանք և ստացա մասնագիտական պատասխանները, ապրես
Կիտային նույնպես տեսել էի <<Կառուզոյում>>բայց ինքը ինձ չհիշեց ,իմացա նաև ,որ չի սիրում ,երբ իրեն Տաթևիկ են ասում բայց ընկերսեր թվաց :



Հ.Գ,
Շատ էի ուզում ծանոթանալ Ուրվականի` Գոռի հետ ,ավա~ղ

[Cassiopeia]

Այնուհետև տեսա Վերոնիկային ,որ կլանված հեռախոսազրույց էր վարում ,մի տեսակ ամրապնդեց իմ` իր նկատմամաբ ունեցած կարծիքը ,որ մեծամիտ աղջիկ է, բայց դե ամեն ինչ հակառակում ապացուցվեց ,շատ շփվող , կատակասեր, ջերմ անձնավորություն է, դաժը վերջում պաչիկ արեցիք միմյանց

Ես միշտ էլ գիտեի, որ ֆորումում մեծամիտ ու գոռոզամիտ տպավորություն եմ թողել, ու միշտ զարմանում էի, որ այդ մասին չէր բարձրաձայնվում: Պետրոս ջան, շնորհակալություն անկեղծության համար: Մենակ չեմ հասկանում, թե հեռախոսով խոսելը ո՞նց կարող էր մեծամտության ապացույց լինել

[Սերխիո]

Մենակ չեմ հասկանում, թե հեռախոսով խոսելը ո՞նց կարող էր մեծամտության ապացույց լինել

դե մի տեսակ անտարբեր էիր նայում ,երբ ես ու Հայկոն խոսում էինք ու տեսնելով ,որ ես ակումբի նորեկ եմ , իմիջայլոց ծանոթացար ,ամենասառը ծանոթությունն էր կյանքիս մեջ