Թավշյա հեղափոխություն. փողոցային պայքարից հետո

[Chuk]

Չուկ ջան, ինչ պաշտոնավարում ա, կարծես կրթական ոլորտում ԱԱԾ-ի թևը լինի։ Հա, հասկացանք կոռուպցիա կա, բան, բայց կրթության ոլորտում տոննայով ուրիշ հարցեր կան, որ պաշտոնափոխություններից բացի տեսլականներ ու մտածելակերպի փոփոխություն են պահանջում։ Ու Այբ-ի մոմենտով էլ հեչ վարքը սրտովս չէր։ Ու այս հարցում էլ, նույնիսկ եթե այդ պաշտոնը արդեն իրավականորեն Դեմոյանինը չէր, այդ ինստիտուտը դեմոյանական ա, ու սենց չես վարվում էլի իր հետ։ Ու ճիշտն ասած իր պատասխանները ինձ այնքան էլ չհամոզեցին, որ համպատրաստի գնացել էր խնդիրներին ծանոթանալու՝ լուծելու։ Եթե իսկապես այդքան զբաղված է, ու այդ ինստիտուտը ԿԳ-ի ենթակայության կարևոր կազմակերպություններից չէր, ապա այդտեղից պիտի պատվիրակություն գար իր մոտ, ոչ թե ինքը գնար, ու երկու ոտով սենց պատմության մեջ ընկներ։ Հետո իր պատասխանը, թե որպես ԿԳ նախարար ինքը իր պաշտոնի բերումով ուր ու ոնց ուզում ա կարա ԿԳ-ի ենթակայության տակ գտնվող բոլոր տեղեր մտնի, մեղմ ասած բլթ ա։ Գոյություն ունի ակադեմիական ազատություն գաղափարը, ու քաղաքական պաշտոնյայի այսպիսի վերաբերմունքը ցույց ա տալիս, որ այդ նախարարությունը դեռ սովետից դուրս չի եկել։ Ամենափոքր մի բանը ասեմ, խոսքի ինչ-որ մեկի անձնական գրասենյակում մի ասպիրանտի գործով ղեկավարի մեկնաբանություններ-որոշումներով փաստաթղթեր են։ Սրանց լրիվ գաղտնիություն պիտի ապահովվի, այլապես գիտությունը դառնում ա քաղաքականացված ֆարս։ Ու այն որ նախարարը սենց բաներից կարծես տեղյակ էլ չի, հա, չեկիստության գարշահոտ ա տարածում։

Ծլնգ ջան, ինքը պետք ա բոլոր իր ենթակայության հիմնարկներով շրջի, ծանոթանա, քննարկի: Էդ սովետական մոտեցում չի, էդ անհրաժեշտ բան ա իրականում:

Հիմա նայի, խնդիրը գալիս ա «Դեմոյանի սենյակը մտնելուն»: Էս հարցազրույցից էդ չի հասկացվում, դրա համար սինթեզեմ էն, ինչ տարբեր տեղերից իմացել, լսել, կարդացել եմ: Հիմնականում Ազատությանը տված հարցազրույցում ասելիքս կա, բայց փորձեմ ամբողջացնել:

Թանգարանում ինքն ու Հովհաննեսը նախ քննարկում են ունեցել տնօրենի պաշտոնակատարի ու փոխտնօրենների հետ: Ասա ինձ, որտե՞ղ պետք է լիներ էդ քննարկումը, եթե ոչ տնօրենի սենյակում: Կրկնում եմ՝ տնօրենի սենյակում, ոչ թե Դեմոյանի սենյակում:

Այսինքն էդ սենյակում ուրիշ ոչինչ չի արվել, բացի աշխատանքային հանդիպումից, որին մասնակցել է այդ աշխատասենյակի իրական տերը՝ տնօրենի պաշտոնակատարը:

Դրանից հետո հանդիպում-քննարկում է եղել բոլոր աշխատողների հետ՝ արդեն խորհրդակցությունների ինչ-որ մեծ սենյակում:

Իսկ Դեմոյանն իր նամակով փորձում է պատրանք ստեղծել, թե իր անձնական տարածք են ներխուժել: Չկա տենց բան, ախպեր ջան: Էդ ինքն ա պետական հիմնարկում տարածք փորձել գրավել:



Ինչ վերաբերում ա նախարարության ընդհանուր գործելաոճին, ինձ էլ լիքը բան դուր չի գալիս: Բայց եթե խնդիրը դիտարկում եմ արտահերթ ընտրությունների պատրաստման կոնտեքստում, սաղ իրա տեղն ա ընկնում: Ոչ մեկիս համար էլ գաղտնիք չի, որ ընտրական պրոցեսների վրա ազդող մեծ գործոններից էր դառել կրթական համակարգը՝ իրա ենթակառուցվածքներով: Ու մինչ արտահերթը առաջնային խնդիր կա էս համակարգը վերաձևելու:

Եթե արտահերթից հետո նման ոճի քաղաքականություն կշարունակվի, ես էլ կլինեմ քննադատող կողմ: Իսկ հիմա ստիպված եմ համակերպվել, որ ոչ կառավարության ծրագրում նորմալ հայեցակարգ կա գիտության ու կրթության զարգացման հարցում, ոչ էլ բուն աշխատաոճում: